夫婦情感

跳至

首頁
12

尾頁
   1


男爵府

積分: 7488

2020勳章


發表於 19-12-7 22:30 |顯示全部帖子
本帖最後由 PTMCYS 於 19-12-7 23:11 編輯

如果有一個星期沒有伴侶係身邊, 你/妳會感覺雀躍嗎? 會有什麼比平時不同呢?

我太太跟公司去了旅行, 這星期只有我和仔仔相依, 太太生仔仔後, 未試過超過一日不在家, 成日聽太太說我出差, 佢可以一個人霸晒張床訓, 今次到我試下, 又真係唔錯喎, 當然佢係到會有個人肉攬枕, 但一個人訓下都幾自由既

每日和仔仔兩條友出街食飯, 少菜味精多, 真係有少少影響便便系統, 所以住家菜係最好既

太太不在家, 身兼母職, 仔仔受交通影響遲到, 要通知學校, 手冊簽名等以前無做開, 今次卒之到我做了..... 不過就同仔仔多左溝通, 亦有鬥法... 之前說買了switch 比佢, 要佢每天完成功課溫習, 再睇英文新聞, 查生字後才有得打機, 起碼佢都合作.... 但前日早上襯我去廁所, 靜雞雞帶左翻學校, 我出來發現打電話比佢唔接, 我發了短信比佢話, 我去佢學校搵佢攞, 嚇到佢即刻打翻比我.

我晚上回家跟他說, 比自由你唔要, 以後我keep, 你溫完書才問我攞, 現在要罰你加多一陪查字典的時間, 佢又死死地氣做...

跟住訓覺前, 我搭住佢膊頭, 同佢吹幾句, 喂, 無端端帶翻學, 好多時間玩咩? 佢苦口苦面說, 咁我想帶翻學校威下都得掛 ..., 佢好少咁低聲下氣, 我話得, 但都要我批準先得, 不問自取係唔可以...下次會罰好甘! 不過望住佢, 又有D 我以前的影子既.... .....

溫度下降, 仔仔凍又唔出聲, 我工作忙又無咩理佢, 見佢又高高大大, 無咩太care 佢, 反而太太打來, 叮囑我要搵羽絨被比佢, 於是我們兩仔爺係廳一齊入被袋, 我問佢覺唔覺得凍, 佢話昨晚好凍,.., 我話鬼佢凍又唔出聲, 唉.... D 男仔就係咁, 懶懶閑閑.... 我又乘機話佢, 要企企理理呀, 唔係睇日妳老婆都怕左你要走佬.....

今次太太不在家, 同仔仔多了溝通, 都唔係壊事, 不過一個星期夠了, 兩個男人太鋼強, 家中要有女人令屋企的氣氛soft D, 最重要有住家飯食


別墅

積分: 914

2020勳章


發表於 19-12-7 22:39 |顯示全部帖子
回覆 PTMCYS 的帖子

快啲打俾太太話好掛著佢,好想佢快啲返


琥珀宮

積分: 152913

2020勳章 2018父親節勳章 2018母親節勳章 2018復活節勳章 畀面勳章 環保接龍勳章 BK Milk勳章


發表於 19-12-7 22:49 |顯示全部帖子
PTMCYS 發表於 19-12-7 22:30
如果有一個星期沒有伴侶係身邊, 你/妳會感覺雀躍嗎? 會有什麼比平時不同呢?

我太太跟公司去了旅 ...

本帖最後由 crystal媽咪 於 19-12-8 09:33 編輯

感受到你好開心
……


男爵府

積分: 7488

2020勳章


發表於 19-12-7 22:50 |顯示全部帖子
本帖最後由 PTMCYS 於 19-12-7 23:37 編輯
Perpersis 發表於 19-12-7 22:39
回覆 PTMCYS 的帖子

快啲打俾太太話好掛著佢,好想佢快啲返

明天未訓醒, 佢應該已經返到.

我同仔仔講, 佢一入門口見到個遊戲機盒, 就瓜瓜嘈話我好寵你, 咁我應該點講好呢....,? 佢話依D 你攪掂佢喇, 我話咁我話比媽咪聽, 你乖左好多, 自動搵書好唔好.... , 佢聽到媽咪明天返, 好似怕多左個人翻黎鵝佢咁, 唔係特別開心, 依D 可能就係生仔和生女的分別了......


男爵府

積分: 7488

2020勳章


發表於 19-12-7 23:03 |顯示全部帖子
crystal媽咪 發表於 19-12-7 22:49
感受到你好開心
老公試過一星期去左旅行,我都係同平時一樣收工返屋企……

家務做開我又唔係問題, 我還趕快今日洗左兩機衫, 明天太太回來大把衫要洗......, 飯我就懶煮了, 因為只得2個人, 而且只係一星期....

