1-3歲 今日: 3 | 主題: 19353

積分: 260

發表於 19-11-21 22:04 |顯示全部帖子

Heyyo 發表於 19-11-21 22:02
本帖最後由 Heyyo 於 19-11-21 22:02 編輯

報多啲好丫，撞期又少兩間，狀態唔好又少兩間。

係真係in左咁多間。。。報左撞期無去果d已經無計。。。。

私人傳訊

積分: 260

發表於 19-11-21 22:07 |顯示全部帖子

Heyyo 發表於 19-11-21 21:57
你同佢喺幼稚園附近warm up左先都差唔多

佢係會一入到幼稚園都仲好開心，同每個人say hi, 但一入到班房，同老師面對面就唔出聲。。。in完，一行出班房又開心返晒，又同所有人say bye走人。。。。激死

私人傳訊

Heyyo

積分: 2006

發表於 19-11-21 22:10 |顯示全部帖子

kkckkw 發表於 19-11-21 22:04
係真係in左咁多間。。。報左撞期無去果d已經無計。。。。

宜家好多應該未派offer，等下先

私人傳訊

Heyyo

積分: 2006

發表於 19-11-21 22:11 |顯示全部帖子

kkckkw 發表於 19-11-21 22:07
佢係會一入到幼稚園都仲好開心，同每個人say hi, 但一入到班房，同老師面對面就唔出聲。。。in完，一行出 ...

本帖最後由 Heyyo 於 19-11-22 00:18 編輯

Del

私人傳訊

積分: 260

發表於 19-11-21 22:12 |顯示全部帖子

kissapplegirl 發表於 19-11-21 22:03
你平時係屋企比佢玩下interview 熱門既玩具，例如併圖，穿珠仔，砌積木lego，煮飯仔，切生果呢類，到時佢 ...

有同佢玩依d呀，但佢係人地一問佢野，佢就頭dup dup咁，一係向我求救。playgroup 都有去過，不過佢好唔enjoy, 上左幾期就放棄左。。

係呀，所以都唔知提唔提好架

私人傳訊

nicolepo

積分: 3296

發表於 19-11-21 23:12 |顯示全部帖子

我個仔係in前一日先係醫院出院，病咗1星期，住咗4日院，佢仲要係細b，in第一間表現都ok, 第二同第三間都喊，仲要咩都做唔到，痴到我實，係咁發脾氣，可能仲係病病地，我都打定輸數，諗住如果唔得一係下年做大b，一係讀n班間私校睇下有冇得直上k，但經過依個in經驗，我同老公都覺得要搵啲活動教學嘅比個仔讀會適合啲，開頭我真係好灰好唔開心，做咩in之前冇啦啦大病呀，之後我老公開解我，我再諗真啲，其實可能係我太執著太緊張，不如順其自然囉，所以我月尾仲有一間in，我連練習都冇同佢練習過！

私人傳訊

Hoyinli

積分: 150

發表於 19-11-21 23:26 |顯示全部帖子

我仔係11月細b
In左二間村校一間收左
我同我老婆都係啲得就得唔得就下年大b既心態 in果陣我地都好放鬆當玩咁
老師都比較放鬆同玩得問下大細長短高矮既認知一星期都冇就收信或者村校唔夠學生都未定我地in得咁hea都收

私人傳訊

HOPEFORBB

子爵府

積分: 13971

發表於 19-11-21 23:39 |顯示全部帖子

回覆 kkckkw 的帖子

唔好灰心呀，我絶對有同感啲老師喜歡主動回應嘅小朋友，我個女同你個仔一樣咁，屋企開籠雀咁，去到陌生環境就唔睬人，慢熱，一係就淨係望住隔離嗰個，最叻係say bye，因為知可以走頭。我in 有兩間時俾老師問，我個女係咪唔識講嘢，我都好無奈，唯有同自己講，細B無計

私人傳訊

MsCherryMAMA

別墅

積分: 680

發表於 19-11-22 00:15 |顯示全部帖子

回覆樓主:

其實都唔係太關動同靜事，我成日覺得係眼緣同運氣，睇妳撞岩咩老師，個老師咁岩鍾意靜既咪喜歡妳小朋友囉，但如撞岩個鍾意動既咪唔喜歡妳小朋友囉，所以唔好諗咁多，見埋最後一間先，或者就係呢間收呢～加油

