母乳餵哺

跳至

首頁
1

尾頁
   1


複式洋房

積分: 304


發表於 19-11-5 11:05 |顯示全部帖子
BB 50日大,呢個第二胎,全職媽媽,要照顧兩個,其實餵人奶定奶粉已經無要求,唯一想一係全人奶,一係全奶粉,等自己有足夠時間休息,處理家頭細務。
一開頭因為乳頭損晒,所以頭兩個星期都係上唔到奶,頭兩星期都係半人奶半奶粉。

乳頭好番之後,試過想追番奶,堅持全日埋身,唔俾奶粉,但一直都係唔夠奶。

點解話唔夠奶,我覺得唔係無信心,堅持到而家,真係觀察到係唔夠奶:
(1) 如果全日埋身,BB會全日24小時唔停啜,一放低就喊,全日唔可以熟睡多過2個鐘。
(2) 一轉全人奶,生長線就由10%急跌到3%,有啲趨向跌離3%線添。
(3) 一路啜一路扯乳頭發脾氣,好似食極都無貨到,勁mung爭咁。
(4) 一全人奶就即刻無便便,vivi一日都只有5塊濕片(有時條片唔太重手添)

個個推崇母乳嘅人都話,只要頻密餵哺,身體就會調節,增加奶量。但我已經堅持咗兩個多星期,仍然係唔夠奶狀態,追奶嘅進度遠遠追唔切跌磅嘅速度。

因為全日都要掛住喺心口,個人真係攰得好緊要,腰酸骨痛。

全人奶方向唔得,咁嘗試全奶粉方向,補奶粉,等自己收奶。但一餵少咗就塞奶,一塞又要用兩三日,又泵又按又煲嘢飲去通。

人奶唔夠飽,補奶粉又塞奶,進退兩難半天吊,可以點做??


別墅

積分: 503


發表於 19-11-5 11:37 |顯示全部帖子
smileybaby 發表於 19-11-5 11:05
BB 50日大,呢個第二胎,全職媽媽,要照顧兩個,其實餵人奶定奶粉已經無要求,唯一想一係全人奶,一係全奶 ...

會唔會bb啜奶方式唔岩?同埋個人飲食同心情都好影響


複式洋房

積分: 304


發表於 19-11-5 12:22 |顯示全部帖子
回覆 chingmanhoo 的帖子

感覺佢有食到,奶陣到嗰陣會食到「摺摺」聲,不過成日食5-10分鐘佢就想瞓覺,但一離口,放落床一陣就喊,然後又抱起再啜過,如是者全日、甚至零晨都係咁樣渡過。所以好多家務都做唔到,煮飯都只有由佢喊,煮完掛住佢喺心口食飯;教大仔做功課、睇書、玩遊戲、氹瞓覺都係掛住BB喺心口。
心情其實真係差,因為大寶見到我全日都抱住B,少咗好多時間陪佢玩,每日都發好多次脾氣,就算唔同佢爭拗,正係耳仔嘅疲勞轟炸都夠攞命。

每日都掙扎住,究竟繼續向全人奶方向走,定搵方法退奶好...


大宅

積分: 2542

2019新春慶豚圓 2019勳章


發表於 19-11-5 12:49 |顯示全部帖子
smileybaby 發表於 19-11-5 11:05
BB 50日大,呢個第二胎,全職媽媽,要照顧兩個,其實餵人奶定奶粉已經無要求,唯一想一係全人奶,一係全奶 ...

本帖最後由 mommy2015 於 19-11-5 12:59 編輯

你可以泵出嚟餵,唔夠先補奶粉。泵到見到人奶夠先轉返埋身。但都多嘢做,又要洗泵,又要埋身。最好有人幫手。或者可以半泵半埋身,埋完身唔夠再補粉。等阿B可以飽啲,拉長返個食嘅時間先。如果食全奶粉,或者可以手楂奶,等個腔無咁室,每日漫漫減少楂,楂到個腔唔痛唔谷就算,食返啲收奶嘢(淡豆豉,乳鴿等),然後等收奶。



別墅

積分: 726

2019新春慶豚圓


發表於 19-11-5 13:39 |顯示全部帖子
如果真係想收奶, 唔可以突然話收就收, 要慢慢減

你唔一定要堅持100% 人奶/奶粉, 好多MAMA 都泵比BB, 唔夠再補奶粉
或者你試下做泵媽?


