Hi Kumihsy ,一歲小朋友一般可以食大人食材,亦有一定咀嚼和吞嚥能力,一般係酒店/餐廳食物都大致合適,最重要係食得均衡清淡,少吃油膩和避免生冷食物,例如烚蛋、白粥、麵包、芝士、乳酪、穀類早餐、水果呢D比較適合BB食物。如果逗留外地地間唔太長,帶babyfood會比較方便,如果BB第一次搭飛機,媽媽可以帶埋孭帶去穩定BB情緒,帶埋有BB熟悉的氣味的公仔/枕頭仔,有助BB快點入睡唔會扭計架。係咪同BB第一次出外旅行?
如果想係旅行途中俾BB食粥仔,的確要花D心思 明白媽媽想帶迷你電飯煲類產品係外地旅游時煮粥,這類產品主要係室內用電力煮熟飯餸/煲粥,需要用保暖杯/壼將煮好食物保溫, 為免細菌滋生,最理想係將食物Keep係60度左右, 俾BB 係4-6個鐘內食用,未必keep到11am-8pm。 建議媽媽帶D 即食粥和即食餸(用熱水浸熱後食用)作為BB後備第二餐食物,如果當地餐廳食物唔合適時可以俾BB食,媽媽上網睇睇唔同幼兒即食產品資料比較下。