我係男。
今日收到一個消息,我家姐和她的老公仔女打算移民了。
我和我家姐小的時候感情不錯,會一齊去睇戲同補習,但自從上大學之後,大家就較少傾計,出來工作之後就更加少了,因為感覺大家唔係同一類人,開始有唔同既目標,我只想做好工作搵多點錢,她就比較重感情同朋友既關係。佢結左婚之後感情就更差了,因為我不太喜歡她的老公,所以我刻意同佢地保持距離。
今日聽到佢地要移民之後,我感覺很不好受,有點憤怒。想了很久才發覺自己是捨不得她們,好像她死了一樣,為什麼她會有這樣的決定,她有想過我不想她們走嗎?但男人好難同其他人講出自己既感受,就算唔捨得都唔會同人講。人大左,朋友已經少,本來打算老左,就算唔結婚都仲會有個親人係香港互相照應下,現在看來都沒有了。
開始的時候有點怒她,但回頭看來,是我錯了,我為什麼要疏遠她們呢,這可能令她們有點難受,都不知道為了什麼。
想跟她說一聲:對不起。