懷孕前後

跳至

首頁

尾頁
   13


洋房

積分: 94


發表於 19-10-14 01:40 |顯示全部帖子
本帖最後由 Memami 於 19-10-14 01:44 編輯

話說我係超怕痛,一直打算開刀生b, 但係度睇過媽媽們分享無痛分娩,攪到我又心思思... 最後我就揀咗無痛分娩喇 (純粹個人選擇,開刀順產一樣偉大架)

我係8月頭生咗阿b, 趁仲有記憶,又抽到啲時間,係度分享一下

7月31日早上,我個肚就開始好似攪肚痛咁抽住,每次痛20秒左右,隔30-45分鐘先痛一次,我以為自己食錯野,出入幾次廁所又去唔到,而且只維持係上晝時段痛... 所以我完全無諗過係陣痛...

如是者到咗下晝,我仲好悠閒地係屋企hea, 當日下晝開始掛8號,我心諗:嘩,如果呢個時候生得,都幾麻煩... 平日嘅我食好多野,但因為經歷過早上以為自己攪肚痛,我偏偏嗰日食得好少


洋房

積分: 94


發表於 19-10-14 01:43 |顯示全部帖子
Memami 發表於 19-10-14 01:40
話說我係超怕痛,一直打算開刀生b, 但係度睇過媽媽們分享無痛分娩,攪到我又心思思... 最後我就揀咗無痛分 ...

晚上沖完涼10點幾,我個肚又開始痛,今次痛長咗,每次30-45秒,隔10分鐘就痛一次... 當下完全無諗過自己生得(唔知點解嗰刻覺得未穿水未見紅就唔等於生得,我明明知道陣痛都係生得嘅先兆...)
嗰種痛已經由疑似攪肚痛變成子宮”拿”住痛。老公見我面有難色,叫我不如去醫院檢查,但嗰陣仲係8號風球,我覺得應該留係安全地方(其實係好驚入醫院),就講佢知應該瞓一覺會無事... 當我返房上床,發現根本瞓唔著... 啲痛開始好密,隔5分鐘一次,子宮仲愈黎愈”拿”,我開始怕bb 會唔會有咩事,都係去醫院穩陣(仲未醒起呢種叫作動)...
就係咁,凌晨1點就起程去浸會。


洋房

積分: 94


發表於 19-10-14 01:51 |顯示全部帖子
Memami 發表於 19-10-14 01:43
晚上沖完涼10點幾,我個肚又開始痛,今次痛長咗,每次30-45秒,隔10分鐘就痛一次... 當下完全無諗過自己生 ...

凌晨1:30左右去到醫院,真係好靜,咩都唔理馬上衝去2樓產房,姑娘們見到我嘅痛樣,一個非常快手地問我老公關於我嘅野,比幾份文件我老公填... 另一個姑娘就幫我做檢查,check下陣痛頻率,又睇下我開咗幾多度,然後佢講咗句:1度都未開
我心諗痛到咁竟然1度都無!? 當下好想對天咆哮... 當然我無咁做諗諗下,咪住,點解check 度數?! 姑娘講我知,你陣痛緊喇,隨時生得! 我嗰下完全無心理準備,我預產期係10日後喎,bk 明明好多媽媽第一胎都係遲架喎
我仲想同姑娘講可唔可以扮無事發生,我想返屋企

好眼瞓,聽日繼續


別墅

積分: 702


發表於 19-10-14 03:11 |顯示全部帖子

回覆樓主:

等分享!我都打算打無痛


別墅

積分: 569


發表於 19-10-14 09:22 |顯示全部帖子
期待分享!我都打算喺浸會無痛順産


複式洋房

積分: 128


發表於 19-10-14 12:30 |顯示全部帖子
Memami 發表於 19-10-14 01:51
凌晨1:30左右去到醫院,真係好靜,咩都唔理馬上衝去2樓產房,姑娘們見到我嘅痛樣,一個非常快 ...

樓主好攪笑呀,等你出埋下文


複式洋房

積分: 293


發表於 19-10-14 16:30 |顯示全部帖子
我將會book 浸會生

等睇你出post~


複式洋房

積分: 293


發表於 19-10-14 16:31 |顯示全部帖子
我book 12月會去浸會生

等睇樓主再出post


大宅

積分: 2907


發表於 19-10-14 16:45 |顯示全部帖子
等睇樓主再出post


洋房

積分: 94


發表於 19-10-14 23:18 |顯示全部帖子
我都係分享下經驗,等大家到時有個picture 知道大概係點


洋房

積分: 94


發表於 19-10-14 23:22 |顯示全部帖子
嗰刻我同自己講:好喇我要冷靜,隨時會生喇。姑娘開始幫我做一啲預備,如放便除毛毛抽血。
我係join無痛,所以姑娘馬上call麻醉師返黎,而我就入咗產房種豆同等麻醉師出現,嗰刻我想見麻醉師多過老公
我知自己5分鐘痛一次,所以望住個鐘,每次差唔多5分鐘我就做好多心理建設,同自己講呢種痛45秒就會過,要頂住
麻醉師好快出現,我聽佢指示將自己好似蝦米咁捲埋,然後佢係我尾龍骨位打麻醉針,開始做無痛,類似放條管入黎,過程完全唔痛,因為枝麻醉針好有效!而且好快就完成,佢會用啲冰測試下,例如放係大腿,你會覺得凍,但放係肚同子宮位就完全feel唔到凍,即表示成功



洋房

積分: 94


發表於 19-10-15 00:51 |顯示全部帖子
佢講我知無痛嘅度數有12度,而家係6度,應該唔會感受到痛... 果然,下一個5分鐘黎喇,好神奇地我感受到子宮郁動抽住,但今次完!全!唔!痛! 麻醉師完成離開,我老公就可以入黎喇

我當下開心到不得了,同我老公講真係一啲都唔痛,無痛係人類一樣好偉大嘅發明!之後我哋就同姑娘傾計,氣氛好輕鬆!

