跳至

首頁
1

尾頁
   1


民房

積分: 16


發表於 20-1-22 17:22 |顯示全部帖子
可能我講呢樣野好多人都會話我諗太多。但我真係好想借個位抒發一下。我以前係美國讀書,叫做東部西岸都住過,不算對美國陌生。十幾歲時吾識驚所以讀書生涯算開心,返香港後一直好恨返美國。而家真係要移民了,今次係一家去有個上小學的小朋友。因為工作關係,我地要住向東部既州分,系東部不是東岸。睇睇新聞呢5年美國治安真係差左好多好似,好多痴線佬,同D人好似冇以前純樸,睇到好心寒。戲院,超市,人多地方都吾敢去。其實係咪我諗多左?有冇現居美國既jm可以話我知點應對呢D新聞(emoji)


子爵府

積分: 14635

好媽媽勳章


發表於 20-1-22 23:15 |顯示全部帖子
kvboy 發表於 20-1-22 17:22
可能我講呢樣野好多人都會話我諗太多。但我真係好想借個位抒發一下。我以前係美國讀書,叫做東部西岸都住過 ...

你諗多咗啦!其實同以前冇乜分別!


公爵府

積分: 27223


發表於 20-1-23 06:02 |顯示全部帖子
本帖最後由 mugtaitai 於 20-1-23 06:02 編輯
kvboy 發表於 20-1-22 17:22
可能我講呢樣野好多人都會話我諗太多。但我真係好想借個位抒發一下。我以前係美國讀書,叫做東部西岸都住過 ...

平常心啦
我以前都係美國讀書,之後回流香港,舊年暑假搬返來,我住西雅圖,數字上來睇,治安確係差過當年我離開時,多左好多流浪者,市區呢度一堆嗰度一堆帳幕,都係呢 d 無家可歸者住,但真係日常生活,我又唔覺唔安全,一個人夜晚出去都唔會驚,我仔放學自己同朋友去食嘢睇戲我也放心。我大仔在加州,佢都話治安唔好,周圍都係流浪人,大麻店一街都係,連空氣中都瀰漫大麻味,但佢大學 4 年,也冇發生過咩事
都係嗰句啦,平時小心出入小心門戶,唔好招搖,呢 d 放諸四海皆準,幾時喺咩地方都會咁做,香港大家都覺得治安不錯,但一樣有罪案發生,唔使太過擔心


民房

積分: 16


發表於 20-1-23 22:59 |顯示全部帖子
mugtaitai 發表於 20-1-23 06:02
平常心啦
我以前都係美國讀書,之後回流香港,舊年暑假搬返來,我住西雅圖,數字上來睇,治安確係差過當年 ...

其實大麻,流浪漢吾驚。係多左D傻既亂射人,聽到心都寒。或者應該睇少D新聞..


公爵府

積分: 27223


發表於 20-1-24 07:47 |顯示全部帖子
kvboy 發表於 20-1-23 22:59
其實大麻,流浪漢吾驚。係多左D傻既亂射人,聽到心都寒。或者應該睇少D新聞..
...
都係㗎,話口未完,昨日西雅圖 downtown 就有一單槍擊案,一死七傷。但你問我驚唔驚,我又唔係好驚,呢 d 嘢同天災一樣,睇彩數,不過整體來講,呢度嘅治安還好,我嘅日常生活未受影響


超級版主

積分: 132481

2020勳章 2018復活節勳章 開心吸收勳章 最關心BB問題熱投勳章 好媽媽勳章 醒目開學勳章 畀面勳章 有「營」勳章 超級版主 環保接龍勳章 大廚勳章 親子達人勳章 BK Milk勳章 hashtag影視迷勳章 15週年勳章 親子王國15週年勳章 親子王國15週年勳章


發表於 20-1-24 12:53 |顯示全部帖子
mugtaitai 發表於 20-1-24 07:47
都係㗎,話口未完,昨日西雅圖 downtown 就有一單槍擊案,一死七傷。但你問我驚唔驚,我又唔係好驚,呢 d ...

