吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 求助...太恐懼懷孕及生仔而導致嚴重抑鬱 ...

懷孕前後今日: 3|主題: 329688

收藏本版

發帖

返回列表

跳至頁

查看: 8387 | 回覆: 46

求助...太恐懼懷孕及生仔而導致嚴重抑鬱 [複製鏈接]

12 3

akb4488

複式洋房

積分: 292

1^#

發表於 19-12-16 07:28 |只看該作者 |倒序瀏覽 |打印

本帖最後由 akb4488 於 19-12-16 21:03 編輯

我唔知可以搵邊個講...試過同身邊朋友傾又試過同醫生傾，佢地只會覺得我太誇張睇緊心理醫生，佢建議我深呼吸，學習放鬆
但我真係踏出唔到第一步

由細到大我都好驚生仔
由細細個睇bio堂生仔片到身邊開始有朋友生仔會分享佢地的恐怖經歷我每次聽到都拎冷震
由細到大都覺得點解自己係女人要有呢個責任
結左婚好多年一路都無諗住生
但前排同老公傾起佢話其實想試下要小朋友
就算最後唔得唔緊要但起碼想試下同埋佢覺得有小朋友都係件開心事
我已經高齡理性咁睇都應該試下免得以後後悔同埋時間唔等人

咁我同佢agree左要開始試
我一路食緊避孕藥要停藥
然後問題就黎

我覺得自己極唔敢停藥因為我知道一停藥就要開始試
我怕如果真係有左點算
我覺得大肚係一樣好恐怖既事有舊野響個肚入面郁極核突
順產十級痛剪會陰開刀好血腥生完個胸可能會變dur 有紋等等。。
同埋之前睇過新聞陀緊或生緊既時候咩都有可能發生甚至危及生命
覺得成件事好恐怖。。
我係想要細路，但我未至於想要細路想到願意犧牲

我已經連續幾個星期訓唔到教(響諗呢樣野之前係非常開朗)
一合埋眼就係大肚婆尖叫既畫面同埋開刀時既血腥場面
有經歷過的人可以share下經驗? 係我太誇張嗎？我真係好困擾，日日食唔落飯無心機做野，feel到自己有精神病。。。

Update:

好多謝各位回覆你地每個分享我都睇左好多次對我好大參考價值
好感激各位的分享響我咁困擾的時候
咁多好心人分享你地的經歷真係人間有愛
多謝你地
呢件事真係困擾左我十年以上直至而家仍然困擾
所以我好積極咁想諗通迫自己接受
因為如果我再唔理自己的諗法日子只會不斷重覆十年後的我仍然會驚
但現在的我已高齡所以自知時間有限更加係咁迫自己快d唔好咁驚
睇黎要做到完全唔驚係無咩可能原來咁多人都驚唯有驚住黎做呢件事
個個都係驚住生做媽媽真係好偉大
希望我都可以有一日鼓起勇氣去試

有d人又話開刀背脊支針好痛
又有人話生完谷奶痛到爆
真係有好多關要過。。。

0 0 0

私人傳訊

gilgil39

子爵府

積分: 12651

2^#

發表於 19-12-16 07:52 |只看該作者

我覚得你未克服到心理障礙，吾好生住

私人傳訊

sabsab122

大宅

積分: 3119

3^#

發表於 19-12-16 07:55 |只看該作者

回覆 akb4488 的帖子

其實我同你一樣，未生之前覺得生仔呢件事好恐怖，犧牲又大，身材走樣，變老，變師奶，又周身病痛，所以結婚初期冇諗住要小朋友。但我自從見過身邊幾個朋友，由陀到生，都無嘔，身材又好快復原，所以就決定試吓。

結果，好幸運地，陀b期間身體一直冇大問題（但我其實個體質係虛，成日暈嗰啲人，我34歲）但全程無嘔無頭疼無便秘無腰骨痛，只係個人重咗。

外貌方面，我無妊娠紋（只係得中線，但會慢慢退），亦都冇腹直肌分離，皮膚仲好左（我陀女）

至於胎動，到你有咗之後，就會覺得好得意。我胎動時係16週，感覺好似有條魚係個肚度游嚟游去，好神奇㗎！你會好開心㗎！

而生產過程，我選擇咗開刀，所以其實全程係唔疼（因為半身麻醉），但係開刀後你要預一個禮拜傷口痛（但可以食止痛藥頂住）
所以個生產過程其實唔係太恐怖。

反而我覺得最崩潰係坐月，可能因為我個陪月唔好啦，坐月係我人生裏面最唔開心嘅一個月，
個陪月日日都淨係整菜心肉片，營養極不均衡，我食得唔好，
衛生意識又差，經常唔洗手餵BB，搞到我成日好驚BB病。
但我又唔炒得個陪月，因為係老公嘅親戚，日後仲要見。

