少年成長 今日: 1 | 主題: 15847

積分: 10927

1^#

發表於 20-2-23 10:31 |只看該作者 |倒序瀏覽 |打印

疫症停課期間阿仔阿女唔使返學，作為家長都係希望佢哋可以有規律咁學習唔好因為放假放鬆曬。尤其是係阿女已經五年班，所以就更加著緊佢嘅成績。雖然佢哋學校都提供咗啲網上學習嘅練習畀佢哋做，但係都係需要父母喺身邊協助教佢哋。我講嘅規律唔係話要好似學校咁有一個固定嘅時間表幾點做乜幾點又做乜咁。好似我咁，我就會要阿仔阿女朝頭早食完早餐之後就係開始學習嘅時間，通常都係大約兩個鐘頭嘅學習時間。喺呢兩個鐘頭到主要係做我同老婆畀佢哋嘅練習。除咗溫習返以前嘅嘢之外而家主要係開始幫佢哋預習嚟緊會學嘅嘢。透過做練習可以知道佢哋唔識啲乜嘢要教番佢哋。做完咗我哋畀嘅練習之後佢哋就會做返學校嘅網上練習，通常都係一啲好簡單好快做得完嘅練習，然之後就係練琴同埋睇書。食完晏之後就係佢哋自己玩嘅時間，其實呢兩三個禮拜佢哋係停課期間大致都係咁樣做，希望佢哋都可以有規律咁過每一日。我唔係話學校畀佢哋嘅練習冇用，但始終都係透過網上面學，老師都未必好掌握到佢哋學習嘅進度或者係有乜嘢唔明嘅地方。呢個時候家長就要喺佢哋身邊發揮一個好重要嘅作用。越細個小朋友就越需要家長幫佢哋從細建立學習嘅規律，如果家長唔在意錯過咗建立規律同習慣嘅黃金時間，咁佢哋一路一路長大嘅時候就越難做到。我覺得而家佢哋仲係小學佢啲嘢暫時我都仲可以教到佢哋，但係其實我已經開始逐步放手尤其是呀女，因為到佢中學啲嘢深咗，其實好多時真係要靠佢哋自律同埋佢哋自己建立嘅學習模式。停課不停學其實真係唔係講咁易。

另外喺呢段疫情期間，我真係覺得好需要教啲細路仔公德心同埋衛生常識，每一日不論新聞又好網上啲社交平台都好。都會見到好多冇公德心嘅事。做家長千祈唔好以為呢啲係小事，其實正正就要透過呢啲所謂小事教自己嘅細路仔做個有公德心嘅人。做家長就更加要做好榜樣以身作則，唔係嘅話我哋個社會只會變得越嚟越差越嚟越唔健康。

0 0 0

私人傳訊

KMALai

民房

積分: 8

2^#

發表於 20-2-26 16:56 |只看該作者

回覆 csir3290 的帖子
本帖最後由 babyislove 於 20-2-27 08:16 編輯

我兒子喜歡上Youtube，所以我就叫他把自己所學到的（尤其是英語，他喜歡）做成短片放上YouTube，他覺得好玩，也就繼續追著也學。

私人傳訊

積分: 10927

3^#

發表於 20-2-26 18:15 |只看該作者

回覆 KMALai 的帖子

私人傳訊

大宅

積分: 4065

4^#

發表於 20-6-22 09:55 |只看該作者

回覆樓主:

我仔小一，我都每日預備左中，英數少量功課比佢做。等佢唔好hea懶左，但我覺得始終有得返學好d,因為佢知邊d功課係老師比，邊d係我比。而且學校老師講既說話比較入耳，活動都比較有趣。

私人傳訊

積分: 10927

5^#

發表於 20-6-22 23:05 |只看該作者

回覆 katyiplee 的帖子

其實我對仔女都係比起學校啲功課都係做得冇咁認真，不過因為我放工番嚟會好認真用紅筆同佢哋改，錯咗要改正，唔識嘅就會坐喺度好似補習咁教番，慢慢佢哋習慣咗就佢哋都會認真啲，因為唔想改正。

私人傳訊

大宅

積分: 4065

6^#

發表於 20-6-23 10:51 |只看該作者

回覆樓主:

請問你兒子有多大？對於伴讀，你覺得幾多可以放手讓佢自己閱讀？

私人傳訊

積分: 10927

7^#

發表於 20-6-23 20:22 |只看該作者

回覆 katyiplee 的帖子

我個仔三年級，就嚟10歲。我覺得唔係幾多歲嘅問題，反而係幾時能夠養成閲讀習慣。我個仔應該大約K2開始自己睇書。不過到而家都會每晚有最少半小時熄電視全家都閲讀嘅時間。

私人傳訊

大宅

積分: 4065

8^#

發表於 20-6-24 08:04 |只看該作者

csir3290 發表於 20-6-23 20:22
回覆 katyiplee 的帖子

我個仔三年級，就嚟10歲。我覺得唔係幾多歲嘅問題，反而係幾時能夠養成閲讀習慣。 ...

我仔仔仲好倚賴(希望係亨受)我每晚瞓前閱讀，唔知有無用，幫唔幫到佢吸收。
佢已經七歲半啦

私人傳訊

cecilamlam

禁止訪問

積分: 159

9^#

發表於 20-6-24 11:14 |只看該作者

提示: 作者被禁止或刪除內容自動屏蔽

私人傳訊

積分: 10927

10^#

發表於 20-6-24 21:19 |只看該作者

回覆 katyiplee 的帖子

其實肯一齊閱讀我覺得一定有用，我同我對仔女開頭都係由睡前講故事閱讀開始，到佢哋習慣一齊睇書之後，就開始試吓除咗睡前之外再加多半小時喺晚飯之後的閱讀時間，開頭都係伴讀，後來到佢哋又習慣之後就同佢哋講話爸爸媽媽都想睇自己嘅書，不如佢哋試吓自己睇，到睡前先再一齊睇，就係咁慢慢過渡到佢哋自己睇書。其實我好耐之前都喺度寫過一篇講培養閱讀習慣嘅分享，你可以嘗試搵番嚟睇吓會唔會有幫助。

私人傳訊