懷孕前後

跳至

首頁
12345...9

尾頁
   6


複式洋房

積分: 349


發表於 19-11-17 10:19 |顯示全部帖子
166176 發表於 19-11-17 09:48
回覆 dm0309 的帖子

你屋企附近有tg 過?好似話d 粒子會跟風向吹所以就算唔係放正係個頭都有機會受影響 ...

我上網睇過一份台灣嘅研究,焚化爐燒垃圾嘅二噁英可以飄三公里。但係wiki寫意大利曾經化工廠爆炸,濃度高,覆蓋咗三百幾公頃。

而家政府終於認有二噁英,但又唔講實際數據,唯有希望有民間團體檢測。

前幾日仲有人入嚟話政府咪話咗無二噁英囉,結果政府兩三日後就反口認有。btw,環保處每個月都會網上公佈空氣中二噁英濃度,十月起停咗公佈。不過而家就算公佈返,都唔知可唔可信。

真媽媽所以真係好驚,唯有自救睇多啲了解多啲


複式洋房

積分: 219


發表於 19-11-17 10:26 |顯示全部帖子
真心驚,我仲要住係將軍澳到。。。
衛生局幾時出黎交代下?
Bb 將於2月出世到時仲餵唔餵人奶好?


大宅

積分: 1793


發表於 19-11-17 10:28 |顯示全部帖子
dm0309 發表於 19-11-17 01:33
想知道事實上香港仲適唔適合懷孕媽媽逗留。BB下年五月頭先出世,依家正值發展時期,我幾乎無出街都有皮膚敏 ...

我諗你哋諗得太多喇,tg同大陸飄過嚟嘅霧有咩分別? tg係有毒性但唔會長期留喺同一個位置, 我相信佢好似空氣一樣周圍飄。 等同日本福島核電站爆炸,當年都大把人話唔會再去日本旅行啦,又話驚比核子污染影響生育和健康,你睇之后咪一樣咁多人去, 如果真係驚嘅可能真係要離開香港啦。


大宅

積分: 1331

2019新春慶豚圓 2019勳章


發表於 19-11-17 10:36 |顯示全部帖子

回覆樓主:

我識人係北京黎香港
近日我同佢分享對tg既擔憂
佢話
“怎樣也比不上北京的霧霾吧”
不把元素週期表上的元素吃一遍怎可稱中國人


大宅

積分: 1331

2019新春慶豚圓 2019勳章


發表於 19-11-17 10:41 |顯示全部帖子
cayu 發表於 19-11-17 08:22
因為版主選擇性鎖Post

返去主題,我認真想求救:

我覺得K Kwong有參考價值,關窗最實際

附件: 你需要登錄才可以下載或查看附件。沒有帳號?註冊


大宅

積分: 1237


發表於 19-11-17 11:02 |顯示全部帖子
本帖最後由 yan1008 於 19-11-17 11:03 編輯

回覆 陶淵明 的帖子

假若你身邊有人,甚至自己出現過敏反應,你應該唔會咁評論呢度嘅媽媽。我住港島南,香港仔放過TG次數少過五次,有去過太子同銅鑼灣重災區,每次停留都鼻敏感不停發作,帶左口罩都冇用,試過打孖上,鼻水中帶血絲,之後背腰胸出紅疹,加上住附近鄰居好友都出疹,我地確定南區空氣唔好得去邊。前日去海洋公園喺山上同山下都感覺到兩種空氣質素。有朋友嘅孕婦朋友bb心跳減慢可能要同bb告別,fb都大把bb/小孩出疹、風癩、流鼻血嘅相,你自己可以睇下。我懷孕w22喇!我驚同時好憤怒政府以要島唔要人嘅處理手法,我可以唔喺香港生,老公係台灣人,但目前為止我仍然留喺香港,因為我係土生土長嘅香港人,呢個係我落地生根的地方,呢度仲有好多好愛香港嘅真香港人。若我bb有咩事,我會選擇告林鄭、政府、警隊,因為TG係不合理使用。


大宅

積分: 1793


發表於 19-11-17 11:05 |顯示全部帖子
Peggy510 發表於 19-11-17 10:26
真心驚,我仲要住係將軍澳到。。。
衛生局幾時出黎交代下?
Bb 將於2月出世到時仲餵唔餵人奶好?

住將軍澳同tg有乜關係?


大宅

積分: 1793


發表於 19-11-17 11:08 |顯示全部帖子
yan1008 發表於 19-11-17 11:02
回覆 陶淵明 的帖子

假若你身邊有人,甚至自己出現過敏反應,你應該唔會咁評論呢度嘅媽媽。我住港島南,香 ...