對我自己而言無咩特別開心, 都有D 掛住太太安全的, 不過太忙太倦, 無咩太多表達, 只係放係個心到.

我成日想搵機會同仔仔溝通, 教佢做人, 有目標之類, 今次我地兩個單獨共處幾天, 雖然時間唔算太多, 但都有正面效果. 有時太太係到, 仔仔唔係成日黐我, 始終我教仔方法跟太太有點不同.


琥珀宮

積分: 152913

2020勳章 2018父親節勳章 2018母親節勳章 2018復活節勳章 畀面勳章 環保接龍勳章 BK Milk勳章


發表於 19-12-7 23:17 |顯示全部帖子
本帖最後由 crystal媽咪 於 19-12-9 11:57 編輯

相知相遇相識


民房

積分: 28


發表於 19-12-8 01:46 |顯示全部帖子
PTMCYS 發表於 19-12-7 22:30
如果有一個星期沒有伴侶係身邊, 你/妳會感覺雀躍嗎? 會有什麼比平時不同呢?

我太太跟公司去了旅 ...

你仔仔幾歲?我仔仔7歲叫我買部俾佢!我say no


別墅

積分: 564


發表於 19-12-8 02:05 |顯示全部帖子
哈哈好Sweet既家庭
另一半不在,我都會好唔自在


男爵府

積分: 7488

2020勳章


發表於 19-12-8 06:55 |顯示全部帖子
本帖最後由 PTMCYS 於 19-12-9 15:37 編輯
lkwanl 發表於 19-12-8 01:46
你仔仔幾歲?我仔仔7歲叫我買部俾佢!我say no

仔仔14歲了, 雖然到了青春期, 對我們冷落左, 但我覺得比以前易溝通D, 易捉心理多D, 佢小學好反叛唔聽道理.

我屋企係遊戲機塚, 買過幾部放係到, 諗住親下子, 令佢有動力完成要求搵我比佢玩, 但都唔成功, X-box, PSP2, 月光寶盒都係打了幾次封緊塵, 依部見佢想左兩年, 又試下可唔可以比到動力佢.... 3000蚊買個動力, 可以試下. 我仔以前要佢辛苦換取, 佢情願玩垃圾都唔玩遊戲機....., 軟硬功都唔受...


男爵府

積分: 7488

2020勳章


發表於 19-12-8 07:12 |顯示全部帖子
puipuisum 發表於 19-12-8 02:05
哈哈好Sweet既家庭
另一半不在,我都會好唔自在

維持到家庭氣氛, 才是享受人生. 集郵大部男人都想, 我都經常去大陸/泰國, 去滾去出軌真係好易....., 但跟本無需要, 亦唔想花依D 時間金錢.

太太上機說不夠衫, 怕凍, 我send 左個message比佢, 叫佢打的士回來, 順便車埋佢同區的同事, 因為我去機場要零晨四點出發, 仔仔仲訓緊, 無成年人咁知醒, 有咩突發事就唔想......, 而且今日下午要同老家食"冬至"飯(已經識做無預太太), 明天公司又多問題處理, 唔想自己太疲倦....., 所以叫佢差不多到樓下, 我才拿衣服去接佢, 叫佢唔好同我慳(估計500蚊到), 點知剛才覆我又話搭了巴士 , 不過叫我去車站接佢......., 我覺得提出左比佢拒絕, 起碼都知我有心做, 係有必要跟她說出來的.





男爵府

積分: 7488

2020勳章


發表於 19-12-8 07:14 |顯示全部帖子
crystal媽咪 發表於 19-12-7 23:17
掛住要講出口或send訊息,唔好放喺心度。
不過見你話同仔仔溝通多左,關係好左……都係好事
...

掛住要講出口或send訊息,唔好放喺心度。---> 都有, 但無以前咁多, 因為近排好多煩野諗又倦, 又要跟仔仔鬥法..


琥珀宮

積分: 152913

2020勳章 2018父親節勳章 2018母親節勳章 2018復活節勳章 畀面勳章 環保接龍勳章 BK Milk勳章


發表於 19-12-8 09:32 |顯示全部帖子
PTMCYS 發表於 19-12-8 07:14
掛住要講出口或send訊息,唔好放喺心度。---> 都有, 但無以前咁多, 因為近排好多煩野諗又倦, 又要跟仔仔鬥 ...

