夫婦情感

跳至

首頁

尾頁
   1


男爵府

積分: 6679

2019新春慶豚圓


發表於 19-10-14 21:09 |顯示全部帖子
angels'mom 發表於 19-10-14 20:32
我未有資格搬出去,只係個初步諗法,其實依家住呢度係新居,搬咗入嚟都唔夠一個月,我之前一路諗我根本唔 ...
仔女還好細正值青春期唔好離開佢地,佢哋需要你,冇人可代替,要走系果隻佬走,點都要同仔女一齊吖,其實我情況同你相似但我又未至於做得離開佢哋,如果隻佬唔係偷吃只平淡咗冇話題又唔算咩大錯未至於離,只系痛苦小小咁
簡簡單單,開開心心!


別墅

積分: 624


發表於 19-10-14 21:38 |顯示全部帖子
回覆 angels'mom 的帖子

好多時候男人都會逃避,所以扮冇聽過。不過樓主真係要冷靜落嚟唸好d.


複式洋房

積分: 269


發表於 19-10-14 23:02 |顯示全部帖子
KAVEN 發表於 19-10-14 21:09
仔女還好細正值青春期唔好離開佢地,佢哋需要你,冇人可代替,要走系果隻佬走,點都要同仔女一齊吖,其實我 ...

如果只係平淡咗就係小問題,係佢脾氣依家可以好差,試過喺仔女面前講粗口,我用眼神提示佢佢居然講,你望住我做咩呀?上個禮拜話個女乜你咁仆街㗎?噚晚令我最終忍唔住嘅係,佢兜口兜面手指指,話我你點做人阿媽㗎?個仔XXX你又唔教,個女XXX你又唔理,淨係理你自己。

嗰啲XXX係一啲長期嘅問題,例如個仔食飯慢已經係我嘅死罪,我以往好多時都會忍氣吞聲,自己匿埋喊,因為唔想喺小朋友面前嘈,但噚晚突然間忍唔住囉,我亦發現我匿埋喊嘅時間越來越多。


複式洋房

積分: 269


發表於 19-10-14 23:05 |顯示全部帖子
Perpersis 發表於 19-10-14 21:38
回覆 angels'mom 的帖子

好多時候男人都會逃避,所以扮冇聽過。不過樓主真係要冷靜落嚟唸好d.

佢係唔會離婚嘅,但我會開始同佢畫清界線,好好儲錢。


大宅

積分: 3602

2019新春慶豚圓


發表於 19-10-14 23:20 |顯示全部帖子
回覆 angels'mom 的帖子

你先生生意不如意,跟親戚關係唔好,做開老闆突然失業,仲中年揾工,轉行難,我相信佢亦痛苦。呢個情緒咪直接發洩係家人身上。
無錯,家人係無辜,首先你試吓學習包容,知道你已經忍耐力好高,揾一個安靜嘅時機同佢講,慢慢諗想下一定點做, 想做咩,我都支持你。

男人有時會諗,無做工,就覺得自己好無用。

因為你現在已經唔想對住佢,要依家包容佢亦好難,試吓用whatsapp 留言,等佢睇吓,比佢反思吓都好呀。

如果佢繼續無理發脾氣,你咪回佢,我知你唔開心,我選擇唔跟你嘈,大家冷靜吓。

我唔建議你離開呢個家,仔女呢個時間需要你。

你可解釋比仔女知為何爸爸會這樣,相信有助他們正面處理事情。



男爵府

積分: 6679

2019新春慶豚圓


發表於 19-10-14 23:23 |顯示全部帖子
angels'mom 發表於 19-10-14 23:02
如果只係平淡咗就係小問題,係佢脾氣依家可以好差,試過喺仔女面前講粗口,我用眼神提示佢佢居然講,你望 ...
佢可能有情緒問題,或者有冇問下佢最近工作情況,有時男人如果到一定年齡也會有情緒問題荷爾蒙失調,如果佢份人一直咁爛口咩由佢囉當佢透明,自己同仔女開心去玩由佢自己噏包佢,絕對唔好搬離間屋唔係你會好辛苦
簡簡單單,開開心心!


複式洋房

積分: 269


發表於 19-10-14 23:43 |顯示全部帖子
Belavizio 發表於 19-10-14 23:20
回覆 angels'mom 的帖子

你先生生意不如意,跟親戚關係唔好,做開老闆突然失業,仲中年揾工,轉行難,我相 ...

你所講嘅我都知,好多我都試過,有啲嘢係佢講極都唔明,佢希望仔女好,但唔明理想同現實未必一樣,成日話我做得唔好,個仔英文攞A佢都話我唔夠努力,我承認仍有進步空間,但使唔使去到咁盡呢?