所以總括由陀b到生，個過程唔係太辛苦同恐怖（胎動更加係最得意嘅一部份，我每日都期待着bb郁㗎！）當然，人人個反應都唔同，最緊要去調理好個身體先陀B,就會舒服好多。

而家我bb兩個月，我都好開心，好慶幸當時揀咗要BB。你都要加油呀！生BB真係唔係想像中咁恐怖。

私人傳訊

acskphc

大宅

積分: 2595

4^#

發表於 19-12-16 08:55 |只看該作者

回覆樓主：

本帖最後由 acskphc 於 19-12-16 08:58 編輯

以前細個我同你一樣驚生仔，係驚順產嘅過程。由一開始打算開刀，到因我case 係醫生不建議開刀所以要順產，過產中，由陀bb 果刻內心開始壯大，因為不知力量從那裡來，我諗係為母則強呢個信念幫我手。
我兩胎也是順產。我會心諗，別人得，我都得！

私人傳訊

rainbowflower

大宅

積分: 2398

5^#

發表於 19-12-16 09:16 |只看該作者

akb4488 發表於 19-12-16 07:28
我唔知可以搵邊個講...試過同身邊朋友傾又試過同醫生傾，佢地只會覺得我太誇張睇緊心理醫生，佢建議我深 ...

其實樓主你都答左自己未至於想要細路到願意犧牲
未ready好不如你同你老公再傾下因為開左個頭就要持續10個月既時間到時你身心同精神上面對既壓力同恐懼依你宜家既情況都未必承受到

我覺得如果就算要生你都一定要去尋求專業人士協助去解決你心理上既障礙先開始

加油呀

私人傳訊

Happybabyhbb

子爵府

積分: 14964

6^#

發表於 19-12-16 09:20 |只看該作者

akb4488 發表於 19-12-16 07:28
我唔知可以搵邊個講...試過同身邊朋友傾又試過同醫生傾，佢地只會覺得我太誇張睇緊心理醫生，佢建議我深 ...

為生bb搞到自己身心唔健康不如唔好生

私人傳訊

tovibb

大宅

積分: 2498

7^#

發表於 19-12-16 09:35 |只看該作者

其實講得出未預備好為生BB犧牲就真係唔好生，大人有得揀，小朋友冇，將來佢出咗世你要犧牲嘅更多，勉強冇幸福

私人傳訊

akb4488

複式洋房

積分: 292

8^#

發表於 19-12-16 09:37 |只看該作者

回覆 sabsab122 的帖子

好多謝你的分享呀我會好好考慮一下

私人傳訊

akb4488

複式洋房

積分: 292

9^#

發表於 19-12-16 09:41 |只看該作者

回覆 tovibb 的帖子

好多謝各位的回覆呀犧牲方面如果係痛呀要時間照顧等等我係ok的
但如果要犧牲條命換黎bb就無咁偉大了
請問各位媽媽係咪要有犧牲性命的覺悟所以先敢生bb?
定係無諗咁多覺得應該唔會無左條命咁嚴重所以照樣去生?

私人傳訊

Lillian54321

大宅

積分: 1496

10^#

發表於 19-12-16 09:44 |只看該作者

樓主你要多睇D勵志嘅例子，唔好鑽牛角尖，是一個生命過程。
其實又唔係話想要BB就即刻有，好多媽咪嘗試左好耐，所以呢個都係你認識新生命的過程。可能呢個過程你會開始改觀。
我個人角度：女人係經歷了結婚生子才算完整
也是考驗你們婚姻的一個里程碑
有BB其實係好感恩的，你會覺得為母則剛，成個人都陽光左

私人傳訊

amychuu

大宅

積分: 1593

11^#

發表於 19-12-16 09:57 |只看該作者

其實怕生仔好多人都會，但如果你又訓唔到，發惡夢又食唔落飯
其實係去到一個好嚴重的地步，應該係心理障礙的一種
不如你開心見誠同先生討論，去找尋求專業的輔導
希望你唔好介意~ 祝你盡快解決件事啦~

私人傳訊

ayakaling

複式洋房

積分: 171

12^#

發表於 19-12-16 10:48 |只看該作者

akb4488 發表於 19-12-16 09:41
回覆 tovibb 的帖子

好多謝各位的回覆呀犧牲方面如果係痛呀要時間照顧等等我係ok的

樓主你平時會唔會諗出街比車撞親/樓上丟野落來，然後就死左？如果唔會，咁點解要咁杞人憂天？
人死係一定會既，無人會長生不老。最緊要係你在生時想達成或想做Ｄ咩
如果你要勉強自己因為生仔而痛，或勉強自己為左小朋友失去自己私人時間或金錢
你絕對不適合生小朋友
而且呢樣野你有同老公講嗎？佢明白你嗎？
每個人家庭環境不同，如果你有左ＢＢ，覺得佢係負擔的話，ＢＢ真係好可憐。。。

