Hi may_1316 , BB由唔同食物吸收全面營養係最好架! 通常唔建議因為擔心食物敏感,延遲/避免俾BB進食某種食物, 如果BB已經試左唔同肉魚蛋豆類,唔同菜蔬類,可以嘗試架,建議每次只加一種新食材,份量由少開始,連續試3-4 日,睇下BB會唔會有過敏反應。BB幾大? 固體食得好唔好?
Hi kit627, 新鮮白飯魚: 清水洗乾淨,放入薑/蔥熱水燙下走腥味備用; 新鮮魷魚: 加入白醋浸泡2分鐘再去皮,清水洗乾淨,放入薑/蔥熱水燙下走腥味備用。 將已處理白飯魚/魷魚,配搭有味粥(廋肉/魚湯/唔同菜蔬煲成的粥底例如: 紅蘿白/栗米),輪流進食唔同種類魚/海鮮,就可以減低潛在風險,每種魚/海鮮的蛋白質不同,未食過食材份量要由少開始,連續試3日,睇下會唔會有過敏呀。小朋友幾大? 鍾意食魚嗎?
係呀蒸鮮魷果種, 身長係手指長度就OK,BB吞嚥和咀嚼能力好好呀 已經食到兩正餐固體,媽媽嘗試多D唔同副食,例如: 薯仔(蓉)、通粉、上海麵、烏冬、米粉、意粉、素麵,剪細和煮`林` 身都ok 。蕃茄碎肉(牛肉)湯素麵/烏冬,豆腐魚碎粥、茄子肉碎燕麥粥、南瓜肉碎米粉、芝士雜豆西蘭花薯蓉、紫菜肉片上海麵、雞肉冬瓜碎粥,多D唔同既配搭會吸引BB食慾架! 豆類(枝竹/鷹咀豆/紅腰豆)有豐富植物蛋白質,BB有無試過?