跳至

首頁
12

尾頁
   1


大宅

積分: 3675


發表於 19-11-27 01:10 |顯示全部帖子
以前我從來冇諗過移民,最近忍唔住諗為左仔女想佢地去外地讀書。我本身喺美資公司做左好多年,上個月有機會去new york boston出差,第一次體驗當地生活,而家諗如果我申請移民去boston似乎環境對小朋友唔錯。如果本身已經係美國公司僱員,申請移民會比較容易嗎?
不過我大仔係自閉症譜系,症狀輕微,想問下美國對哩d特殊需要既學生支援係點呢?請問邊度可以知道多d資料?


男爵府

積分: 6071

2020勳章


發表於 19-11-27 07:14 |顯示全部帖子
本帖最後由 kkyyn 於 19-11-27 07:15 編輯

你搵個美國律師問下,就知有無移民機會。我地這裏家庭移民或投資移民多。


大宅

積分: 3675


發表於 19-11-27 08:02 |顯示全部帖子
回覆 kkyyn 的帖子

謝謝


超級版主

積分: 131376

2020勳章 2018復活節勳章 開心吸收勳章 最關心BB問題熱投勳章 好媽媽勳章 醒目開學勳章 畀面勳章 有「營」勳章 超級版主 環保接龍勳章 大廚勳章 親子達人勳章 BK Milk勳章 hashtag影視迷勳章 15週年勳章 親子王國15週年勳章 親子王國15週年勳章


發表於 19-11-27 09:11 |顯示全部帖子

回覆樓主:

試問下公司喺美國有冇空缺,肯唔肯sponsor你綠咭,美國對自閉兒嘅支援好過香港,但都要睇邊個州邊個城市,財政比較好嘅市,資源多嘅話,學區支援可以幫到學生融入主流,early intervention非常重要,但都要睇學校同埋遇唔遇到好老師。

花旗太太生活在花旗國,留意時差,你問我未必即時答到。


大宅

積分: 3675


發表於 19-11-27 12:33 |顯示全部帖子
回覆 rose-mag 的帖子

謝謝,我打算了解下再計劃下一步,畢竟決定並唔容易。


複式洋房

積分: 248


發表於 19-11-27 14:25 |顯示全部帖子

回覆樓主:

本帖最後由 sunflowerusa 於 19-11-27 14:25 編輯

係美國讀書好過香港,地方大D.同幫有問題小朋友係多 D funding. 我住紐約,學校有 extra Tutor 教出仔.我仔有 ADHD, 學校做評估都免費.


大宅

積分: 3675


發表於 19-11-27 16:25 |顯示全部帖子
回覆 sunflowerusa 的帖子

咁好?香港真係支援好少。請問學校欺凌情況嚴重嗎?


複式洋房

積分: 248


發表於 19-11-27 20:59 |顯示全部帖子
taptap83 發表於 19-11-27 16:25
回覆 sunflowerusa 的帖子

咁好?香港真係支援好少。請問學校欺凌情況嚴重嗎?

本帖最後由 sunflowerusa 於 19-11-27 21:03 編輯

其他學校唔知.但我哋學校無乜聽到.我亞大仔6年班,學校好多活動.星期一、二 學校課后幫小朋 homework extra help. 老二有 ADHD 一星期一日補數學.另加 IEP program. 全部學校支付.我朋友個仔有自閉症, 我記得佢學校有 special program,但唔知佢 program 係點.

學校家長警察成日開會,討論毒品和電子煙等青少年問題..
Bully學校好注意, 一有唔對路,就立刻 call家長.我區家教會好強, 所以,學校都有D怕家長會.


大宅

積分: 3675


發表於 19-11-27 22:07 |顯示全部帖子
回覆 sunflowerusa 的帖子

咁真係好好喎!請問喺邊度可以揾到多d學校資料呢?我兩個仔讀緊local school 小二同小四,對於海外升學冇乜概念。可以點準備呢?


複式洋房

積分: 248


發表於 19-11-28 01:33 |顯示全部帖子
taptap83 發表於 19-11-27 22:07
回覆 sunflowerusa 的帖子

咁真係好好喎!請問喺邊度可以揾到多d學校資料呢?我兩個仔讀緊local school 小 ...

移民美國方法不多:工作簽證, 投資移民 或 家屬移民.你做美國公司,可問吓你公司得唔得幫你攞 Working visa. 如果可以係最好.如果投資移民,要搵律師, 香港人申請 EB5 投資移民會好快出綠卡.係 New York City 讀書不管你乜身份入境,學校一定要收你.但長島讀書要有 綠卡身份or working Visa.


