母乳餵哺

跳至

首頁
1

尾頁
   0


複式洋房

積分: 452

2020勳章


發表於 20-1-19 16:07 |顯示全部帖子
BB day 36.... 我依家好想放棄餵人奶啦.....

因為頭幾日生完我要留產房觀察同 bb 分開,佢醫院食開樽餵,之後已經唔肯埋身啦。我依家做左泵媽,又泵又餵又洗.....

我本身無工人,坐月時有陪月幫手,依家要自己面對,照顧初生 BB,每日又泵又餵又洗,又做家務,仲要照顧/陪哥哥,半夜就算 BB 未醒,我又要定時泵奶以免塞奶,轉頭又到 BB 食夜奶,跟本無得瞓,日頭有時又忙,忙緊湊 B或照顧哥哥或做家務,又唔得閒泵奶,搞到樣樣都做得唔好,好想放棄人奶!

食奶粉起碼我唔駛花時間去泵同擔心塞奶,好似少樣煩惱,可專心做家務同照顧兩個小朋友。

我依家情緒好差..…..


大宅

積分: 1574


發表於 20-1-19 19:09 |顯示全部帖子
本帖最後由 fasola 於 20-1-19 19:10 編輯

有無試埋身餵? 埋身就唔使洗咁多

泵媽係有其他人幫手洗, 幫手餵就好


複式洋房

積分: 452

2020勳章


發表於 20-1-20 00:55 |顯示全部帖子
fasola 發表於 20-1-19 19:09
有無試埋身餵? 埋身就唔使洗咁多

泵媽係有其他人幫手洗, 幫手餵就好

試過多次,BB 唔肯,大喊+推開,心都碎,無謂同佢搏鬥,泵出嚟餵啦。


大宅

積分: 4049

2020勳章


發表於 20-1-20 23:42 |顯示全部帖子
szemanlsm 發表於 20-1-20 00:55
試過多次,BB 唔肯,大喊+推開,心都碎,無謂同佢搏鬥,泵出嚟餵啦。
你嘅情況不太可能做泵媽,太忙碌,你會唔夠休息。如果係我會再試埋身,真係唔得就半奶粉半人奶,得閒先泵,餵得幾多得幾多,又唔會好似全泵咁大壓力。其實你唔駛每次泵完都洗,我朋友教我,泵完奶用保鮮盒裝住個泵放入雪櫃,下次再泵可以直接用,個泵一日只需洗一次。人奶對初生係好㗎,一日一兩餐都可以畀到抗體bb,又唔需要一刀切嘅。


複式洋房

積分: 452

2020勳章


發表於 20-1-21 05:51 |顯示全部帖子
麻辣媽咪 發表於 20-1-20 23:42
你嘅情況不太可能做泵媽,太忙碌,你會唔夠休息。如果係我會再試埋身,真係唔得就半奶粉半人奶,得閒先泵, ...

多謝你嘅理解,我真係好攰呀!
你話用過奶泵唔駛次次洗,我考慮下跟你方法做。
得閒先泵又怕塞奶/無奶,但的確俾得一餐就一餐,我會加油!


大宅

積分: 4049

2020勳章


發表於 20-1-21 08:43 |顯示全部帖子
szemanlsm 發表於 20-1-21 05:51
多謝你嘅理解,我真係好攰呀!
你話用過奶泵唔駛次次洗,我考慮下跟你方法做。
得閒先泵又怕塞奶/無奶,但 ...
梗係明白,我生第二胎嗰陣喺外國,自己一湊二,啱啱開始唔夠奶,bb重得唔好,醫院話要追,叫我埋身餵完再bump再補餵,我攰到癲,知道呢個方法唔適合我,就改為半人奶半粉。有時係會塞,同埋人奶慢慢愈來愈少,但我冇畀自己一定要餵人奶嘅壓力,咁情況真係唔許可嘛。結果我餵到7個月,算係咁,自己一個家庭喺外國,冇媽咪奶奶工人,要照顧個大,仲要煮飯做家務,盡咗力㗎啦。你放鬆啲,覺得開始塞就bump吓,久唔久又試吓埋身,埋到身會輕鬆好多。加油呀!


洋房

積分: 42


發表於 20-1-21 10:10 |顯示全部帖子
唔好俾壓力自己,如果餵唔到人奶 餵奶粉都無問題架。我地細個都係飲奶粉大,咪又係咁。儘左力就好!加油💪🏻



珊瑚宮

積分: 114227

2020勳章 開心吸收勳章


發表於 20-1-23 08:24 |顯示全部帖子
szemanlsm 發表於 20-1-19 16:07
BB day 36.... 我依家好想放棄餵人奶啦.....

因為頭幾日生完我要留產房觀察同 bb 分開,佢醫院食開樽餵, ...

儘力而為啦. 湊2個係好忙, 餵到幾多就幾多, 唔駛一刀切.


家務唔駛做得咁好, 做基本野就夠. 做得好唔重要, 識 multi-tasking 更緊要. 細b 仲係初生, 日夜癲倒又要密密餵, 你都要學時間管理, 遲d 上左軌道會好好多.


別墅

積分: 993


發表於 20-1-24 14:41 |顯示全部帖子

回覆樓主:

本帖最後由 Joyfulmak 於 20-1-24 14:43 編輯

全泵真係好辛苦,加油呀媽媽!
我泵完奶會把喇叭沖下熱水再放雪櫃,一日洗一次,都夠乾淨。
怕塞奶可以試下每日食兩粒卵磷脂,幾有效。


男爵府

積分: 6003


發表於 20-2-7 15:19 |顯示全部帖子
回覆 szemanlsm 的帖子

加油啊、我bb 開頭都唔肯埋身、一個月後先肯、不要放棄、我而家餵到一崴la ,心情差時記得搵人傾訴,

首頁
1

尾頁

跳至
你需要登錄後才可以回帖 登入 | 註冊