同佢一齊睇精神科醫生,醫生建議佢揾朋友一齊做下運動,佢未試過已經話好難約,唔得嘅,結果完全唔試。

我都有試過留言,佢睇完一啲反應都冇,不過我覺得留咗言都係好嘅,唔好畀佢以為自己啱曬,又唔需要喺火紅火綠嘅時候講。

我之前都有喺啲仔女面前幫佢講好說話,但係啲仔女自己一路大係有眼睇嘅,我女有次同我講,佢暗示叫爸爸唔好成日鬧我,不過睇嚟冇乜用囉。


複式洋房

積分: 269


發表於 19-10-14 23:49 |顯示全部帖子
KAVEN 發表於 19-10-14 23:23
佢可能有情緒問題,或者有冇問下佢最近工作情況,有時男人如果到一定年齡也會有情緒問題荷爾蒙失調,如果佢 ...

暫時都一定唔會搬走的,不過今次係一個好機會畀佢知我感受,佢不斷貶低我我真係受唔住喇。


男爵府

積分: 5821

2019新春慶豚圓 2019勳章


發表於 19-10-15 14:20 |顯示全部帖子
回覆 angels'mom 的帖子

你C6係唔能夠面對自己的挫折而將啲憤怒發洩係你身上,刷存在感

其實你已經好叻,真心,比我唔會忍,即使有小朋友,因為我覺得小朋友係會有眼見,會學,父母係role model,我唔想自己小朋友將來都係咁樣待人接物,影響太深遠,所以如果我C6係咁,經過溝通都無辦法解決,我會頭也不回咁同仔女離開

樓主,依家只能祝福你,希望你盡快可以同仔女一齊離開


別墅

積分: 542


發表於 19-10-15 18:43 |顯示全部帖子
佢咁既脾氣,你真係放心仔女跟佢咩?
你仔女既年紀足夠明白你同你老公之間既問題
我覺得你應該坦白,直接問仔女想跟邊個,而唔係私自決定佢地既去向
或者佢地寧願跟你捱,都唔要跟個衰老豆呢


別墅

積分: 624


發表於 19-10-15 19:39 |顯示全部帖子
回覆 angels'mom 的帖子

樓主其實面對緊幾方面困難,每一樣都令人好難受。睇睇可以怎解決:1. 做開老板嘅C6提早退休,要適應
2. 小朋友正值反叛期
3. 自身身體健康
做開老板都會自視甚高,而且過往都應該係樓主聽從C6意見比較多,但C6未必真係好實質地參與家庭打理細節。夫婦關係一直都唔係平等。已經十幾年,好難改變得到,而且正值C6退休,如果而家稍為追求夫婦平等佢應該反應更大。樓主可以睇一睇有關退休心態嘅書,如果可行最好搵輔導。C6自己冇意識嘅話,樓主單方面好難改變局面。

小朋友反叛期,樓主可以參考下少年成長版面,睇睇有冇意見可以參考。


複式洋房

積分: 269


發表於 19-10-16 00:03 |顯示全部帖子
HOPEFORBB 發表於 19-10-15 14:20
回覆 angels'mom 的帖子

你C6係唔能夠面對自己的挫折而將啲憤怒發洩係你身上,刷存在感

你講得好啱,我仔有時無端端講衰仔,係開玩笑式嘅,我問佢做乜講衰仔,佢話係爸爸有時咁叫佢,我問佢咁你鍾唔鍾意爸爸咁叫你,佢話唔鍾意,我都唔希望佢開玩笑式將呢啲說話掛咀邊,我哋兩個嗌交都係好差嘅role model


大宅

積分: 3176

2019新春慶豚圓 2019勳章


發表於 19-10-16 00:05 |顯示全部帖子
angels'mom 發表於 19-10-14 20:32
我未有資格搬出去,只係個初步諗法,其實依家住呢度係新居,搬咗入嚟都唔夠一個月,我之前一路諗我根本唔 ...

點解唔想搬?


複式洋房

積分: 269


發表於 19-10-16 00:17 |顯示全部帖子
Emmyy 發表於 19-10-15 18:43
佢咁既脾氣,你真係放心仔女跟佢咩?
你仔女既年紀足夠明白你同你老公之間既問題
我覺得你應該坦白,直接問 ...

佢對仔女係錫嘅,不過就太有要求囉。

根本唔需要問,二選一兩個一定會想跟我,其實依家都未諗掂,大女之前已經知我有諗過離婚嘅,細佬今日已經好似完全冇發生過任何事情咁,男仔真係比較遲熟。


複式洋房

積分: 269


發表於 19-10-16 00:43 |顯示全部帖子
Perpersis 發表於 19-10-15 19:39
回覆 angels'mom 的帖子

樓主其實面對緊幾方面困難,每一樣都令人好難受。睇睇可以怎解決:1. 做開老板嘅C ...

