6個月-1歲

跳至

首頁
1

尾頁
   0


複式洋房

積分: 203


發表於 19-10-18 05:42 |顯示全部帖子
我係在職媽媽,平時要番shift, 返工放假都唔定時,bb 8個月大,起居飲食訓教都一直係我奶奶照顧(我同我奶奶同住), bb 好早就開始加固,未夠6個月加固,係因為我要番工奶量大跌,預期轉曬做奶粉不如開始加固,加固都順利所以6個月已經3餐粥仔,早晚各1餐奶total 5 餐,但最近開始坐唔定,要一路食一路玩玩具,睇書,搶匙羹,食手指,我奶奶仲會比佢睇電視side track佢,我諗緊好唔好比佢試下BLW, or BLW 同餵食同時進行?我奶奶係固執形,佢覺得以上side track 無問題,佢仲會搬佢岀去露台食,最緊要食得乾淨,同快就ok (我仔每餐食15分鐘), 但長遠要一路玩一路食甘好咩?定係俾佢試下blw 訓練手指肌肉


複式洋房

積分: 203


發表於 19-10-18 05:54 |顯示全部帖子
meimeido2002 發表於 19-10-18 05:42
我係在職媽媽,平時要番shift, 返工放假都唔定時,bb 8個月大,起居飲食訓教都一直係我奶奶照顧(我同我奶奶 ...

全BLW 就無可能,但我都尊重我奶奶意思,不竟照顧同辛苦都係佢,blw 煮同清潔同食都搞好耐,但大家岀發點都係想bb 好,因為我仔小肌肉都係比較差,佢食米餅個時留意到佢未係好識運用手指,未識左右手交接,一用力就好大力,冇意欲去拎水樽etc, 所以我想提岀每餐除左餵食之外,都可以蒸2 3條菜心比佢玩,一黎又唔會食到走圍係,二黎又可以比佢玩下,三黎又可以訓練小肌肉,唔知大家覺得work 5 Work ?


男爵府

積分: 8127


發表於 19-10-18 11:58 |顯示全部帖子
meimeido2002 發表於 19-10-18 05:54
全BLW 就無可能,但我都尊重我奶奶意思,不竟照顧同辛苦都係佢,blw 煮同清潔同食都搞好耐,但大家岀發點 ...

轉BLW 解決唔到問題,你奶奶先係個問題。你奶奶最緊要食得快同乾淨,BLW 出晒名食得少同天地各一半,你肯定奶奶ok?奶奶用開匙餵食你覺得佢老一輩肯突然俾BB 用手「拿」野食食到成面成身成地都係再玩食物?佢真係有耐性?BLW 係先學咬再學吞,同餵糊係完全掉轉,BB 慣左吞要佢學咬要時間,唔係話轉就轉。其實傳統加固冇問題,係你奶奶餵食方法有問題,健康院都有教餵食唔好有distraction... BLW 並不是解決方案。就算要轉都建議家長及奶奶睇吓本BLW 書先。


子爵府

積分: 10343


發表於 19-10-18 12:22 |顯示全部帖子
blw係由BB主動離乳嘅進食方法,食幾多點食一切由BB話事,而一邊餵食一邊俾菜芯呢種叫俾手指食物,都係可行,與其俾玩具同電視,不如俾手指食物,起碼係食物,不過老人家要有心理準備,BB唔一定食,佢可能玩D、食D又掉D,但可以加強BB進食意欲,訓練手指。

我小朋友唔喜歡被餵食,所以7、8個月開始行blw,最初食下玩下掉下,有時仲食好少,接近1歲多數時間都會食,宜家快2歲,3餐都自己食(用匙,有時用手),因為我本身都係在職媽媽,日頭由外傭照顧,blw初期由晚上開始,我同老公親自陪囡囡,到囡囡掌握到,就開始行埋午餐,由始至終屋企都唔開電視,亦規定係High chair食,嚴禁追餵,我諗習慣好重要,有D事要堅持,只係樓主小朋友主要奶奶湊,要同奶奶好好溝通。


大宅

積分: 2908


發表於 19-10-18 12:51 |顯示全部帖子
如果係奶奶揍嘅話千祈唔好,佢一定唔會嚴格執行到時唔上唔落仲麻煩,而且行B LW係非常之污糟,一定好多怨言。


複式洋房

積分: 203


發表於 19-10-18 16:03 |顯示全部帖子
redbus 發表於 19-10-18 12:51
如果係奶奶揍嘅話千祈唔好,佢一定唔會嚴格執行到時唔上唔落仲麻煩,而且行B LW係非常之污糟,一定好多怨言 ...

本帖最後由 meimeido2002 於 19-10-18 16:17 編輯

好,我明白了,我仔都係坐high chair 食,我諗我會整1 2條菜心比佢玩住食,都好過睇電視。我都想唔開電視,但同老人家住,好難改曬佢地生活習慣黎就個仔。最大問題就係我奶奶湊我姑奶啲小朋友既時候,佢地覺得我奶奶開電視玩住食問題都不大,逗屙屎都無問題,所以我依加乜都岀聲,我feel 到我奶奶好難受,因為佢係好有經驗,只係一啲新既concept 變左佢唔識湊,同埋佢challenge 我既時候我又唔識答,變左佢對我地呢d 新concept 好無信心.


大宅

積分: 3223


發表於 19-10-19 21:04 |顯示全部帖子
餵下finger food 做snack都可以練習手指肌肉架,星星餅個d... 如果唔想snack咁多,比舊橙或者切開一半嘅提子比bb試下。。
千祈唔好叫你99 blw, 聽落佢唔會跟足,到時行左等於無行。。


別墅

積分: 671


發表於 19-10-20 18:35 |顯示全部帖子
BB 8個月大都可以開始試下比finger food, 不過唔好同一餐入面進行,因為佢目前習慣只吞嚥,可以分開時間比佢練習下先,如果唔係會增加哽到的風險


首頁
1

尾頁

跳至