夫婦情感

跳至

首頁

尾頁
   4


複式洋房

積分: 106


發表於 19-11-2 21:04 |顯示全部帖子
C6心裡面有第二個, 佢當時比我揭發時, 有講到明佢係好愛呢個女仔,對我只係淨低感情, 而我當時亦感受到佢為呢個女仔做咗好多嘢, 改變晒佢自己, 去愛呢個人。
東窗事發後,我同C6傾過,鬧過,哭過,事發已接近兩年,而家我同佢仍然一齊生活, 表面和諧, 出出入入仍然係一家人齊齊整整一齊 , 同佢仍然有傾計, 不過係傾個女嘅嘢為主。我知係因為我哋有個女維繫住,以及我哋傾好咗, 大家都以唔想太影響個女為前提, 佢應承咗我同嗰個女仔斬欖 。

但係到今日,我每日仍然諗起佢係點樣傷害我 , 最傷嘅係諗起佢心裡面愛嘅唔係我 , 我同佢接近20年嘅感情,都比唔上一個識咗冇耐嘅女仔? 我知佢只係為咗唔想影響小朋友先選擇留喺個家, 因為本身佢都係一個重視屋企嘅人 , 只怪小三嘅魔力太大, 佢一直係好好先生,對屋企好好,我完全冇諗過佢會做對我唔住既事 。而家耐唔耐我都仲會向佢發癲,要check佢要管佢 ,要佢畀信任我,呢件事上,我應承過畀多一次機會佢 ,但係其實響發生小三事件之前,我哋嘅感情已經開始淡, 佢好照顧屋企, 我自己太緊張個女而忽略咗佢 。 但係我自問我冇做錯過任何事 。 呢幾年黎我哋好少親密嘅身體接觸,而家發生啲咁嘅事更加可以話係冇。

另一方面,我見佢越嚟越沉默,好似好唔開心咁, 咁其實佢係咪真係想留喺呢個屋企? 定係我勉強緊佢? 咁嘅生活點樣維持落去? 阿女而家青春期, 而且已開始懂事,佢都感受到我同爸爸嘅感情唔好 。我每一日都過得好辛苦,好似喺個女面前做戲咁, 好似呃緊佢咁。 我係咪應該放手?唔放, 但內心深處已經好難再信呢個枕邊人,咁又可以點?


大宅

積分: 2175


發表於 19-11-2 21:35 |顯示全部帖子
放手啦!
自己辛苦、對方亦辛苦!

如對方已講明對你只得感情冇愛情,還要來作甚?日日見大家都辛苦!女兒方面並非藉口,青春期都初中啦,現在的青少年思想都早熟,如你地關係真係唔妥,佢都feel到啦!越拖得耐就越辛苦,情緒亦起伏得大!

我都二十年有多夫妻,我發現時都發哂癲,情緒失控咁嘈,仔高中生直頭話唔開心就離婚啦!我考慮咗一星期,就去取雙方同意的離婚呈請書重即時填埋,之後交比佢簽名!


瑪瑙宮

積分: 140584

2019新春慶豚圓 2019勳章 2018父親節勳章 2018母親節勳章 2018復活節勳章 畀面勳章 環保接龍勳章 BK Milk勳章


發表於 19-11-2 21:40 |顯示全部帖子
syc7 發表於 19-11-2 21:04
C6心裡面有第二個, 佢當時比我揭發時, 有講到明佢係好愛呢個女仔,對我只係淨低感情, 而我當時亦感受到 ...

佢只係心裡面有第二個定係已經出軌?
但係佢為左唔影響囡囡已經同個女仔斬纜?
月光很美麗☺


大宅

積分: 2175


發表於 19-11-2 21:44 |顯示全部帖子
回覆 wingyaumama 的帖子

可能佢以為作為女性的我,重有幾年都登六會容忍下去,所以當我比佢簽名時,佢反而不知所措!
男人,唔到家破人亡係唔識驚!不過,你亦要考慮以後經濟是否能支持!