私人傳訊

sakurawings85

積分: 2355

發表於 19-11-22 00:41 |顯示全部帖子

kkckkw 發表於 19-11-21 19:03
我都唔知多唔多人呀，我元朗區

元朗區多競爭

私人傳訊

candysasa

積分: 313

發表於 19-11-22 01:53 |顯示全部帖子

kkckkw 發表於 19-11-21 11:12
我仔比較怕羞安靜，在屋企都係比較安靜的小朋友。而且細膽內向慢熱。不過其實係幾乖幾聽話，專注力高的。
...

我個仔係活躍到唔鍾意坐低,已經買咗張枱同凳喺屋企同佢練習佢喺屋企都係鍾意佢除咗坐地下張氈,同埋我個仔有一個問題就係最唔鍾意喺室內尤其是課室(emoji)我試過帶佢去palygroup 永遠都係搵個門口走,次次都喊爆我地in咗三間兩間一入去已經喊，另外一間因為出邊有個瀡滑梯佢一入去見到就冇問題，但入課室又係咁，我都好失望，都唔知點解佢咁鍾意課室話比較細嘅室內環境，到最後呢間係要老師親自出嚟觀察，3間到而家都未有消息，我個仔係細b我都預咗無佢份,唯有下年再嚟過，不過當時真係會好灰心我完全明白，而家諗諗下可能去仲未適合呢，你都唔好咁灰心，安靜有安靜好

私人傳訊

pigpiglamlam

子爵府

積分: 11694

發表於 19-11-22 14:31 |顯示全部帖子

回覆樓主:

我上年都經歷過，我仔結果係冇一間收，但好好彩，註冊日過後有學位剩就收咗。面試老師大部分鍾意會講野ge小朋友(我覺得)，因為咁先知小朋友可表達的程度去到邊，至少第時上堂有咩問題都識講。我仔都係偏向較怕醜，少講野，但佢又冇扭計，可能表現太普通，加上佢又細d(11月b)，面試嗰陣先剛2歲，又輸蝕咗。
其實你唔使咁快灰，好多學校註冊日後會公布有幾多學位剩，你留意住就得，大不了叩門，再唔收先唯有下年再報，希望你仔仔成功啦！

私人傳訊

積分: 260

發表於 19-11-22 14:44 |顯示全部帖子

pigpiglamlam 發表於 19-11-22 14:31
我上年都經歷過，我仔結果係冇一間收，但好好彩，註冊日過後有學位剩就收咗。面試老師大部分鍾意會講野ge小 ...

就係因為我仔係大B, 到出年開學時已經3歲半了。如果遲一年讀書，咪4歲半先開始讀?(emoji)(emoji)

私人傳訊

pigpiglamlam

子爵府

積分: 11694

發表於 19-11-22 14:50 |顯示全部帖子

kkckkw 發表於 19-11-22 14:44
就係因為我仔係大B, 到出年開學時已經3歲半了。如果遲一年讀書，咪4歲半先開始讀?(emoji)(emoji)
...

應該唔會唔收……我話最壞打算啫，所以我話真係冇學校收你就去叩門，希望用誠意打動學校

私人傳訊

秋天與楓葉

珍珠宮

積分: 32599

發表於 19-11-22 15:19 |顯示全部帖子

kkckkw 發表於 19-11-21 11:46
在我同我仔的狀態都好差的情況下。我仔入到去完全唔出聲，呆呆滯滯，仲打晒喊露。老師問佢野，唔理人，另 ...

恕我直言
面試唔止睇小朋友表現，家長表現都係評分之一
家長應該預備外套俾小朋友，唔係怪學校冷氣吹親小朋友
安排好小朋友作息就唔會攰到瞓着
瞓着的話自己決定點做，學識自己解決問題，唔係勞煩老師等你一個，或要老師另作安排

老師每日接觸咗多位幼兒，不論外向、內向、好動、文靜都教過，唔認為老師會對文靜內向類型有偏見

幼稚園面試有咁多小朋友，好多小朋友都唔出聲㗎～包括我個女，唔出聲唔等於表現差～
老師會睇埋小朋友嘅手眼協調、自理能力、禮貌、識唔識聽指令去做動作等等.....當然家長表現都係評分之一

幼稚園一定有得讀，家長應該放鬆心情去面對

私人傳訊

秋天與楓葉

珍珠宮

積分: 32599

發表於 19-11-22 15:27 |顯示全部帖子

kkckkw 發表於 19-11-21 11:46
在我同我仔的狀態都好差的情況下。我仔入到去完全唔出聲，呆呆滯滯，仲打晒喊露。老師問佢野，唔理人，另 ...

