論盡家傭

跳至

首頁

尾頁
   1


大宅

積分: 1154


發表於 19-11-15 15:26 |顯示全部帖子
你係度呻得,即係已經忍無可忍!即炒唔好煩啦!
其實41歲咁q老,仲乜都唔識做,點解仲繼續留佢係度白出人工嘆世界?!
公開埋啲資料,等佢唔好再害其他人


大宅

積分: 1910


發表於 19-11-15 20:28 |顯示全部帖子
只係一樣 -- 唔知工人在家的位置 -- 就已經要炒.
蠢可以寫低跟著做, 唔知位置的無得搞.
裝睡的人喚不醒, 裝聾的人聽不聞


大宅

積分: 3795


發表於 19-11-15 21:35 |顯示全部帖子
回覆 anperbaby 的帖子

我忍到自己就黎痴線了,因為佢有人質在手,我女要佢照顧,我同老公都要返工,近期老爺入左醫院,奶奶要照顧老爺,無時間理阿女,如揾part time 或鐘點,宜家社會、交通咁亂,驚part time 都黎唔到,宜家考慮的係即炒賠錢俾佢,定俾一個月通知期佢走,之前已食曱甴包,我怕俾通知期佢,我地會飲屎水。
佢夜晚九點就自動消失,自己做自己野,我都無理佢,佢重未自己買過菜,所有菜係我買,連日用品都係我買,我亦唔介意佢同我地一齊用沐浴露、洗頭水、護髮素,佢生日,我直頭放左佢假,俾佢去玩,重送左條周大福銀頸鍊俾佢,我自問已經做到最好了⋯⋯

我都唔想佢再害人,我炒佢時會公佈佢個名同資料,免得有人再中伏

真係超勞氣,先同大家呻下,感謝大家🙏


複式洋房

積分: 160


發表於 19-11-15 22:03 |顯示全部帖子
炒前先要佢簽warning,認食物不潔/弄壞傢俱/不聽僱主指令之類的罪行。炒後寫投訴信給入境處以免公主遺禍人間。

忍到5個月,你太勁了。

可以請同區鐘點幫手嗎? 同區夠近就可避免嚴重受交通問題影響。


複式洋房

積分: 323

2019勳章


發表於 19-11-15 23:09 |顯示全部帖子
Szesze0507 發表於 19-11-15 10:05
回覆 rainbowww 的帖子

好顧主我係呀,返左印尼個姐姐重同我保持聯絡,見到新聞報導香港好亂,佢主動關心 ...

快d換拉。你早應該比一個月通知距 唔好白白賠一個月


大宅

積分: 3795


發表於 19-11-16 10:59 |顯示全部帖子
回覆 rainbowww 的帖子

俾一個月通知,我驚佢俾屎我女食,或者揾機會整傷佢,到時重心痛過賠一個月俾佢,我未講,佢將盒鈣思寶(250ml)剪開,倒部分出黎加穀片俾大女做早餐,我唸住簡單任務,無技巧可言,點知菲姐將盒奶就咁放返雪櫃,第二日又再攞出黎,又加落穀片俾阿女食,之後又放回雪櫃,第三日,又攞盒奶出黎,我見奇怪,先發現菲姐連基本常識都無,盒奶都變曬質,都繼續俾阿女食,攪到佢肚柯。重有,佢切曬我一包(惠康超市買袋裝)甘筍放雪櫃,切粒,放到出水都唔處理,超級浪費食物,預餸菜份量一係就多到8人都食唔曬,一係就少到3個人都唔夠食,所以宜家都好少叫佢煮飯了,簡直係倒錢落垃圾筒。
佢重奇怪到將三文魚扒加薑加甜豉油蒸熟,菜係甜,或者苦,同埋佢真係教極唔識(或者玩野博炒),建議姐妹們不要選用,我應該會12月中處理佢,亦希望姐妹們不要信什麼黄**老師推介,黄**老師之前已欺騙另一位媽媽,收了錢,聲稱已處理聘請傭工事宜,個工人半年都唔見,個媽媽打电话去入境事署查,無任何紀錄,原來黃**根本無幫個媽媽申请,問佢時又不停話有,毫無誠信可言,大家要留意


珊瑚宮

積分: 111478

2019新春慶豚圓 2019勳章 2018母親節勳章 2018復活節勳章 Poo得好勳章 15週年勳章 親子王國15週年勳章 親子王國15週年勳章 玩具勳章 畀面勳章 醒目開學勳章 環保接龍勳章 BK猜猜猜慶中秋 BK Milk勳章 hashtag影視迷勳章 最關心BB問題熱投勳章


發表於 19-11-16 11:27 |顯示全部帖子
你工人, 分明博炒。 唔使比機會。
牧師太太? 係咪church of christ教會? 有冇要星期四放多日?


