吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 長文.慎入. ”想離婚，如係你會點做？” ...

夫婦情感今日: 0|主題: 42419

收藏本版

發帖

返回列表

跳至頁

查看: 20382 | 回覆: 134

12 3 4 5...7

積分: 1208

1^#

發表於 19-11-2 00:30 |只看該作者 |倒序瀏覽 |打印

本帖最後由貝貝920 於 19-11-2 00:31 編輯

代名詞：
佢：我老公
最大小朋友：A
第二小朋友：B
第三小朋友：C

由識佢起計同佢己經10年，未婚先孕，現有有3個小朋友，上至高小，下至K2。

我地屋企係女主外，男主內（身份問題想他工作也不能。一齊十年不識講一句完整既廣東話短句，亦唔見佢有心去主動去學，雖然我覺得有部份責任係我度，我冇用廣東話溝通（因為我一用廣東話佢同講野，佢就會用“唔識廣東話，no big deal，用英文同我講野（佢母” 既嬉皮笑臉樣對住我，我就會好火滾，然後放棄用廣東話，轉返英文（佢母語不是英文）。

日既生活係我送A+B返學，佢送C返學（全日班）。

在續。。。。。。。。。。。。。。。。。。。

0 0 0

私人傳訊

貝貝920

大宅

積分: 1208

2^#

發表於 19-11-2 00:35 |只看該作者

回覆樓主:

續上

佢接放學（3點接放學送A+B去功課班，C有校車4點幾送到屋企樓下。然後功課班完左（6點半，有時會拖到7點半）佢就會去接A+B返屋企。

我放工返到屋企（有1晚會夜返）通常一係佢煮飯，一係買外賣（比例通常1-2日自己煮，3-4日外賣）。家務大部份佢做（永遠低於標準，例如：被袋床單嗰類，我唔講出聲最長試過可以成個月都唔換。收衫返黎可以唔拆衣架，原封不動放係梳化三日三夜。我放假執好衣櫃，分好晒類講埋佢知點放，一星期後可以亂返晒，搵“一對”袜係會搵到發火（以前我會對係咁“哦”佢發火後佢會短暫跟返好少少，但近半年我已佛系己經會當睇唔到，亦唔會出聲）

在續。。

私人傳訊

貝貝920

大宅

積分: 1208

3^#

發表於 19-11-2 00:38 |只看該作者

回覆樓主:

續上。。。

好喇，我平日放工返到屋企成家人食飽晒後,佢就會出街散步（因有高血壓，唔做務時會，會係用黎做借口，一句 “i don't feel well" ko 我）。我就會同A+B,C(如有）去做返佢地未完成既功課，而佢地一向都唔聽我支笛，拖字決，做親功課都係拉鋸戰。一般做到9點至9點半先完，跟住佢就會“散步”完返黎。同佢傾過，佢就自稱唔識教，fine, 咁你負責幫手睇紀律，我教冇問題。講左幾次，因為每次都係咁，講完後嗰幾日係會跟到，但好快佢就黑口黑面，話太夜散步唔ok, 佢想早d返黎瞓。宜家己經又變返自己一對3。

我同佢之間，我宜家覺同佢去拎結婚證書開始已經係一個錯誤。

在續。。。。

私人傳訊

貝貝920

大宅

積分: 1208

4^#

發表於 19-11-2 00:43 |只看該作者

回覆樓主：

本帖最後由貝貝920 於 19-11-2 00:44 編輯

續上。。。。。。。。

認清左我地價值觀，習慣，態度，教仔價值觀好唔同，教仔都好唔同，我唔會為佢改變，我也不覺佢去改變。

佢覺得係咁樣，佢覺得係咁樣教，就係咁教（佢識講以前比佢阿爺打，會哩係阿嬤身後，但佢自己又會對A+B動粗。警告左佢呢到唔係佢鄉下，在打我會報警，佢先識收。）
星期日一定要出街，唔肯帶A or B or C出（佢出邊唔會有小三) ，但佢帶小朋友出去，10隻手指數得晒（更加唔好講同時帶3個）。