本帖最後由秋天與楓葉於 19-11-22 15:53 編輯

續上

唔需要將自己小朋友同其他人比較，每個小朋友都係一個獨立個體
2歲幼兒要面對面試係唔容易，家長可以多鼓勵同稱讚小朋友
我女正正係唔出聲答問題，試過拎件玩具蘋果都唔肯.....我都讚佢識用手指答問題好好！有坐定定好乖！喺學校同小朋友一齊玩玩具好乖！

面試結果唔重要，我認為最重要係諗吓自己同小朋友從中有咩得着？小朋友有咩地方做得好？
未如理想都唔需要介懷，始終幼稚園面試只係人生中一個小經歷

私人傳訊

積分: 260

發表於 19-11-22 16:03 |顯示全部帖子

秋天與楓葉發表於 19-11-22 15:19
恕我直言
面試唔止睇小朋友表現，家長表現都係評分之一
家長應該預備外套俾小朋友，唔係怪學校冷氣吹親小 ...

其實未必真係個課室凍，只係我地當日唔舒服，先會覺得凍。人地著緊短袖衫，我地著住褸都凍。所以我好後悔果日去左interview.

我覺得幼稚園係會偏向開朗識表達自己的小朋友。正如之前有媽媽話，個小朋友識表達自己，佢上堂學的野識定唔識老師都可以知。如果一個一直唔出聲，真係唔知佢係點，唔係佢心裡條蟲。如果一個真係好怕羞唔敢講野ge, 返學急屎急尿急到賴都唔敢同老師講要去廁所ge. 我相信幼稚園老師有遇過依種學生。咁幼稚園老師會鍾意肯表達自己有溝通有互動的學生，定靜到唔知佢諗咩唔知佢想點的學生呢?

不過我同事同我講，幼稚園就鍾意活潑d的，但小學就鍾意靜d乖d的。

私人傳訊

秋天與楓葉

珍珠宮

積分: 32599

發表於 19-11-22 16:17 |顯示全部帖子

kkckkw 發表於 19-11-22 16:03
其實未必真係個課室凍，只係我地當日唔舒服，先會覺得凍。人地著緊短袖衫，我地著住褸都凍。所以我好後悔 ...

無論幼稚園定小學，總有唔同性格嘅小朋友
大家眼中嘅幼稚園名校生都唔會全部都外向活潑

幼稚園生敢唔敢表達都好，外向定內向小朋友都有失手整污糟衫褲嘅情況發生
老師眼中係好平常嘅一件小事，唔會因為咁而對個小朋友有偏見
如果有小朋友返學經常瀨尿，老師會提醒家長，建議日常生活可以點樣幫小朋友，想小朋友學識如廁、幫肋小朋友成長

再講，性格內向同返學瀨尿無直接關係

我個人認為係你諗法較為主觀同負面

私人傳訊

fasola

男爵府

積分: 9553

發表於 19-11-22 16:18 |顯示全部帖子

我個學講野比其他小朋友進度慢一到三個月.
就算識講都時時唔應人. 但佢識讀好多英文生字.

舊年考N 就無問題, 因為唔考對答, 報六間收五間.
本來心儀A 校, 但豬隊友鍾意B 校, 開學讀落我唔係幾鍾意. 但舊年放棄過嘅學校, 今年唔好意思再報. 咁只係報兩間K.
第一間一去in 就衰左. 考讀書, 叫家長自備, 佢半隻字都唔肯講. 老師考眼耳口鼻, 佢都無反應, 明明健康院歲半都識.

返到屋企, 開電視, 點知佢就照字幕讀啲好深嘅英文, 激死我.

私人傳訊