少年成長

跳至

首頁
1

尾頁
   0


大宅

積分: 1878


發表於 20-1-11 09:13 |顯示全部帖子
我個女中二,由中一開始,試過好多次啲同學(全部都係女仔),一上到嚟屋企玩,就由日頭(上午或中午)玩到天黑曬。佢哋嘅家長從來都唔理佢哋喺邊度做緊乜嘢幾時返屋企,反而我同老公會擔心太夜個女仔自己出去唔安全。
我從來都唔俾我女去同學屋企玩,有時會建議佢哋去圖書館做功課,同埋我女戴個隻錶係有定位嘅。想請教大家,我應該點樣定規矩,去杜絕這種拖延式玩法呢?唔該晒!


珍珠宮

積分: 37075

2020勳章 好媽媽勳章 醒目開學勳章 畀面勳章


發表於 20-1-11 17:43 |顯示全部帖子
RaeFANG 發表於 20-1-11 09:13
我個女中二,由中一開始,試過好多次啲同學(全部都係女仔),一上到嚟屋企玩,就由日頭(上午或中午)玩到 ...

後果冇下次
做吾到罰停出街


複式洋房

積分: 241

2020勳章


發表於 20-1-11 18:44 |顯示全部帖子
RaeFANG 發表於 20-1-11 09:13
我個女中二,由中一開始,試過好多次啲同學(全部都係女仔),一上到嚟屋企玩,就由日頭(上午或中午)玩到 ...

其實係上嚟玩,定做功課,定溫書先?你有冇觀察佢哋實際做梗乜?
分別好大㗎喎!
同埋次數有幾密先?日日?一星期一次?
圖書館唔可以講嘢大聲,可能做功課溫書DISCUSSION唔到,佢哋唔想去?
青少年都係鍾意HE HE HA HA有點聲浪,可能鍾意你屋企夠自由都唔定。
我就從來唔會畀阿囡其他同學仔上嚟,男女都唔准,一早定下規矩。
因為怕嘢麻煩。
反而會畀阿囡去同學仔屋企,當然都唔係必然畀佢去,都會問清楚,同埋一定要知對方地址同屋企人電話。最好仲係同對方家長熟悉!
你有沒有試過用婉轉方式叫同學走?太夜喇,危險,擔心你哋安全等等。。。。
你真係要定下規矩,唔係真係無止境!
如果我係你,我會咁做,但唔知呢個係咪最好方法,看看有沒有其他家長畀到更好意見你。
首先我會同老公私下同囡囡講(沒有同學在場),傾計咁傾,講番今日係咪玩得好開心呀,玩咗咩呀。。。但玩得太耐喎,表現到好擔心同學仔安全,畀個囡覺得你係鍾意佢啲同學仔嘅,唔係反感,同個囡講你都唔想自己啲好朋友出事,以後冇得見,後悔咁!
(你講到啲同學仔佢哋嘅家長從來都唔理佢哋喺邊度做緊乜嘢幾時返屋企,咁屋企畀佢哋嘅關愛都好有限啦!)
然後再趁同學仔上嚟,大家坐低開心見誠傾,講番個規矩!
我建議你就唔好一嚟就即禁佢哋再上嚟,就算呢一刻幾唔滿意都好,因為呢個年紀青少年係會好易反叛,一反感,佢哋同你個囡咁CLOSE,屋企人又唔理佢哋,帶壞你個囡就麻煩!
到時成班走街留連,無論你隻錶有乜定位都無用喇到時!



水晶宮

積分: 68778

2020勳章


發表於 20-1-11 22:15 |顯示全部帖子

回覆樓主:

其實留到天黑即幾時?
咁如果七八點其實都ok嘅,
但係如果晚飯時間做唔走佢係黐住你哋食飯定係點?
咁你寧願佢哋嚟你屋企定個女去人哋屋企呀?

<a href="http://lilypie.com/"><img src="http://lilypie.com/pic/2010/02/26/jFSJ.jpg" width="100" height="80" border="0" alt="Lilypie - Personal picture" /><img src="http://lb4f.lilypie.com/eb6op8.png" width="400" height="80" border="0" alt="Lilypie Fourth Birthday tickers" /></a>


子爵府

積分: 11642


發表於 20-1-13 11:21 |顯示全部帖子
我反而令願佢哋在我家玩,起碼我可以知佢同咩人來往,但會set定時間幾點要走
在街就算有電話有定位,要搵唔到都有辨法,仲擔心


大宅

積分: 1878


發表於 20-1-16 18:16 |顯示全部帖子
多謝各位回覆。
提咗問題之後,試過有同學上嚟,我提早同個囡講明,唔可以玩到天黑曬,因為太夜一個女孩子喺街我哋唔放心。我囡問佢同學幾時返屋企,同學話六點,但最後因為個同學太眼瞓,四點九就走咗。
我唔係唔歡迎,而係唔鍾意無嘢做又無回家時間表,令我覺得擔心同唔舒服。


大宅

積分: 4103

2020勳章


發表於 20-2-1 10:47 |顯示全部帖子

回覆樓主:

問佢地攞咗父母電話,臨走前打個電話俾佢地父母。


伯爵府

積分: 15984

2020勳章


發表於 20-2-10 05:01 |顯示全部帖子

回覆樓主:

我囡都中二,我會主動叫囡帶同學回家玩,如晚飯前都無意慾走,問聲佢食唔食飯(未試過)?如果唔係就同佢地講,下次再約喇,夜返家不好,我地要準備晚飯。

囡如去同學家,我會問有乜家庭成員,如只得媽媽,我ok, 但如有叔叔/哥哥在家,我叫囡不要去,不是唔比你同同學玩,你改回家玩好了。


珍珠宮

積分: 34003

2020勳章 畀面勳章


發表於 3 天前 |顯示全部帖子
RaeFANG 發表於 20-1-11 09:13
我個女中二,由中一開始,試過好多次啲同學(全部都係女仔),一上到嚟屋企玩,就由日頭(上午或中午)玩到 ...

我仔都係中二,佢啲同學嚟玩到6點左右我就會問,不如你哋留喺度食飯,因為返到屋企都7點幾驚你哋肚餓,班仔一聽到我咁講就話唔洗,通常6:30就走,當然我唔係趕佢哋,未有肺炎之前我開放屋企比佢哋做party rm咁玩,我真係驚班仔肚餓同擔心佢哋太夜返屋企,呢班都係乖仔嚟嘅
樓主,你試吓留佢哋食飯,呢個時候嘅細路會開始覺得唔好意思嘅,當然佢哋要留喺度食飯咪煮個幾個人飯餸囉
很累~我幾時先可以抖吓呢

首頁
1

尾頁

跳至
你需要登錄後才可以回帖 登入 | 註冊