複式洋房

積分: 304


發表於 19-11-5 15:34 |顯示全部帖子
回覆 mommy2015 的帖子

係呀,試過又埋身又泵奶,真係多咗好多功夫,而且泵出嚟都唔多,唔知係咪因為啜完餵,到而家泵極都係得40-50ML。BB埋身又食得耐,然後再泵清,加埋洗嘢,都好花時間。


大宅

積分: 2542

2019新春慶豚圓 2019勳章


發表於 19-11-5 15:59 |顯示全部帖子
smileybaby 發表於 19-11-5 15:34
回覆 mommy2015 的帖子

係呀,試過又埋身又泵奶,真係多咗好多功夫,而且泵出嚟都唔多,唔知係咪因為啜完 ...

本帖最後由 mommy2015 於 19-11-5 16:12 編輯

但係初初係會小奶㗎喎。如果要食人奶就要捱過去。慢慢會好啲。但係大部分媽咪第二胎多數會多奶。你可以規定阿B食完半個鐘頭埋身你就補返奶粉俾佢。等佢飽啲唔會成日要食。咁你未泵奶囉。買多一兩套泵,留返俾你工人洗。或者一次過洗。用免攜式奶泵,你咪可以理你個大B同做嘢囉。其實最有效嘅泵奶方法係用手揸。努力呀媽媽捱過6個月加固就OK。


複式洋房

積分: 215


發表於 19-11-6 12:22 |顯示全部帖子
smileybaby 發表於 19-11-5 11:05
BB 50日大,呢個第二胎,全職媽媽,要照顧兩個,其實餵人奶定奶粉已經無要求,唯一想一係全人奶,一係全奶 ...

泵出黎餵,開頭唔夠奶我都會飲雞精上奶,如果想收奶都要慢慢黎,食返收奶野


複式洋房

積分: 304


發表於 19-11-7 13:20 |顯示全部帖子
回覆 mommy2015 的帖子

哈哈,工人加陪月就係我老公囉。而家坐完月,老公番咗工,全部嘢自己做啦,所以咪唔想又埋身又奶粉又泵咁花時間。


大宅

積分: 2542

2019新春慶豚圓 2019勳章


發表於 19-11-7 13:24 |顯示全部帖子
smileybaby 發表於 19-11-7 13:20
回覆 mommy2015 的帖子

哈哈,工人加陪月就係我老公囉。而家坐完月,老公番咗工,全部嘢自己做啦,所以咪 ...

本帖最後由 mommy2015 於 19-11-7 13:28 編輯

如果太辛苦,根本就唔使諗,就索性全奶粉先。
如果要人奶,係要初頭辛苦啲。一係就一餐人奶一餐奶粉,慢慢夠人奶先全人奶。但你都係要泵奶囉。


複式洋房

積分: 304


發表於 19-11-7 14:04 |顯示全部帖子
回覆 mommy2015 的帖子

明白...挨多排啦,挨到一個,唔爭在挨多個


複式洋房

積分: 304


發表於 19-11-7 14:08 |顯示全部帖子
回覆 wonglouise 的帖子

你指白X氏雞精?


複式洋房

積分: 215


發表於 19-11-7 14:25 |顯示全部帖子
smileybaby 發表於 19-11-7 14:08
回覆 wonglouise 的帖子

你指白X氏雞精?

係呀我係飲開白蘭氏


大宅

積分: 2542

2019新春慶豚圓 2019勳章


發表於 19-11-7 16:16 |顯示全部帖子
smileybaby 發表於 19-11-7 14:04
回覆 mommy2015 的帖子

明白...挨多排啦,挨到一個,唔爭在挨多個

本帖最後由 mommy2015 於 19-11-7 16:19 編輯

為比最好嘅嘢BB,媽媽努力㗎。
如果第一胎係人奶,第二胎應該會多奶。好快可以全埋身,少啲嘢做。如果太辛苦,偶然比一餐半餐奶粉,都可以㗎。唔好迫自己逼得咁犀利。放鬆啲心情會好啲。


大宅

積分: 3618


發表於 19-11-13 20:02 |顯示全部帖子
wonglouise 發表於 19-11-6 12:22
泵出黎餵,開頭唔夠奶我都會飲雞精上奶,如果想收奶都要慢慢黎,食返收奶野
...
請問你飲邊隻雞精?有用嗎?


複式洋房

積分: 179


發表於 19-11-15 09:10 |顯示全部帖子
本帖最後由 Yty96 於 19-11-15 09:11 編輯
smileybaby 發表於 19-11-5 11:05
BB 50日大,呢個第二胎,全職媽媽,要照顧兩個,其實餵人奶定奶粉已經無要求,唯一想一係全人奶,一係全奶 ...