唔好意思,我可能睇得唔透澈。


大宅

積分: 1793


發表於 19-11-17 11:09 |顯示全部帖子
(sarah) 發表於 19-11-17 10:36
我識人係北京黎香港
近日我同佢分享對tg既擔憂
佢話

你朋友咁樣講其實北京嘅服務都真係幾嚴重


複式洋房

積分: 424


發表於 19-11-17 11:10 |顯示全部帖子
陶淵明 發表於 19-11-17 11:05
住將軍澳同tg有乜關係?

似乎你真係無乜follow到啲新聞
將軍澳都係一個tg重災區


複式洋房

積分: 349


發表於 19-11-17 11:10 |顯示全部帖子
陶淵明 發表於 19-11-17 10:28
我諗你哋諗得太多喇,tg同大陸飄過嚟嘅霧有咩分別? tg係有毒性但唔會長期留喺同一個位置, 我相信佢好似 ...

答你有咩分別:二噁英濃度


大宅

積分: 1793


發表於 19-11-17 11:11 |顯示全部帖子
howieeee 發表於 19-11-17 11:10
似乎你真係無乜follow到啲新聞
將軍澳都係一個tg重災區

sorry我記錯咗,我一路諗緊將軍澳工業區呀,垃圾山嗰邊, 我唔記得咗嗰邊都係示威區


大宅

積分: 1313

2019新春慶豚圓


發表於 19-11-17 11:18 |顯示全部帖子
陶淵明 發表於 19-11-17 11:09
你朋友咁樣講其實北京嘅服務都真係幾嚴重
所以北京富豪都去三亞買別墅

細個好想去北京旅行. 現時我肯定唔會帶小朋友去.


複式洋房

積分: 424


發表於 19-11-17 11:19 |顯示全部帖子
(sarah) 發表於 19-11-17 10:41
我覺得K Kwong有參考價值,關窗最實際

請問有無一啲預防方法係出街時可參考?因為産檢,返工係喺旺角、尖沙咀果頭


大宅

積分: 1793


發表於 19-11-17 11:20 |顯示全部帖子
fasola 發表於 19-11-17 11:18
所以北京富豪都去三亞買別墅

細個好想去北京旅行. 現時我肯定唔會帶小朋友去.

ic


大宅

積分: 1331

2019新春慶豚圓 2019勳章


發表於 19-11-17 11:22 |顯示全部帖子
howieeee 發表於 19-11-17 11:19
請問有無一啲預防方法係出街時可參考?因為産檢,返工係喺旺角、尖沙咀果頭
...

包裹全身,避免暴露皮膚,口罩嚴格黎講要至少n95不過就唔係咁靚仔

最好放假啦 其實返到屋企啲衫都多少有沾染


侯爵府

積分: 22282

2019新春慶豚圓 開心吸收勳章 醒目開學勳章 畀面勳章 貢獻勳章


發表於 19-11-17 11:54 |顯示全部帖子
避唔開,會唔會考慮減低損害?


~轉~
【如何從飲食中可能地減低體內「二噁英」損害(加番損害二字,可能清楚啲)】

近日,我被「二噁英」呢三個字纏繞。
終於,我花咗少少時間,去了解下「二噁英」係咩東東,而如果,吸入過多時,到底從飲食上幫唔幫到手。

搵咗好耐,其實,研究不算好多。
由於「二噁英」有機會存在係食物,尤其肥肉,所以較多資料都係講點樣避免攝取「二噁英」,而唔係如果身體接觸咗之後,可以食咩有機會排走及減低其對身體損害。
畢竟,「二噁英」係毒素一種,唔會活生生咁有人體實驗。最多都係透過觀察後分析,又或者老鼠實驗 (其實鼠鼠對科學貢獻好大!)所以,以下提及嘅營養素及食物,大家可以作參考。但都建議大家都可以食多啲,畢竟,提及嘅食物食多咗問題不大。

1. 維他命A、C、E
有研究講過,「二噁英」會增加體內氧化反應,產生多咗活性含氧物 (ROS),而同時減低身體嘅抗氧化功能,所以,血液中嘅維他命A、C、E水平亦有可能下降。所以,若果接觸過「二噁英」,可以增加攝取維他命A、C、E。話哂呢三種維他命本身就係屬於抗氧化物,食多少少都可以 (但唔駛超多),仲可以增強免疫力。
* 維他命A食物:紅蘿蔔、南瓜、番薯、羽衣甘藍、菠菜等。
《飲食陷阱2》P.62 有講更多維他命A資訊。
*維他命C食物:柑橘類水果(柑、橙、西柚、檸檬)、 士多啤梨、奇異果、生番茄、綠葉蔬菜、苦瓜、青椒
《飲食陷阱1》P.188 有講更多維他命C資訊。
*維他命E食物:綠葉蔬菜、全麥穀物,包括:全麥麵包、全麥麵條、果仁,尤其杏仁、蛋黃

