想生BB

跳至

首頁
12

尾頁
   1


洋房

積分: 40


發表於 19-10-18 22:30 |顯示全部帖子
同丈夫一樣都係29歲,香港人,穩定職業。兩個人月入加埋6萬5左右,自住樓,每月供緊萬五蚊。

近日覺得如果要生小朋友真係要襯嫩生,但好擔心冇能力養個小朋友,4大長老一直都好想抱孫,都好錫我我兩個,婆媳關係都好好。但講到明如果日後要佢地幫手湊,要請多個工人姐姐比佢地

丈夫一直都對我好好,都好相信佢將來會係一個好好的爸爸,只怕自己唔夠耐性做一個好媽媽,好驚自己第日會對個小朋友發脾氣,不想小朋友好似自己甘任性。

同埋丈夫話想生兩個,好驚生左,自己就由被寵慣的公主變成奴隸,同丈夫關係好好,又好驚生左之後會因為小朋友而嘈交(應該都係得我發脾氣),講到尾自己真係好自私,求求各位的意見,謝謝


男爵府

積分: 5413


發表於 19-10-18 22:38 |顯示全部帖子
Jackieeeee 發表於 19-10-18 22:30
同丈夫一樣都係29歲,香港人,穩定職業。兩個人月入加埋6萬5左右,自住樓,每月供緊萬五蚊。

近日覺得如果 ...

咁扣晒其他家庭開支有4萬5左右?請埋工人仲有4萬...我覺得錢唔會係最大問題,係你點洗開。我自己覺得唔好為左生bb去lower quality of life因爲咁會好影響感情。我自己financially要一個人都more than capable至覺得安心。

但我覺得你最大的問題係未ready去做人媽咪。你最好同你老公傾多d。不過最好32前好決定。


子爵府

積分: 10706


發表於 19-10-18 23:27 |顯示全部帖子
生咗 你預冇咗好多私人時間
辛苦好多....

不過我覺得值得嘅⋯⋯
聽到自己小朋友
叫「媽媽」
衝過黎攬住自己
真係好開心 種開心係其他嘢代替唔到


大宅

積分: 2403


發表於 19-10-19 03:37 |顯示全部帖子
Jackieeeee 發表於 19-10-18 22:30
同丈夫一樣都係29歲,香港人,穩定職業。兩個人月入加埋6萬5左右,自住樓,每月供緊萬五蚊。

近日覺得如果 ...


好明顯唔係錢嘅問題,而係你個人嘅取捨題。

從文字間睇~你唔係想生BB,而且你已經認為個BB 會攞走你好多嘢。

hmm...你上嚟呢個版問嘢,咁我建議你先雪起d卵子。如果有一日母愛出現,需要的話就可以有批靚卵用。


大宅

積分: 3059


發表於 19-10-19 06:57 |顯示全部帖子

回覆樓主:

其實以樓主的條件同埋環境,再加上C6同老爺奶奶都開到口想要BB, 我建議樓主最少生一個吖,我相信有小朋友後樓主個諗法會改變的 , 同埋唔好介意我直接D講句,女人生BB係有時限,但男人係無,好多case係最後個男人揾第2個女人生,幸好樓主仍後生,而家諗都未遲


洋房

積分: 40


發表於 19-10-19 12:17 |顯示全部帖子
回覆 LamLum 的帖子

係⋯我未ready,但係自己又好希望早少少生,唔想自己同小朋友的年紀差太遠
但同時好希望見到自己同老公的小朋友會係點


洋房

積分: 40


發表於 19-10-19 12:23 |顯示全部帖子
回覆 MrsBlueBlue 的帖子

冇左私人時間我okay的,我好擔心自己冇做媽媽的性格,因為一直自己都係被照顧,生小朋友係一生一世的事,生左要好好照顧佢


洋房

積分: 40


發表於 19-10-19 12:30 |顯示全部帖子
回覆 bipa 的帖子

錢是30%,自己的能力是70%
我希望有能力比到佢出去讀書,因為依加社會好不穩定,想比多點選擇佢,到佢將來唔想留係度,我都有能力幫佢。
而且依加自己屋企好細,將來有工人姐姐,有埋小朋友,就要考慮換樓。

同埋一係唔生,一生就會想生兩個,小朋友有兄弟姐妹好點

最擔心自己沒有做媽媽的能力,因為自己長期都係依賴左老公,將來有小朋友,我係被依賴個一位,怕自己冇呢個能力教小朋友做一個真誠的人


洋房

積分: 40


發表於 19-10-19 12:36 |顯示全部帖子
回覆 Nagomi 的帖子

係 我就係想襯仲係2字尾生 同埋想生兩個如果真係決定生,想呢個月就開始試了
屋企人、丈夫都好鍾意小朋友
自己都好鍾意,只係擔心自己「鍾意」不代表湊得好
同丈夫一齊左十幾年,絕對相信佢係一個好爸爸
只係驚自己不夠好

如果佢搵第二個生,我會剪左佢JJ哈哈


別墅

積分: 929


發表於 19-10-19 12:41 |顯示全部帖子
做媽媽的確係好偉大,要犧牲一部份既自己黎成全BB,不過當你見到小朋友慢慢長大,果種喜悅同成就感係幾錢都買唔到。
我28歲結婚,當時覺得未ready,拖拖下去到33歲先生BB,都覺得係好好既時候,因為心態上唔同左好多,好想有自己既小朋友。
慢慢諗下啦,你仲有少少時間,不過有仔趁嫩生係千真萬確,唔好錯過