餵人奶係好辛苦嘅,你bb可能猛長期,所以會好似食唔夠,忟同拉扯乳頭,如果你怕佢食唔夠,可以繼續人奶加奶粉咁餵丫,揀個你需要用黎做其他野嘅時間餵奶粉,譬如你要煮飯咁煮飯前咪餵奶粉,等你有多點時間做野

家頭細務真係暫時要放開一點,bb仲細,你又有大寶要兼顧,只做必要的,盡量簡化,或交一d俾老公幫手

1)我bb猛長期個時都一樣食唔停,一日可以餵15次,就算唔係都一個鐘一次,日頭佢又唔訓覺,晚上訓得4個鐘,根本冇得休息,我都明白好崩潰

2)人奶同奶粉唔同,奶粉bb一定會吹脹咁快,人奶bb肥極都有限,如跌得太勁就真係要辛苦少少人奶奶粉都餵,同埋健康院姑娘有冇根據你個情況去俾建議?其實如果bb精神有反應,暫時可以再觀察一下

3)有機會係猛長期,猛長期係幫媽媽增奶量,佢忟個時你有冇試過自己支一下有冇奶出,姿勢口形都好重要,同埋你話bb有時啜5-10分鐘就訓著左,其實佢啜係有運動量係道,而人奶含有放鬆嘅賀爾蒙令媽媽同bb都會眼訓,有時bb會覺得攰就訓左,佢未必食夠,最好要餵15-20分鐘,前奶後奶都食到,咁佢食完就會定定地,有機會唔訓,但都唔會嘈你。同埋你一日餵咁多餐去到晚上佢繼續chur你,奶冇早上岩岩訓醒咁多係正常,但其實乳房係不停做奶架,點都會有

4)人奶可以俾bb完全吸收,冇便便幾天其實唔需要太擔心,要留意bb肚仔有冇實谷谷,有就要按摩可能有肚風同埋有便便出唔到,bb有冇keep住放屁,有就即係腸臟蠕動正常,不用太擔心,濕片係要注意嘅,我bb最近都係得5塊片,但佢尿嘅顏色正常,佢又好精靈活潑,我覺得再觀察一下

我都係全人奶媽媽,好明白個種心口掛住個b腰酸骨痛冇得抖,但見到bb食完滿足,同佢玩佢開心咁笑就咩都唔記得
追奶都係要慢慢架,因人而異,我用左差不多成個月先多左20mL奶,多食上奶食物,bb想啜就俾佢啜啦,堅持就事成
你有冇用集奶器,一邊俾bb啜,一邊用集奶器吸住,滴左出黎嘅奶都可以餵埋俾bb,飲多左都會多尿左
如果有疑問仲可以隨時打電話去母乳熱線問姑娘架,佢地都好好人
加油呀媽媽


珊瑚宮

積分: 112846

2019新春慶豚圓 2019勳章 開心吸收勳章


發表於 19-11-18 17:45 |顯示全部帖子
本帖最後由 bosch 於 19-11-18 17:54 編輯
smileybaby 發表於 19-11-5 11:05
BB 50日大,呢個第二胎,全職媽媽,要照顧兩個,其實餵人奶定奶粉已經無要求,唯一想一係全人奶,一係全奶 ...

so far 我覺得你餵得好ok 喎, 你都接近夠奶丫!

人奶b 冇便便正常呀, 人奶易吸收又冇渣滓, 根本冇乜野要痾出黎, 所以你夠唔夠奶只係睇濕尿片. 亦因為人奶好易消化會滯住, 同埋埋身餵係難啜d 變相飲少d 奶, 所以bb 會快肚餓, 好似成日喊咁, 到佢第日口肌好d, 啜多d 奶後會喊少d.


唔駛一刀切, 可以好似之前咁補奶粉. 你唔駛餐餐補, 夜晚果餐補都得, 補完大家有覺好瞓. 我大仔時係咁, 儘量一日只補夜晚餐咁佢瞓到5個鐘我可以抖下上下網休息下, 間中出街補一次粉, 可以慢慢由補奶粉變全人奶.

我夠知密密餵係好, 但我湊二仔細女時, 點追都唔夠奶, 但個人攰到死, 連飲食都冇時間仲追咩奶, 煲過魚湯又唔掂, 食多d 又唔得. 所以唔夠奶咪補奶, 不過補左唔代表bb 會重得快d, 佢兩個都一樣係重得慢左. 所以唔好期望奶粉可以改變太多, 有人得, 但果個唔係我d 仔女囉.

反正收奶要慢慢收, 你不如再補奶粉先. 5塊濕片係緊緊夠, 我覺得有6塊片穩陣d.


複式洋房

積分: 215


發表於 19-11-27 12:02 |顯示全部帖子
麻辣媽咪 發表於 19-11-13 20:02
請問你飲邊隻雞精?有用嗎?

本帖最後由 wonglouise 於 19-11-27 12:02 編輯

上面有講呀,我飲白蘭氏,上奶ok架


首頁
1

尾頁

跳至
你需要登錄後才可以回帖 登入 | 註冊