0-6個月今日: 8|主題: 37135

收藏本版

發帖

返回列表

跳至頁

查看: 2098 | 回覆: 4

少少人奶路分享 [複製鏈接]

sugarlammy

別墅

積分: 722

1^#

發表於 20-1-20 09:57 |只看該作者 |倒序瀏覽 |打印

本帖最後由 sugarlammy 於 20-1-20 09:59 編輯

我bb而家3個幾月，當時係全餐生我女女嘅，我女女係ivf bb，真係得來不易，永遠想比最好嘅野佢，所以當時真係好想比人奶。由於開刀，所以係醫院時係餵水奶，試過係醫院偷偷埋身

不過因為阿女太急，無奶就喊，而且咀細，啜到好痛，我當時就放棄左埋身。出院時就開始做泵媽，初生食奶45分鐘，泵奶30分鐘，3小時一個循環，仲要洗泵洗樽，基本上無得休息，而且泵出黎都唔夠食一餐，永遠都要儲奶先夠，或者每餐補奶粉，而我係自己一個人坐月，媽媽係間中有時間早上過黎幫下手。

0 0 0

私人傳訊

sugarlammy

別墅

積分: 722

2^#

發表於 20-1-20 09:57 |只看該作者

回覆樓主：

本帖最後由 sugarlammy 於 20-1-20 10:00 編輯

但我每兩星期都有一至兩次比bb埋身啜下，雖然佢未必食到，每次都會喊爆，而我又要忍住痛，之後就會比返樽餵食，但我唔想佢忘記左點樣埋身食。兩個月大開始，bb調節到4小時食一次奶，咁休息時間多左，而我都keep住呢個模式。我試過好多食物湯水去上奶，睇下可唔可以上奶夠一餐，但每餐兩邊加埋都泵唔夠100ml，有時都好想放棄。

直到大約bb 6週大開始，果日天氣突然好凍，做媽媽嘅我都有懶嘅時候，咁果朝就抱左阿b上床埋身餵，阿b竟然合作地食左一餐奶，兩邊啜，加埋大約25分鐘左右，仲可以頂到4小時喎。咁我下一餐又再試下啦，結果阿b都食，我嘅埋身人奶路開始啦。

私人傳訊

sugarlammy

別墅

積分: 722

3^#

發表於 20-1-20 09:57 |只看該作者

回覆樓主：

本帖最後由 sugarlammy 於 20-1-20 10:01 編輯

由6週開始到而家，基本上我都係埋身，反而而家兩星期，我就會比一至兩次樽餵，希望佢記得點樣用樽食。而家真係好方便，唔洗泵，唔駛洗野，多左好多時間休息，出街只係帶尿片就得。
我明白人奶路其實有時會好有壓力好辛苦，不過我bb都可以由樽餵轉返埋身，媽媽們都可以慢慢試下。而我自己係唔受泵，因為我而家泵奶都係唔夠100ml，反而埋身阿女係夠食，因為樽餵，阿b係食緊180ml架。
可能我自己心態之後都調節左，無人奶咪食奶粉囉，而家奶粉一樣好好營養，仲會養肥b添。
所以咁多位媽媽加油呀