夫婦情感

跳至

首頁

尾頁
   4


大宅

積分: 1655


發表於 19-11-3 06:46 |顯示全部帖子

回覆樓主:

如果你係想維持一個家,你就要忍,將重心放喺自己度,唔再諗c6是否曾經出軌,呢樣真係傷感情又無法修補之前關係。
如果你發現你自己真係頂唔到同接受唔到佢呢個過去,而且自己一個生活都無問題仲開心,咁不如放過自己。


別墅

積分: 674


發表於 19-11-3 09:36 |顯示全部帖子
syc7 發表於 19-11-2 22:12
回覆 crystal媽咪 的帖子

我當時一知道已經癲咗,我唔敢問佢哋去到一個幾深入嘅程度,我怕一問咗係返唔到 ...

開頭我老公出軋被發現時,都係話只攬錫,只係一年,但後來,當小三迫佢要找我爆大獲時,他才肯向我坦白一切,不是一年,是三年,還有上床⋯⋯不過,我覺得一定要知清楚,否則,你只會無限想像,時常亂想,知清楚,才可以決定點做


別墅

積分: 674


發表於 19-11-3 09:42 |顯示全部帖子
syc7 發表於 19-11-2 23:12
妳都好明白,呢個問題亦係我有響亂諗野嘅時候諗過, 如果個女仔唔係對佢唔好和主動放手, 佢仲會要屋企? ...

我好明白,可能你想回到從前,但已經不可能,你想對佢好,但過不了自己,你會責怪佢,佢都冇理你感受,為何要再關心佢?慢慢來,急不了。
我現在甚麼也不做,由佢去補償,承擔後果,去氹,可能過多一排,再看看情況,最重要係自己,那條路最開心,生活重點不要放在他身上,你付出太多,為自己找快樂的事做


複式洋房

積分: 488


發表於 19-11-3 10:55 |顯示全部帖子
syc7 發表於 19-11-2 23:19
回覆 YcY1513 的帖子

表面證據係無, 我認係查得佢好緊, 佢亦守晒行為按晒我要求去做, 冇詐型,亦主動交 ...

我會咁樣問你,係因為我有個朋友的老公10年前有小三,一齊左1年終於真正分開了,一直都平靜。
但到10年後的今日,原來佢老公仍然有搵個小三,纏住人,人地都已婚了,但佢話仍然會守護佢,仍會每日message佢,真係心寒呀!


民房

積分: 16


發表於 19-11-3 11:16 |顯示全部帖子
syc7 發表於 19-11-2 21:04
C6心裡面有第二個, 佢當時比我揭發時, 有講到明佢係好愛呢個女仔,對我只係淨低感情, 而我當時亦感受到 ...

做決定前同左個女傾下先啦~始終個家阿女都有份,佢都要知你地發生緊咩事,你難受D乜,阿女大個嫁啦,佢如果同你關係好,佢就會明白你,其實有D女係會支持媽媽每一個決定嫁,所以媽媽唔好咁擔心阿女(emoji)(emoji)


別墅

積分: 543


發表於 19-11-3 11:24 |顯示全部帖子
wingyaumama 發表於 19-11-2 22:50
回覆 syc7 的帖子

自己有經濟能力,就算離婚都可免了一個擔心!對不忠的人,坦白講以後心裡一定有一條刺! ...
同意jm所講“最惨係條刺無論何時何地何處又會突然刺痛了心”



翡翠宮

積分: 78507

2019新春慶豚圓


發表於 19-11-3 11:53 |顯示全部帖子
RAY媽 發表於 19-11-3 04:05
你為了女兒忽略佢,咁而家其實係你的收成期。
你和女兒的關係一定很好吧? 為什麼跟女兒說會有問題?
對佢呢 ...

本帖最後由 mini1204 於 19-11-3 11:54 編輯

段關係已經溶溶爛爛到咁
强迫係一齊真係雙方都谷到生 cancer 陰公
我留你係我要懲罰你
你留低係我怕鬼左你
要樓主去 be nice, 比 tender loving care 又確係難
男既已經心係另一個身上其實佢再出軌既機會率達到95%
我只係睇到互虐,完全睇吾到轉機
女女亦絕對吾會睇吾到呢D虚假既關係

做人做成咁,所謂何事??

