夫婦情感

跳至

首頁

尾頁
   0


複式洋房

積分: 486


發表於 19-10-30 01:54 |顯示全部帖子
最近先生經歷第二次失業。上一次係數年前,足足失業左一年。

之前未有小朋友仲可以呃兩邊父母。宜家有小朋友,父母來照顧小朋友,唯有日日扮返工。其實自己好唔開心,因為先生好大機會得罪老闆先被炒,但佢唔認同。係搵工上又要求多多,唔肯擴闊工種,我好擔心又要失業好長時間。宜家成為一家之柱好大壓力,但唔講得出來,因為擔心影響情緒,影響工作同小朋友。雙方父母都唔知得,老公父母要面又小事化大,會製造麻煩。自己父母本身係焦慮底,加上因爲知道我老公一向俾好少家用同由懷孕到宜家所有粗重下欄野都係我做,其實對佢已暗底好不滿。



複式洋房

積分: 486


發表於 19-10-30 01:55 |顯示全部帖子
我自己其實好想離婚,但知道奶奶同老公會搶我小朋友,奶奶又係一個癲既潑婦,預計到會發生既事故未必我有能力處理到,所以好難過,唔知可以點做。


大宅

積分: 2136


發表於 19-10-30 03:36 |顯示全部帖子
JacJacMaMa 發表於 19-10-30 01:55
我自己其實好想離婚,但知道奶奶同老公會搶我小朋友,奶奶又係一個癲既潑婦,預計到會發生既事故未必我有能 ...

離婚正常小朋友唔係會判比媽媽機會大d? 加上你老公失業.....


複式洋房

積分: 486


發表於 19-10-30 04:02 |顯示全部帖子
vdici 發表於 19-10-30 03:36
離婚正常小朋友唔係會判比媽媽機會大d? 加上你老公失業.....

本帖最後由 JacJacMaMa 於 19-10-30 04:04 編輯

其實我知會判俾我,但我奶奶應該會癲到搶孫同日日上黎屋企加工作地點搞事。(我奶奶連新開張餐廳找錯錢俾佢,咁小事都係人地收銀大炒大鬧,我要左個小朋友佢同我死過)我老公都有機會會咁,因為試過鬧交,我忍唔住喊,剛剛小朋友又喊,佢喝我唔俾我入房掂個小朋友。



複式洋房

積分: 148


發表於 19-10-30 06:54 |顯示全部帖子
你話你想離婚,係因為你老公對你很差,定係佢失業?


複式洋房

積分: 486


發表於 19-10-30 08:35 |顯示全部帖子
derrylkw 發表於 19-10-30 06:54
你話你想離婚,係因為你老公對你很差,定係佢失業?

其實係覺得佢自為自己,無諗過個家。上次同今次失業,佢堅持搵佢心目中最理想既工,而晤肯搵文職工作。係工作上同老細爭執得罪老闆。家用俾得好少(之前只係俾少同工人姐姐既人工,但連租金一半都cover 不到,我獨力支付屋企8成開支),就覺得自己俾左。我大肚坐月都要做粗重家務,包括洗廁所。佢從來無同過小朋友沖涼。我其實好失望。佢再次失業,帶左好多負能量返屋企。我返工就算幾辛苦都好,一句你有份工仲咁多野講就要我收聲。小朋友有唔舒服就入我數,但連帶去睇醫生都係我。


公爵府

積分: 26111

2019新春慶豚圓


發表於 19-10-30 08:43 |顯示全部帖子
回覆 JacJacMaMa 的帖子

佢咁樣, 點解仲生BB


子爵府

積分: 13090

2019勳章


發表於 19-10-30 08:49 |顯示全部帖子
JacJacMaMa 發表於 19-10-30 04:02
本帖最後由 JacJacMaMa 於 19-10-30 04:04 編輯

其實我知會判俾我,但我奶奶應該會癲到搶孫同日日上黎 ...

如果真係立定決心走就要堅強,學識保護自己,保護D仔女!仔女是你的,你要照顧佢地,無人有權話你。如果真係怕佢地上你公司找麻煩,大不了就轉工,自己偷偷地揾第二份工,安排好曬工作,住屋,先攤牌講離婚


大宅

積分: 4014

2019新春慶豚圓


發表於 19-10-30 08:56 |顯示全部帖子

回覆樓主:

睇你寫嘅覺得男家教導開係唔會認錯檢討,所以你c6咪工作不順,同人相處有問題影響到工作


複式洋房

積分: 486


發表於 19-10-30 09:51 |顯示全部帖子
anna59 發表於 19-10-30 08:43
回覆 JacJacMaMa 的帖子

佢咁樣, 點解仲生BB

最初以為佢經歷上一次失業會長大同懂得感恩,但原來唔係。


複式洋房

積分: 486


發表於 19-10-30 09:54 |顯示全部帖子
Yee_ng 發表於 19-10-30 08:56
睇你寫嘅覺得男家教導開係唔會認錯檢討,所以你c6咪工作不順,同人相處有問題影響到工作
...

