吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 求子路艱難,失望,痛苦

懷孕前後今日: 13|主題: 329668

收藏本版

發帖

返回列表

跳至頁

查看: 6769 | 回覆: 23

求子路艱難,失望,痛苦

wintermamamama

大宅

積分: 3606

發表於 19-10-15 09:49 |顯示全部帖子

本人29歲,已經有一個2歲半既女
有少少長, 唔好意思
如果有相同經歷既JM, 又唔介意重提舊事, 可唔可以同我分享一下?

今年3月尾懷孕了,非常開心,因為可以如願以償追到豬BB,好感激上天咁眷顧我

4月中試過肚痛,去左廣華醫院急症室
急症室check完,同我講無事,仲隱約聽到BB既心跳

去到5月3日,大約9週左右,我好記得呢一日,兩公婆滿懷希望去照超聲波,好想一齊聽日BB既心跳
一照, BB無長大, 停留左係6週幾, 無心跳
聽日之後呆左, 我知道呢個現象好常見, 但無諗過真係發生係自己身上
醫生寫紙,俾我入醫院做流產

咁我就去左聯合醫院, 做左D網上資料搜集, 好多人都話塞藥無咁傷身, 我就選擇左塞藥
姑娘幫我塞左一粒藥就叫我返屋企了, 俾左一星期病假我
點知呢個星期完全無反應, 唔肚痛, 唔流血, 只係等.....
我好擔心, 就去左睇中醫, 中醫開左D排胎既藥俾我, 食完中藥開始流血, 但唔多
食左一個星期左右,中醫放左假, 我都無得繼續覆診
血量開始愈來愈多, 好似黎M咁, 夜晚要起身換M巾
到左5月18日凌晨, 我係床上, 訓訓下紮醒左, FEEL到好多好多血湧出來, 即刻衝去廁所, 一修係馬桶已經感覺到有D野要跌出黎, 然後就排左個胎出黎, 我即刻執起佢, 放係膠樽內, 送返醫院化驗

以為已經完結了, 兩個星期後返聯合覆診, 好不幸地醫生話未排清組織, 要我再塞藥或做吸宮手術
今次我揀左做吸宮手術, 係醫院住左一晚, 手術過程好快, 全身麻醉, 完全無唔舒服同痛, 手術後6小時就可以出院了
總算告一段落

件事完左, 我繼續睇中醫調理身體, 中醫話有返月經後, 黎3個cycle就可以繼續嘗試, 期間一直飲住中藥
我自己都有買滴雞精, 葉酸, 維他命等等, 亦有恆常運動, 感覺身體好返好多, 個人好精神
好快有返月經, 而家好準時, 一切都好好, 我自己都好樂觀

過左3個cycle, 到左9月,適逢我地兩公婆二人世界去旅行, 就全力開工做人
其實只係交左一次功課....都諗住下個月再努力

點知9月中就check到有左! 今次唔敢太開心, 但都好感恩, 小產後3個period就中
5週去檢查, 做陰超, 有胎囊, 唔係空心胎, 唔係宮外孕
6週再檢查, 已經見到胎兒, 聽日心跳, 但係心跳得80, 醫生話太慢, 唔太滿意, 呢一刻我已經感到好不安, 好驚歷史重演
8週再檢查, 即係昨日, 醫生話胎兒停左生長, size停左係6週5, 而家搵唔到心跳
由於我黎緊呢2個星期有d野要做, 未能即時入院做手術
而家等到10月30日再檢查, 醫生會寫紙俾我入醫院
我問醫生有無咩原因, 點解連續兩次都係咁?
醫生話我好後生, 又已經生左一個, 應該唔係問題, 可以要去check下隱性基因問題

流產好常見, 醫生話有15%機會
好不幸地我係連續兩次流產
因為我唔係高齡, 我仲想嘗試, 我應該去做d咩檢查呢? 我都係怕有d隱性基因問題, 呢d檢查係咪好貴架?
如果我唔係有基因問題, 我將來仲想繼續試下
希望大家指教下我~~

私人傳訊

yan1008

大宅

積分: 2501

發表於 19-10-15 10:23 |顯示全部帖子

本帖最後由 yan1008 於 19-10-15 10:25 編輯

家計會https://www.famplan.org.hk/zh/ou ... cy-check-up/content 一千多元一個人, 唔一定係你有事, 上網你會查到慣性流產case, 最終都可以成功懷孕, 唔好急, 緣份到BB就會痴實你. 早日康復, 祝你好孕!
我28歲第一次懷孕, 終止左, 37歲生第一胎, 38歲空心胎自然流左, 宜家40歲懷第二胎17W.

