懷孕前後

跳至

首頁
12

尾頁
   1


男爵府

積分: 6988


發表於 20-1-21 11:26 |顯示全部帖子

剛剛在仁安出院,做了藥流+水球引產+刮宮,渡過了來回地獄又折返人間既3日2夜,呢3日得到5樓姑娘既無私照顧,在此衷心多謝你哋!

我10週4時例行產檢醫生發現我個胎發育唔正常(其實9週時個營養囊冇縮小已有懷疑),醫生比我揀番政府再檢查或去專科再拎意見。不過因為醫生話佢都冇懷疑佢既判斷,佢一口氣講左3-4個個胎有問題既地方,由於臨近年晚,我決定第二日即時入院。


男爵府

積分: 6988


發表於 20-1-21 11:26 |顯示全部帖子
YuenYuenKwok 發表於 20-1-21 11:26
剛剛在仁安出院,做了藥流+水球引產+刮宮,渡過了來回地獄又折返人間既3日2夜,呢3日得到5樓姑娘既無私照 ...

本帖最後由 YuenYuenKwok 於 20-1-21 11:35 編輯

醫生建議因胎仲細先試藥流,我第二朝8點就入院,塞左一粒藥同食左3粒藥,之後每隔3小時食3粒。基本食完第一劑我已肚痛到癲,想去廁所。但因為大小二便都要在床上要姑娘清理,我死忍希望唔好麻煩人⋯ 但食完第二劑我已忍唔到⋯ 我問姑娘係咪真係要係床度去⋯ 結果⋯ 我肚屙到⋯ 自己都覺得好核突好尷尬好唔好意思⋯ (謝謝當時幫我清理既姑娘)⋯ 醫生見我反應咁強唸住藥力有效,我傍晚時分仲痾左幾塊血塊,點知當晚既三四五劑我完全冇反應,亦咩冇肚痛感,不過就嘔左幾轉。


男爵府

積分: 6988


發表於 20-1-21 11:26 |顯示全部帖子
YuenYuenKwok 發表於 20-1-21 11:26
本帖最後由 YuenYuenKwok 於 20-1-21 11:35 編輯

醫生建議因胎仲細先試藥流,我第二朝8點就入院,塞左 ...

本帖最後由 YuenYuenKwok 於 20-1-21 11:37 編輯

第二日醫生再黎,佢決定停藥改用水球引產(呢個方法我冇見有JM提過,但我見台灣好多例子)。醫生將個類似氣球物體放入子宮位置,再注水入去,模擬BB頭部出世令子宮擴張,當個水波夠大出黎,個胎應該就會出黎,呢個方法9成成功。放水球呢個過程係痛既,過程同痛楚有d似IVF放胎,先用個鉗橕大陰道口再塞d野入去。點知,當塞完準備痴好既時候,我個水球竟然爆左即係話,我要塞多次⋯ 再塞多次後,幫手果2位姑娘分別同我傾計,佢地竟然讚我話我好忍得!佢地話平時呢個步驟d人一般又叫又喊嗌到拆天。或者係我經歷過宮外孕同IVF吧,個痛楚相對上係忍受到的。


男爵府

積分: 6988


發表於 20-1-21 11:27 |顯示全部帖子
YuenYuenKwok 發表於 20-1-21 11:26
本帖最後由 YuenYuenKwok 於 20-1-21 11:37 編輯

第二日醫生再黎,佢決定停藥改用水球引產(呢個方法我 ...

本帖最後由 YuenYuenKwok 於 20-1-21 13:36 編輯

塞完水球後都冇咩,都有肚痛但可忍受。但到夜晚十點後就係惡夢開始。個波塞到我愈黎愈唔舒服,似強勁M痛但你又痾唔到出黎,我仲連小便都唔係好去到。我一直都瞓唔到⋯ 好痛好辛苦,一路望住個鐘,心唸聽朝一見到醫生就問可唔可以做手術。果刻我痛到想有麻醉藥即刻整暈我。其實痛唔係最大問題,但無止境既痛我忍唔到⋯ 我比喻,宮外孕既痛係10分 (係身體上堅痛因為個身入面流曬血),放水球過程係2分(小痛但短暫)而當晚既痛係有8-9分 (長久痛,無預算,唔知幾時先可以完既痛)。對於一個唔敢試順產既人黎講,或者呢晚係比我感受下順產同宮縮係咩感覺。(我上一胎開刀的)



男爵府

積分: 6988


發表於 20-1-21 11:27 |顯示全部帖子
YuenYuenKwok 發表於 20-1-21 11:27
本帖最後由 YuenYuenKwok 於 20-1-21 11:39 編輯

塞完水球後果日都冇咩,都有肚痛但可忍受。但到夜晚十 ...