私人傳訊

sabsab122

大宅

積分: 3119

13^#

發表於 19-12-16 11:07 |只看該作者

akb4488 發表於 19-12-16 09:41
回覆 tovibb 的帖子

好多謝各位的回覆呀犧牲方面如果係痛呀要時間照顧等等我係ok的

咁又唔使犧牲自己性命，先換到BB嘅覺晤先生b嘅⋯
不過我陀b時，都有搵過瑞士安樂死嘅資料，預備生產過程有咩冬瓜豆腐叫老公送我去瑞士安樂死算⋯lol
所以我諗我都明白你擔心乜嘢。

多啲同你生過而又復原得快嘅朋友傾吓計，你就會慢慢有信心生仔其實唔係咁恐怖。

私人傳訊

sabsab122

大宅

積分: 3119

14^#

發表於 19-12-16 11:14 |只看該作者

回覆 acskphc 的帖子

點解醫生會不建議開刀呢？

私人傳訊

Whitechocolate

伯爵府

積分: 18976

15^#

發表於 19-12-16 11:26 |只看該作者

回覆 akb4488 的帖子

你改諗下，識得教佢好過啦！佢做錯事，捨得話佢嗎？
健康夫妻，由中左到生，都只一年攪掂，但到出生，有成20年。

慢慢長路，你頂得順嗎？問埋你老公，千萬唔好為生而生。

私人傳訊

ykshum1204

複式洋房

積分: 304

16^#

發表於 19-12-16 11:42 |只看該作者

回覆樓主:

我都用左兩年時間先刻服到果種驚
我都係老公好想好想生，但我過唔到自己果關，kick住左
而家仲有兩個星期生得，我都選擇開刀，越近越驚架，一定會驚!! 而且好驚!!
但驚既另一邊係期待，唔知bb出世會點呢

我都曾經有情緒病（有左前），我都明白情緒一深陷去某一個方向好難出返黎，所以你唔好急，等自己解到個結都唔遲，而家醫學咁昌明，唔係最近有個明星50幾歲先生左b咩~生仔既痛只係開始，照顧同養育先係戲肉，要諗清楚呀～唔生可能會後悔，但逼自己去到咁困擾，生都可能會後悔呀，加油樓主~

私人傳訊

yan1008

大宅

積分: 2501

17^#

發表於 19-12-16 11:51 |只看該作者

akb4488 發表於 19-12-16 07:28
我唔知可以搵邊個講...試過同身邊朋友傾又試過同醫生傾，佢地只會覺得我太誇張睇緊心理醫生，佢建議我深 ...

樓主, 你首先要同你老公分享你嘅情況, 第二要成功懷孕順產都唔係一件容易嘅事, 第三你想幻想出黎嘅恐佈野都係可以解決到。唔係一停藥就會懷孕，長期食避孕起碼要三個月至六個月先回復正常排卵；所以停藥後都係好平常咁做愛，日日做都唔會令你懷孕，天時地利人和同緣份缺一都唔成事。大肚好恐怖？第一胎頭半年你都唔會覺得自己入面有舊野，而呢舊野係有生命，同你自己及老公有血緣關係，出世後有情感嘅生命，你唔係異形蛋入左肚生怪物，佢係有血有肉嘅仔女。個個孕婦驚個ＢＢ喺肚唔郁多過佢郁, 所以做得媽媽唔會覺得核突。＂順產十級痛剪會陰開刀好血腥生完個胸可能會變dur 有紋等等。＂順產可以用無痛分勉，剪會陰你都睇唔到，感覺唔到，開刀遮住晒布，你睇唔到，你唔想知可以全身麻醉，生完個胸ｄｕｒ唔ｄｕｒ係睇你自己保唔保養，有冇紋睇遺傳，有錢laser就打走晒。以上你所講嘅都係你自己諗出黎嘅所謂恐怖，所謂問題。你可以接受有小朋友喺你屋企，但接受唔到自己生佢出黎。保良局同好多兒童機構都幫到你地解決家庭問題，以你用＂細路＂黎形容自己＂仔女＂，其實你唔太適合做媽媽，好多有絕症媽媽為左自己仔女延後接受治療係為左佢地健康成長，而你覺得＂犧牲＂係唔值得。請好好同你老公傾清楚。我有朋友有情緒病生左兩胎，到第二胎佢個病已經好番晒，佢第一胎為左小朋友停藥，生完要被隔離，因為屋企人怕佢傷害到小朋友，佢好努力醫好個病去生第二胎，佢好鍾意帶佢第二胎出去旅行，分享快樂比個小朋友，就算第一胎令到佢好激氣。真心再講一次，對你咁困擾要同老公講，因為對你老公同小朋友將來黎講都係唔公平嘅諗法。要有小朋友唔一定要生，如果你真心喜歡小朋友。

私人傳訊

rainbowflower