超級版主

積分: 131376

2020勳章 2018復活節勳章 開心吸收勳章 最關心BB問題熱投勳章 好媽媽勳章 醒目開學勳章 畀面勳章 有「營」勳章 超級版主 環保接龍勳章 大廚勳章 親子達人勳章 BK Milk勳章 hashtag影視迷勳章 15週年勳章 親子王國15週年勳章 親子王國15週年勳章


發表於 19-11-28 02:28 |顯示全部帖子
taptap83 發表於 19-11-27 22:07
回覆 sunflowerusa 的帖子

咁真係好好喎!請問喺邊度可以揾到多d學校資料呢?我兩個仔讀緊local school 小 ...

你先考慮邊個州/市係你目標,之後搜尋校區資料,入去校區網睇清楚對special ed嘅支援,一般經校區評估合乎資格嘅會出一個叫IEP (individualized education plan), 校方會根據評估去建議有關支援,例如小班教學,一對一學習時間,語言治療等,但如涉及非語言嘅自閉問題如occupation therapy或social issue就要睇個別駐校治療師同學校有冇資源,有攞唔到IEP嘅,如果有504 plan都可以爭取到支援。你有自閉譜系嘅係大仔定細仔?越早介入越好,如果真有移民想法,小朋友越細越容易融入,而且治療越早開始越見效。你仔而家喺香港有接受任何therapy嗎?我見最大問題係語言,呢邊冇中文治療,評估都係用英文。
花旗太太生活在花旗國,留意時差,你問我未必即時答到。


大宅

積分: 3675


發表於 19-11-28 15:54 |顯示全部帖子
回覆 rose-mag 的帖子

雖然公司喺new york 同boston都有office, 不過boston 果邊會比較貼近我而家既工作。上次去boston覺得果度好適合讀書,民風較純樸,人情味重,所以都幾鍾意果度。請問如果想了解boston 的小學我可以喺邊度揾到資料呢?
我大仔先有自閉症,但佢睇落同一般小朋友差不多,係有d時候特別麻煩。佢喺香港已經過左密集訓練既階段,只保留私人言語治療同學校安排的小組活動。佢平時都有睇英文書,雖然英文唔叻,不過唔會驚,只係聽講方面仍然較弱。


大宅

積分: 3675


發表於 19-11-28 15:58 |顯示全部帖子
本帖最後由 taptap83 於 19-11-28 16:06 編輯

回覆 sunflowerusa 的帖子

我未好了解自己應該用邊種移民申請,投資移民除非賣香港物業先有錢... 我都會再了解多d, 方向係工作移民甚至每年試抽綠卡。如果工作移民上網睇要好高grading 先適合,雖然我都係managerial grade, 但似乎佢地要求較高,網上講要直接report 俾director 果種。我公司架構好大,子公司Level 唔知得唔得...


超級版主

積分: 131376

2020勳章 2018復活節勳章 開心吸收勳章 最關心BB問題熱投勳章 好媽媽勳章 醒目開學勳章 畀面勳章 有「營」勳章 超級版主 環保接龍勳章 大廚勳章 親子達人勳章 BK Milk勳章 hashtag影視迷勳章 15週年勳章 親子王國15週年勳章 親子王國15週年勳章


發表於 19-11-28 16:15 |顯示全部帖子
taptap83 發表於 19-11-27 23:54
回覆 rose-mag 的帖子

雖然公司喺new york 同boston都有office, 不過boston 果邊會比較貼近我而家既工作。 ...

搵到一個係波士頓公校嘅網,https://www.bostonpublicschools.org/domain/175 原來Boston有過百間公立學校,你要自己filter學校種類、年級等,美國呢邊係K至5或6年級屬小學,6或7至8中學,9至12高中,有學校係小學連中學,有分開,一般高中係獨立,你如果大仔而家4年級,搞得嚟都要上中學,小學嘅支援係比較密集性同比較多一對一,中學會訓練獨立,高中就更多自由度,呢個都正常,冇可能一直都唔放手,家長都希望有一日小朋友可以獨立,所以去到中學已經明顯俾多咗成長/獨立空間。

