想生BB

跳至

首頁
12

尾頁
   3


別墅

積分: 508

2020勳章


發表於 19-12-23 23:40 |顯示全部帖子
本帖最後由 Shan709 於 19-12-23 23:42 編輯

我個case係2016年年頭個時再一次小產,已經係第2次,呢次去左荃灣x安醫院,照到個胎開始萎縮,醫生當時仲講第2日入院吸個胎出梨check,唔吸出梨check搵吾到原因,同埋個胎出梨後吾快啲拎去check,會check吾到問題所在,大約2萬幾,點知個晚等吾切,同埋自己已經有第一次既經驗,知道個胎想出梨個種痛法,就拿拿聲入院,到個胎一出梨,姑娘即時入樽放入保冷箱check胚胎絨毛染色體,等左2個星期後,結果發現個胎有2對染色體平衡易位,個胎當時得8週,私家醫院既醫生話報告只有知個胎染色體異常,但就check吾到性別同其他野,呢次入左院2日1夜連埋check埋單5000幾,報告出左之後醫生話佢可以轉介我再去專科到再check,但2夫妻各人入場費最少係1萬,仲未計化驗,再轉介其他專科等等,結果寫紙排左1年瑪x烈婦科,2017年年尾先見醫生,醫生抽左我12支血去check,無講錯真係12支,結果一切正常,乜都check吾到,其後又再轉介我去長沙灣遺傳科,我排到有得睇已經係2018年既事,個時我已經離左婚,咁遺傳科第一次見醫生已經係2018年年中既事,新症135蚊,當日就直接幫我抽左支血驗染色體,無其他,2018年尾再返去知道自己染色體有問題,仲叫我下次覆診帶埋先生去染埋,再覆診我帶左我現任先生去驗都係計我去睇醫生,舊症每次返去80蚊,結果佢一切正常,得我染色體有問題,醫生有提及因為我既染色體有問題,會吾會屋企人都想驗,驗就約期,吾驗就吾洗再返梨覆診,仲話如果我地要生就一係繼續試自然懷孕,但流產機會率好高,如果個胎好彩過得到頭3個月,但好大機會生出梨既小朋友係吾正常,一係直接做試管嬰兒+PGD,當時醫生話大概要10萬,結果又再寫紙,轉介去瑪麗醫院到見醫生,知道做ivf要出示結婚證書,就同現任先生拿拿聲簽紙結婚,今年2019年9月6號聽講座同日第一次見醫生,開始左ivf,10月31號到11月17號一共18日食避孕藥,11月23號開針,12月5號抽卵,等到下年2020年1月先知有無可用胚胎,我個人覺得如果你都同我一樣有呢個問題,請你試下問醫生可吾可以直接轉介你去政府遺傳科驗染色體(而家搬左去九龍灣兒童醫院),個到先提供到驗染色體,政府普通婦科係吾會提供到,出面驗真係要幾千蚊,如果吾係會好似我咁浪費左好多時間,希望幫到有需要既你


別墅

積分: 508

2020勳章


發表於 19-12-24 00:16 |顯示全部帖子
選擇得做ivf,我本身都好擔心,因為睇左電視節目,但自己經歷過,又吾係電視節目所講既咁,我教屋企姐姐幫我打左11日針,個肚無瘀,因為我係瘦低,只要mit到多啲肉出梨,大啖吸一口氣,慢慢呼出梨就打支針入去,姑娘教支針一定要水平線吉入肚皮,日子好快過,打完針就只係好眼訓,基本上真係食訓同屙,到左第7日返去覆診,呢次呢位姑娘打支針係斜住打同打得好快,我feel到啲藥好大力向啲肉入面打我啲皮,有啲痛,同第一次教我水平線打個位姑娘吾同手法,有少少瘀左,到抽卵個日,過程都輕鬆,每邊抽到最後幾粒真係有啲痛,我抽左17粒,手術室仲一直播著輕快既歌,好記得其中1首係莫札特既交響曲,我發現抽完先痛,痛左15分鐘後,忍吾到要問姑娘拎2粒止痛藥,所以做ivf既你一定要加油丫


別墅

積分: 661


發表於 19-12-24 10:21 |顯示全部帖子
回覆 Shan709 的帖子

Sis,你好勇敢呀!你遇到嘅問題可能更加複雜,少啲人知道呢種問題,你嘅資料好有用,希望快啲有你嘅好消息!


