Baby Kingdom - 親子王國 香港 討論區 › 首頁 › 夫婦情感› 懷疑老公外遇的直覺

夫婦情感

收藏本版
發帖
返回列表
跳至頁
懷疑老公外遇的直覺  

首頁
12345...20

尾頁
   50
clcsandy


大宅

積分: 4158


發表於 19-11-15 11:18 |顯示全部帖子
唔知點解，我上個月突然有懷疑老公外遇的直覺，我好心煩。

我老公三年前番呢份工，總公司Ｏ係美國，香港得佢都佢老世，中國有２位同事。一開始見工已經話明要不停上大陸，呢三年黎都係平日上三日，其餘的時間在香港。點解TAKE呢份工，係因為總比之前一星期五都要Station 係大陸好，而且人工都多左。

通常老公都係星期一早上上大陸，星期三回家。星期三晚上要和美國老闆開Conference Call，呢個係真既，因為佢關埋房間我都聽到佢講野，一開就2小時..平時佢上左大陸，有乜野都可以Wechat / Whatsapp佢，佢放工同Suppliers食完飯就會Wechat我地（就咁Text我同我傾一陣計或視頻）因為經常同美國老世Email 來往，手機經常Connect company email，手機不離手，日又覆夜又覆，星期六日出街定未出街都日睇夜睇，除左Email，大家都知大陸用Wechat多架啦，同Supplier又係Wechat來Wechat去，從來無變直至現在。

講番我地背景，我地結婚十年，有２個小朋友（3 and 7yrs）每逢星期六日必定一齊出去玩，平日晚上在家佢都會幫下手...
唯一唔好就係我2個小朋友好痴我, 唔肯自己訓, 要同大人訓...以前一家四口一齊同床, 後尾老公話訓得唔舒服, 自己去左另一間房自己訓, 呢段其間, 晚上小朋友訓曬, 佢想要就會過黎揾我, 我都好少拒絕佢, 除非我真係好攰...但呢一年, 我老公開始多野做, 上大陸唔止一個地方, 除左星期一去星期三番, 跟住星期四去星期五番; 如果真係好忙既, 可能O係大陸留多一晚, 或者星期日同我地出完街黃昏就上大陸...我又要朝早六點起身送仔番學, 我地既親密行為由4月開始無, 一直等到上個月先有, 但都唔係好COMPLETE, 老公中途軟左自己放棄....

其實我FEEL都佢係攰既, 但有一日出街唔知點解我見佢成日REPLY wechat/whatsapp，我就嬲嬲地發佢脾氣，問佢同邊個講野，佢當時無答，我話你唔答即係你默認，佢就話我係咪痴痴地，咪同Supplier lor,我攰咋MA....我話你無就比手機我睇, 佢無認我...跟住我地無吵落去, 又如常平時咁講下笑, 但其實我係強裝無野...

隔多數天, 有一日小朋友訓曬, 我老公如常O係自己房關左門睇手機, 我入佢房放D野佢又無乜反應, 直至我出左客廳WHATSPP佢做乜唔理我, 我自從要主力照顧小朋友由FULL TIME變PART TIME, 大部分時間都係對住佢地, 為何你晚上都唔同我傾下計, 成日匿O係房, 佢睇到MESSAGE即刻出黎, 都係搭住我連忙安慰, 又係話以為你成日早起照顧小朋友要多休息我唔阻你, 身體要緊, 我地現在無工人, 星期六日你想二人世界數小時咪出聲, 叫6299黎睇陣小朋友LOR..無野架.....當時我真係喊曬....自那一天, 呢2星期佢又好似比平時著緊我多D, 同我多D, 小朋友訓曬佢就走出黎揾我, 但都係傾15-30分鐘度就叫大家早D訓, 其實我知佢唔係即刻訓, 我見到房裡佢仲開住小夜燈睇手機, 大約11點去個洗手間先訓...

我已經同佢講我地要諗方法快D番黎一齊訓, 大仔已經可以自己訓, 仲爭細女...其實我地3個一齊訓都仲可以, 不過佢話訓得舒服..可能佢已經習慣左...

其實由大學拍拖到現我地都唔查大家手機, 大家都有自己開機PASSWORD從來都唔過問, 但今次我真係好想睇, 有時佢會比我睇下佢講乜LOR, 但我好難續個睇.

我現在成日同自己講, 唔好搞大件事住, 始終未有證據, 可能我顧住小朋友唔夠關心佢? 我現在開始做番多D, 再觀察一段時間再算..但個心真係好煩
私人傳訊

小豬Pigpig


侯爵府

積分: 23099


發表於 19-11-15 11:30 |顯示全部帖子
睇你d文字，有冇外遇未知，但冇咁愛你同感情淡左就似係，唯有自己多d溫柔，嗲多d老公，唔好成日審問佢，d男人好衰，萬一佢係大陸真係識到件，又唔係唔知大陸啲女仔幾溫柔㗎啦，佢做嘢辛苦，返到屋企又要俾老婆炸型又問來問去，變相會愈來愈厭倦屋企嗰個，迷上出面d野花架喇，唔好唸咁多住，多d關心下老公
私人傳訊

clcsandy


大宅

積分: 4158


發表於 19-11-15 11:42 |顯示全部帖子
小豬Pigpig 發表於 19-11-15 11:30
睇你d文字，有冇外遇未知，但冇咁愛你同感情淡左就似係，唯有自己多d溫柔，嗲多d老公，唔好成日審問佢，d男 ...