睇有冇心……簡單話我好掛住你呀!快d返。或者加個錫咀符號
以往我地都冇,忘記哪個先send。一加符號好多野/要求都應承
相知相遇相識


大宅

積分: 2681

2020勳章


發表於 19-12-8 09:38 |顯示全部帖子
本帖最後由 crazypaper 於 19-12-8 09:38 編輯

男性黎講,你都算幾善於表達同著重溝通。大部份時間仲做得比太太還要多。真好!唔係每個男性都識表達自已同溝通。大部份喜歡冷靜。不過冷靜又唔知對方諗乜。問題始終會係到。


珍珠宮

積分: 33076

2020勳章 畀面勳章


發表於 19-12-9 10:30 |顯示全部帖子
PTMCYS 發表於 19-12-7 22:30
如果有一個星期沒有伴侶係身邊, 你/妳會感覺雀躍嗎? 會有什麼比平時不同呢?

我太太跟公司去了旅 ...

我老公去咗旅行不知幾爽,唔洗有人句句頂住哂,佢真係煩到一個點...我自己同啲仔都覺得好舒服,我哋有一套相處模式

點評

LeBlue    發表於 19-12-10 16:11
很累~我幾時先可以抖吓呢


侯爵府

積分: 22941

2020勳章


發表於 19-12-9 11:34 |顯示全部帖子
PTMCYS 發表於 19-12-7 22:30
如果有一個星期沒有伴侶係身邊, 你/妳會感覺雀躍嗎? 會有什麼比平時不同呢?

我太太跟公司去了旅 ...
我冇感覺雀躍。
比平時不同的是我沒有人和我拿主意。感覺沒有安全感。感概!我沒有安全感不是因為我先生有外遇,而是因為他不在我身邊守護我,做我大男人幫我作主。
我先生的兒子已經過了依賴的階段,該鍛鍊獨立的日子,今日我聽我先生在電話中問兒子 有咩 switch game 介紹。又同兒子講我正在摸索如何煮到佢喜歡吃的家鄉三文治。

點評

crystal媽咪    發表於 19-12-9 11:57


水晶宮

積分: 58444

2020勳章 2018復活節勳章 開心吸收勳章


發表於 19-12-9 12:56 |顯示全部帖子
PTMCYS 發表於 19-12-7 22:30
如果有一個星期沒有伴侶係身邊, 你/妳會感覺雀躍嗎? 會有什麼比平時不同呢?

我太太跟公司去了旅 ...
好像有句叫做小別勝新婚


侯爵府

積分: 22941

2020勳章


發表於 19-12-9 14:33 |顯示全部帖子
Hoining 發表於 19-12-9 10:30
我老公去咗旅行不知幾爽,唔洗有人句句頂住哂,佢真係煩到一個點...我自己同啲仔都覺得好舒服,我哋有一套 ...
似我去0左旅行,我前夫和我兩個女0既情況。佢0地有一套相處模式,我一在其中,佢0地不期然地感到緊張。


男爵府

積分: 6409


發表於 19-12-10 16:17 |顯示全部帖子
隔空都感受到樓主幾掛住老婆囉....
小別勝新婚是真的,
間中分開一下都幾SWEET既.....
樓主有無話上下D男人吹水網?
我估佢地應無你咁識得表達...

唔好意思借位問一下(純粹好奇):
858D你是否外國人?
感覺上你行文比較特別&人生經驗好特別


伯爵府

積分: 15363


發表於 19-12-10 22:55 |顯示全部帖子
好正兩父子


男爵府

積分: 7488

2020勳章


發表於 19-12-11 08:46 |顯示全部帖子
LeBlue 發表於 19-12-10 16:17
隔空都感受到樓主幾掛住老婆囉....
小別勝新婚是真的,
間中分開一下都幾SWEET既.....

今次又唔係話太掛, 全公司去, 女人多, 佢公司又無咩搵食男, 又跟團去, 其實無咩太擔心. 不過佢早機返, 都要問候下洗唔洗take care 佢, 都係做翻應有的關心.

當日我5點幾訓醒左, 留言問佢落機未? 點樣回來等, 佢同事問點解妳老公可以星期日咁早起身, 太太話我係呀伯來..... 有時女人要老公醒目, 但又要為佢做傻事先開心...... 佢點諗唔緊要, 都係做份內事...

其實我同男 同女分享是沒有問題的, 在這裡有跟兔兄, 中巴, 燈塔兄等有交流, 不過近排他們少了發言, 我比較易跟女性溝通, 教仔煮餸等, 男仔的一般汽車, 遊戲機, 女人, 相機, 釣魚等我都無咩興趣, 會少話題.....

85D 係香港人, 我覺得她既故事好適合拍文藝西片的劇情基礎, 帶少少三級, 如果搵王家衛拍會攞獎個仲.

首頁
12

尾頁

跳至
你需要登錄後才可以回帖 登入 | 註冊