複式洋房

積分: 493


發表於 19-12-24 10:48 |顯示全部帖子
Shan709 發表於 19-12-23 23:40
我個case係2016年年頭個時再一次小產,已經係第2次,呢次去左荃灣x安醫院,照到個胎開始萎縮,醫生當時仲講 ...

好明白你。因為我本身都係有染色體問題,係11月個時做過一次ivf,但唔成功。所以我同先生都選擇左暫時都唔做住,一切都隋緣,BB要黎遲早都會黎,去強求反而令自己非常緊張。同埋我前幾個月認識到一位都有染色體異常嘅台灣女士,佢做左3-4次ivf+pgs,但都係去到8-9週胎停。但當佢諗住過2-3個月去做多次ivf,點知自然懷上,而傢都7-8個月啦。



伯爵府

積分: 17896

2020勳章


發表於 19-12-24 17:03 |顯示全部帖子
同路人,希望你今次成功


別墅

積分: 508

2020勳章


發表於 19-12-24 21:25 |顯示全部帖子
本帖最後由 Shan709 於 19-12-24 21:45 編輯

回覆 Sunny325 的帖子

你有無做PGD?第一次見醫生嗰陣,醫生有講過就算做咗PGD,都未必100%驗到有問題,有機會會驗唔到出嚟,只有50%,咁岩有資助可以申請,如果唔係就算公家做PGD都好貴,我係第4對同第6對染色體各有一節交換左,你介唔介意講下你嘅處境?醫生同護士都話我比較後生,今年先27歲,好彩發現得早, 24歲就已經流產左2次,其實24歲嗰陣我已經想生,今次抽左17粒卵子,有13粒受精,去到Day 2得返7粒受精卵,去到Day 7 得返6粒,而家呢6粒到下個月希望係齊到啦


別墅

積分: 508

2020勳章


發表於 19-12-24 21:31 |顯示全部帖子
回覆 白羊花花 的帖子

你介唔介意分享下你嘅處境?想搵同路人傾下真係好難


別墅

積分: 508

2020勳章


發表於 19-12-24 21:32 |顯示全部帖子
回覆 Yan_manli 的帖子

其實我喺呢度不停咁搵關於PGD嘅資訊,但真係好少,你都係同路人嗎?


伯爵府

積分: 17896

2020勳章


發表於 19-12-24 23:19 |顯示全部帖子
Shan709 發表於 19-12-24 21:31
回覆 白羊花花 的帖子

你介唔介意分享下你嘅處境?想搵同路人傾下真係好難 ...

qm ivf pgd 2017生左當時6個day5胎有一半正常,放1中1,雪2


別墅

積分: 508

2020勳章


發表於 19-12-24 23:46 |顯示全部帖子
本帖最後由 Shan709 於 19-12-24 23:46 編輯

回覆 白羊花花 的帖子

好犀利丫,你個時放胎前後有無咩準備?仔仔定囡囡丫?


別墅

積分: 516


發表於 19-12-27 20:17 |顯示全部帖子
唉,染色體平衡易位,好似都有同路人,但好似都係個案少!我老公都係有呢個問題,之前返深圳檢查完一大輪,最後因為染色體呢個問題走左上廣州中山附一,好唔容易咁捱過打針上上落落檢查,抽完卵都好似無左半條人命,點解等到d7都係被通知胚囊養唔成,真係好失望!唔知點樣捱多次,唔知點請假再黎過,唔知最後係咪都係咁⋯真係好難


別墅

積分: 508

2020勳章


發表於 19-12-27 21:01 |顯示全部帖子
回覆 jkbabyctu 的帖子

哇你走到去咁遠真係好勇敢,今次都係第一次聽到男性都有平衡易位既個案,八掛想問下向中山做收費貴吾貴?我上網睇話胚胎師個部份好重要,會唔會其他醫院會好啲,我見其他JM有啲去台灣,泰國,最近嘅係深圳,我見都有好多成功例子,你千祈唔好放棄,加油養好身體,培養多啲靚嘅卵子


別墅

積分: 516


發表於 19-12-28 11:29 |顯示全部帖子
Shan709 發表於 19-12-27 21:01
回覆 jkbabyctu 的帖子

哇你走到去咁遠真係好勇敢,今次都係第一次聽到男性都有平衡易位既個案,八 ...