我依家就係多D做番温柔野。前幾個月，小朋友訓曬我入佢房傾下計佢都好似唔想咁架，什至小朋友喺廳玩緊，都話爸爸點解成日匿喺房玩手機...我願踏出一步，但都要佢肯踏出一步。其實平時我都唔哦佢，驚佢唔鐘意，通常都會問佢好唔好，問佢意見先。佢自問個人都係燥底，雖然無家暴我，唔係成日發我脾氣。

佢其實都愛錫自己仔女，但可惜工作太忙，兩個都唔痴爸爸。我盡力令兩小朋友痴多D爸爸，希望關係好上加好。

其實我暗中巢過佢袋同櫃桶，都未有乜發現。唯獨揾到張金行單，七月中買過條$1800頸鏈，當然我無收過，但太耐喇，諗諗下佢又好似提過同事叫佢買金...呢個我真係唔太肯定。
私人傳訊

20150618bb


珊瑚宮

積分: 106995

2024年龍年勳章 2024勳章 虎到金來勳章 牛年勳章 2018復活節勳章 開心吸收勳章


發表於 19-11-15 12:42 |顯示全部帖子
clcsandy 發表於 19-11-15 11:18
唔知點解，我上個月突然有懷疑老公外遇的直覺，我好心煩。

我老公三年前番呢份工，總公司Ｏ係美國，香港得 ...
你已經小見佢,而又分房.............唉,唔出問題先奇怪.

私人傳訊

SUMSUM_88


男爵府

積分: 9428


發表於 19-11-15 13:02 |顯示全部帖子
我真係好反對同BB/小朋友一齊瞓，兩公婆唔維系夫妻關係，好容易有隔膜，BB一出生自己瞓係冇問題架
私人傳訊

CCHINGC


子爵府

積分: 10419


發表於 19-11-15 13:14 |顯示全部帖子
分房瞓係大忌，仲要佢成日需要回大陸，更少時間在家，宜家第一步即係安排小朋友自己瞓，然後隔個星期同佢二人世界培養感情
私人傳訊

clcsandy


大宅

積分: 4158


發表於 19-11-15 13:22 |顯示全部帖子
20150618bb 發表於 19-11-15 12:42
你已經小見佢,而又分房.............唉,唔出問題先奇怪.

所以要諗法子改善囉，老公呢兩個星期都著緊左我。其實呢幾個月我地又唔係無計傾又無嘈交，係好似有細路，家庭生活就係咁架啦嘅想法。雖然唔知佢係真有定根本無外遇，但經過上次我講一講，希望佢get到，如果真係有，我等佢自己去處理番。我有我盡力拉番近我同老公嘅關係，我只有咁做。
私人傳訊

clcsandy


大宅

積分: 4158


發表於 19-11-15 13:24 |顯示全部帖子
SUMSUM_88 發表於 19-11-15 13:02
我真係好反對同BB/小朋友一齊瞓，兩公婆唔維系夫妻關係，好容易有隔膜，BB一出生自己瞓係冇問題架
...

現在仲爭個細女，佢好嗲(emoji)。今晚我夜晚盡力叫番個老公番黎訓，佢覺得三個人迫，我努力說服佢試番先
私人傳訊

clcsandy


大宅

積分: 4158


發表於 19-11-15 13:30 |顯示全部帖子
CCHINGC 發表於 19-11-15 13:14
分房瞓係大忌，仲要佢成日需要回大陸，更少時間在家，宜家第一步即係安排小朋友自己瞓，然後隔個星期同佢二 ...

我會盡力，我睇佢成日都好眼訓，坐車想訓覺，喺屋企又想訓覺，我同佢講我好想同佢二人世界出番街，有時奈何星期六日6299唔得閒睇我哋d細路（平時幫手湊，現無再請工人），盡力找時間，平時喺香港我會等埋佢一齊搭車番工，拖下手仔。
私人傳訊

clcsandy


大宅

積分: 4158


發表於 19-11-15 13:38 |顯示全部帖子
SUMSUM_88 發表於 19-11-15 13:02
我真係好反對同BB/小朋友一齊瞓，兩公婆唔維系夫妻關係，好容易有隔膜，BB一出生自己瞓係冇問題架
...

