夫婦情感

跳至

首頁
12345...7

尾頁
   5


大宅

積分: 1196


發表於 19-11-2 00:30 |顯示全部帖子
本帖最後由 貝貝920 於 19-11-2 00:31 編輯

代名詞:
佢:我老公
最大小朋友:A
第二小朋友:B
第三小朋友:C

由識佢起計同佢己經10年, 未婚先孕,現有有3個小朋友,上至高小,下至K2。

我地屋企係女主外,男主內(身份問題想他工作也不能。一齊十年不識講一句完整既廣東話短句,亦唔見佢有心去主動去學,雖然我覺得有部份責任係我度,我冇用廣東話溝通(因為我一用廣東話佢同講野,佢就會用“唔識廣東話,no big deal,用英文同我講野(佢母” 既嬉皮笑臉樣對住我,我就會好火滾,然後放棄用廣東話,轉返英文(佢母語不是英文)。

日既生活係我送A+B返學,佢送C返學(全日班)。

在續。。。。。。。。。。。。。。。。。。。


大宅

積分: 1196


發表於 19-11-2 00:35 |顯示全部帖子

回覆樓主:

續上

佢接放學(3點接放學送A+B去功課班,C有校車4點幾送到屋企樓下。然後功課班完左(6點半,有時會拖到7點半)佢就會去接A+B返屋企。

我放工返到屋企(有1晚會夜返)通常一係佢煮飯,一係買外賣(比例通常1-2日自己煮,3-4日外賣)。家務大部份佢做(永遠低於標準,例如:被袋床單嗰類,我唔講出聲最長試過可以成個月都唔換。收衫返黎可以唔拆衣架,原封不動放係梳化三日三夜。我放假執好衣櫃,分好晒類講埋佢知點放,一星期後可以亂返晒,搵“一對”袜係會搵到發火(以前我會對係咁“哦”佢發火後佢會短暫跟返好少少,但近半年我已佛系己經會當睇唔到,亦唔會出聲)

在續。。


大宅

積分: 1196


發表於 19-11-2 00:38 |顯示全部帖子

回覆樓主:

續上。。。

好喇,我平日放工返到屋企成家人食飽晒後,佢就會出街散步(因有高血壓,唔做務時會,會係用黎做借口,一句 “i don't feel well" ko 我)。我就會同A+B,C(如有)去做返佢地未完成既功課,而佢地一向都唔聽我支笛,拖字決,做親功課都係拉鋸戰。一般做到9點至9點半先完,跟住佢就會“散步”完返黎。同佢傾過,佢就自稱唔識教,fine, 咁你負責幫手睇紀律,我教冇問題。講左幾次,因為每次都係咁,講完後嗰幾日係會跟到,但好快佢就黑口黑面,話太夜散步唔ok, 佢想早d返黎瞓。 宜家己經又變返自己一對3。

我同佢之間,我宜家覺同佢去拎結婚證書開始已經係一個錯誤。

在續。。。。


大宅

積分: 1196


發表於 19-11-2 00:43 |顯示全部帖子

回覆樓主:

本帖最後由 貝貝920 於 19-11-2 00:44 編輯

續上。。。。。。。。

認清左我地價值觀,習慣,態度,教仔價值觀好唔同,教仔都好唔同,我唔會為佢改變,我也不覺佢去改變。

佢覺得係咁樣,佢覺得係咁樣教,就係咁教(佢識講以前比佢阿爺打,會哩係阿嬤身後,但佢自己又會對A+B動粗。警告左佢呢到唔係佢鄉下,在打我會報警,佢先識收。)
星期日一定要出街,唔肯帶A or B or C出(佢出邊唔會有小三) ,但佢帶小朋友出去,10隻手指數得晒(更加唔好講同時帶3個)。

曾經特登請假同佢去製造二人世界,普通行街睇戲食飯,以為係因為冇2人世界,所以關係咁差。但最後竟然都可以唔開心收場。心淡。

在續。。。。。。。。。。。。。


大宅

積分: 1196


發表於 19-11-2 00:47 |顯示全部帖子

回覆樓主:

續上。

曾經,岩岩出蘋果7嗰陣我第一次去旅行(仲要係同阿媽一齊去泰國),佢死lur要部7(最便好似都要5仟+)做生日禮物,(但我地屋企係月光族,學津合資格拎全額) 戶口試過得返廿幾蚊,仲要係差幾日先出糧,試過冇錢交書簿費,要問家姐借(佢表現到唔關佢事,冇問題既)。呢d種種即時浮上腦,我唔明點解佢可以開得到口提出d咁既要求! 冷戰左勁耐,亦都係佢第一次答應離婚,但隔左半個都冇就反悔,打親情牌,想比個完整既屋企d仔,又一齊左咁耐,唔好離(之前大嘈過幾次,我有提出過離)。

佢答應話會改既野,當然,亦好似之前咁,講完嗰排會好d,之後又會固態復萌。

在續。


大宅

積分: 1196


發表於 19-11-2 00:49 |顯示全部帖子

回覆樓主:

續上。

所以,我宜家都好佛系,見到之前因家務嘈既事,全部當睇唔到,也唔出聲,冇煮飯,fine。衫唔折,fine。 碗隔夜(2夜,3夜先洗)fine。

我寧願用d時間黎同仔做功課(之前星期六,日多數我煮飯煲湯),我都唔會做呢d野喇。

因為我覺得,如果佢連呢d都唔做好佢,一以來都會因為價值觀,家務,教仔方式不同而爭吵,我做乜咁唔開心之餘仲要養多個?為咩?

其實我都好確定,我己經唔愛佢,或者係從來都冇愛過佢。我唔想同佢有身體接觸,唔想聽到佢講野,唔想見到佢個樣。
另一方面,我的而且確係需要佢幫手湊小朋友。曾經,我天真地以為佢會改變。

在續。。。。。。。。。。


大宅

積分: 1196


發表於 19-11-2 00:54 |顯示全部帖子

回覆樓主:

續上。。。

同佢識左大概幾個月,未了解得佢咁清楚,年少無知,就上左去佢間劏房。半推半就,就出事了。
我地結婚,我幾肯定,我係聽左佢講,“結婚可以申請佢黎香港”。當時天真地以為會好似申請大陸人落黎一樣,好快就黎到香港,可以工作,所以選擇相信佢,同佢去結婚。而我,今天也認清了真相,可以黎既機會同中六合彩頭獎差唔係幾多。

當時同阿媽關係不是太好,她也返對我和佢一齊,但我冇聽。她也有她的生活,所以她不會幫到我手,我亦都冇諗住去煩住她。

在續。。。。。。


大宅

積分: 1196


發表於 19-11-2 01:01 |顯示全部帖子

回覆樓主:

本帖最後由 貝貝920 於 19-11-2 01:13 編輯

續上

基本上我係一個冇人可以幫到我手既人,我內向唔係好識同人social所以都冇乜幾個朋友。
社工我見過亦都有同佢傾過(仲都覺得佢講野有文有路,唔似我口中的佢)。社工有offer我同佢面對面一齊傾,有社工做中間人。但我發現我己經唔想同佢傾,亦唔覺有咩好傾。唔想同佢在係埋一齊了。

只係我宜家擔心,如果離左婚,我會堅趕頭趕命,趕返工收工去接送小朋友。0私人時間,因為我100%肯定我會繼續做宜家份工。

我有d擔心handle唔到3個小朋友,我己經變到冇乜耐性,一有少少野唔岩心意,就會扯火(今日開始改緊)。
但係我一個都唔會比佢帶走,因為跟住佢唔會有前途。

完。


大宅

積分: 1196


發表於 19-11-2 01:11 |顯示全部帖子

回覆樓主:

多謝你花時間睇完呢編長文
如果係你,你會點做?
PS. 我出邊都冇小三。


大宅

積分: 4793

2019新春慶豚圓 2019勳章


發表於 19-11-2 01:17 |顯示全部帖子
簡單黎講,樓主覺得身邊喱個人搵對外唔到錢、對內幫唔到手,無乜需要繼續將佢留起身邊,反而一條友更自在,反正家庭事大部份都係自己跟。問題係,你一個人係咪可以獨當一面,處理埋家庭一切事務包括下欄嘢同雜務同接仔返學放學,經濟條件又容唔容許你可以請個工人或鐘點協助等?


