夫婦情感 今日: 27 | 主題: 42420

積分: 11239

83^#

發表於 20-3-4 23:19 |只看該作者

858D 發表於 20-3-4 23:01
我大女又係好似你個兒子那個年齡診斷有亞氏保加症。係我最唔想遺傳畀個女嘅。佢啊爸話要將D女好 ...

亞氏保加是高功能自閉症者
我囝囝智商130，但人際關係及EQ就…

我諗你IQ應都高的!

私人傳訊

858D

珍珠宮

積分: 35747

84^#

發表於 20-3-4 23:22 |只看該作者

gilgil39 發表於 20-3-4 19:22
一樣！我都頂唔順個仔，再者面對個仔係好需要老公嘅支持，但咁嘅情況使我嘅壓力加倍......感覺好無助:pity ...

我唸如果你老公知道同面對到佢自己有亞氏保加症呢個現實，可能會支持到你面對個仔。
我個case係，我面對到我自己有亞氏保加症呢個現實（反而係我前夫面對唔到），所以我唔要我D女似我。自己亦不斷要克服自己呢個「缺陷」。盡力幫我D女都克服到。當我有D乜嘢過來人克服「缺陷」嘅心得，我都會分享畀我D女知。
好似我個亞氏保加大女十歲果年，我提議老時同佢一齊住，等佢照顧老媽我。她立即回：「媽媽，我唔會同你一齊住。我同你夾唔來同屋住。但係我會經濟上供應你不足，時時來探你。」我都明白亦心領到我呢個女嘅好意。

Love is when the other person’s happiness is more important than your own ~ H. Jackson Brown

私人傳訊

858D

珍珠宮

積分: 35747

85^#

發表於 20-3-4 23:50 |只看該作者

本帖最後由 858D 於 20-3-4 23:52 編輯

wingyaumama 發表於 20-3-4 23:19
亞氏保加是高功能自閉症者
我囝囝智商130，但人際關係及EQ就…

我IQ夠高來畀我一個人搵錢擔起三代人幾頭獨立開支嘅家。
Yes, 自閉症下有好多種，有一種係過度活躍症 (ADHD), 以前D人唔知，就話呢D兒童惡教，頑皮，坐唔定。
我D亞氏保加嘅，就唔聲唔聲，我行我數。通常好得老師教授鍾意，因為我D亞氏保加生唔似 ADHD生上堂唔搗蛋又成日拉高全班考試總平均分。

你講中0左，我係好似你老公咁會同人一齊生活到老，不離不棄嘅。但係我唔知呢個係我亞氏保加症定係其他因素。我前夫唔懂欣賞亦唔夠能力就住我亞氏保加症來使，多次話同我係錯配，後悔同我結婚。我現任先生就懂欣賞我D IQ，有能力同強大內心來容納我D缺陷，將我嘅軟弱變為剛強來使用，與我相處得好開心，毫無壓力。

Love is when the other person’s happiness is more important than your own ~ H. Jackson Brown

私人傳訊

belky

大宅

積分: 1726

86^#

發表於 20-3-5 00:10 |只看該作者

原來咁多同路人,我老公都係一樣。家事小孩既事咩都唔理,對小朋友只係識打罵,日日就係到訓覺睇片,夠鐘食飯就出黎,飯前飯後都唔會幫手。我就黎頂唔順,諗起自己要禁樣過下半生覺得好悲哀。

私人傳訊

小菜豆

侯爵府

積分: 23829

2024年龍年勳章

87^#

發表於 20-3-5 07:47 |只看該作者

回覆 gilgil39 的帖子

Exactly, 我媽見到佢咁對我，都話佢無情無義。
最弊佢過於理性，又叻得濟，
我偷偷地食避孕藥都俾佢估到，
就算冇講過我人工幾多，
佢都從各方面收支計到，真係高手在人間
想留d私自錢為自己打算都好難

私人傳訊

積分: 11239

88^#

發表於 20-3-5 08:15 |只看該作者

各位jm：

如果你先生真係有亞氏保加，好坦白講，你要將佢當一個大細路，咁你就會開心好多！如要佢幫忙啲佢唔熟悉程序嘅事，你要話畀佢聽個步驟，咁佢就會跟住做，千祈唔好諗住佢會思考！

近幾年香港圖書館已經多了很多亞氏保加嘅書籍，猶記得十幾年前圖書館只得一本由小童群益會編輯的亞氏保加症的書，當時我對此症完全沒有認識，唯有上網、到協康會及找朋友在台灣買有關此症的書嚟做參考！

