自由講場今日: 3542|主題: 1299562

收藏本版

發帖

返回列表

跳至頁

查看: 694 | 回覆: 2

見到某有機農場招義工派菜，唔係好明 [複製鏈接]

yiqiyihui

伯爵府

積分: 16895

1^#

發表於 20-2-2 14:42 |只看該作者 |倒序瀏覽 |打印

本帖最後由 yiqiyihui 於 20-2-2 14:48 編輯

或者有冇人明點解唔係請人派菜而係俾送貨所需嘅交通費多少少($30)就叫人做義工派菜呢? 唔似係社企, 頂多叫支持香港農業。而個農場一個西蘭花要$50個... 個農場如果賺$係咪都係老闆賺..? 其實每份單收多幾蚊咁上下已經可以俾最低工資。仲要咁嘅時勢坐公共交通工具會增加感染風險... 有冇人明？
無意批鬥，明白喺香港搞有機農業嘅都係有心人。

個post部分節錄如下

———
招募義工派菜

最近唔少朋友發現左本地有機菜既好，農場多左唔少訂單，好多謝大家既支持！

由於農場資源人手短缺，我地現時派菜上門好多時都會出動埋農夫，搭車遊走全港派菜。不過咁樣我地就變相少左時間種菜

為左可以令農夫專注種多d靚菜，同時送貨俾更多想食本地有機菜既朋友，我地真係好需要義工加入［］派菜小隊，壯大本地農業力量！

送貨基本流程：逢星期一至五，下午1時至7時期間派菜，時間彈性，錦上路西鐵站取貨(附一架高性能手拉車)，乘公共交通工具派菜到各家各户。

津貼：每個order交通津貼$30。

有意加入請wtsapp ［］，性別和年齡不拘，希望是長期義工。

我地希望本地農業可以持續發展，並且愈做愈大，令香港人有啖好食，香港有多d自主既空間。依件事剩係靠農夫唔夠，等你加入我地呀！