婆媳關係 今日: 6 | 主題: 27693

積分: 45

1^#

發表於 20-1-4 02:41 |只看該作者 |倒序瀏覽 |打印

本帖最後由 qwq_12 於 20-1-6 00:09 編輯

因為實在無地方可以申訴，都唔知點做好，所以想問下大家既意見。我對呢段感情好認真，希望唔好因為年齡而輕視我既煩惱，當學下野都好。

貪心既奶奶
明明屋企好地地，係都要搬人地唔要既兩張中式木椅，搞到成間屋明明唔係果種風格，搞到好格格不入咁。你就話：「你唔想要咪遲下dum左去囉！］但係我敢咩。。啲語氣囂張到。。
另外，人地啲呀姨比佢既餸呀，菜，水果呀。佢拎一大堆返黎放滿個雪櫃，跟住食唔哂又怪我地唔食，從來無諗過我地鍾唔鍾意食既。而且佢自己又唔食照dum，跟住又比說話我地聽，搞到我地好似浪費佢啲野食咁。

被寵慣既奶奶
男家果邊個啲人個個都寵慣個奶奶（尤其係老爺），搞到奶奶小氣又霸道加上佢更年期，更嚴重。返到屋企就指定一定要自家煮飯食，仲要係我地煮，而且煮得唔好食又係度嫌三嫌四。
跟住煮飯，洗碗，洗衫晾衫，掃地都係我做。佢仲要覺得好理所當然咁，有人黎仲指定叫我搞衛生！佢自己咩都唔幫手。
佢又嫌我晾衫晾得唔好自己再晾過，掃地又係！其實你唔滿意咪講囉，又粒聲唔出黑哂面咁自己再做過！
自從佢搬返黎住，廁所櫃全部放既係佢啲美容產品，好啦。就佢！加多個架係旁邊，隔日，都可以放滿哂佢啲野。原本得一隻杯我同老公用，佢一黎自己又唔買隻杯，又唔出聲，有舊又唔用舊。就霸埋黎用，之後買過隻新既杯讓舊果隻比佢用，你以為完啦咩？我見佢舊果隻杯黑哂就知佢無用！而且我起床見到自己同老公果隻杯有泡！就知道原來佢當舊果隻杯做擺梳！唔怪得黑哂！當下我即刻買過隻加dum左佢果隻舊杯，再同老公講叫佢同奶奶講清楚邊隻係佢既。真係一啲衞生常識都無！！另外仲要係咁叫我用佢啲護膚品，但係我無呢個習慣同人共享（都係唔衛生），佢就以為我嫌棄佢。

冷言冷語既奶奶
上面講到我晾衫，我從細到大都無咩點做過家務，但我願意學。我去幫手晾衫果陣（洗完衫無人打算去晾），唔小心將佢就黎乾果啲整濕左少少。跟住佢就接落黎鬧：「有咩理由咁蠢架？晾衫唔識分開放架？（以下省略一千字」，但係果陣已經係超多衫一齊洗，反而唔夠位晾先好迫咁。其實佢可以她好地教我而唔係話我蠢囉。
好啦，到買傢俬要自己砌，砌完幾個鍾後佢返到黎。我問佢想放咩落去，佢居然答我：「反正你地都會放哂啲垃圾落去架啦」我以為聽錯，我再問佢一次，佢居然再大大聲聲講多一次。我個心當唐好似碎左咁，為左屋企多啲空間無咁亂，佢一句裝垃圾就算。。
佢搬黎之前我地不嬲有養開寵物，佢一搬黎就下馬威，話要dum哂佢。。我同老公都堅決反對佢先勉強接受。。有次煮飯遲左，到佢返黎先開始煮（因為佢成日話啲呀姨比野食佢佢好飽），跟住佢就話：「有心就唔會呢個時候先煮啦」。

唔識溝通既奶奶
即使我不滿佢，我自問都無表現出黎，甚至仲以我方式關心佢。佢話無衫就買衫比佢，佢無咩就買咩，佢講佢日常生活既野我就靜靜地坐係度聽（聽完我都唔知比咩反映就跟住佢笑果隻。想出街食飯我就叫老公同佢講聲，咩節日快樂果啲又係我提老公叫佢講既，佢要搬黎就買個衣櫃比佢用，佢唔想剝蝦我就幫埋佢剝。老實講我先識奶奶一年，做到咁已經好尊重啦掛？
反而我最近唔係屋企佢就惡人先告狀，同我老公講我唔尊重佢，成日黑佢面又剩。話我啲語氣唔好，但我自問係正常語氣，而且好難一直笑笑口咁掛？我老公幫我解釋佢又轉移話題，完全有佢講無人講咁。

我既心聲
我其實都知道自己有好多不足，但係作為奶奶既佢點解唔可以多啲包容溝通？日日比佢咁精神折磨左一年，隔唔耐都可以有啲令我好沮喪既事情發生。一同佢溝通就開始「我咩都唔聽咩都你衰」既模式，搞到我真係唔知點同佢相處落去，雖然老公都有幫我頂罪，但係佢對個仔一樣係咁。
麻煩大家比啲意見我。。的真係唔知點做，最壞既後果就係分手，我真係唔想咁。

0 0 0

私人傳訊

Daisywong313

積分: 12272

2^#

發表於 20-1-4 04:32 |只看該作者

睇到都覺得煩，你都幾就得人
分開住得唔得？

私人傳訊

sinohk33

積分: 11901

3^#

發表於 20-1-4 05:23 |只看該作者

回覆樓主:

所有問題都係因為同住。

私人傳訊

MeowMuiMui123

男爵府

積分: 6938

4^#

發表於 20-1-4 07:24 |只看該作者

分開住。

私人傳訊

cpycpyhelen

男爵府

積分: 6313

5^#

發表於 20-1-4 07:41 |只看該作者

qwq_12 發表於 20-1-4 02:41
因為實在無地方可以申訴，都唔知點做好，所以想問下大家既意見。我對呢段感情好認真，希望唔好因為年齡而輕 ...