私人傳訊

小菜豆

侯爵府

積分: 23829

2024年龍年勳章

89^#

發表於 20-3-5 08:25 |只看該作者

回覆 wingyaumama 的帖子

謝謝啊！我仔參加緊協康會訓練，有d書睇。
因為幼兒階段是治療黃金期，希望改善得到，
日後唔會好似爸爸社交條路咁難行。

私人傳訊

積分: 11239

90^#

發表於 20-3-5 08:25 |只看該作者

同時再提醒各位，此症會遺傳，遺傳給囡囡的機會不是沒有，但相對遺傳給囝囝的較少！最好早點確認早點從小開始用合適的方法去教導來改善！

亞氏保加、亞斯柏加、高功能自閉症，以上名稱皆可在圖書館找到資料！早點看看作參考，無論對婚姻關係或者對親子關係，都會讓你更了解多一點與他們相處之道，同時能令大家釋懷！

私人傳訊

積分: 11239

91^#

發表於 20-3-5 08:28 |只看該作者

belky 發表於 20-3-5 00:10
原來咁多同路人,我老公都係一樣。家事小孩既事咩都唔理,對小朋友只係識打罵,日日就係到訓覺睇片,夠鐘食飯就 ...

你要分清楚究竟係佢真係做唔到定一或係懶！
如果單從你以上所講嘅我覺得似懶多啲！

私人傳訊

積分: 11239

92^#

發表於 20-3-5 08:35 |只看該作者

小菜豆發表於 20-3-5 08:25
回覆 wingyaumama 的帖子

謝謝啊！我仔參加緊協康會訓練，有d書睇。

十多年前，我已經參加大埔協康會裏面嘅訓練，同埋有位陳老師同miss Ling 教導呢班小朋友在學業上的補習！不過好多人排隊報名的！

私人傳訊

積分: 13624

93^#

發表於 20-3-5 08:42 |只看該作者

gilgil39 發表於 20-3-4 22:36
我都試過病左，佢可以照大覺瞓；甚至做手術、生仔，佢嘅反應都一樣平淡；冇喜悅，冇擔心。
佢阿媽病咗入院 ...

啲人都話睇另一半點對家人，就知將來佢點對你

私人傳訊

積分: 13624

94^#

發表於 20-3-5 08:44 |只看該作者

wingyaumama 發表於 20-3-5 08:28
你要分清楚究竟係佢真係做唔到定一或係懶！
如果單從你以上所講嘅我覺得似懶多啲！
...

係啦，咁究點分

私人傳訊

積分: 13624

95^#

發表於 20-3-5 08:49 |只看該作者

回覆樓主:

生活上未同佢住過一段時間，但日常情況都會遇到，例如我叫佢幫我換床單，佢可以唔拎起床上面既野，就咁鋪張床單落去，我諗呢啲野，正常人都識掛，但佢好似連咁簡單都做唔到。

洗水樽，即大家普通出街飲用果種運動形水樽，個樽口細隻手伸唔到入去洗，問我點算，我話可以買啲好似洗奶樽果種刷就得，佢問我即係咩黎，天啊，我都無小朋友，未試過洗奶樽，但我都知咩係長柄刷啦嘛

私人傳訊

積分: 11239

96^#

發表於 20-3-5 09:01 |只看該作者

wewanwan 發表於 20-3-5 08:44
係啦，咁究點分

首先你要知佢強項弱項係乜嘢！

例如我C6對水電呢方便好有信心, 如果屋企有關水電嘅問題佢都會好主動去做！
但係家務上嘅嘢佢就完全唔會去處理！

即係話佢有信心做嘅嘢，佢會唔需要你任何嘅提點就會去做！咁佢即係其實唔係懶！
但冇信心的事，佢地會怕處理得唔符合你嘅要求或處理得唔好，佢就會避免去做！呢啲就係佢自知能力有限而唔係因為懶！

遇到呢種情形但你又好需要佢幫手，你只需要講畀佢聽步驟，等佢逐點逐點跟住去做，而佢又願意去跟嘅，咁你就明白佢之前唔做嘅原因係因為怕做錯而非懶！

但係過程之中難免有點令你不滿，不過你千萬別表現出來，要淡然處之！咁樣下次佢都會再繼續幫手，否則佢又會去逃避！

事實上你真係要當佢係一個小朋友咁樣去教導，當中嘅甜酸苦辣真係要嘗試過才明白！

私人傳訊