夫婦情感

跳至

首頁
12345...64

尾頁
   38


公爵府

積分: 29282

2020勳章


發表於 20-3-5 00:07 |顯示全部帖子
本帖最後由 858D 於 20-4-21 02:58 編輯

大家分享下、、、、
亞氏保加 症 以前被歸類為 自閉症 的一種。
近年有專家將 亞氏保加 症 從自閉症的大類下 劃分出來。
我有亞氏保加症,亦唔知點 遺傳到我大女上。

啊女嘅爸爸(我前夫)話要將D女好好咁教,唔好第日嫁0左人就難為了人哋個仔。唔要好似我父母教女咁教0左我出來。所以佢啊爸教女,我無資格干預。

點知而家呢個大女讀書又學到好似佢阿媽我咁叻。但得個讀書叻,如果人際關係搞唔好都係好蝕底。
我還加有 OCD。
Love is when the other person’s happiness is more important than your own  ~ H. Jackson Brown


子爵府

積分: 11519

2020勳章


發表於 20-3-5 08:14 |顯示全部帖子
身為亞保(亞氏保加症患者)另一半,
兩人相處上亞保一定唔會係蝕底/佔下風的一方。
因為亞保冇同理心,
基本上外人覺得佢自私,一定唔會輸蝕俾人。
又少爺仔/小姐性格,工作或家庭都只用個腦同把口點人做野,
又叻得濟,所有野都係佢預計之內,
冇辦法逃過佢法眼。另一半覺得冇晒自由。
隱瞞佢一d唔屬於佢認識範圍嘅野,最後佢羅輯性太強,顯得我前言不對後語被識穿。
心算快過電腦,冇人可以呃到佢一分一毫。
重複地做一些乏味嘅事。
奉行Everything under control 同 practice make perfect。

同佢相處身心疲累。
不如妳教下我,點樣同亞保共存。

點評

ChingChing19    發表於 20-3-5 15:02


男爵府

積分: 9130

2020勳章


發表於 20-3-5 12:50 |顯示全部帖子
本帖最後由 PTMCYS 於 20-3-5 12:53 編輯
858D 發表於 20-3-5 00:07
大家分享下、、、、
亞氏保加 症 以前被歸類為 自閉症 的一種。
近年有專家將 亞氏保加 症 從自閉症的大類 ...

你令我諗起以前公司有位下屬, 我剛入該公司做時, 其他同事都有同我講, 該同事是公司學歷最高, 讀書好叻, 但有態度問題, 老闆亦說, 我做落了, 鍾意炒邊個都得.... 因為該同事好易負面, 有時無端端在位裡咆哮怪叫, 失控, 自言自語唔知話邊個(相信有時係話我)...., 但我當時的心態係, 只要妳肯做就得了, 她一兩句唔知講咩既, 我無興趣聽, 當聽不到....

所以我跟本亦無興趣想知她讀書有幾叻, 讀邊間大學..... 之後熟了些, 見她都有加班, 我走去跟她聊聊, 她跟我說以前屋企好窮, 讀大學都係年年拿獎學金才讀到...., 個刻佢都有點真情流露, 但有時真係比佢激到我...., 所以我都點到即止返回位做野....

有次跟她出差回程途中, 才是我們第二次聊天, 我問她, 妳讀書咁叻, 起碼可以做教書或其他專業一點的工作, 這行好像不合妳發揮, 浪費妳喎, 她說不合做老師, 無咩有興趣的行業, 展轉下入了這行..... 跟住佢話, 我覺得你和大姐都好叻, 以你們沒有大學的學歷, 都做到依D 位.....所以覺得好叻呀....

我微笑心諗, 就係你這句說話已經得罪了人(知佢應該係真心的), 只覺得妳咁既情況, 唔係無原因的, 但我一點都沒生氣, 因為事實來(有D人會嬲的), 亦無提佢, 因為人家未必受....笑下就算....(所以我就諗起858D妳說過, 說話得罪了人都唔知, 但又係無心....., 所以想起佢..)

其實我可以回覆該同事, 是的, 反而妳咁高學歷, 真係要努力了, 但怕傷害了人, 所以想出來很快, 但不會說出口, 總是微笑而不答最好, 反正我是來工作的, 其他事不重要.


琥珀宮

積分: 185606

2020勳章 2018父親節勳章 2018母親節勳章 2018復活節勳章 畀面勳章 環保接龍勳章 BK Milk勳章


發表於 20-3-5 13:06 |顯示全部帖子
PTMCYS 發表於 20-3-5 12:50
你令我諗起以前公司有位下屬, 我剛入該公司做時, 其他同事都有同我講, 該同事是公司學歷最高, 讀書好叻, ...

對住亞氏保加或者自閉症嘅,要真係明白佢地係冇心之失

呢幾日我去做義工,有個人教我整野。佢話我好快學識(其實我本身都識,不過聽佢講)呢幾日佢唔喺度,我自己整。佢話我同你傾計,我都覺得你係有啲學識嘅

相知相遇相識


男爵府

積分: 9130

2020勳章


發表於 20-3-5 13:38 |顯示全部帖子
crystal媽咪 發表於 20-3-5 13:06
對住亞氏保加或者自閉症嘅,要真係明白佢地係冇心之失

呢幾日我去做義工,有個人教我整野。佢話我好快學 ...

