我細佬之前係快餐店識左個大陸女仔好快就一齊左,到依家一齊左約2個月,個女仔知我細佬本身有女朋友都唔介意,叫我細佬同我媽講有佢存在。
話咁快個女仔依家就有左(堅係有左)個女仔話係安全期,射左入去一次咁多,咁就中左,細佬之前同女朋友一直係咁反而都冇事,佢知我細佬本身都冇諗住咁快要bb,話要結婚,等bb出世後又可以同佢離婚,依句説話大家點睇,會唔會呃膳養費嗰d,細佬冇物業,有架10幾萬既車,搵3,4萬一個月。
大陸女仔背景:爸媽其中一方係香港人,有3個子女,3年前佢爸媽幫佢搞假結婚來港(有身份證,非永久)但佢爸媽點解唔直接申請佢來港,要假結婚?
我知道細佬唔啱,但個女仔背景又有d可疑,又話結婚後可以離婚,咁點解要結?驚佢俾人呃,大家俾俾意見,個女仔真心定另有目的?我細佬問個大陸女仔點解要結婚再離婚,佢話係因為知我細佬唔想要b,所以結完之後離婚係放左佢,又話如果唔結佢老豆同佢斷絕關係。
依家重玩野,send 依d説話俾我細佬,大家係未見過屋企人既
(你唔出嚟,你以為我爸唔會搵人去刮你?)
(你要搞大件事?)
(如果你都係咁嘅方向態度,你直接叫伯母伯父出嚟傾,長輩要點傾係佢哋溝通。交代,你屋企係要畀我屋企一個交代。冇可避免。我唔想有一日,我親人去起你底,成群人去搵你。)
本身細佬已覆佢唔結唔要,依家個女人咁恐怖重點要,佢死都要見我爸媽先話可以平靜解決,唔係就以死相逼。
日日有新招,今日話要公審我細佬
最新進展,我細佬俾左2個方案佢,第一:生出黎驗DNA,係細佬既就每月俾d錢佢養。第二:俾番手術費佢做手術
個女揀左俾$佢做手術,佢開價7萬,細佬話先俾3萬佢做手術,之後有單據再俾埋尾數,佢唔肯,要一次過晒數俾佢,大家覺得應唔應該一次過俾佢?
好識扮可憐,俾$佢落,重話唔分手,可以一齊番