本帖最後由 858D 於 19-11-24 06:27 編輯
rainbow000 發表於 19-11-23 22:21
回覆 858D 的帖子
其實我只係同另一半相處有問題,不過我真係好奇想問你同你老公會唔會鬧交?我每次都感受 ...
好長篇,慎入:
如果唔係我有前度婚姻的相對比,我都唔認知到我同我先生夾得咁緊要。
我同我前夫,我週期踩親佢條尾。
剛結婚頭幾個月已經畀鍋勁0既教訓我受。我地當時與一對新婚夫婦朋友 有個 double date. 我前夫(當時丈夫)開車到市中心,搵位泊車自然要眉精眼快。
我個性 溝通策略上 只對事唔對人 只顧有效,而唔識客套同畀面人。所以閱讀理解比較敏感的 會好唔鍾意聽我講甚至誤會我意思,認為我針對人。這類人自然到處都有,這版和性版也有。巧合我前夫也有此敏感性格。
當時,我看到停車場眼見之內有一停車位,我事不容緩地開口:「park here」。咁就踩親我前夫條尾。佢0既負面情緒蓋過佢當時理性要做0既有效益的事,佢唔立即唸下點泊去果個車位,當堂在朋友前唔彩我,忽略我。
我有自閉症的一種亞氏保加症,我係冇睇人眉頭眼額聽人語氣的感應。但人地唔理我,唔彩我,我知。佢自己出去跑步,唔話我知。在我0既經歷來講,佢突然失蹤,又突然出現翻左來屋企。我開口問佢點解出左去唔話我知,等我知道要唔要報警。那已經係幾日後。佢先話畀我知佢唔鍾意我當時好唔畀面佢,命令佢泊部車響邊個位。
我唸,當時我地先一齊住在同一屋簷下生活幾個月,咁都合作唔到令佢辦事有效率,我點同佢共事過人世?!我唔接受呢個現實,我一定要同佢「棟起床板,開曬燈」,大家講唔掂以後點互動,點溝通先可以使大家冇誤會 就唔好睡覺。結果,要花我從晚上8點到午夜過後2點 先同佢拆掂。果時係我因為等緊錄卡到手而冇做嘢冇讀書,先有咁多資源來同佢經營夫妻關係。之後20幾年,我根本一直為生計打拼,早已經花唔起咁既資源來拉佢搞相處上的問題。我磨練出:忍一時,風平浪靜,退一步,海闊天空。
但佢以後對我就更加重佢發脾氣0既難睇賣相。第一次跟我翻香港,我同佢行街買飲宴用的鞋。佢冇拖我手,特然間我聽到佢在後喝住我,買相好醜咁好大動作扔嘢落地,鬧我。係街上本來唔留意佢D人都望住佢發我大脾氣。
我慣0左被男生寵,在香港出街,一向係男朋友跟我尾,我要入邊家公司睇,唔使講,人地自然會跟住入。一係就男朋友拖住我手帶我入邊間買,我就跟住。畀錢時男朋友就自動來,唔使我叫。連我D哥哥都會咁對我。以前我前度男朋友都係第一次來香港,人地夠人生地不熟,人地有本事拖住我手行行下街,突然拉我入去一家賣名牌手袋公司,要買個名牌手袋畀我。同我前夫0既經歷就係會使我覺得我自己好難相處,搞到佢要咁惡咁教會我應該如何恰當地與佢相處。我同佢行出來,佢0既賣相就係外人見到會唸:「好彩男的不是我情人,愛人。做佢小三?咪搞,散手兼拎頭。」
好多女性朋友會學翻畀我知她們和她們的的老公們都話,簡直係從來未見過我咁好0既。
係我前夫磨到我100%順服妻子型。就正正是我這100%順服妻子型吸引住我現在的先生當時不放手地追我。我先生都會有脾氣。其實人人都有脾氣,但分別係各人發脾氣的賣相唔同。我先生發脾氣D賣相好好,好到佢生我氣,我都唔覺,佢唔講,我係一D都唔知。佢話我知佢生我氣時的語氣亦係好平和。身體語言亦係好鎮定,好紳士風度,所有外人睇到佢身體語言都係一位非常恩寵我的愛人。佢就係十足似愛情浪漫戲裏的有教養的上流社會紳士,君子一名。處處give me honor 時 又不減佢0既董事大男人領導我,保護我的正面大男人風範。雷同事件,我與我先生一起五年後,一起參與一露營,臨開旅行車離開營地時,我先生把車停在出路中間堵住車輛出營,落車走去與營友道別,久久未回來開車走。我急切想先生把車輛駛開不堵塞交通。於是大聲叫遠處的先生回來把車開埋一邊才繼續與朋友道別。就是這樣,我先生不悅,覺得我不應當眾 yell at him。但他的生氣不露於表面,依然時平時的他對我。使我和他相處得依然很舒服。到一個月後的一晚臨睡前,佢才以平淡談話方式提到他在那事上生我氣,問我知不知道。我當然不知啦。他也知我不知。我兩繼續平心傾談,好似傾枕頭計咁,我首先檢討我自己並告訴他 將來有什麼方法可以採取預防我再次使他感受到 I yell at him。我知我先生當時唔話我知佢不悅,係因為佢唔想佢一講,我會發脾氣,賣相不好,甚至會對佢黑面,不理睬佢。我知我要畀定心丸我先生知,我話 我唔同佢前妻,我唔同我前夫,我先生要即場告訴我,他感覺 I yell at him。我趁還記憶猶新,立刻做個有功效的回顧,檢討自己,有助於我以後有效地不再重犯。我和先生的相處檢討過程都好平和,大家都沒有負面情緒,而且好省時,身力,有效率。
我同我先生行出來宴會,party,朋友飯局等等不同場合,人見人知 我兩 夫妻情感 鞏固,第三者(無論是男女)都 無破處可攻。我兩在人前人後 係 雙方都咁好。
Love is when the other person’s happiness is more important than your own ~ H. Jackson Brown