本帖最後由 rose-mag 於 20-3-28 10:42 編輯
風水輪流轉,我今朝同老公去買餸,去到一間我地平時有去開嘅唐人商店,門口有個男人好惡用國語趕人,我老公唔識聽,以為係管制人流未入得,我好眼利咁見到有張紙貼喺外面,寫住Can't come in with no mask,好似有寫中文,我拉我老公走,叫佢去第二間買。我其實手袋裡面有口罩同手套,會睇下環境至用,不竟買口罩唔易又貴。但我覺得呢個員工態度非常差,早幾日去到買嘢個老闆已經好衰,問多句都話冇,上星期賣咗好多爛西芹俾我地,我老公又冇睇清楚,返到屋企最少每條有兩大瓣唔要得,有D要撕走1/3條,平都冇用,根本條數喺番到,間店只賣生果菜同乾糧,店細又冇控制人流,本身我都冇咩preference,只係去開另外一D人多又要排長龍,所以至去呢間,買麵同乾糧嘅選擇都算可以,而家唔會再去,唔係用唔用口罩問題,我明白佢地都想保護自己,但門口個員工態度太差,入面個老闆之前又堅臭臉,咁少我一個客佢應該唔會執笠嘅,我都係每次買三四十蚊啫,我估對於佢係濕濕碎啦。
我地去老外超市排隊,人地有晒排隊界線,有員工專門喺門口用消毒藥水噴抹購物車,入面又分流結賬,而家反而唔戴口罩嘅人少過戴嘅。都係果句:人多戴口罩正確,如果超市有人流管制有保留空間俾顧客,我反而覺得戴手套更重要。
花旗太太生活在花旗國,留意時差,你問我未必即時答到。