婦女醫護

跳至

首頁
1

尾頁
   1


洋房

積分: 40


發表於 19-10-16 10:54 |顯示全部帖子
港怡醫院邊位婦科女醫生做微創畸胎瘤手術好?

在港怡網頁看到只有呢三位女醫生(陳嘉倫醫生、顏婉嫦醫生、謝嘉瑜醫生)是婦科腫瘤科的,
但上網搵佢地資料都只見到呢三位既上電視、報紙雜誌的資料,
搵唔到有jm睇過佢地的評價, 想問問有冇jm睇過佢地, 可唔可以分享一下經驗......

或者如果有jm有女醫生, 佢係醫術好、又有耐心、又細心、又有同港怡合作開的話, 不妨都介紹一下, 謝謝!


洋房

積分: 40


發表於 19-10-17 12:43 |顯示全部帖子

冇JM知道嗎?


伯爵府

積分: 16092

2019新春慶豚圓


發表於 19-10-17 15:02 |顯示全部帖子

回覆樓主:

本帖最後由 Nbs 於 19-10-17 15:03 編輯

我上港怡網站睇有好多婦科醫生喎,唔淨係得你講嗰三個。你講嗰三位都係瑪麗婦科腫瘤科醫生,專睇cancer專做機械臂手術。你畸胎瘤唔需要搵婦科腫瘤科睇啦,普通婦科已經可以。
但如果你話手術手勢嘅話,你講嗰三個醫生都係好好嘅。


洋房

積分: 40


發表於 19-10-17 17:26 |顯示全部帖子
回覆 Nbs 的帖子

唔該晒你呀!!
我一路以為畸胎瘤要搵婦科腫瘤科睇...因為我只想搵番女醫生睇,
所以先以為港怡得上述三位女醫生選擇...



真係唔該晒你呀!!


伯爵府

積分: 16092

2019新春慶豚圓


發表於 19-10-17 17:28 |顯示全部帖子
haha19880311 發表於 19-10-17 17:26
回覆 Nbs 的帖子

唔該晒你呀!!

女醫生我就冇介紹喇。
但如果你唔介意男醫生嘅話,養和阮邦武做微創喺香港係數一數二。


洋房

積分: 40


發表於 19-10-17 21:03 |顯示全部帖子
回覆 Nbs 的帖子

多謝你介紹先...
其實我想請教你知唔知或有冇其他JM知道, 做畸胎瘤的微創手術, 係咪要全裸? 全裸係咪意味手術前中後的時間,
在場的主診醫生、麻醉醫生及所有護士都會見到我的裸體及重要部位?



我搵女醫生係因為聽說做手術要全裸, 我諗無論手術前、手術中或手術後都應該會有裸露的情況,
我唔係幾想被陌生男性望到我的重要部位, 始終覺得唔係幾舒服, 所以先想搵番女醫生....

謝謝!






伯爵府

積分: 16092

2019新春慶豚圓


發表於 19-10-17 21:24 |顯示全部帖子
haha19880311 發表於 19-10-17 21:03
回覆 Nbs 的帖子

多謝你介紹先...

本帖最後由 Nbs 於 19-10-17 21:25 編輯

被會拉高,去到胸下位置,對下全部都會裸。
你呢個"怕醜" 問題,其實除咗手術的醫生,仲有麻醉科醫生,護士們,手術室assistants甚至拖地亞叔都可以入嚟,都可以係男人。根本無人會睇你會care 你有無嘢睇,而且麻醉你都唔會知。。。


洋房

積分: 40


發表於 19-10-17 21:57 |顯示全部帖子
回覆 Nbs 的帖子

唔該晒先呀....
o下....唔係掛....做緊手術時, 唔係應該只有主診醫生、麻醉科醫生同埋護士既咩?
因為我第一次做手術, 真係咩都唔知...

但有個問題真係唔明...唔係應該手術期間, 唔應該有不相關人士進入既咩?
點會拖地阿伯會在手術進行中時入黎架?