但好景不常,過咗一陣我BP突然跌咗啲,姑娘擔心我情況,將無痛由6度減到2度,5分鐘到喇,我今次感覺到痛!呢種痛難頂但勉強都可以接受,我之前嘅悠閒感完全無晒,退出佢哋傾計群組, 默默承受呢種痛,我老公未察覺到我有幾痛,仲繼續傾計講笑



洋房

積分: 94


發表於 19-10-15 00:56 |顯示全部帖子

回覆樓主:

本帖最後由 Memami 於 19-10-15 00:57 編輯

以為已經夠慘,點知呢個時候好似BB嘅BP 都跌(我唔太記得),佢哋暫時要將無痛減至0度! What!? 係咪即係無咗無痛嘅意思呀?我都未驚完但5分鐘又到,今次係好痛!我心知不妙,應該真係暫時停咗無痛,我問姑娘幾時可以加返,佢哋要睇情況,當然bb 最緊要,我情願自己痛!

因為真係好痛,佢哋比我聞笑氣!
笑氣對我黎講功用上一啲用都無,我唔覺自己因為笑氣釋出嘅野而唔痛,但另一方面心理上笑氣真係好有效!因為我怕痛,所以好專心地聞笑氣(聞笑氣要有技巧,要下一次陣痛前10秒開始聞,先會有效,我唔想自己錯過嗰10秒,所以非常專心),專心到 ignore 咗啲痛

聽日繼續


複式洋房

積分: 462


發表於 19-10-15 12:05 |顯示全部帖子
我都考慮緊無痛定開刀,等睇樓主分享


複式洋房

積分: 134


發表於 19-10-15 13:21 |顯示全部帖子

回覆樓主:

我都考慮緊開刀或無痛
不過有聽講過無痛會用錯力傷到腰
期待樓主分享 樓主打文好生鬼


別墅

積分: 502


發表於 19-10-15 13:43 |顯示全部帖子
Memami 發表於 19-10-15 00:56
What!? 係咪即係無咗無痛嘅意思呀?


睇到呢句忍唔住勁好笑

雖然阿b最重要,但由有變冇嗰下真係好似天堂去咗地獄咁


別墅

積分: 702


發表於 19-10-15 13:48 |顯示全部帖子

回覆樓主:

寫得好詳細!
繼續等


洋房

積分: 94


發表於 19-10-15 16:41 |顯示全部帖子
趁bb瞓咗,可以繼續我嘅長氣分享

突然間我嘅醫生- 岑醫生出現喇! 佢好似救世主咁出現係我眼前,同姑娘傾咗幾句,問我嘅情況,點解停咗無痛等等,唔駛幾分鐘,佢好快幫我做咗啲決定,然後好似幫我打咗枝針,我同Bb一切正常返,再set返無痛喇!(當時好攰又眼瞓,又可能因笑氣所以迷迷地,我唔完全記得佢做咗啲咩)

終於又唔痛喇!我風花雪月嘅時間又返黎喇!我以為終於可以抖下放鬆下,但過咗無耐,突然被通知我夠度數生得喇!姑娘們馬上set好野(佢哋做咩都係超快手),醫生亦埋位,全世界 ready ,一切就等我開始試生,醫生姑娘教我點生,又不停為我打氣!


洋房

積分: 94


發表於 19-10-15 16:47 |顯示全部帖子
發現通常頭幾度開得好慢,之後突然入直路開得好快架喇!

好多媽媽想知道,打咗無痛會唔會無力生?生嗰陣駛唔駛停咗無痛?或者生嗰刻會唔會痛返?答案我依然係無痛下生b, 完全唔痛!同一時間我夠力,因為醫生會指示點做,跟住做就識點發力,浸會姑娘真係好專業,佢哋會幫你搓下肚,頂住你嘅腳板底,呢啲都有助借力生b! 加上佢哋叫我老公係我耳邊幫手數呼吸節奏,大家合作無間!

攪咗成晚,早上9點開始試生,用咗40分鐘,bb 就出世喇!bb 喊聲充斥產房,我就係產房流咗第一滴淚,真係好感動,終於可以同呢個素未謀面但又親密嘅人見面喇!同埋我終於可以飲珍珠奶茶喇萬歲!


洋房

積分: 94


發表於 19-10-15 16:55 |顯示全部帖子
出世後姑娘會拎bb 去抹乾淨,而岑醫生就幫我縫針,依然唔痛,話說我呢個醫生出名開刀傷口細!雖然我係順產,但不得不讚佢嘅手勢!佢真係好快手!而我縫針後,過埋麻醉傷口只有少少痛,第2日已經唔痛

Bb乾淨後姑娘會抱佢過黎比我望下抱下影下相, 又會比bb埋身感受溫暖,然後就帶佢去補暖!

想係度再次講一次,無痛分娩真係好偉大嘅發現
另外岑醫生同浸會姑娘,真係好專業又有耐性!我好慶幸有咁好嘅團隊去幫我完成呢件人生大事

希望呢個長氣分享幫到大家!我呢個怕死又怕痛嘅媽媽做到,大家都一定得!真心建議大家宜家盡量休息多啲,產後照顧初生bb 係會攰到懷疑人生

首頁

尾頁

跳至
你需要登錄後才可以回帖 登入 | 註冊