複式洋房

積分: 106


發表於 19-11-2 22:04 |顯示全部帖子
回覆 wingyaumama 的帖子

經濟壓力上我係無問題, 養到自己, 甚至加埋阿女。 對我嚟講 ,安穩嘅生活唔係用錢黎衡量, 我著重係屋企人嘅心, 我著重嘅係c6對我嘅忠誠。


複式洋房

積分: 106


發表於 19-11-2 22:12 |顯示全部帖子
回覆 crystal媽咪 的帖子

我當時一知道已經癲咗,我唔敢問佢哋去到一個幾深入嘅程度,我怕一問咗係返唔到轉頭...... 佢只係認有攬錫拖, 佢當時亦心知肚明同嗰個女仔冇可能, 因為個女仔最後亦都表示要離開佢,知難而退。 係我心裏面放唔低, 我feel 到C6好鍾意佢好錫佢,我心知我亦因為呢件事,好難再投入去愛呢個男人,我甚至仲會懷疑C6有繼續聯絡個女仔,去關心佢。我唔忿,係咪好似輸唔起呢, 我唔甘心放手, 唔甘心冇晒所有安穩嘅嘢。


瑪瑙宮

積分: 140584

2019新春慶豚圓 2019勳章 2018父親節勳章 2018母親節勳章 2018復活節勳章 畀面勳章 環保接龍勳章 BK Milk勳章


發表於 19-11-2 22:18 |顯示全部帖子
syc7 發表於 19-11-2 22:12
回覆 crystal媽咪 的帖子

我當時一知道已經癲咗,我唔敢問佢哋去到一個幾深入嘅程度,我怕一問咗係返唔到 ...

即使留到個人喺身邊,個心已經唔喺你度。而且都影響囡,佢咁大,知發生咩事。
睇下對方想唔想做輔導/維繫,否則就分開。放手,並非唔甘心無左安穩嘅嘢,而家都唔見得好平穩
月光很美麗☺


別墅

積分: 520


發表於 19-11-2 22:20 |顯示全部帖子
咁講既話,佢肯番轉頭,只係因為個小三仲有人性,肯知難而退
如果好我C6果件小三咁,明知有老婆有仔仲要主動牽身,覺得無問題,佢肯唔肯回頭先?


侯爵府

積分: 22633

BK Milk勳章


發表於 19-11-2 22:21 |顯示全部帖子
唔好以為用個小朋友去維繫婚姻,小朋友會感覺到父母關係同相處。

我當年知道前夫有小三時,簡直係不能相信,人前人後好好先生、好父親。

我當年決定離婚而坦白同小朋友講時,係同小朋友講爸爸媽媽唔可以繼續一齊生活,但我同爸爸永遠愛佢。

我講完嗰刻係成個人鬆晒。因為由知道有小三到離婚嗰段時間真係好辛苦,我唔想為難自己。


翡翠宮

積分: 78475

2019新春慶豚圓


發表於 19-11-2 22:46 |顯示全部帖子

回覆樓主:

老實佢已經講到明
你都心知佢做乜留低架啦
仲有乜好幻想?
留低佢就只係軀殼
心走左就係走左
人型物咪就係你面前嗰人咁,愈來愈沉默
咁樣攬炒到底為乜
你自己亦極之難受
比我一定放手,最少自己高高興興做人


大宅

積分: 2175


發表於 19-11-2 22:50 |顯示全部帖子
回覆 syc7 的帖子

自己有經濟能力,就算離婚都可免了一個擔心!對不忠的人,坦白講以後心裡一定有一條刺!最惨係條刺無論何時何地何處又會突然刺痛了心!


複式洋房

積分: 488


發表於 19-11-2 23:07 |顯示全部帖子
syc7 發表於 19-11-2 22:12
回覆 crystal媽咪 的帖子

我當時一知道已經癲咗,我唔敢問佢哋去到一個幾深入嘅程度,我怕一問咗係返唔到 ...

如果比你知道左原來佢地仲有聯絡,可能唔係喺埋一齊,但仲會send message關心佢,咁你會點?


複式洋房

積分: 106


發表於 19-11-2 23:12 |顯示全部帖子
本帖最後由 syc7 於 19-11-2 23:14 編輯
Emmyy 發表於 19-11-2 22:20
咁講既話,佢肯番轉頭,只係因為個小三仲有人性,肯知難而退
如果好我C6果件小三咁,明知有老婆有仔仲要主 ...

妳都好明白,呢個問題亦係我有響亂諗野嘅時候諗過, 如果個女仔唔係對佢唔好和主動放手, 佢仲會要屋企?仲會在意我和阿女? 我發難喊晒時, 佢梗係有講過仍然在意和愛我,但係我唔知佢係咪講一套心諗一套。 因為我曾經揭發佢前,偷睇到佢電話, 佢同佢嘅最老死朋友講咗一啲嘢,令我好傷心好心淡, 不過我到今日都冇踢爆佢,亦都冇追問佢, 因為我連自己想點都未搞得掂。 響爆煲之後,佢曾經有問過我係咪接受唔到佢,佢願意搬走, 咁樣講其實代表乜嘢? 佢係咪係好重視我感受? 咩都睇我頭? 定係佢驚我情緒不穩會影響個女? 佢驚我去死, 所以揸頸就命做返我身邊一個乖老公? 我每日心裏面都好多呢啲疑問!