放過自己好好生活,前面仲有大把好日子。


大宅

積分: 3927

2019新春慶豚圓


發表於 19-11-3 12:17 |顯示全部帖子

回覆樓主:

成日嘈關係緊張就算留得住c6又係咪對你女好呢,就算你呢一刻留得住,到你女大佢都係會走,因太大厭力,你自己都傷害緊自己,你係到揾緊c6嘅錯等自己死心


公爵府

積分: 28667

2019新春慶豚圓 2019勳章 醒目開學勳章 畀面勳章


發表於 19-11-3 13:54 |顯示全部帖子
我好少叫人放手,但樓主真係應該放手。
樓主有經濟能力,唔能夠再信C6,又唔愛C6,又冇性生活,仲要神經緊張咁成日check C6,真係人都癲。
阿女開始大,好快有自己生活,樓主亦可以重新出發。
如果有疑惑,不妨和C6約婚姻顧問傾下,看看仲挽唔挽救,和就算分開,為個女,也不希望變仇人。


侯爵府

積分: 21778

2019新春慶豚圓


發表於 19-11-3 13:59 |顯示全部帖子
本帖最後由 858D 於 19-11-3 14:00 編輯
syc7 發表於 19-11-2 21:04
C6心裡面有第二個, 佢當時比我揭發時, 有講到明佢係好愛呢個女仔,對我只係淨低感情, 而我當時亦感受到 ...

一個家庭係你和家人以共識來運行的。即是說不需要只用一個模式,一個樣板來運行。Be creative.


複式洋房

積分: 152


發表於 19-11-3 16:19 |顯示全部帖子
本帖最後由 syc7 於 19-11-3 16:21 編輯

回覆 858D 的帖子

你又係講得好啱, 咁多年嚟我哋三個咩都慣咗係一齊 ,所有嘅嘢都係一齊去做, 出出入入形影不離, 佢照顧得屋企妥妥貼貼,我就主要應付我自己工作和阿女學業, 有時習慣呢樣嘢真係幾得人驚, 好似我哋三個都已經慣咗呢一個模式去運作, 即使關係已千瘡百孔, 心底裡好似冇人想去有大改變, 唔敢諗冇左呢個模式嘅生活會係點。 加上我比佢留喺身邊, 好似有啲感覺我先係唔係輸家, 我唔甘心十幾二十年嘅婚姻輸畀一個不知所謂嘅小三,唔願意放生個衰男人去尋找真愛, 我唔願意直接面對自己嘅婚姻失敗。 但我當然明白咁樣生活落去大家困獸鬥, 我亦自問未可以唔諗一個開口話對我只有家人感情嘅人, 流流長一世點過, 當佢係運作屋企嘅partner? 我自己未知自己可以點


別墅

積分: 674


發表於 19-11-3 16:26 |顯示全部帖子
syc7 發表於 19-11-3 16:19
回覆 858D 的帖子

你又係講得好啱, 咁多年嚟我哋三個咩都慣咗係一齊 ,所有嘅嘢都係一齊去做, 出出入入 ...

可能你還愛他,對佢還有些小期望。不過放生佢,你並不是輸,其實係佢輸哂,係個囡心中,變得一文不值,另外,你係為你自己找一條快樂的路,你值得擁有一個對你更好的人和生活,就算你遇不到另一個合適的人,起碼不用再擔驚受怕,可以自由自在去做自己想做嘅事。


別墅

積分: 542


發表於 19-11-3 16:34 |顯示全部帖子
syc7 發表於 19-11-2 22:12
回覆 crystal媽咪 的帖子

我當時一知道已經癲咗,我唔敢問佢哋去到一個幾深入嘅程度,我怕一問咗係返唔到 ...

我果件同個八婆兩個月乍,比我偷偷地搵到,連潤滑制都用埋
搶得人老公既小三,根本就係發姣淫賤,邊會保守到唔上床吖


複式洋房

積分: 152


發表於 19-11-3 16:34 |顯示全部帖子
mini1204 發表於 19-11-3 11:53
本帖最後由 mini1204 於 19-11-3 11:54 編輯

段關係已經溶溶爛爛到咁

你嘅一字一句, 都係我有諗過嘅野。 講真, 你哋嘅留言我全部好認真咁睇曬, 字字對我黎講, 都好中要害。

我自問咁多年嚟,無風無浪下係無乜去諗去同佢經營兩個人嘅關係, 好似唔係好愛佢咁, 每日在忙碌中渡過, 各司其職做好啲事務就算。


我唔知個女仔有幾比到愛情嘅感覺佢, 我只知個女仔都唔係對佢好好, 但佢就仆心仆命對人, 我唔肯定佢哋係咪真係已無聯絡, 又或者佢有冇死唔放手而只係對方唔理佢, 但肯定嘅係佢心裡面仲有掛住呢個人, 因為我發現左佢做緊d野去繼續關注呢個人。 佢肉體可能無再出軌,表面對我做晒聽聽話話, 但佢嘅心和行為係呃唔到人, 呢樣先最心寒, 最陌生。


複式洋房

積分: 152


發表於 19-11-3 16:39 |顯示全部帖子
Emmyy 發表於 19-11-3 16:34
我果件同個八婆兩個月乍,比我偷偷地搵到,連潤滑制都用埋
搶得人老公既小三,根本就係發姣淫賤,邊會保守 ...

