少年成長

跳至

首頁
1

尾頁
   0


男爵府

積分: 7007

2020勳章


發表於 20-2-9 12:18 |顯示全部帖子
一個延長咗個農曆年假,阿仔阿女有排都唔使返學 。咁喺我嘅假期入面 當然用多啲時間去陪佢哋啦,喺咁嘅環境當然就算要出街都盡量希望去郊外 呼吸下新鮮空氣,人少啲起碼唔駛帶住個口罩先。

但係阿仔阿女似乎唔係咁鍾意去郊外,唔知係咪而家啲小朋友都係咁。試過有一次同阿仔阿女去咗行山,其實距離都唔係好遠 講緊大約行咗45分鐘至1小時嘅路程。行咗冇幾耐阿女已經一路不停喺度講 話隻腳好攰好多怨言。細佬又成日喺度講其實唔係咁鍾意去郊外,佢話佢最鍾意行商場。唔知係咪呢個假期入面我哋多數都係喺郊外,所以嗰日佢兩個特別多怨言。而我聽住佢哋不停喺度怨,終於我都忍唔住有小小脾氣話佢哋。我同佢哋講爸爸媽媽都唔怕辛苦放假都寧願同你哋去街,我唔明點解佢哋咁多怨言。可能佢哋見到我開始有少少脾氣,佢哋都有少少驚所以就已經冇再出聲,但係氣氛當然冇開始咁好啦。返到屋企我開始正正式式同佢哋講 我今日真係好唔開心,因為一心諗住同你哋去郊外呼吸下新鮮空氣唔使成日屈喺屋企咁悶,但係你哋就諸多怨言,我話講一兩句我可以當你哋講笑,但係我唔能夠接受不停咁講。我同佢哋講話我係非常之唔開心因為佢哋不停講。我希望佢哋講說話要考慮人哋嘅感受,當然我明可能開頭係講笑但係當不停咁講嘅時候其實人哋係會唔開心。咁佢兩個都好醒水即刻自動自覺say sorry。

我同佢哋講其實爸爸好想同佢哋四圍去唔同嘅地方, 因為我希望佢哋將來可以有多啲唔同嘅回憶。我解釋畀佢聽因為爸爸細個嘅時候佢哋阿爺因為工作同照顧我哋所以同我去過嘅好多地方真係唔多,到我而家咁大個諗返起細個同爸爸嘅回憶其實真係唔多,我唔想佢哋兩個第時大個嘅時候先發現同爸爸一齊開心嘅回憶唔多。 所以我好珍惜可以同佢哋一齊去街嘅機會,好多時我都會主動諗去邊,因為我好珍惜而家佢兩個仲會同我哋一齊出街嘅時間,所以每逢放假我先至會諗唔同嘅地方同佢哋去。我同佢兩個講,當作哋越嚟越大個佢哋就會開始少咗同爸爸媽媽一齊去街。希望咁講佢哋明啦!

其實我哋上一代嘅父母好多時都要為咗生活而用咗好多時間工作,所以真係唔係好多時間可以陪到我哋一齊呢度去嗰度去。再加上我自己嚟自單親家庭, 好細個已經淨係跟住爸爸,但佢又成日要工作所以更加小時間陪到我哋 。到而家大個諗返轉頭同爸爸一齊呢度去嗰度去嘅回憶真係好少,我自己同我爸爸最多嘅記憶都只不過係諗起夏天嘅時候一齊去海灘游水。除此之外就好似冇乜去其他地方咁。可能就係呢個心結,所以我好希望我自己對仔女將來長大嘅時候會有好多同我一齊四圍去開開心心嘅記憶啦!子女可以經常陪到喺我哋身邊嘅時間真係過得好快,所以要好好真惜。


別墅

積分: 565


發表於 20-2-10 00:14 |顯示全部帖子
csir3290 發表於 20-2-9 12:18
一個延長咗個農曆年假,阿仔阿女有排都唔使返學 。咁喺我嘅假期入面 當然用多啲時間去陪佢哋啦,喺咁嘅環境 ...

樓主都識講開心嘅回憶,但而家係樓主想自己開心定係想仔女開心先?
而家係樓主想去戶外,有無諗過仔女想唔想,我只覺得樓主已經當場發老脾,已經夠。回到家樓主仲要咁講野,我覺得係逼緊兒女就範。等下次無人敢出話,樓主就可以開心遊玩囉。
我真係好唔明啲家長,將自己幼時缺啲乜想要啲乜,就要仔女來補償自己。我小朋友都唔鍾意行山,佢哋都係喜歡行商場去玩去食,我明。而家好多小朋友都係咁,我會接受同尊重佢哋嘅決定,咪同佢哋行多啲商場囉,都係美好嘅回憶,而且戶外活動唔一定要行山。燒烤放風箏都係戶外活動,小朋友會開心啲囉。


洋房

積分: 52


發表於 20-2-10 01:31 |顯示全部帖子
出發點係多d陪小朋友,感受到你對佢地嘅疼愛。欣賞你試圖設身處地由小朋友角度出發,希望佢地可以係父母陪伴下成長

就咁睇,似乎佢地唔係唔肯同父母出去,只係無咁鍾意戶外活動。自己好努力但不獲對方認同係難受嘅,但我覺得都需要諗下你提供嘅係咪對方想要嘅...

我都鍾意戶外活動,第時小朋友話鍾意行商場多d我都應該會好傷心


子爵府

積分: 14678

2020勳章


發表於 20-2-10 12:01 |顯示全部帖子

回覆樓主:

多D陪伴小朋友係好事,但應該要揾D大家都有興趣既活動,咁先會有效果。


男爵府

積分: 7324

2020勳章


發表於 6 天前 |顯示全部帖子
csir3290 發表於 20-2-9 12:18
一個延長咗個農曆年假,阿仔阿女有排都唔使返學 。咁喺我嘅假期入面 當然用多啲時間去陪佢哋啦,喺咁嘅環境 ...

我明白樓主,其實我自己也愛行商場,不愛行山,不過有左小朋友知道郊遊一定比行商場健康得多!所以迫自己去行山,小朋友也愛行商場,唔明白行山的好處,也唔明白自己為佢哋好!

我都有相似經歷,不過只要行多幾次,去D風景靚D嘅地方,或者同其他家庭一齊去,行吓玩吓,D小朋友自然會開心同習慣了!雖然每次去行山也可能有微言,唯有不厭其煩講多幾次行山有幾好,佢哋會明白的!



男爵府

積分: 7007

2020勳章


發表於 6 天前 |顯示全部帖子
回覆 3wa4 的帖子



首頁
1

尾頁

跳至
你需要登錄後才可以回帖 登入 | 註冊