私人傳訊

wingwing515

男爵府

積分: 9584

發表於 19-10-15 11:15 |顯示全部帖子

我好明白你心情，我上年都諗住有機會生豬b,點知12月check到遺傳左我同c6唔好既基因，忍痛18wk引產，
一心諗住順其自然再懷孕，到今年八月又check到有左，個心諗，今次一定順利，因為我好早就驗到有，而且驗孕棒仲好深色，
點知九月中，發現空心胎，停留左係六週無生長，十一週自然流產左，
知道個下簡直跌左落地獄，

其實我對下次懷孕真係無乜信心，我淨係諗住，好好調理身體，做多d運動,食維他命，

我只係諗緣份到，佢自然會健康咁番黎

私人傳訊

HappyMaMaBaby

男爵府

積分: 6779

發表於 19-10-15 11:26 |顯示全部帖子

半杯水吧，已經有一個小孩比其他人幸福了

私人傳訊

Justina_mami

別墅

積分: 739

發表於 19-10-15 12:16 |顯示全部帖子

我自己就2017-2018 年，6個月內小產2 次，第一胎原本就黎8 week 去私家做產檢前兩日就流血，夜晚去仁安，醫生就見到冇心跳，醫生重諗住叫我約期再check 多次，估唔到第2 日晚身體排斥，自然流左個胚胎出黎，但真係好痛，比m 痛好多倍。呢胎真係好心痛，因為第一次懷孕，完全冇諗過小產發生係自己身上，身邊識既人都冇，反而我媽媽重傷心，佢個陣陪我周圍走揾醫院睇，原本重以為流血好小事，估唔到係保唔住。
第2胎真係照到閃閃，但醫生話個胎比實際周期細(而家諗番可能都係有問題，但醫生唔想我傷心)，個陣重諗住好有希望，但2 week 後又係離開左我，第2 日朝早訓訓下覺自然流產，所以比上次快+冇咁痛，個陣重係新1年番工第1日，但呢胎心情冇第一胎咁崩潰，反而老公就比較傷心，話唔要小朋友都冇問題，唔想一次又一次傷心~
我自己就上網揾資料，關於慣性流產，其實小產2 次都算，但好多醫生話3 次or 4 次先會做轉介，但自己真係接受唔到多到多一次，跟住就揾左教授做驗身，結果係完全冇問題，可以自然懷孕，因為佢見我以前都係好快就有左，佢重好有信心話3 個月後就有好消息，我自己工作上有計劃，所以生bb 閣置左一年，而家真係有左20 weeks 喇。
雖然檢查費係好貴，但買個安心我都好明白了解，如果唔係下一次懷孕又擔驚受怕，再加上教授鼓勵既說話同埋佢真係好明白小產媽媽既心理，所以同佢講野都舒服好多~
我都知道小產真係係身心都好痛，但最緊要兩公婆互相扶持，如果有時間一齊去旅行，身心放鬆下，好快就會有好消息~最緊要養好身體，揾中醫調理下~

私人傳訊

jimmycow

大宅

積分: 1961

發表於 19-10-15 13:17 |顯示全部帖子

你講得岩流產真係好普遍，我情況同你一樣生完一個之後連續無左兩個，有時諗返轉頭BB本身唔健康，佢唔想媽媽辛苦所以選擇自己走......佢係錫你！之後相隔3年再有左細佬，依家岩岩再15週.....走左兩個黎返兩個，媽媽要加油正面啲.....我自己就無特別去check遺傳基因問題，一切順其自然等緣份信緣份......

私人傳訊

wintermamamama

大宅

積分: 3606

發表於 19-10-15 13:25 |顯示全部帖子

jimmycow 發表於 19-10-15 13:17
你講得岩流產真係好普遍，我情況同你一樣生完一個之後連續無左兩個，有時諗返轉頭BB本身唔健康，佢唔想媽媽 ...

恭喜你, 祝你一切順利, 生個肥肥白白既BB!!

身邊人認為, 我生得出第1個, 點解就係生唔到第2個?
我自己都好多問號
但我都安慰自己, 都已經有個囡囡了, 萬一真係無緣份生多個, 有囡囡都算無憾吧

私人傳訊

ayako

男爵府

積分: 5651

發表於 19-10-15 13:44 |顯示全部帖子

我生第一個之前都流產左2次，唔好灰心，今時今日流產真係好普遍，養好身子再黎過，你仲好後生，大把時間

私人傳訊

wintermamamama

大宅

積分: 3606

發表於 19-10-15 13:50 |顯示全部帖子

Justina_mami 發表於 19-10-15 12:16
我自己就2017-2018 年，6個月內小產2 次，第一胎原本就黎8 week 去私家做產檢前兩日就流血，夜晚去仁安，醫 ...

JM你介唔介意話我知你去邊到驗身? 包括D咩? 同埋價錢呀?

昨日產檢時, 醫生話以我呢個年紀, 加上我又生過一個, 佢諗到既可能係隱性基因問題
我都好想check下, 如果真係有問題, 就無謂再試啦
如果無問題, 我又唔想咁快放棄, 因為我唔算高齡, 覺得仲可以試下

私人傳訊

jimmycow

大宅

積分: 1961

發表於 19-10-15 15:35 |顯示全部帖子

wintermamamama 發表於 19-10-15 13:25
恭喜你, 祝你一切順利, 生個肥肥白白既BB!!

身邊人認為, 我生得出第1個, 點解就係生唔到第2個?

其實我覺得真係唔關事，只係胚胎本身唔健康，你養好身體最重要，你健康BB自然會返黎搵你

私人傳訊

麗蓉

別墅

積分: 825

發表於 19-10-15 16:46 |顯示全部帖子

我都係生完個女之後流產左兩個
1個空心胎 1個係胎停
之後我去做普通既懷孕前檢查
發現無問題就自己做運動睇中醫
細仔上年出左世
你生過一個證明子宮無問題
可能真係咁啱唔好彩
加油(emoji)(emoji)再努力
最緊要係情緒 stay positive!
The best is yet to come!

私人傳訊

wintermamamama