吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 開心分享st paul聖保祿無痛分娩經歷

懷孕前後今日: 3|主題: 329684

收藏本版

發帖

返回列表

跳至頁

查看: 23631 | 回覆: 50

開心分享st paul聖保祿無痛分娩經歷 [複製鏈接]

12 3

iloverilakuma

大宅

積分: 1736

1^#

發表於 20-1-19 14:16 |只看該作者 |倒序瀏覽 |打印

我之前一直都睇開bk的post，作為感激大家的分享，我都來分享一下自己的經歷，供後來的媽媽參考下。字數限制我可能分幾次post。

預產期前三日作動，凌晨4:40左右，一轉身痛醒，痛到個人無法起身，整個腹部都拿住，這在之前的一些假陣痛都未試過。心想今次應該堅了。當日39w5，因為不想被催生，所以個晚我仲同老公do佐一次

，又隊了一大碗涼粉。我都唔知關唔關事

好啦，去廁所睇下又唔見紅，個肚開始無咁痛，就打電話比st paul，問下要吾要入院。姑娘話我都係入院比較好，始終都接近預產期了。

我同老公就帶埋走佬袋啊按金單啊醫生比我的入院報告啊（內有我的產檢一切報告）去醫院

0 0 0

私人傳訊

iloverilakuma

大宅

積分: 1736

2^#

發表於 20-1-19 14:21 |只看該作者

坐上的士，飛奔去醫院，去到簽一大堆文件，簽好之後我就被姑娘帶去一間房，量體重，徐褲上床，檢測胎心和宮縮。

徐褲...係因為姑娘要幫我內檢是否開了度數。姑娘搽佐一些ky，就伸佐入去大概3-4秒，話俾我知，宮頸開始變薄，但未開度數。如果完全變薄，就會變成開兩度左右，因為依家塞得入2隻手指。我問今日係唔係真係生得（我第一胎乜都唔識），姑娘睇左我胎心檢測和宮縮，話我真係作動啦，生完先會離開醫院噶啦。個一刻我既開心又緊張！

私人傳訊

iloverilakuma

大宅

積分: 1736

3^#

發表於 20-1-19 15:02 |只看該作者

做完內檢，我其實都唔係好痛，個種痛還沒有食錯嘢咁肚痛。不過姑娘話，好多人忍得到痛所以她唔知自己作動緊。咁我其實應該忍到痛但係又怕好大痛個種人，好矛盾。

好啦咁做完第一次內檢我就可以入病房了。我是普通房四人間，當時已入住三位媽媽了，我見其他房都好似滿人，醫院都幾full下。

上了我的病房，我一直斜著平躺，會量下血壓，覺得痛可以叫姑娘來再內檢一下。

我訓了一陣，去到九點幾，尿急去廁所，發現見紅。見紅是啫喱帶血絲，此時我先confirm我真係要生啦！！真係要面對啦！！有d 激動。我老公話，咁真係堅啦。

我開始休息養精蓄銳，訓到12點左右再去廁所，見紅更多。

私人傳訊

iloverilakuma

大宅

積分: 1736

4^#

發表於 20-1-19 16:02 |只看該作者

於是我通知姑娘，姑娘話要吾要call麻醉師打無痛分娩（此時我一度都未開）因為麻醉師唔一定即刻來到。但打左之後就無得落床嘎啦，食/睡/去廁所都要床上解決。

我就打算吃個醫院午飯先，然後就去打無痛。d餐飲價格和出面差唔多～又係醫院出品，比較衛生，都建議大家選擇醫院叫飯啦。

點知d飯未到，麻醉師已到，我和先生就去產房了。原來我叫的蒸飯，要比較長時間烹飪，所以我等到一點都未食到，就要打無痛了。

去到產房，姑娘告知我會一直留在產房直到生完為止！！oh我仲以為打完無痛會推我返房

跟手我老公在產房外等候並著上陪產衣服，我就在產床上。

私人傳訊

iloverilakuma

大宅

積分: 1736

5^#

發表於 20-1-19 16:10 |只看該作者

由於當日我沒有大便過，所以姑娘隊了一支藥水去我肛門，幾分鐘後我就去了廁所清曬大便。我估計係唔想我分娩時候噴到醫生一身屎吧哈哈。

跟住我上產床，左手種豆吊生理鹽水。麻醉師隨後開始工作，我打側身，彎到好似蝦咪咁，麻醉師就叫我「don't move」（他係外籍醫生），但我本能地都係郁左一兩下，因為有d驚又怕痛，d針又好似冷冰冰咁，有幾大支我都唔敢睇。大概十秒左右打好，就在我後背貼好多塊固定膠布，然後在我右肩膊頭位置設置了一個添加藥水的裝置。只要feel到痛就可以叫姑娘添加。

私人傳訊

iloverilakuma

大宅

積分: 1736

6^#

發表於 20-1-19 16:18 |只看該作者

此時我老公就可以入來陪我了，開始他的陪產旅程。

可能因為打了無痛，我真係無咩感覺，正常玩下手機，突然我的血壓跌，部機器bibi聲，姑娘好緊張，問緊麻醉師有無問題。當確認無問題之後，我就同姑娘講可能我太肚餓，d午飯又未來到。姑娘好好人，話隔離產房送左蛋糕比她們，所以拿個比我食。我即時食曬，元氣返少少！

過一陣咁d午飯都送到來產房比我地食。我的醫生也隨後趕到，開始檢查我的開度數情況。醫生話子宮頸已經變薄的同時開到五度啦。真係嚇死我，進度咁快！但係我真係一d痛都無喔！！此時大概14:30，醫生話如無意外黃昏前會生得！點知之後的兩個小時都係停留在五度。

私人傳訊

Lavenderjanis

複式洋房

積分: 470

7^#

發表於 20-1-19 16:34 |只看該作者

請問大概幾時生？順產埋單幾錢？醫生費幾錢？醫院服務如何？想參考下個reference, thanks sis!