你個情況分開住最好，冇辦法下，既然佢話係咩都做得唔好，你將錯就錯咩都唔做最好

留返比佢自己攪

私人傳訊

cheechi

伯爵府

積分: 18597

畀面勳章

6^#

發表於 20-1-4 10:21 |只看該作者

回覆樓主：

本帖最後由 cheechi 於 20-1-4 10:23 編輯

問題係你唔識反抗呀，亞妹！
做人要有底線，就算工人都要互相尊重，何況你唔係！你咁好鬧又咁好洗，心地衰既人見有人恰，係會鬧多d 、洗多d 。
識當時候還口、反駁、say no ，佢係你99咋，都唔可以罵不還口。

點評

cathngai

發表於 20-1-6 08:40

私人傳訊

積分: 45

7^#

發表於 20-1-4 12:45 |只看該作者

回覆 Daisywong313 的帖子

多謝回覆！原本自己已經唔係一個咁好脾氣既人，係為左老公而忍，但係最近已經開始忍唔到到了，老公都知道我好大壓力。至於分居問題，已經有開始儲錢租屋，但已決定左唔再好似工人咁服侍奶奶！做自己！

私人傳訊

積分: 45

8^#

發表於 20-1-4 12:48 |只看該作者

回覆 cpycpyhelen 的帖子

多謝回覆，有次就因為忍唔住爆，語氣激動左少少。跟住奶奶就開始係度喊，話我地唔關心佢！我又唔清楚點樣同老人家相處，同居。而且佢正處於更年期，郁少少就發脾氣咁，搞到成家人壓力都好大！

私人傳訊

積分: 45

9^#

發表於 20-1-4 12:56 |只看該作者

回覆 cheechi 的帖子

多謝回覆。我都明白我既身份唔係工人，我都想多次同佢好好溝通。有次同佢講，佢會即刻開始「你地錯！唔關我事，係你地唔尊重我」既模式。搞到佢單方面係度講野，而且一嘈完佢就同老爺報串，跟住老爺就會打電話比老公問佢做咩恰奶奶。令到我都分無奈，但最近同左大姑奶傾，希望大姑奶可以幫到手。

私人傳訊

mini1204

翡翠宮

積分: 79224

10^#

發表於 20-1-4 13:12 |只看該作者

回覆樓主:

兩代人一齊住根本係自殺行為
我連自己老娘都溝通吾到/吾想溝通
一分開住就所有問題吾再係問題

私人傳訊

sinohk33

積分: 11901

11^#

發表於 20-1-4 13:16 |只看該作者

回覆樓主:

做人最緊要有經濟能力，唔使靠人。

私人傳訊

Daisywong313

積分: 12272

12^#

發表於 20-1-4 13:40 |只看該作者

qwq_12 發表於 20-1-4 12:45
回覆 Daisywong313 的帖子

多謝回覆！原本自己已經唔係一個咁好脾氣既人，係為左老公而忍，但係最近已經開 ...

唯有努力儲錢搬啦。呢段時間少d係屋企，多啲出去。

私人傳訊

birdbird

水晶宮

積分: 60443

13^#

發表於 20-1-4 14:32 |只看該作者

回覆樓主:

誰是屋主?

私人傳訊

cheechi

伯爵府

積分: 18597

畀面勳章

14^#

發表於 20-1-4 15:09 |只看該作者

qwq_12 發表於 20-1-4 12:56
回覆 cheechi 的帖子

多謝回覆。我都明白我既身份唔係工人，我都想多次同佢好好溝通。有次同佢講，佢會即 ...

本帖最後由 cheechi 於 20-1-4 15:11 編輯

佢咁野蠻，唔係理性既人，你唔好理想化用理性溝通模式應用係佢身上。你需要既設下立場、底線，並採用高姿態，比對方知道你既立場。

私人傳訊

積分: 45

15^#

發表於 20-1-4 16:40 |只看該作者

回覆 mini1204 的帖子

依加努力儲緊錢

的確價值觀相差太大。。

私人傳訊

積分: 45

16^#

發表於 20-1-4 16:41 |只看該作者

回覆 sinohk33 的帖子

依加努力儲緊錢租屋，多謝回覆

私人傳訊

積分: 45

17^#

發表於 20-1-4 16:45 |只看該作者

回覆 birdbird 的帖子

多謝回應，我地係住公屋既。原本得老公住，後尾我再搬過去，有問過老公屋企人係同意既。
我知你想講咩，屋主係人地就＝理所當然要做工人嗎？受到咁既態度係應有的嗎？
探討既重點係婆媳關係。

私人傳訊