另外, 手術室assistant 唔係就是護士咩? 婦科唔係九成九都係女護士咩?

唔係應該要保護病人的私隱既咩? 點會可以俾病人的裸體咁私隱既野, 隨便俾d 唔相關既人睇架?


伯爵府

積分: 16092

2019新春慶豚圓


發表於 19-10-17 22:07 |顯示全部帖子

回覆樓主:

本帖最後由 Nbs 於 19-10-17 22:10 編輯

Haha sorry 拖地亞伯我係講得誇張咗,不過佢會喺做完手術時入來清潔,同一時間你離開緊手術室都唔出奇,應該就有蓋被嘅。
護士同手術assistant 係兩樣嘢。護士都可以係男人。Assistant唔係護士,係幫手較燈,拎嘢,擺位,擔擔抬抬等粗重嘢,多數都係男人。
呢D人全部都係手術室的職員,唔係閒雜人等,佢哋亦唔係轉登裝你,所以唔關私隱事。
老實講,我哋真係唔會睇唔會care 你的裸體。
如果你要全女班可以㗎,林青霞生BB 都清咗場全女班,俾錢啫。

P. S.呀仲有,手術醫生係婦科,其他職員冇咁仔細分,手術室護士本身就係一個(護士)專科,唔使再分婦科,所以唔會係特別女仔多。


洋房

積分: 40


發表於 19-10-17 22:35 |顯示全部帖子
本帖最後由 haha19880311 於 19-10-17 22:38 編輯

回覆 Nbs 的帖子


以家真係清楚好多了...

真係多謝你的information 呀...Nbs...



伯爵府

積分: 16092

2019新春慶豚圓


發表於 19-10-17 22:40 |顯示全部帖子
haha19880311 發表於 19-10-17 22:35
回覆 Nbs 的帖子

好老實,要做手術就當然要揾個手勢好的,其他其實都不重要。
阮醫生幫我做微創,10pm 做完,我2am 已經自己落床去屙尿, 佢8am 巡房已經可以出院,我落canteen 食埋個lunch 1pm 返屋企。前後住咗唔夠24 小時。返到屋企,唞咗3 日,第4日我已經抱個女返學 (2+歲),再唞多幾日就返工喇。


洋房

積分: 40


發表於 19-10-18 09:41 |顯示全部帖子
回覆 Nbs 的帖子

嗯嗯...
好多謝你俾左咁多咁有用建議同資訊呀!!



等我同老公商量下之後點做, 日後都會盡可能將我的經驗寫番上黎同各位JM分享既...


伯爵府

積分: 16092

2019新春慶豚圓


發表於 19-10-18 09:55 |顯示全部帖子
haha19880311 發表於 19-10-18 09:41
回覆 Nbs 的帖子

嗯嗯...

No problem 祝你早日康復(emoji)


洋房

積分: 40


發表於 19-10-18 16:26 |顯示全部帖子
多謝晒你呀!!

不過唔好意思 Nbs, 我有個畸胎瘤手術的問題, 想請教下你...謝謝!

我依家個畸胎瘤有12CM大, 睇過兩個醫生 (均不是港怡的醫生),

一個建議我剖腹開刀的醫生話, 要盡量保留個畸胎瘤完整取出, 因為如果整爆左個瘤, 而該畸胎瘤萬一又是惡性的話就要化療, 好麻煩, 整爆左個瘤的話就算點洗都根本唔會洗得乾淨...

另一個願意微創的醫生話, 微創時係要整爆個畸胎瘤, 用個袋袋住個瘤的"水"及其固體物, 就可以從肚臍孔連個袋取出個畸胎瘤....如果畸胎瘤內的"水"周圍噴或流出袋外, 只要洗番個肚(應該指洗番周圍附近的內臟)就OK....