2. 硒質(Selenium)
吸入「二噁英」,同樣會降低血液中硒嘅水平。但硒質本身屬很強嘅抗氧化物質,而硒蛋白大部分亦係抗氧化酵素,可以令細胞不易受游離基傷害,有助身體保持對抗癌症及心血管病應有的抵抗力。
肉類、海鮮、果仁都含較多硒質。但係眾多食物當中,我尤其推介巴西果仁(Brazil nuts),因為其硒質係眾食物之首,食一粒,已經夠1日硒質所需。由於巴西果仁都幾肥下,唔駛食好多,每日2-3粒都好夠!

3. 薑黃素(Curcumin)
我曾經講過薑黃素具很強抗氧化功效,亦有助舒緩炎症。而有一份用咗老鼠做實驗嘅研究亦有提及過薑黃素很有可能有效地預防亞慢性「二噁英」暴露(subchronic TCDD exposure)。其實一般薑黃粉(turmeric powder)已經含有薑黃素,將1/4-1/3茶匙薑黃粉加落smoothies或者用嚟加入炒飯、湯、奄列等都可以。薑黃粉唔單止可以抑壓一種致癌物質,仲可以增加肝臟一種排毒酵素。 好還好,切勿過份地攝取,因為薑黃粉含有高濃度草酸鹽,易有腎石人士就要注意份量,不宜大量攝取。

4. 白藜蘆醇(Resveratrol)
有研究顯示,口服白藜蘆醇或有助對抗「二噁英」。含較豐富白藜蘆醇嘅食物唔係好多,有大家可能較熟悉嘅紅酒,其發酵嘅紅提子皮就含有白藜蘆醇,不過,紅提子都有,唔一定要飲酒。其次,花生都有。

5. 槲皮素(Quercetin)
長期吸「二噁英」會損害生育功能,有研究指出槲皮素(Quercetin)有助老鼠預防由「二噁英」引起嘅睪丸損害 (TCDD-induced testicular damage)。槲皮素屬黃酮類一種,可以保護細胞之餘亦可增加體內抗氧化物「穀胱甘」(glutathione)水平,保護細胞免被自由基侵襲。槲皮素廣泛存在係植物性食物當中,例如:紅蘋果、紅提子、洋蔥、西蘭花、羽衣甘藍、莓類、綠茶等。

唔好意思,我好少打咁多野比大家睇,而且圖都無咩心情砌,大家有心就睇啲字啦。
希望睇完,有少少幫助。

順帶一提,《飲食陷阱2》P.149 有更多排毒護肝資訊。

#訓唔著系列
#睇咗文獻文章半日
#整理打咗兩個鐘
#又如何
#我覺得值得
#大家要健康呀


大宅

積分: 4442


發表於 19-11-17 12:10 |顯示全部帖子
Haley_Sc 發表於 19-11-17 09:02
係囉,自由講場果度勁多藍post又冇人封,係哩到講啲媽媽最擔心既野就封
...

公海D人藍到冇腦 完全冇邏輯 D人質素好恐怖
封隔離post 有個講手榴彈 又係無point
到暈
我淨係想睇正常理性討論


複式洋房

積分: 338


發表於 19-11-17 12:24 |顯示全部帖子
166176 發表於 19-11-17 09:48
回覆 dm0309 的帖子

你屋企附近有tg 過?好似話d 粒子會跟風向吹所以就算唔係放正係個頭都有機會受影響 ...

我屋企附近重災區,但都唔係對正,我全家都有出現敏感。

我自己覺得距離幾公里都可以令我敏感,我親身感受過,有人同我講啲tg唔毒唔飄得遠我真係唔信

但都有睇好多資料話二噁英嗰啲毒其實清潔同防具都係無乜用,所以我感覺係咪有需要離開香港一陣,等到生為止?


複式洋房

積分: 284


發表於 19-11-17 12:27 |顯示全部帖子
jessem 發表於 19-11-17 12:10
公海D人藍到冇腦 完全冇邏輯 D人質素好恐怖
封隔離post 有個講手榴彈 又係無point
到暈
根本全部職業行手
有晒規律 loop 華為、深圳商場、解放軍、港漂係精英……


首頁
12345...9

尾頁

跳至
你需要登錄後才可以回帖 登入 | 註冊