複式洋房

積分: 323

2019勳章


發表於 19-11-16 21:27 |顯示全部帖子
Szesze0507 發表於 19-11-16 10:59
回覆 rainbowww 的帖子

俾一個月通知,我驚佢俾屎我女食,或者揾機會整傷佢,到時重心痛過賠一個月俾佢, ...

真係救命。工人睇少一陣都唔得。距地無常識。我個工人試過抹完鞋櫃直接抹食飯台 好彩我發現左


大宅

積分: 3400


發表於 19-11-16 21:48 |顯示全部帖子
本帖最後由 3aaa_baby 於 19-11-16 21:50 編輯

我試過係復活節假期,我忍無可忍,就係假期時督促佢做好返曬D清潔,不過過程真係好辛苦,要寸步不離看著,但我個菲姐係識做,不過勁懶,所以我直情坐在廚房門口看住佢做,洗車又陪埋佢去,看住佢洗,結果搞左3日,最後那日,做曬要做既嘢,大約5點左右先炒左佢
炒前玩左佢一餐,心都涼埋


大宅

積分: 1019

2019勳章


發表於 19-11-16 22:11 |顯示全部帖子
樓主,請問係唔係Zxx Wong,黃老師?我都差啲搵佢請姐姐,佢又係好主動介紹菲比我,但我一直都係想請印,但佢就不停推介菲比我


複式洋房

積分: 439


發表於 19-11-16 22:31 |顯示全部帖子
樓主,可能你之前個姐姐真係太好,所以你對而家個姐姐太容忍喇。爛左嘢等佢地出聲冇用架,佢地只要唔出聲,冇人知就冇事嘛。

你講左咁多嘢,有冇任何證據證據佢做過?冇嘅就開始攞證據。例如將同佢嘅對話錄音,例如俾指示時、佢多次唔聽指示而你同佢討論時。

佢多次唔聽從你合法合理嘅指示,或者犯嚴重錯誤,你係可以即炒佢唔洗補錢,去睇吓勞工法例都係咁講。

如果你炒左佢就冇人湊細路,就快啲搵新姐姐,新姐姐一到就即炒佢。炒佢時通知份境處嗰張表格,寫清楚咩原因炒佢,因為入境處係會睇嘅,嚴重嘅話就可能佢下一份工唔批佢嚟做,咁就唔會害下一個家庭。


複式洋房

積分: 439


發表於 19-11-16 22:38 |顯示全部帖子
重要嘅嘢、保障到你自己嘅嘢,一定要錄音/錄影/影相(當然你唔好俾佢知你錄緊)。例如到你炒佢嘅時候,錄低係佢自願簽張入境處表格(補唔補錢都好),唔係你逼佢,否則佢告返你轉頭話你要脅佢簽(見過有人分享經歷真係俾個姐姐咁告)。所有錢(人工、代通知金、薪金代替未放嘅假期或應得嘅年假、交通津貼)同機票,佢簽收時都錄起個過程,等佢唔會追討你。佢做咁短時間唔會有長期服務金,未足一年的話就算你唔再請姐姐,亦都唔洗俾遣散費。總之要知道自己嘅責任同權益,收集保障自己嘅證據。


大宅

積分: 3795


發表於 19-11-17 22:06 |顯示全部帖子
回覆 MMfaith 的帖子

係,枉我重同佢做左幾年同事,跟著朋友,真的是唔熟唔食,俾件垃圾我。好彩你無請,你都通知你的朋友咪信佢,靠唔住
重有,我啱先入廚房揾刀切野,發現我把新買的刀切爛左........點解可以咁......切乜可以連把刀都切崩左兩大個窿⋯⋯重申,只得菲姐用過......其實,之前我想攞把新刀黎用,菲姐阻止我,話用把細刀會方便啲,因為把新刀係用刀套套住,所以我唔覺𠺢,把刀係近幾個月買的,菲姐實在係破壞之王。


大宅

積分: 3795


發表於 19-11-17 22:11 |顯示全部帖子
回覆 John_3_16 的帖子

多謝你,佢整爛啲野,我每次都有影低,不過問佢,菲姐次次講(I don’t know,mum),死口唔認,話唔關佢事,係之前啲姐姐做,我又可以點?
有乜嚴重過失係唔洗補錢,理由係佢不停破壞我的物品得唔得?


