懷孕前後今日: 2|主題: 329685

收藏本版

發帖

返回列表

跳至頁

查看: 13566 | 回覆: 41

懷孕返工好想呻下 [複製鏈接]

12 3

cheesecake526

複式洋房

積分: 426

1^#

發表於 20-1-21 17:10 |只看該作者 |倒序瀏覽 |打印

各位，好想向你地呻下大肚返工的感受，無論是什麼意見也好，都只想有個渠道分享下 ...
我係舊年 6 月尾時剛轉了新工，簽了約，原來在簽約時自己已懷了孕，但自己一直矇然不知 ( 因我經期不嬲唔準，以為只是遲來 M ) , 一直拖到 7 月尾時 , 自己去 CHECK 先知原來 BINGO ... 但當時一切已成定局 , 我一早已向上一間公司遞了辭職信，亦即刻在 8 月中時會返新工，其實原本上一間公司返既係份唔辛苦既工 , 可以返得好舒服，但當時自己為前途著想才有轉工的決定，真係冇諗過會懷孕 ...

我返既新工係銀行分行做，做前線 ( 不是 TELLER )，企大堂全日對客 SERVE 客，所以我返工係要企足全日的，冇位坐的，返咁多個鐘企足咁多個鐘。。。我以前一直做開對客既工作，但就從未做過要長企既工，一開始真係好唔適應，成日喊，除體力上的勞累，仲有精神上的壓力。。。因為我想大家可能都估到，其實間間銀行分行都要跑數，雖然我唔係做 SALES ，唔需要直接承接開單既壓力，但一樣會要求你要搵客俾 SALES 。。。阿姐仲會成日強調，會 MON 實我地全日有冇 hea , 去左幾次廁所，食飯有冇超時。。。仲要銀行都有神秘人制度，會有評分，你唔會知你接緊既呢個客係咪就係神秘人，俾緊分你，對客時亦要小心，唔好答錯客/做錯野，唔係既話，就會你一個累全家架啦。。。

仲記得初返時，真係好唔習慣，日日都想辭職，但無奈自己一諗到大左肚去其他地方搵工都唔會有人請，再加上自己又真係需要份工，又想貪個產假，就忍。。。不幸中之萬幸，我間分行同事大部分其實都已經好好，好遷就我，成日叫我累就去坐下，但大家都知，銀行分行大部分既時間真係好忙好多客，如果我成日走左去坐，就變相好似冇過工咁。。。而且我亦唔想俾其他同事見到我成日去左休息，人人都忙得我一個休息，費事俾人背後話自己，畢竟我已經係一入職就懷孕，所以更加唔想俾人有機會背後話自己。。所以自己一返工，一定盡心盡責去做

最近臨近新年分行真係忙到癲，我現時已經31週，捱到2月尾就產假，好想好想好想好想快 d 放 ... 肚愈大愈唔想返 ... 由我舊年入職到而家，我每個月都請2 至3 日既病假，有時係產檢，有次因為腰痛，有時因為累 ... 我唔知其他同事心點諗，嗚嗚，我前幾日起身返工，好唔想返，但理智戰勝自己，照換衫返，一出左門口，一邊等 LIFT 一邊流眼淚。。。落到街都 KEEP 住流淚。。。

好想快 D 產假。。。。。。有睇既 JM , 多謝大家收睇