以前我細女係自己訓架，幾個月大時唔知咩事晚晚半夜企喺BB床度叫，我成日就走來走去，搞到無覺好訓，通頂都試過。最後不敵睡魔，同我地大人訓
私人傳訊

mini1204


翡翠宮

積分: 79224


發表於 19-11-15 13:49 |顯示全部帖子
clcsandy 發表於 19-11-15 13:38
以前我細女係自己訓架，幾個月大時唔知咩事晚晚半夜企喺BB床度叫，我成日就走來走去，搞到無覺好訓，通頂 ...

3個人一齊訓
我係佢都say no
要返工架大佬
day1已經吾應該大細同床
私人傳訊

FennieMan


珍珠宮

積分: 34867

減齡達人勳章


發表於 19-11-15 14:11 |顯示全部帖子
clcsandy 發表於 19-11-15 13:24
現在仲爭個細女，佢好嗲(emoji)。今晚我夜晚盡力叫番個老公番黎訓，佢覺得三個人迫，我努力說服佢試番先
...

你攪錯哂！唔係要說服個老公三個人迫住瞓。係要令個女自己瞓。唔好話佢細，佢嗲就由得佢，個老公係你嘅。

我有對孖女(emoji)，由醫院返屋企後，佢哋自己瞓，唔會和我地同床，我仲要餵人奶，一晚出入佢哋房N次。最主要我唔想嘈住個老公，等佢有覺好瞓。
私人傳訊

clcsandy


大宅

積分: 4158


發表於 19-11-15 15:34 |顯示全部帖子
FennieMan 發表於 19-11-15 14:11
你攪錯哂！唔係要說服個老公三個人迫住瞓。係要令個女自己瞓。唔好話佢細，佢嗲就由得佢，個老公係你嘅。
...

我都想個女自己訓，但佢張BB床已經無左。咁嘅情況，要哥哥讓兒童床比妹妹，哥哥訓成人單人床，我只係驚佢地半夜跌落床，因為佢地好反訓
私人傳訊

20150618bb


珊瑚宮

積分: 106995

2024年龍年勳章 2024勳章 虎到金來勳章 牛年勳章 2018復活節勳章 開心吸收勳章


發表於 19-11-15 15:38 |顯示全部帖子
clcsandy 發表於 19-11-15 13:22
所以要諗法子改善囉，老公呢兩個星期都著緊左我。其實呢幾個月我地又唔係無計傾又無嘈交，係好似有細路， ...
1 唔好分房, 2 你話佢去唔去的[有女人]娛樂場所,相信係有,至於其他野自己問下佢,冷戰處理
私人傳訊

clcsandy


大宅

積分: 4158


發表於 19-11-15 15:52 |顯示全部帖子
20150618bb 發表於 19-11-15 15:38
1 唔好分房, 2 你話佢去唔去的[有女人]娛樂場所,相信係有,至於其他野自己問下佢,冷戰處理
...

娛樂場所問黎都無用，你問佢一定話無。我只可以講佢上大陸晚上八點幾至十點幾我地就wechat, 有時會video chat
私人傳訊

ada_fung


子爵府

積分: 14153

BK Milk勳章


發表於 19-11-15 16:43 |顯示全部帖子
回覆 clcsandy 的帖子

積極解決子女自己瞓問題先.
3歲, 7歲已經好大個, 自己可以獨立瞓
怕跌落床, 就放個床欄或放個長 cushion
私人傳訊

clcsandy


大宅

積分: 4158


發表於 19-11-15 16:47 |顯示全部帖子
ada_fung 發表於 19-11-15 16:43
回覆 clcsandy 的帖子

積極解決子女自己瞓問題先.

我今晚放一張軟床墊喺哥哥床旁地下，等妹妹訓著就抱佢過去訓
私人傳訊

clcsandy


大宅

積分: 4158


發表於 19-11-15 16:48 |顯示全部帖子
clcsandy 發表於 19-11-15 16:47
我今晚放一張軟床墊喺哥哥床旁地下，等妹妹訓著就抱佢過去訓

哥哥已經自己訓
私人傳訊

RL1234$#


複式洋房

積分: 294


發表於 19-11-15 17:52 |顯示全部帖子
clcsandy 發表於 19-11-15 16:47
我今晚放一張軟床墊喺哥哥床旁地下，等妹妹訓著就抱佢過去訓

十分贊同，小孩長大可以自己睡，我之前情況與你有些相似，小孩痴大人瞓，先生自己瞓，夫婦感情會生疏，現在努力鼓勵小朋友自己瞓，講完故事即離開他們房間，與先生會傾吓看下電視才瞓，關係比較之前好好多，你要努力呀！太多的懷疑也不好，加油(emoji)(emoji)(emoji)
私人傳訊

SUMSUM_88


男爵府

積分: 9428


發表於 19-11-15 18:57 |顯示全部帖子
clcsandy 發表於 19-11-15 15:34
我都想個女自己訓，但佢張BB床已經無左。咁嘅情況，要哥哥讓兒童床比妹妹，哥哥訓成人單人床，我只係驚佢 ...

加床欄咪得囉
私人傳訊


首頁
12345...20

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見