我仔都係自閉譜系,屬於以前叫高功能果種,成績佢冇問題,數理科好好添,小學時最大問題係社交,喺醫院兒童精神科上過兩年社交堂,後來小學又有特教老師開小組俾有需要小朋友上堂,去到今年我仔已經係中學最後一年,佢上咗中學已經冇大問題,只係理解力同表達能力差少少,老師要幫佢嘅主要係語言。

我提語言問題有兩樣:(1)評估係只有英文,對於英語非母語嘅小朋友,加上自閉兒較難理解他人及難以表達自己呢方面或會造成評估偏差,影響到是否可以合乎IEP或504資格問題。(2)支援嘅語言治療係英文,小朋友適應新環境要時間,會影響最初治療進度,不過小朋友好快可以融入同追上。
附件: 你需要登錄才可以下載或查看附件。沒有帳號?註冊
花旗太太生活在花旗國,留意時差,你問我未必即時答到。


大宅

積分: 3675


發表於 19-11-28 16:25 |顯示全部帖子
回覆 rose-mag 的帖子

好多謝你,資料好有用!請問IEP 同504 係要能力有返咁上下先合資格嗎?
請問小四等於果邊既幾年級?


超級版主

積分: 131376

2020勳章 2018復活節勳章 開心吸收勳章 最關心BB問題熱投勳章 好媽媽勳章 醒目開學勳章 畀面勳章 有「營」勳章 超級版主 環保接龍勳章 大廚勳章 親子達人勳章 BK Milk勳章 hashtag影視迷勳章 15週年勳章 親子王國15週年勳章 親子王國15週年勳章


發表於 19-11-28 16:42 |顯示全部帖子
taptap83 發表於 19-11-28 00:25
回覆 rose-mag 的帖子

好多謝你,資料好有用!請問IEP 同504 係要能力有返咁上下先合資格嗎?

相反,係要能力唔達正常能力至會有IEP或504。IEP同504都係需要經過評估,如果學生被評定合資格,校區會提供有關支援服務。其實都幾矛盾,如果有IEP的話,即係學生學習或社交上有困難。如果唔符合IEP或504資格嘅,一係冇問題,一係就問題唔嚴重到校區需要提供支援,但唔一定代表學生可以獨立學習。我所見有一D就係唔係嚴重到有IEP或504,但又真係有學習問題嘅,家長就只能自行想方法,例如成績唔好,學習有困難,於是去補習,但普通補習又未必幫到佢地。

IEP同504嘅分別:IEP指有資料接受特殊教育嘅學生,而每個學生嘅IEP都唔一樣,一般三年會要重新評估一次,而每年都會最少有一次學校同家長開會,決定該年支援學生嘅方向。504則係唔合乎接受特殊教育資格,但學生仍然需要校方配合提供一定程度幫助。504相對支援嘅深入度及長久性比IEP低。

以年齡計,美國四年級就係等於香港四年級,我地呢邊係5歲入學,讀一年叫Kindergarten,小朋友開始學ABC123,之後就1年級一直去到高中畢業就係12年級,正式大學就四年,亦有兩年制大學。

花旗太太生活在花旗國,留意時差,你問我未必即時答到。


大宅

積分: 3675


發表於 19-11-28 16:59 |顯示全部帖子
回覆 rose-mag 的帖子

唔該曬你


男爵府

積分: 6175

2020勳章


發表於 19-11-29 07:47 |顯示全部帖子
taptap83 發表於 19-11-27 01:10
以前我從來冇諗過移民,最近忍唔住諗為左仔女想佢地去外地讀書。我本身喺美資公司做左好多年,上個月有機會 ...

你可以問公司relocate plan. 但都要抽因H1B plan 唔易,之前11 月有美國green card 抽獎,你miss 左下年再來過。


子爵府

積分: 14007

2020勳章 畀面勳章


發表於 19-11-29 16:43 |顯示全部帖子

回覆樓主:

本帖最後由 cheechi 於 19-12-7 10:52 編輯



大宅

積分: 3675


發表於 19-11-29 23:11 |顯示全部帖子
回覆 readymama 的帖子

原來除左eb仲有H1b, 多謝你地俾咁多資料我,好感動!關於工作方面我需要計劃一下,希望減少對香港哩邊既影響,又要駁條路過去美國。唯有而家睇多d資料,下年準備抽綠咭或工作簽證。今日有突破喔!原本唔知點同老公開口,今晚食飯講開哩d話題佢都同意我諗法,剩下來只係等機會行動!

首頁
12

尾頁

跳至
你需要登錄後才可以回帖 登入 | 註冊