大宅

積分: 3555


發表於 19-10-19 12:46 |顯示全部帖子
Jackieeeee 發表於 19-10-19 12:36
回覆 Nagomi 的帖子

係 我就係想襯仲係2字尾生 同埋想生兩個如果真係決定生,想呢個月就開始試了

我老公係好鍾意小朋友既人,我都同你差不多,都驚自己會搞唔掂個小朋友,冇耐性,但其實有時唔係你想有就有,既來之則安之,開頭我都打算廿九歲有,三十歲生,點知唔係想像中咁易,在失去時才懂珍惜,冇果下先發現原來自己都係想要,我諗樓主你係心態上未準備好,如果係咁,我勸你俾多少少時間自己,否則BB會知道你未ready, 佢唔會來架


大宅

積分: 4819


發表於 19-10-19 17:26 |顯示全部帖子
Jackieeeee 發表於 19-10-18 22:30
同丈夫一樣都係29歲,香港人,穩定職業。兩個人月入加埋6萬5左右,自住樓,每月供緊萬五蚊。

近日覺得如果 ...

我真係以為生仔好易,想生就生到。所以都好似你嘅心態,遲遲唔覺得自己ready
不過而家成日診所打針受盡一切痛苦,後悔點解我唔30 歲結婚即刻生。
所以我覺得唯一的問題你要考慮是,你能否接受唔生,無小孩的生活。如果你是覺得人生要有小孩才完整的,那麼其他事都一律唔洗諗。馬上生,上天肯比你是天賜。人唔係真係能控制到咁多嘢的


大宅

積分: 2403


發表於 19-10-19 18:11 |顯示全部帖子
Jackieeeee 發表於 19-10-19 12:30
回覆 bipa 的帖子

錢是30%,自己的能力是70%


見你咁講都安心d

為母則強,到時有小朋友,你可能都唔知原來自己咁犀利

我怕你到時冷落咗你老公多d 放心啦,孕育小孩係人生中好好嘅經歷


大宅

積分: 2403


發表於 19-10-19 18:24 |顯示全部帖子
yhyeung 發表於 19-10-19 17:26
我真係以為生仔好易,想生就生到。所以都好似你嘅心態,遲遲唔覺得自己ready
不過而家成日診所打針受盡一 ...


認同,與小孩嘅緣份~ 是天賜的

yhyeung jm ~ pm 你問一句


男爵府

積分: 9875


發表於 19-10-19 21:00 |顯示全部帖子
Jackieeeee 發表於 19-10-18 22:30
同丈夫一樣都係29歲,香港人,穩定職業。兩個人月入加埋6萬5左右,自住樓,每月供緊萬五蚊。

近日覺得如果 ...

你而家的情況同我當年差不多。
最後我38歲生左個仔,好開心,好滿足,雖然辛苦,但真係好開心。
有仔趁嫩生,唔好搞到年紀大先生。
信我,生左會有另外的開心,冇野比得上的。你有4大長老及老公幫手,有曬條件


洋房

積分: 40


發表於 19-10-20 00:26 |顯示全部帖子
感謝大家的回覆
我都諗左好耐,唯一肯定的是,我是覺得有小朋友,一個屋企先會完整
所以今個月開始會試下有小朋友,希望可以盡早成功,希望可以有多點精力陪小朋友玩
唔好意思想請問多各位一個問題,懷孕前需不需要特別食d咩補充?(我只知道葉酸⋯不好意思)
(做過普通婦科檢查,照過子宮okay)

點評

bipa    發表於 19-10-20 16:36


別墅

積分: 502


發表於 19-10-20 12:27 |顯示全部帖子
Jackieeeee 發表於 19-10-20 00:26
感謝大家的回覆
我都諗左好耐,唯一肯定的是,我是覺得有小朋友,一個屋企先會完整
所以今個月開始會試下有 ...

係,食葉酸係最主要,均衡飲食就ok

建議你睇多D baby kingdom ,睇下D媽媽會遇上嘅生活問題,感受下
我33歲生,以前都會想早D,不過覺得自己未ready想玩多D,享受多D先生
因為生左之後,事事都會以小朋友為先,我同你一樣咩事依賴老公,做女又可以懶有阿媽照顧
之前用左好幾年時間慢慢同自己講「第時生咗bb就唔可以咁樣」(例如鍾意訓到幾點都得,想去旅行就去,想買咩就買)
到而家一心只諗住點樣湊好bb

不過你會擔心代表你都會係個好負責任嘅媽咪,到時你諗下小朋友只可以依賴嘅人只有你,你會變得強大!加油!


男爵府

積分: 5169


發表於 19-10-20 13:47 |顯示全部帖子
Jackieeeee 發表於 19-10-19 12:23
回覆 MrsBlueBlue 的帖子

冇左私人時間我okay的,我好擔心自己冇做媽媽的性格,因為一直自己都係被照顧, ...

我覺得當你真係要做人阿媽嘅時候,自自然然會變!真係可能係天生嘅所謂母愛!
所以個人認為,如果真係有心想生嘅話,就真係有仔趁嫩生係冇錯的


民房

積分: 20


發表於 19-10-20 13:54 |顯示全部帖子

回覆樓主:

有樓好穩定啦!
無樓,上車都無乜希望


大宅

積分: 4852


發表於 19-10-20 15:22 |顯示全部帖子
如確定要小朋友就要早生早好,我23歲生第一個女,個仔26歲生,現在2個上學就輕鬆了,2長老住我家,有請工人,地方也住到,收入同你差不多.做生意賺到錢就投資樓,現在有樓收租.這兩年33諗緊生第三胎,我地試了幾個月都還冇有. 有小朋友真係好開心,每次母親節 我生日都會製作驚喜給我. 個刻什麼辛苦都值得了.

首頁
12

尾頁

跳至