今日有單入銀行搶錶,詭異在係有個人跟住一個拎住個Rolex錶盒嘅男人入銀行,入到去搶佢手上隻錶,兩人扭打,最後物主力保不失,佢話早知果個人想搶佢隻錶,把鬼咁明目張膽拎住個貴價錶盒入銀行,點會唔引人注意?物主自己都有責任。有句說話:要死唔駛病,病都有心理準備,意外意外就係意料之外,唔出街坐喺屋企都可以死得,平常心好啦。
花旗太太生活在花旗國,留意時差,你問我未必即時答到。


民房

積分: 16


發表於 20-1-24 17:36 |顯示全部帖子

回覆樓主:

多謝你地同我傾同回覆我,可能我真係諗太多。小時候從來冇留意呢D野,一直覺得好好。我妹話有機會返去已經好好,應該好好向前睇。


子爵府

積分: 12299

環保接龍勳章 大廚勳章


發表於 20-1-25 03:03 |顯示全部帖子
唔計持械行劫,淨係short咗衝入人多地方亂射嗰d,始終未試過發生喺自己附近,亦對自己省嘅制度同民智有信心,冇認真唸過。其他槍擊案後有d市長淨係識為死者祈禱。d人民又當死者係英雄,隻字不提收緊gun law。咁當地人OK我何苦傷神。但都會唸“假如某日發生喺我個neighborhood”... 但又唔係有咩實際嘢可以做到,唸來都冇用。希望你嘅落腳點唔係淨識出事後祈禱嗰d地方啦。

美國好大,來到唔鍾意可以搬去第二個省,唔洗唸咁多。
你今日backup左未?


公爵府

積分: 27223


發表於 20-1-25 06:25 |顯示全部帖子
本帖最後由 mugtaitai 於 20-1-25 06:26 編輯
kvboy 發表於 20-1-24 17:36
多謝你地同我傾同回覆我,可能我真係諗太多。小時候從來冇留意呢D野,一直覺得好好。我妹話有機會返去已經 ...

移民咁大動作,有焦慮好正常,我搬返來之前都有好多嘢諗,喺香港住左咁多年,建立左嘅人脈過到來要重新建立返,最基本嘅,要重新搵過個夾嘅家庭醫生、牙醫、gym、髮型師、花王、鐘點、等等等等,咪話唔煩,真係過到來,一樣一樣解決,我好 d,已經一把年紀,退休了,唔使煩就業,生活上嘅嘢,呢次碰到唔啱嘅,換一個,換到啱為止,也慢慢安頓下來,回頭看,也冇咩嘢做唔來

睇返轉頭,呢次搬返來如果有咩係可以做得好 d 嘅,我會話係醫療保險。我一直懶,冇好好做功課,諗住來到先慢慢搵一個適合嘅 plan,但來到幫仔報名入學,就即刻要補打幾支香港冇打嘅預防針,佢參加校隊,又要醫生證明佢身體健康,臨急臨忙搵嘅 health plan 一時未 effective,要自己比錢打針睇醫生,呢度頗花左一筆錢(千幾美金),如果我未到步就睇好左買定保險,呢筆冤枉錢就唔使花了



伯爵府

積分: 15062

好媽媽勳章


發表於 20-1-25 10:39 |顯示全部帖子
mugtaitai 發表於 20-1-25 06:25
移民咁大動作,有焦慮好正常,我搬返來之前都有好多嘢諗,喺香港住左咁多年,建立左嘅人脈過到來要重新建 ...

新年好
請問我如何查找小朋友入學前
打針的要求?
我想在香港打齊先
但現在無從入手


子爵府

積分: 14635

好媽媽勳章


發表於 20-1-25 13:25 |顯示全部帖子
olimo 發表於 20-1-25 10:39
新年好
請問我如何查找小朋友入學前
打針的要求?

你問返你學校的registrar拎針list係香港打就得。我臨走都幫我兩個打咗兩支,嚟到可以不用再打。


子爵府

積分: 14635

好媽媽勳章


發表於 20-1-25 13:29 |顯示全部帖子
kvboy 發表於 20-1-24 17:36
多謝你地同我傾同回覆我,可能我真係諗太多。小時候從來冇留意呢D野,一直覺得好好。我妹話有機會返去已經 ...

其實槍擊案一直都有,可能你以前後生冇留意啫。我正正係一個好多人有槍的州,我亦係呢度大,我又唔覺槍擊案多咗。N年前,我高中都有傳有人帶咗槍返學,搞到lockdown.


複式洋房

積分: 233


發表於 20-1-25 20:55 |顯示全部帖子
mugtaitai 發表於 20-1-25 06:25
移民咁大動作,有焦慮好正常,我搬返來之前都有好多嘢諗,喺香港住左咁多年,建立左嘅人脈過到來要重新建 ...

請問你住邊㗎,我個case 同你有啲相似,可否pm me


公爵府

積分: 27223


發表於 20-1-27 00:58 |顯示全部帖子
ivyscyip 發表於 20-1-25 13:25
你問返你學校的registrar拎針list係香港打就得。我臨走都幫我兩個打咗兩支,嚟到可以不用再打。
...
呢個動作我有做㗎啦,可能我醫生大意,最後都係有兩支漏左

首頁
1

尾頁

跳至
你需要登錄後才可以回帖 登入 | 註冊