因為我老公都有上網睇過D畸胎瘤手術既片, 有D片見到個醫生係將個畸胎瘤整爆既, 有時仲見到瘤內的黃色水仲周圍噴添 ; 而有D片就見到個醫生好小心咁將整個畸胎瘤剝離, 之後冇影到點取出, 所以想請問:

1. 我睇既呢兩位醫生的說法, 係咪都正確?
2. 微創畸胎瘤手術係 "要" 還是 "唔要" 整爆個瘤?
3. 如果微創係要整爆左個畸胎瘤先取出體外, 萬一D"水" 周圍噴周圍流, 係咪真係洗番個肚就冇事?
4. 如果微創真係要整爆左個畸胎瘤先可以取出, 就咁洗番個肚後, 萬一驗到個瘤係惡性的話, 係咪真係有機會癌細胞擴散?

麻煩如果Nbs 你知道的話, 希望可以解答一下以上既疑惑, 十萬個唔該!!!!!!



伯爵府

積分: 16092

2019新春慶豚圓


發表於 19-10-18 23:49 |顯示全部帖子
haha19880311 發表於 19-10-18 16:26
多謝晒你呀!!

不過唔好意思 Nbs, 我有個畸胎瘤手術的問題, 想請教下你...謝謝!

本帖最後由 Nbs 於 19-10-18 23:50 編輯

卵巢瘤盡可能都唔會整穿整爆嘅, 不過有啲情況係冇辦法, 例如個瘤嘅皮太薄或者個瘤太大。 畸胎瘤嘅皮其實算比較厚冇咁容易整穿,不過你嗰個咁大個就好難講,因為咁大physically 都真係阻住。 所以其實兩個醫生嘅說法都係啱嘅。 假設個瘤穿咗裏面嘅液體流咗落個肚裏面,如果係洗乾淨嘅話冇惡性,咁其實冇問題。但係洗唔乾淨就有機會腹膜炎。如果有惡性細胞嘅話,就算洗乾淨都有機會擴散,需要化療。 卵巢瘤其實一日唔攞去化驗唔喺顯微鏡下面睇,一日都唔知有冇惡嘅細胞,所以盡可能都希望唔穿,就算穿都希望可以喺受控制嘅範圍內,例如膠袋內或者係肚皮外。


洋房

積分: 40


發表於 19-10-19 16:32 |顯示全部帖子
回覆 Nbs 的帖子

真心唔該晒你的解答!Nbs!
我自己比較傾向微創,但我老公就怕個萬一係惡性,d瘤水留左一兩滴在肚裡面,都要化療什麼...

所以雖然畸胎瘤多數良性,但我們應該會另找醫生驗多次,確認多一次惡性瘤的機會大唔大先,先再決定微創定開刀...


呢次真係麻煩晒Nbs你!如果唔係到做手術一刻都仲有好多野唔知,唔清唔楚就入左手術室,手術後可能又要驚一大輪係咁追問個醫生...

總之就十萬個唔該!多謝你!






伯爵府

積分: 16092

2019新春慶豚圓


發表於 19-10-19 17:36 |顯示全部帖子
haha19880311 發表於 19-10-19 16:32
回覆 Nbs 的帖子

真心唔該晒你的解答!Nbs!

you're welcome


大宅

積分: 4151


發表於 19-10-19 18:53 |顯示全部帖子
Nbs 發表於 19-10-17 22:40
好老實,要做手術就當然要揾個手勢好的,其他其實都不重要。
阮醫生幫我做微創,10pm 做完,我2am 已經自 ...
嘩,你好利害呀。請問你是只做肌瘤手術定有其他?


伯爵府

積分: 16092

2019新春慶豚圓


發表於 19-10-19 19:40 |顯示全部帖子
strawberry1975 發表於 19-10-19 18:53
嘩,你好利害呀。請問你是只做肌瘤手術定有其他?

嗰次其實係微創做咗一個細嘅肌瘤,另外再加小產刮咗宮

首頁
1

尾頁

跳至
你需要登錄後才可以回帖 登入 | 註冊