樓主多謝你分享,我的女兒與你有一樣遭遇,分別在於佢仍然未醒覺,她跟隨一名在將軍澳姓徐的老師學習古箏多年,翻查資料原來就你說的徐老師。我的女兒就在二年前,佢剛年滿18歲突然人間蒸發,當時我和太太知道後慌忙失措,試過報警,但由於年滿十八歲不受理,打電話俾所有親朋戚友及同學,全部冇人知佢去咗邊,最後打電話俾徐老師,佢居然唔肯接電話,我哋覺得好古怪,不斷重複打俾佢,佢都係唔肯接電話,我地再聯絡佢一齊嘅學古箏嘅同學,點知全部都唔肯接電話。在呢幾年裏面,我哋不斷用不同嘅方法嘗試去搵佢,想了解佢出走嘅原因,但都得不到任何結果。直至在網上見到你的分享,才恍然大悟,這位徐老師真是禽獸不如,為咗一己私利,利用女孩及家長的信任,令到多位女孩子與家人關係破裂,與父母骨肉分離。
以下本人有一點建議給你:
(1) 盡量聯絡所有受害人及受害人的家人,稍後我會聯絡你
(2) 集合所有人一同商議下一步行動,例如聯絡徐老師現任琴行的負責人,講述詳細情況
(3) 將主題加埋去教育王國,因為嗰度比較多中小學嘅家長
(4) 聯絡各大傳媒,希望傳媒會廣泛報道
(5) 由於徐老師懂得走法律罅,所以事件未必可以刑事起訴,報警未必有用,但仍可聯絡立法會議員,希望可以提供意見
(6) 現在最重要的,是用盡一切方法,叫醒仍在發夢的女孩子
可悲的是現在還有一些未成年的中小學生,仍然在不知不覺下受她塗毒,正熱切地等待著18歲便可以離家出走,跟她開展人生新一頁,現在這班父母仍蒙在鼓裏⋯⋯