本帖最後由 YuenYuenKwok 於 20-1-21 11:41 編輯

我一直眼光光等天光,到5點我嘗試伸直d隻腳時,個波痾左出嚟!我心唸緊個胎有冇出,不過我估未,因我feel唔到有暖流同血⋯ 即刻㩒鐘叫姑娘⋯ 結果,真係得個波⋯ 我再嘗試痾左半個鐘,痾左好大舊血塊,有唸過係咪個胎呢,但檢查後最後都只係得血塊。如是這我繼續忍痛,痛楚比之前少左,所以我都知個胎係暫時唔會出黎。姑娘打左比醫生,我就即時開始禁飲禁食。


男爵府

積分: 6988


發表於 20-1-21 11:28 |顯示全部帖子
YuenYuenKwok 發表於 20-1-21 11:27
本帖最後由 YuenYuenKwok 於 20-1-21 11:41 編輯

我一直眼光光等天光,到5點我嘗試伸直d隻腳時,個波痾 ...

本帖最後由 YuenYuenKwok 於 20-1-21 11:43 編輯

我一路繼續眼光光等到第二朝醫生黎。醫生話佢第一次見水球方法唔成功。 即係我係第一個? 佢幫我照超聲波,見到個胎去到門口都唔肯出黎,佢話佢好頑強,果刻聽到有d難過醫生問我,你想揀再試食藥定直接做手術,我揀左做手術。做手術最難過係個胎唔可以完整咁出黎,我冇得親身望佢一眼。不過我同佢講,媽媽盡咗力了,我試左藥流同水球,最後先用呢個方法。請佢去到天上要搵太婆同一隻走左既寵物好好照顧佢。


男爵府

積分: 6988


發表於 20-1-21 11:33 |顯示全部帖子
YuenYuenKwok 發表於 20-1-21 11:28
本帖最後由 YuenYuenKwok 於 20-1-21 11:43 編輯

我一路繼續眼光光等到第二朝醫生黎。醫生話佢第一次見 ...

本帖最後由 YuenYuenKwok 於 20-1-21 11:43 編輯

同佢好好道別後,當日3點就做手術,本來係醫院姐姐推我落去,但果日幫我塞水球同我傾計既姑娘竟然主動叫姐姐比佢推,佢沿路同我講叫我唔駛擔心,好快會接番我。我知道佢想陪我行呢段路等我冇咁驚,我真係好想親口多謝呢個姑娘。

落到手術室,勾起左我對上一次開刀既畫面,不過心情完全不同。手術前好想問醫生一句,你睇到係男仔定女仔嗎?但我最後都冇問,做完7點半就出院了,如此經歷左來回地獄又折返人間既60小時。


男爵府

積分: 6988


發表於 20-1-21 11:54 |顯示全部帖子
YuenYuenKwok 發表於 20-1-21 11:26
剛剛在仁安出院,做了藥流+水球引產+刮宮,渡過了來回地獄又折返人間既3日2夜,呢3日得到5樓姑娘既無私照 ...

本帖最後由 YuenYuenKwok 於 20-1-21 15:24 編輯

後記1:
其實我好少見香港有例子係12週前當個胎仲有心跳,仲手郁郁,但未做T21未抽羊水就決定到係畸胎要人流。不過,當時我醫生指出左好多個明顯佢見到既問題,而我同先生都係一個一係唔睇,如果一睇就會百分之百相信醫生既人,所以我地傾左一陣之後就做左即時決定。


男爵府

積分: 6988


發表於 20-1-21 12:00 |顯示全部帖子
YuenYuenKwok 發表於 20-1-21 11:26
剛剛在仁安出院,做了藥流+水球引產+刮宮,渡過了來回地獄又折返人間既3日2夜,呢3日得到5樓姑娘既無私照 ...

本帖最後由 YuenYuenKwok 於 20-1-21 15:26 編輯

後記2:

呢3日有人不斷問點解醫生一開始唔比我揀做手術?
其實我都有唸過,我知道如果一開始做手術就唔駛經歷呢幾日既折磨。不過我好記得,醫生講過一句,藥流個胎就可以完整咁出黎,所以我估計可能係人道或宗教信仰問題,醫生係好想保個胎完整,當然我都好想。而我先生就認為,醫生係想做一個對我身體上傷害冇咁大既決定。所以,到而家我都冇後悔做藥流同水球,我盡咗力,希望小天使會原諒呢個咁冇用既媽媽。亦多謝醫生幫我做左最好既選擇,比左一次難忘既經歷我。我相信,咁樣對我係最好的,如果冇試藥流同水球,或者我會後悔。


大宅

積分: 2051


發表於 20-1-21 12:09 |顯示全部帖子
妳很努力,也盡力了,謝謝你。好好保重身體


男爵府

積分: 6988


發表於 20-1-21 12:10 |顯示全部帖子
YuenYuenKwok 發表於 20-1-21 11:26
剛剛在仁安出院,做了藥流+水球引產+刮宮,渡過了來回地獄又折返人間既3日2夜,呢3日得到5樓姑娘既無私照 ...

