今日下午3:44同個女去公園玩，
依個鐘數通常無咩人，當時公園有兩位太太正做拉筋運動，另外有一位女童目測8歲左右，有一個男人同佢玩同傾偈，初時無為意，意為係佢爸爸。
我同個女玩完
韆鞦，就走去女童附近玩滑梯，
個男人唔知點解走開咗，跟住果兩位太太就問女童識唔識個男人，女童就話唔識佢，佢同個男人傾偈講學校嘅嘢。
再玩咗一陣約5分鐘，個男人企左响公園出面馬路嘅貨Van前面，個女童見到佢同佢揮手，然後個男人向佢招手叫女童上車同時貨Van司機位有另一個男人等待中，
女童無即時過去只待在欄杆
無出馬路，男人便再次走向女童身旁傾偈，大約15分鐘。
我感覺到女童可能有危險，就同坐在一旁只低頭睇電話嘅女人講，個男人同你個女傾咗好耐你睇睇佢咁樣好危險，個媽媽就話我知道有個哥哥同佢傾計
，多謝提醒，然後無理個女繼續睇電話。
其間男人四圍望，亦見到我望住佢，貨Van同另一男人仍停泊公園旁路邊，直至我離開公園經過佢，我手攞住電話，但無比佢知我影緊佢，貨Van立即駛走去前面油站，個女童問點解架車走咗，男人話架車要入油。
我立即覺得好奇怪所以影低埋架車，因為佢話去入油個油站，其實係比的士入氣嘅氣站入唔到油，我過咗對面馬路望番過去，佢見到我影相，個男人就離開咗，見到女童番返去媽媽身邊，先安心離去。
今次件事一定會有人講點解未審先判，唔比個男人有愛心鍾意同小朋友玩，不過我作為一位媽媽嚟睇依件事係非常危險，因為個男人係女童話唔認識，而比我見到佢叫女童上車，佢媽媽係睇唔到嘅。
希望各位家長帶小朋友去公園玩唔好掛住睇電話，要留意吓有無可疑嘅人接近你嘅小朋友
，因為好多時意外發生咗就係發生咗，後悔都無用。
發表於 
返回列表