可以咁講。奶奶唔知我搵得多同支付屋企大部分開支,成日覺得我呃佢個仔既錢。最近係親戚面前話我個人複雜。佢連個仔有病都入我數,令我好有壓力。托賴自己個小朋友暫時仲健康。


複式洋房

積分: 486


發表於 19-10-30 09:55 |顯示全部帖子
siuling0119 發表於 19-10-30 08:49
如果真係立定決心走就要堅強,學識保護自己,保護D仔女!仔女是你的,你要照顧佢地,無人有權話你。如果真 ...

知道!我宜家唯有不斷同自己講我要為小朋友打算,就算呢一刻離唔到,有機會都要同小朋友離開


別墅

積分: 548


發表於 19-10-30 10:09 |顯示全部帖子
其實呢個家有無你老公都無咩分別, 錢佢又俾唔到, 咁唔出錢, 出時間心力照顧家庭呢, 佢又唔肯做,
而家佢失業你仲要養埋佢, 重點係佢同99性格都係咁, 他日小朋友都好大可能學左佢地,
如果真係諗好左離婚 (我諗唔到有咩理由仲要留低), 就搵個好律師, 你有工作, 你父母又係主要照顧者, 基本上拎到撫養權機會好大,
另外我又覺得唔需要為左99/老公會上黎公司而轉工, 一來年尾難搵工, 二來轉工你又要再適應過, 同埋就算轉工, 佢地都會識去你父母屋企, 小朋友學校等搵你地, 反而你要提早同老闆同事講清有D咁既事, 佢地真係殺上來既你唔需要出面, 請reception同事叫佢地走, 唔走既就叫保安上黎送佢地走, 同返律師講佢地會咁黎騷擾/威脅你, 博下申唔申請到禁制令


子爵府

積分: 12973

2019新春慶豚圓 畀面勳章


發表於 19-10-30 10:12 |顯示全部帖子
即刻離開當然會好多問題湧現,但只要慢慢部署,問題就會少好多。。
首先你要將離婚後預計的問題寫下來,再一個就個去諗方案解決,到問題越來越少,感到準備好了,就一野ko佢


複式洋房

積分: 486


發表於 19-10-30 11:45 |顯示全部帖子
其實有時退後一步諗,我老公有呢種mindset 一切源自佢成長既環境無教佢,佢屋企全家都係獨孤島島民咁,所以有時候會有個掙扎位係未可以再慢慢教育。

夜欄人靜時諗起自己一個面對既處境會好感觸,所以琴晚有感而發,多謝大家既回應。


大宅

積分: 1199


發表於 19-10-30 11:51 |顯示全部帖子
Yee_ng 發表於 19-10-30 08:56
睇你寫嘅覺得男家教導開係唔會認錯檢討,所以你c6咪工作不順,同人相處有問題影響到工作
...
同意你講法!

樓主,人有三衰六旺,失業好平常,但重要既係妳老公待人處世既心態

聽妳形容,老公家人既待人態度好有問題,所以妳老公都學埋一份

小事化大係其中一樣好傷感情既行為,有心愛錫家人既人,係唔會做得出的

收入唔多、金錢上既支援少唔係咩大問題,重點係對方有無晌其他方面例如做家務、照顧小朋友等等方面去填補,但睇黎妳老公都好似無乜咁做過

我一直覺得做人既心態好好好好重要,尤其是逆境時既心態,亦唔覺得佢會有乜好野教俾小朋友

樓主妳好好計劃一下吧


大宅

積分: 4014

2019新春慶豚圓


發表於 19-10-30 12:07 |顯示全部帖子

回覆樓主:

有時人真係要向現實低頭,無錢開飯你唔食仔都要食點會成年都唔工作,揾唔到想做嘅就算ok,7仔都要做住先,一d責任心都無,有時要扮下無錢等你c6驚,佢唔比家用屋企伙食乜野都無變你c6又點會知驚


複式洋房

積分: 486


發表於 19-10-30 13:13 |顯示全部帖子
Yee_ng 發表於 19-10-30 12:07
有時人真係要向現實低頭,無錢開飯你唔食仔都要食點會成年都唔工作,揾唔到想做嘅就算ok,7仔都要做住先,一 ...

可能男人既面子加成長環境令佢無彈性。



複式洋房

積分: 486


發表於 19-10-30 13:16 |顯示全部帖子
Heman2001 發表於 19-10-30 11:51
同意你講法!

樓主,人有三衰六旺,失業好平常,但重要既係妳老公待人處世既心態

知道。

我希望自己可以做到逆境中仍有一份積極同盼望,因為這正正係小朋友面前一個身教。人生太多未如人願既事,盼望我既下一代可以笑看人生。


水晶宮

積分: 57731

2019新春慶豚圓 2019勳章 2018復活節勳章 開心吸收勳章


發表於 19-10-30 16:09 |顯示全部帖子
JacJacMaMa 發表於 19-10-30 01:55
我自己其實好想離婚,但知道奶奶同老公會搶我小朋友,奶奶又係一個癲既潑婦,預計到會發生既事故未必我有能 ...
你老公甘樣時間你又想離婚,會唔會好像再來一腳呢?好唔好睇下再算..............但是真真唔好有BB,相信你都會離婚

首頁

尾頁

跳至
你需要登錄後才可以回帖 登入 | 註冊