第一次聽男性平衡易位個案,真係sad!中山附一既收費都應該同深圳差唔多,促排都係一萬多,抽卵養都係萬多,只係我未有得check胚胎唔太清楚確實費用,好似係4千粒度!胚胎師我都唔清楚,不過附一算係幾初期重點做試管醫院!我之前都有想過去台灣,但好難請多假,而且我要做既三代,應該去台灣都會比較貴?


大宅

積分: 1773

2020勳章


發表於 19-12-28 12:04 |顯示全部帖子
Shan709 發表於 19-12-27 21:01
回覆 jkbabyctu 的帖子

哇你走到去咁遠真係好勇敢,今次都係第一次聽到男性都有平衡易位既個案,八 ...

我也是平行移位,同路人,我早幾個月系瑪麗抽卵主有一個胚胎過到Day 5,最後可惜做PGD發現胚胎唔正常,療程失敗了,宜家要排到2月先可以做第二次,我考慮仲繼唔繼續,因為我卵巢早衰,所以卵少有正常既胚胎比較難(emoji)(emoji)(emoji),好難得搵到個同路人,如唔介意不如開個whatapps 群組大家一齊分享吓⋯⋯


別墅

積分: 508

2020勳章


發表於 19-12-28 23:54 |顯示全部帖子
回覆 kk1030 的帖子

好丫,pm你


複式洋房

積分: 493


發表於 20-1-10 16:22 |顯示全部帖子
Shan709 發表於 19-12-24 21:25
回覆 Sunny325 的帖子

你有無做PGD?第一次見醫生嗰陣,醫生有講過就算做咗PGD,都未必100%驗到有問題,有 ...

甘你成積都唔錯喎
我去到day 3得3粒
我係 45少一條 47多一條
我啲卵會有存在唔好嘅質素

我冇做PGS/PGD,因為醫生話做左都一半一半機率。
所以決定冇做

我而傢諗住休息多2年,先再決定再做。

我化學懷孕已經3次,計埋今次ivf
1次就成長唔到,流左了。


複式洋房

積分: 493


發表於 20-1-10 16:25 |顯示全部帖子
Shan709 發表於 19-12-28 23:54
回覆 kk1030 的帖子

好丫,pm你

我都想呀。可以加埋


民房

積分: 21


發表於 20-1-10 19:13 |顯示全部帖子

回覆樓主:

我係男,大概8年前左右同老婆去珠海睇不孕科之後叫左我地去廣州抽血驗發現老婆正常,我就平衡移位。結果擺底左幾年去左家計會轉介去威爾斯排,點知要等兩年先見到醫生,結果走左去台灣做。第三次終於成功,老婆誕下孖女,而家差唔多4個月大。只要肯努力嘗試,幸福一定會降臨


別墅

積分: 508

2020勳章


發表於 20-1-11 00:22 |顯示全部帖子
回覆 chung1980 的帖子

多謝你既鼓勵八掛想問,起初你知吾知自己有平衡移位嫁?定係發生過一啲經歷先知?吾介意既可吾可以分享一下?我琴日收到瑪麗醫院姑娘打嚟,6粒有2粒正常,有2粒就同我一樣平衡移位,有1粒話醫生要同我傾,最後1粒就完全吾用得,今個月15號(下星期二)見醫生,希望有好消息,下個月放胎可以一次成功


別墅

積分: 508

2020勳章


發表於 20-1-11 00:30 |顯示全部帖子
回覆 Sunny325 的帖子

有卵未為輸,祝BB快快痴實你,加油

首頁
12

尾頁

跳至
你需要登錄後才可以回帖 登入 | 註冊