wrymoep 發表於 20-3-19 09:31
我都有聽講過美國移民局會查你social media,我似傳到話申請 VISA 都 check,唔知真定假? 但係我覺得咁做 ...
你等緊移民要小心D,邊個國家都好,點會你一邊鬧,佢一邊歡迎你,正如中國都一樣,好多人話D藝人商人親中,係正常吧!要打入中國市場賺人民幣,邊個容許你一邊反中,一邊大紅?我原本都冇想過移民或入籍有影響,係聽過有人講會問你攞社交平台賬戶資料,但因為身邊冇搞緊移民嘅人,我自己同家人亦已入籍,所以冇特別留意。不過而家冇人提出,我又覺得不無道理,亦好合乎當下形勢。
美國排華暫時未到,但仇視中國人真係有增加,最明顯係黑人,借此機會宣洩自己不滿情緒,唔一定係因為華人,但既然可以蝦,點解唔蝦呢排備受非議嘅華人,加上連總統都大呼Chinese virus!佢有時真係傻傻地,但又有人buy佢,覺得佢為自己講出自己唔敢講嘅嘢,佢唔按常理出牌雖然真係嚇死人,但而家話派錢舒緩經濟亦算冇做錯,失業已經唔係夢話,朋友圈中有人做航空公司地勤已經被炒,又有人剛話公司減20%人工,而家有份工已經係幸運,唔好講咩可唔可以work from home。餐飲零售最受影響,佢地手停口停,大公司都不能倖免,唔係必需品嘅店舖都要關,唔關又如何?都冇人行公司買奢侈品。
我見到呢度有D人係又嘈,唔係又嘈,未停學又話未停學,冇得WFH又話老細冷血,而家SIP啦,WFH加停學滿足晒佢地要永,又話要對住仔女全日想死,一日要煮三餐頂唔住,有人話停學仔女冇social life,話病毒唔係必定死人。。。對住呢D人可以講咩好,直情想問佢瞓醒未,係架,唔係一死人,但唔好到時又走去醫院呼天搶地,加重醫療負擔。疫情冇人想見到,全世界都要捱,我地而家已經好過當初武漢,要感恩架啦。
花旗太太生活在花旗國,留意時差,你問我未必即時答到。