本帖最後由 YuenYuenKwok 於 20-1-21 13:44 編輯

後記3:

仁安5樓既姑娘,呢3日比左太多麻煩你地,真係好多謝你地無私照顧。雖然我比錢入黎,但比錢唔係大曬,要你地照顧大小二便,又攪到成床血,自己見到都覺得核突⋯ 雖然你地係出糧番工,但我見你地真係冇厭惡咁去幫我清理,衷心感激你們每一位。
至於推我落手術室既姑娘,臨走時好想同你親口講句多謝!你地戴住口罩其實出左房門我就唔係好認到。不過我記得你揹住個粉紅色Melody袋仔,果時我好想問你係咪鐘意melody如果有仁安五樓姑娘咁啱睇到呢番說話,可否幫我轉達謝意?


男爵府

積分: 6988


發表於 20-1-21 12:11 |顯示全部帖子
YuenYuenKwok 發表於 20-1-21 11:26
剛剛在仁安出院,做了藥流+水球引產+刮宮,渡過了來回地獄又折返人間既3日2夜,呢3日得到5樓姑娘既無私照 ...

本帖最後由 YuenYuenKwok 於 20-1-21 13:43 編輯

後記4:

其實我仲有胚胎係台灣,之前一路都唸緊如果今次成功左,剩低既胚胎唔要會好折墮。
不過今次一決定引產後,先生就同我講,唔再試了,佢話我試過宮外孕又試過流產,傷害太大了。而我,今次真係好驚。宮外孕時我唔識驚,因當時我未有小朋友,點試都係傷自己。但今次,我有大仔要照顧,我好驚自己有咩事照顧唔到佢。
再講,11週流產唔係得11週既事,由IVF初診到而家超過半年,經歷係遠遠超過11個星期既事。
暫時我倆都冇勇氣再試,黎緊就係要唸下點面對剩餘既胚胎。


別墅

積分: 707


發表於 20-1-21 13:24 |顯示全部帖子
YuenYuenKwok 發表於 20-1-21 12:00
本帖最後由 YuenYuenKwok 於 20-1-21 12:14 編輯

後記2:

聽到你個故事真係鄧你好難過同心痛 你已經好叻同勇敢作為一個都經歷過小產既媽媽完全明白你既心情. 雖然我當日係完全無用藥自己震痛左9-10個鐘排左出黎. 但據我所知1. 藥引同水球係最唔傷身 而刮宮點都會傷到內膜.. 要多d時間康復

點都好,你已經好叻同勇敢 祝你早日康復


民房

積分: 27


發表於 20-1-21 14:58 |顯示全部帖子
多謝你無私分享經歷。你們十分勇敢面對。take care ah!


複式洋房

積分: 241


發表於 20-1-21 15:06 |顯示全部帖子

回覆樓主:

好勇敢嘅媽媽,我都唔知講咩好,希望你一家開心,平安。


男爵府

積分: 6988


發表於 20-1-21 15:33 |顯示全部帖子
cc1112 發表於 20-1-21 13:24
聽到你個故事真係鄧你好難過同心痛 你已經好叻同勇敢作為一個都經歷過小產既媽媽完全 ...

謝謝你鼓勵!其實由IUI到宮外孕,到IVF再成功生左大仔,到再黎多次IVF跟住今次引產,其實過程同經歷都令自己長大左好多。今次後,我倆都同自己講,有d野冇得強求,要珍惜而家擁有既。


男爵府

積分: 6988


發表於 20-1-21 15:36 |顯示全部帖子
california_soul 發表於 20-1-21 14:58
多謝你無私分享經歷。你們十分勇敢面對。take care ah!

我見BK冇咩水球既分享,所以想寫一下比大家參考下,當然唔希望大家有需要用到。


男爵府

積分: 6988


發表於 20-1-21 15:36 |顯示全部帖子
stitchbaby19 發表於 20-1-21 12:09
妳很努力,也盡力了,謝謝你。好好保重身體

謝謝你!盡力了就無悔~


男爵府

積分: 6988


發表於 20-1-21 15:37 |顯示全部帖子
ballee 發表於 20-1-21 15:06
好勇敢嘅媽媽,我都唔知講咩好,希望你一家開心,平安。

多謝你呀!其實呢段時間別人既鼓勵好重要,所以我真係好多謝一班姑娘~


大宅

積分: 2051


發表於 20-1-21 16:38 |顯示全部帖子
YuenYuenKwok 發表於 20-1-21 12:10
本帖最後由 YuenYuenKwok 於 20-1-21 13:44 編輯

後記3:

我會建議你將感謝字句copy & paste send 封email去醫院email度,因為會最直接,而相關人員會最感受到你既感謝。同樣,對佢地既內部工作表現評估最有幫助。

首頁
12

尾頁

跳至