你點發現? 而家你同佢又係點?
我唔敢踩到去問佢呢個問題, 佢話冇, 我又會唔信, 但我又驚佢好坦白話有, 我係會接受唔到。



侯爵府

積分: 21778

2019新春慶豚圓


發表於 19-11-3 17:08 |顯示全部帖子
syc7 發表於 19-11-3 16:19
回覆 858D 的帖子

你又係講得好啱, 咁多年嚟我哋三個咩都慣咗係一齊 ,所有嘅嘢都係一齊去做, 出出入入 ...
睇你現在情況,唔需要急住要搵出自己可以點。慢慢地衡量下,慢慢地知道結果。


翡翠宮

積分: 78507

2019新春慶豚圓


發表於 19-11-3 17:17 |顯示全部帖子
syc7 發表於 19-11-3 16:34
你嘅一字一句, 都係我有諗過嘅野。 講真, 你哋嘅留言我全部好認真咁睇曬, 字字對我黎講, 都好中要害。 ...

咁慢慢諗
總有一日你會整理到頭緒出黎
眾多既情緒感覺入面,吾甘心最不可取
我眼見因為吾甘心而留既人,100%後悔,因為連自己既快樂也賠上了
成為一個可怕既怨婦,全世界都怕左佢
你要留人/留自己一定要心甘情願開開心心,堅決忘記前事。如果只為吾甘心你害死自己
good luck !


複式洋房

積分: 152


發表於 19-11-3 17:24 |顯示全部帖子
mini1204 發表於 19-11-3 17:17
咁慢慢諗
總有一日你會整理到頭緒出黎
眾多既情緒感覺入面,吾甘心最不可取

我試過避開屋企兩日, 感覺真係開心啲啲, 至少無太多去諗佢點唔愛自己, 無對住佢見佢個愁樣, 形住佢掛住人地



侯爵府

積分: 23135

2019新春慶豚圓


發表於 19-11-3 17:30 |顯示全部帖子
syc7 發表於 19-11-2 23:19
回覆 YcY1513 的帖子

表面證據係無, 我認係查得佢好緊, 佢亦守晒行為按晒我要求去做, 冇詐型,亦主動交 ...

與其糾纏過去,既然都選擇繼續一齊,點解要再係d 無答案嘅問題度loop, 你要忠誠,咁你又知唔知佢要咩?事發後,你一直要求嘅,佢都有做,你總不能無了期咁懲罰佢,折磨佢,隨時又拎出黎攻擊佢?係,佢做錯左,咁要補償到咩時候先?坐監都會坐完吖!你揀左要一齊,何必一齊懲罰大家呢?佢想要嘅,你又有無比過佢呢?其實你無時無刻提醒佢係一個犯人,佢諗到將來都係要為佢嘅錯一直被懲罰,又點會開心呢? 原諒先係對自己最大嘅放下,你唔需要為左人地做錯事,去一齊受罰啊。


複式洋房

積分: 152


發表於 19-11-3 18:47 |顯示全部帖子
skybiebie 發表於 19-11-3 17:30
與其糾纏過去,既然都選擇繼續一齊,點解要再係d 無答案嘅問題度loop, 你要忠誠,咁你又知唔知佢要咩?事 ...


我唔係存心為罰佢, 我係希望比次機會佢, 但知佢只係行為改, 為個女留底, 心唔響我度, 我諗唔到日子可以點過, 就控制唔到會發佢癲。 佢係人生幾十年嘅伴侶, 如果一齊係痛苦過各自生活, 咁係咪我地應分開? 但我唔敢行出呢一步, 可能因為我自己都嚟至父母離婚嘅家庭,唔想認命, 更唔想我嘅家人知呢件事, 自己唯有谷住谷住。 呢兩年,每次見到身邊嘅人離離合合, 甚至睇電視劇, 娛樂新聞, 都會觸動我嘅神經, 諗起佢對我唔住嘅嘢。

首頁

尾頁

跳至
熱門主題
結婚為咩 ... 2 3 4 5 6 .. 9
你需要登錄後才可以回帖 登入 | 註冊