別墅

積分: 993

2019勳章


發表於 19-11-2 01:21 |顯示全部帖子
貝貝920 發表於 19-11-2 01:11
多謝你花時間睇完呢編長文
如果係你,你會點做?
PS. 我出邊都冇小三。

我會當佢工人,因為無人幫到你,佢始終一定程度上接送到阿仔。對佢係姐姐咁用,自己係單身心態。不為佢有期望,不為佢嬲。如果遇到第二個,我先會走。


大宅

積分: 1665


發表於 19-11-2 01:23 |顯示全部帖子
如果你無後路,可能真係要捱到d小朋友大d 先可以!


大宅

積分: 1196


發表於 19-11-2 01:24 |顯示全部帖子
cometingliu 發表於 19-11-2 01:17
簡單黎講,樓主覺得身邊喱個人搵對外唔到錢、對內幫唔到手,無乜需要繼續將佢留起身邊,反而一條友更自在, ...

多謝你睇左呢篇長文。
你講得好岩,你綜合能力好高丫!
首先,條件請唔到工人, touchwood,細路病左也未必可以連續拎到3,4日假。
返學A+B 其實可以自己返到學,C送完返學就即刻扑返工。
接放學我一定要準時走。


大宅

積分: 1196


發表於 19-11-2 01:31 |顯示全部帖子
AudiQ7 發表於 19-11-2 01:21
我會當佢工人,因為無人幫到你,佢始終一定程度上接送到阿仔。對佢係姐姐咁用,自己係單身心態。不為佢有 ...

多謝你覆我篇長文, 你講既前半段我己經做緊,遇第二個唔敢諗太多,自己條件唔係好
但身體接觸真係唔想有 夫妻間要交功課時我覺得比人姦緊咁。。。。。
sorry講得太粗白得濟,但搵唔到第二個詞語去形容個刻既心情同感覺。


大宅

積分: 1196


發表於 19-11-2 01:32 |顯示全部帖子
laufunhong 發表於 19-11-2 01:23
如果你無後路,可能真係要捱到d小朋友大d 先可以!

Thanks for your reply。
我有諗過set條線係2年後等C 上埋小學先同佢攤牌。


男爵府

積分: 7118

2019勳章


發表於 19-11-2 02:02 |顯示全部帖子
你先生係咪而家仲未攞到居留權,所以做唔到嘢?
(我估你先生應該係黑人,因為同我朋友經歷有啲似)


大宅

積分: 1196


發表於 19-11-2 04:18 |顯示全部帖子
mimuib 發表於 19-11-2 02:02
你先生係咪而家仲未攞到居留權,所以做唔到嘢?
(我估你先生應該係黑人,因為同我朋友經歷有啲似)
...

你朋友拎左居留權未?


子爵府

積分: 12141

2019新春慶豚圓 2019勳章


發表於 19-11-2 07:55 |顯示全部帖子
貝貝920 發表於 19-11-2 00:43
續上。。。。。。。。

認清左我地價值觀,習慣,態度,教仔價值觀好唔同,教仔都好唔同,我唔會為佢改變, ...

我老公咪又係咁 不過佢有工作 其他我都係一腳踢 有姐姐, 說真的 親人 是不可當姐姐用, 而佢也應該為頭家著想下, 佢又罪不至死, 又無小三 係廢d 不過香港男人 或女人ftm 都係咁上下, 我識果ftm 話奏住兩件煮唔到飯 , 咁佢先生一樣咁愛佢


瑪瑙宮

積分: 145030

2019新春慶豚圓 2019勳章 2018父親節勳章 2018母親節勳章 2018復活節勳章 畀面勳章 環保接龍勳章 BK Milk勳章


發表於 19-11-2 09:44 |顯示全部帖子
貝貝920 發表於 19-11-2 01:11
多謝你花時間睇完呢編長文
如果係你,你會點做?
PS. 我出邊都冇小三。

我會想分開
但睇你之後話冇能力請工人…………

忍吓先,不要再生了
相知相遇相識


大宅

積分: 4016

2019新春慶豚圓


發表於 19-11-2 11:51 |顯示全部帖子

回覆樓主:

咁咪當同屋主或者當佢係比較懶嘅姐姐,到你真係應付到晒解決到所有問題就同佢

首頁
12345...7

尾頁

跳至
你需要登錄後才可以回帖 登入 | 註冊