曾經特登請假同佢去製造二人世界，普通行街睇戲食飯，以為係因為冇2人世界，所以關係咁差。但最後竟然都可以唔開心收場。心淡。

在續。。。。。。。。。。。。。

私人傳訊

貝貝920

大宅

積分: 1208

5^#

發表於 19-11-2 00:47 |只看該作者

回覆樓主:

續上。

曾經，岩岩出蘋果7嗰陣我第一次去旅行（仲要係同阿媽一齊去泰國），佢死lur要部7（最便好似都要5仟+）做生日禮物，（但我地屋企係月光族，學津合資格拎全額）戶口試過得返廿幾蚊，仲要係差幾日先出糧，試過冇錢交書簿費，要問家姐借（佢表現到唔關佢事，冇問題既）。呢d種種即時浮上腦，我唔明點解佢可以開得到口提出d咁既要求！冷戰左勁耐，亦都係佢第一次答應離婚，但隔左半個都冇就反悔，打親情牌，想比個完整既屋企d仔，又一齊左咁耐，唔好離（之前大嘈過幾次，我有提出過離）。

佢答應話會改既野，當然，亦好似之前咁，講完嗰排會好d,之後又會固態復萌。

在續。

私人傳訊

貝貝920

大宅

積分: 1208

6^#

發表於 19-11-2 00:49 |只看該作者

回覆樓主:

續上。

所以，我宜家都好佛系，見到之前因家務嘈既事，全部當睇唔到，也唔出聲，冇煮飯，fine。衫唔折，fine。碗隔夜（2夜，3夜先洗）fine。

我寧願用d時間黎同仔做功課（之前星期六,日多數我煮飯煲湯），我都唔會做呢d野喇。

因為我覺得，如果佢連呢d都唔做好佢，一以來都會因為價值觀，家務，教仔方式不同而爭吵，我做乜咁唔開心之餘仲要養多個？為咩？

其實我都好確定，我己經唔愛佢，或者係從來都冇愛過佢。我唔想同佢有身體接觸，唔想聽到佢講野，唔想見到佢個樣。
另一方面，我的而且確係需要佢幫手湊小朋友。曾經，我天真地以為佢會改變。

在續。。。。。。。。。。

私人傳訊

貝貝920

大宅

積分: 1208

7^#

發表於 19-11-2 00:54 |只看該作者

回覆樓主:

續上。。。

同佢識左大概幾個月，未了解得佢咁清楚，年少無知，就上左去佢間劏房。半推半就，就出事了。
我地結婚，我幾肯定，我係聽左佢講，“結婚可以申請佢黎香港”。當時天真地以為會好似申請大陸人落黎一樣，好快就黎到香港，可以工作，所以選擇相信佢，同佢去結婚。而我，今天也認清了真相，可以黎既機會同中六合彩頭獎差唔係幾多。

當時同阿媽關係不是太好，她也返對我和佢一齊，但我冇聽。她也有她的生活，所以她不會幫到我手，我亦都冇諗住去煩住她。

在續。。。。。。

私人傳訊

貝貝920

大宅

積分: 1208

8^#

發表於 19-11-2 01:01 |只看該作者

回覆樓主：

本帖最後由貝貝920 於 19-11-2 01:13 編輯

續上

基本上我係一個冇人可以幫到我手既人，我內向唔係好識同人social所以都冇乜幾個朋友。
社工我見過亦都有同佢傾過（仲都覺得佢講野有文有路，唔似我口中的佢）。社工有offer我同佢面對面一齊傾，有社工做中間人。但我發現我己經唔想同佢傾，亦唔覺有咩好傾。唔想同佢在係埋一齊了。

只係我宜家擔心，如果離左婚，我會堅趕頭趕命，趕返工收工去接送小朋友。0私人時間，因為我100%肯定我會繼續做宜家份工。

我有d擔心handle唔到3個小朋友，我己經變到冇乜耐性，一有少少野唔岩心意，就會扯火（今日開始改緊）。
但係我一個都唔會比佢帶走，因為跟住佢唔會有前途。

完。

私人傳訊

貝貝920