大宅

積分: 3795


發表於 19-11-17 22:18 |顯示全部帖子
回覆 John_3_16 的帖子

我炒佢,唔係就可以了嗎?什麼是(例如到你炒佢嘅時候,錄低係佢自願簽張入境處表格,唔係你逼佢),唔係好明,我炒佢唔係單方面?要等佢回應?

炒佢原因可以係:把食物放在手上去切,極度危險,我真的不想看雜技囉?


炒佢原因可以係:浪費食物,不懂煮飯?


炒佢原因可以係:曾經疏忽照顧我女,幾個月無同佢刷牙?





大宅

積分: 3795


發表於 19-11-17 22:22 |顯示全部帖子
回覆 MMfaith 的帖子

佢啲菲姐,你真的要唸清楚,重有,我重申:我之前的印尼姐姐係佢幫手搭線,介紹我俾間agent (中介),間中介幫我請的,黃**老師只係艇仔,幫手搵客的。


大宅

積分: 3795


發表於 19-11-17 22:30 |顯示全部帖子
回覆 Szesze0507 的帖子

炒佢原因可以是不誠實嗎?佢砌爛左濾水器條管唔認,不誠實


複式洋房

積分: 439


發表於 19-11-17 23:21 |顯示全部帖子
Szesze0507 發表於 19-11-17 22:18
回覆 John_3_16 的帖子

我炒佢,唔係就可以了嗎?什麼是(例如到你炒佢嘅時候,錄低係佢自願簽張入境處表格 ...

你炒佢要通知入境處,而入境處張表格要佢簽名:

https://www.immd.gov.hk/hkt/forms/forms/id407e.html

之前見過有人分享經歷,玩嘢姐姐同僱主本來有共識斷約,點知跟住扮嘢話僱主逼佢簽張表格,唔補代通知金俾佢。

如果你打算補一個月人工要佢即走嘅,應該就冇咁嘅問題嘅。但都保障自己啦,即炒佢嘅時候錄低佢簽張表、簽收所有人工等等嘅錢。


複式洋房

積分: 439


發表於 19-11-17 23:26 |顯示全部帖子
Szesze0507 發表於 19-11-17 22:11
回覆 John_3_16 的帖子

多謝你,佢整爛啲野,我每次都有影低,不過問佢,菲姐次次講(I don’t know,mum), ...

僱 主 或 僱 員 是 否 可 無 須 給 予 對 方 通 知 或 代 通 知 金 而 終 止 僱 傭 合 約?

答2. 是。

如 果 僱 員 在 與 其 僱 傭 有 關 的 事 宜 上:

故 意 不 服 從 僱 主 合 法 而 又 合 理 的 命 令;

行 為 不 當;

犯 有 欺 詐 或 不 忠 實 行 為; 或

慣 常 疏 忽 職 責,

僱 主 可 無 須 給 予 通 知 或 代 通 知 金 而 即 時 解 僱 該 僱 員。

但 僱 主 應 該 留 意, 即 時 解 僱 是 嚴 重 的 紀 律 處 分, 只 有 在 僱 員 犯 了 非 常 嚴 重 的 過 失 或 經 多 次 警 告 仍 不 改 善 的 情 況 下 才 採 用。


https://www.labour.gov.hk/tc/faq/cap57d_whole.htm



複式洋房

積分: 459


發表於 19-11-18 03:28 |顯示全部帖子
唔好勞氣,無謂為左一個外人影響自己情緒。我同你情況好相似,態度差、大大聲駁咀、無心做、整爛野... 唉不能盡錄... 依家終於頂唔順餵夜奶辭職,周圍搵工去繼續遺禍人間...希望jm 們請斷約工時要小心....

首頁

尾頁

跳至
你需要登錄後才可以回帖 登入 | 註冊