複式洋房

積分: 106


發表於 19-11-2 23:19 |顯示全部帖子
回覆 YcY1513 的帖子

表面證據係無, 我認係查得佢好緊, 佢亦守晒行為按晒我要求去做, 冇詐型,亦主動交代行縱和比證據我睇。 妳講嘅我有諗過, 如果我知道, 應該唔會接受到, 因為咁更加證明佢對人餘情未了, 咁我算係乜?


複式洋房

積分: 106


發表於 19-11-2 23:31 |顯示全部帖子
回覆 heiheikwok 的帖子

因為阿女已有d反叛和行為問題, 我唔敢再節外生同佢講屋企要散


子爵府

積分: 12872

2019新春慶豚圓 畀面勳章


發表於 19-11-2 23:45 |顯示全部帖子
佢只係因為小三要離佢而去,先至話為左個女而留低,你醒下,依家係你令自己辛苦,接受唔到自己响佢心目中已沒有位置。。


別墅

積分: 520


發表於 19-11-3 00:15 |顯示全部帖子
syc7 發表於 19-11-2 23:19
回覆 YcY1513 的帖子

表面證據係無, 我認係查得佢好緊, 佢亦守晒行為按晒我要求去做, 冇詐型,亦主動交 ...

我果個之前認衰果排咪ㄧ樣,串佢兩句話係咪同條女去街,緊張到即刻facetime黎澄清
久而久之,慢慢都無心力check佢,又或者係開始信番佢
點知又再出軌
所以呢,放長雙眼慢慢睇啦,話改都唔好咁快信番佢


複式洋房

積分: 106


發表於 19-11-3 02:49 |顯示全部帖子
Emmyy 發表於 19-11-3 00:15
我果個之前認衰果排咪ㄧ樣,串佢兩句話係咪同條女去街,緊張到即刻facetime黎澄清
久而久之,慢慢都無心力 ...

今日, 我仍會check佢, 係為咩?再發現d咩咪會即刻同佢離婚? 無發現又代表係無可能, 只係佢掩飾得好? 太乖仲明顯身有屎? 我自己都答唔到自己為乜仲係要咁神經質亂諗嘢, 係太傷?又有d好似係為啖氣咁, 為好勝咁, 我見佢靜晒, 我自己有時會心涼, 有時會內疚, 總之冇晒以前真正平靜嘅相處。

同佢嘅關係處緊張狀態, 我見佢只係行為乖咗,但無主動去氹我和接近我, 我心裡面仍覺得佢對人地念念不忘, 甚至有機會的話, 佢仍會想同人繼續, 即使唔係呢個, 日後都會有第二, 第三, 第四個。



子爵府

積分: 14500

2019勳章


發表於 19-11-3 04:05 |顯示全部帖子
syc7 發表於 19-11-2 23:31
回覆 heiheikwok 的帖子

因為阿女已有d反叛和行為問題, 我唔敢再節外生同佢講屋企要散 ...

你為了女兒忽略佢,咁而家其實係你的收成期。
你和女兒的關係一定很好吧? 為什麼跟女兒說會有問題?
對佢呢,佢話過愛你,亦坦白話過佢愛個女仔。即係佢想同時有你同有佢。你既然選擇了用發癲用話去死嚟去留佢,佢留低你目的已達,其他佢亦已做足,肯被你check 和管。
愛是出於心,你也沒有氹佢,身體是誠實的,你見佢失戀心涼,你不跟他親近,其實你討厭佢? 你既不再愛他,卻要佢氹你?
你的時間用在哪裡,收成通常就在哪裡。想得到他的愛,就多做些令他愛的事。


男爵府

積分: 8137

2019勳章


發表於 19-11-3 04:49 |顯示全部帖子
syc7 發表於 19-11-2 21:04
C6心裡面有第二個, 佢當時比我揭發時, 有講到明佢係好愛呢個女仔,對我只係淨低感情, 而我當時亦感受到 ...

困獸鬥,兩敗俱傷

首頁

尾頁

跳至
你需要登錄後才可以回帖 登入 | 註冊