私人傳訊

iloverilakuma

大宅

積分: 1736

8^#

發表於 20-1-19 19:01 |只看該作者

我剛出院2日～1.16生～醫生，價格那些我之後會講噶～

私人傳訊

iloverilakuma

大宅

積分: 1736

9^#

發表於 20-1-19 19:08 |只看該作者

因為一直停留係五度，醫生於是幫我加催生針水，從我的生理鹽水那邊的種豆進入。吊佐催生素之後，我到五六點開到7度左右，期間我覺得痛，都有添加到無痛分娩的針水，一補充完就好似有一股冷水注入我的脊柱，跟手就又開始麻麻地，兩對腳其實有知覺，可以抬起，最舒服係內檢，就算醫生護士點樣伸手檢查我都無咩感覺！要檢查開幾多度真係無任歡迎！！

七點幾我老公去買晚飯比我，因為我想食湯河。醫生話唔好食太飽否則會到時用力時候嘔出來。
到八點幾左右姑娘開始將我的產床變身，豎起兩邊支架，又幫我穿襪，預備一下陣間的分娩。之後內檢話我開到九度啦，我個一刻仍feel唔到痛。

私人傳訊

iloverilakuma

大宅

積分: 1736

10^#

發表於 20-1-19 19:21 |只看該作者

我仲同阿媽whatsapp，話我到九度了。阿媽話點解我好似無乜事咁，人地生仔哎救命噶啵！我就係唔想叫救命所以先打無痛呀嘛！！

等我發完whatsapp，醫生，兩個姑娘應該是助產士，都standby好，即刻話依家進入最後階段。（但唔係開到九度姐咩？）

無理咁多，既然可以開始就開始啦！

姑娘幫我調教位置，教我陣間要點用力...跟住就開始練習吸氣呼氣。姑娘就一直睇住部宮縮機器，見到我一宮縮就叫我吸氣，然後呼氣，呼長長的氣，呼到完全沒有為止。到吸第二啖氣的時候唔好大力索，否則bb就被我縮翻入去。

我老公在旁邊不斷鼓勵我，但唔知點解我忍唔住眼淚，邊生邊流好多眼淚。

私人傳訊

iloverilakuma

大宅

積分: 1736

11^#

發表於 20-1-19 19:29 |只看該作者

可能我覺得「點解做女人要咁慘」...但都去到呢步，點都唔會放棄嘎啦！

醫生話「大部分都要你自己來嘎啦，我可以幫你少少嘅就是吸住bb的頭，等她不要縮回去」所以醫生開始用真空吸，等bb的頭出來後，吸住固定好，我再等候下一次宮縮，再生出身體與腳部。

大概循環了四五次用力吸氣呼氣，醫生將一個血淋淋的物體「拋」到我面前，我好記得個頭好似粟米咁細長又尖，點解咁噶！原來係用左真空吸導致，真係唔好意思阿女...

她好快就開眼，跟手我聽到她喊，姑娘好迅速幫她清洗，再有拍打了幾下背部，她繼續喊了幾下～

此刻我都懵懵下，咁就生完啦，太好啦～

私人傳訊

littledust

大宅

積分: 1640

12^#

發表於 20-1-19 22:25 |只看該作者

感人

JM好叻呀！

私人傳訊

smiletkl

大宅

積分: 2957

13^#

發表於 20-1-19 22:59 |只看該作者

恭喜恭喜，睇完你分享，有啲想試無痛分娩

私人傳訊

已刪除用戶

已刪除用户

積分: 8692

14^#

發表於 20-1-19 23:23 |只看該作者

提示: 作者被禁止或刪除內容自動屏蔽

私人傳訊

iloverilakuma

大宅

積分: 1736

15^#

發表於 20-1-19 23:49 |只看該作者

其實仲未完噶個分享！

阿b被接到車仔清洗，我老公就去剪臍帶（要提前簽一份野）剪臍帶時候，仲叫佐姑娘幫我老公影佐視頻留念，真係好有紀念意義～

其實生完b，醫生仲係度忙碌緊。首先係要幫我推出胎盤。好彩我胎盤好容易就出來了，我孕期乜都無補過，可能有關係。

之後就係醫生幫我縫針。他幫我注射了一支麻醉藥後先開始縫，所以我無咩感覺。後來我先知道我係有被剪的，鋒線之後癒合左傷口會大概係1.3cm。但之後的幾日，我傷口真係好Q痛，要靠止痛藥...

一切完畢後，我老公先被請出門外，我就留在產房觀察一段時間，阿b已被放入保溫箱去觀察6-8小時了。

私人傳訊

iloverilakuma

大宅

積分: 1736

16^#

發表於 20-1-20 01:44 |只看該作者

漏講佐一點，就係生完胎盤出來後，醫生有幫我揉搓個肚，其實就是縮了的子宮，將一些瘀血先排出，之後就叫我得閒都要揉搓下個肚，等d惡露排出。

生完返到產房，老公都要走了（因為探病時間已過了，10:00pm）我估我好累不過我又好興奮，還沈浸係「我真係生完」的興奮中，摸下個肚又變返平，久違了的平訓......還有回覆家人朋友...搞到十二點幾先正式訓。

但可惜訓到無幾耐，就開始下陰痛，又想小便（醫生話我唔會有小便感覺所以2-3小時就要叫姑娘比個兜我在床上解決）所以我call佐姑娘要左止痛藥同小便佐（第一次縫針後的小便沒有想像中咁痛，但都會就住來小便）

私人傳訊