家姐嘅反叛期算係非常唔反叛㗎喇,最多只會駁下咀,駁我咀更加少之又少。

細佬未正式反叛,暫時仍受控,不過好多人都講得啱,如果由爸爸接手問題可大可小。

肯定C6係冇意識改變嘅,揾乜輔導都冇用,佢一向都唔聽人意見嘅,呢樣嘢就咁多年都冇乜點變。

其實佢今日晏晝whatsapp我,其中話我唔附和佢對仔女嘅管教,皆因我唔認同囉,例如佢鬧女嘅時候希望我幫口,但我覺得一個人鬧已經夠啦,佢就會當住仔女面前鬧埋我,即使之後我同佢解釋番佢都會覺得自己一啲錯都冇。

每個人都一定會犯錯嘅,C6自己有嘢錯的話,我話佢就係我吹毛求疵,仔女做錯佢就放到好大,個個都辛苦。


複式洋房

積分: 269


發表於 19-10-16 00:47 |顯示全部帖子
monchhichijoyce 發表於 19-10-16 00:05
點解唔想搬?

唔係唔想搬,係暫時未有資格搬。

如果你係講今次嘅搬屋,我唔想搬入嚟係因為我唔覺得呢個係我個家。


別墅

積分: 624


發表於 19-10-16 12:23 |顯示全部帖子
回覆 angels'mom 的帖子

唔太鼓勵樓主輕言放棄小朋友撫養權/離開呢個家。因為好多時候同一句說話重複係內心同自己講太多次,自己會不知不覺間朝呢個方向行動。去到呢個年紀,小朋友好多時候都會成為自己生活嘅動力。
反而樓主可以計劃/設想下小朋友大個之後(例如細仔22歲), 自己打算怎樣過。一步步嚟,俾個目標自己。雖然有時會有偶然事件改變原本計劃,但有個長遠目標應該好過將所有注意力放係眼前困境。無論C6有冇改變都好,調整下自己對C6嘅期望,可能自己冇咁辛苦。


P.S.樓主話唔覺而家呢個家係自己屋企。會唔會係因為呢個屋企所有設計都係按照C6意思?如果短期內改變唔到嘅話,少d唸呢個屋企d衰嘢,應該會好過d。


王國會長

積分: 23895

2019新春慶豚圓 2019勳章 畀面勳章 wyeth冷知識勳章 王國會長 環保接龍勳章 BK猜猜猜慶中秋


發表於 19-10-16 14:56 |顯示全部帖子
樓主, 其實你同C6嘅問題, 似乎係佢鬧你嘅問題, 但我想問問你, 你哋中間仲有愛嗎?
每日望住佢哋就充滿力量啦!


複式洋房

積分: 269


發表於 19-10-16 21:47 |顯示全部帖子
Perpersis 發表於 19-10-16 12:23
回覆 angels'mom 的帖子

唔太鼓勵樓主輕言放棄小朋友撫養權/離開呢個家。因為好多時候同一句說話重複係內 ...

多謝你嘅意見,我都明白你嘅睇法,而我亦唔希望放棄小朋友撫養權,不過已經去到一啲位令我提出咗離婚。

我依家時常提心吊膽,擔心唔知幾時C6會發癲,我亦知佢鬧我係自覺或不自覺咁想貶低我,我感覺真係十分難受,已經會自殘來懲罰自己,所以我都想自救。

我知道暫時未能搬走同離婚,所以唯有頂硬上,我都希望揾啲方法幫下自己,我會試下你嘅建議。

我唔覺得呢度係自己屋企,你講嘅原因其實只係好少事,我一早預咗會係咁,問題係連我自己要擺放嘅嘢都要管,對我有紀念價值有意義嘅嘢我C6都會話冇用應該掉,假如屋企只係有我嘅生活必須品,邊會有「家」的感覺呢?


複式洋房

積分: 269


發表於 19-10-16 21:50 |顯示全部帖子
vickymok717 發表於 19-10-16 14:56
樓主, 其實你同C6嘅問題, 似乎係佢鬧你嘅問題, 但我想問問你, 你哋中間仲有愛嗎? ...

我覺得冇,有嘅係責任同承諾,佢話有嘅,但我完全見唔到亦感覺唔到。

首頁

尾頁

跳至
熱門主題
結婚為咩 ... 2 3 4 5 6 .. 9
你需要登錄後才可以回帖 登入 | 註冊