妳好有心, 這個時期都keep住做義工....

是的, 其實知道自己目的係幫件事, 就唔會太介意的.


琥珀宮

積分: 185606

2020勳章 2018父親節勳章 2018母親節勳章 2018復活節勳章 畀面勳章 環保接龍勳章 BK Milk勳章


發表於 20-3-5 13:45 |顯示全部帖子
PTMCYS 發表於 20-3-5 13:38
妳好有心, 這個時期都keep住做義工....

是的, 其實知道自己目的係幫件事, 就唔會太介意的.

我去整布口罩同貼label喺防疫物資送俾長者。
當佢地係直腸直肚仲好,好過要諗佢地背後有咩動機、猜度……
相知相遇相識


男爵府

積分: 9130

2020勳章


發表於 20-3-5 14:15 |顯示全部帖子
crystal媽咪 發表於 20-3-5 13:45
我去整布口罩同貼label喺防疫物資送俾長者。
當佢地係直腸直肚仲好,好過要諗佢地背後有咩動機、猜度……
...

老人家始終當我地係細佬仔女, 咩都唔識, 咪比佢地開心下囉


子爵府

積分: 11519

2020勳章


發表於 20-3-5 14:16 |顯示全部帖子
本帖最後由 小菜豆 於 20-3-5 14:17 編輯

回覆 PTMCYS 的帖子

你地都好厚道。今時今日香港, 精通說話技巧比能力更能生存。
(睇新聞特首說話表現就知。)
與其話擔心兩性相處會蝕底,
不如話亞保在社交或職場, 因為內儉, 說話技巧笨拙而佔下風。
以前我同C6在教會認識,
見盡無數咁多次, 出席所謂的坦誠小組,
因為C6表達笨拙而被群體拿來戲弄嘲笑,
教會美其名撐我, 其實只是用群眾壓力干預夫妻關係,
最後我C6好抗拒, 我都清醒咗,
選擇跟C6離開教會,

香港社會唔理解社會上少數,
就以為佢地可以欺負, 連宣揚大愛嘅教會都係咁話。


男爵府

積分: 9130

2020勳章


發表於 20-3-5 14:56 |顯示全部帖子
小菜豆 發表於 20-3-5 14:16
回覆 PTMCYS 的帖子

你地都好厚道。今時今日香港, 精通說話技巧比能力更能生存。

不是間間教會的教義都可以接受得到, 真係要自己用腦來分析, 我聽電視報導, 南韓新天地教主說自己是耶穌托世都可以有幾十萬人信(如果有錯請修正), 所以唔係以什麼教加過什麼會, 就是完全正確要聽足佢地講....

就算正當的教, 都會有不正當的人, 又或把原意偏離, 始終每個人的想法不一樣.

我以前讀過二年基督教小學, 對基督教處開放態度, 之前都有和太太去仔仔當時幼稚園的教會了解, 發覺他們太沉迷忘我, 教義方式亦令我不接受, 去去下見他們的宣揚方式聽不入耳, 見老婆又跟隨他們做和參與, 我就跟太太說, 我覺得自己係魔鬼, 去親就想打人, 他們好興一開始就說跟隔離個兄弟妹抱抱, 但次次都係亞叔或亞嬸來, 老婆就同另一男抱抱, 剩係依樣都幾乎令我想打人....咩來... 見他們說見證都聽不進耳, 好多破綻, 但他們只會說, 先信不要問....

之後我笑同太太說, 我真係唔去了, 我發覺我係魔鬼來, 再去控制不到情緒打人, 綁我係十字架上驅鬼就大鑊了, 妳當我未係時候吧, 妳和仔仔覺得好, 妳們自己去啦, 我唔阻止..... 但太太因為好黐我的, 所以她之後都沒有去了.....

教內都會有人有私心, 一樣有權力鬥爭的, 所以真係要自己分析, 唔好信晒人....

點評

ChingChing19    發表於 20-3-5 15:06


子爵府

積分: 11519

2020勳章


發表於 20-3-5 15:09 |顯示全部帖子
知道, 都見識過貪圖教會權力的人。
寧願做被嘲笑的少數, 也不會被群眾洗腦。


男爵府

積分: 9130

2020勳章


發表於 20-3-5 15:12 |顯示全部帖子
小菜豆 發表於 20-3-5 14:16
回覆 PTMCYS 的帖子

你地都好厚道。今時今日香港, 精通說話技巧比能力更能生存。

咁該教會都令你們有相同共識而離開不參遇, 你們應該多了話題和經歷了.


子爵府

積分: 11519

2020勳章


發表於 20-3-5 15:36 |顯示全部帖子
本帖最後由 小菜豆 於 20-3-5 15:37 編輯

回覆 PTMCYS 的帖子

經歷係我多D, C6可能唔理解當中轉變。因為人際關係亞保C6唔係好明。
之前我都沉迷咗係教會嘅幫助,
因為全世界都認定佢自私唔成熟,令我更加相信自己啱晒,
後來去到C6要我一係離婚, 一係唔好再俾教會幫嘅地步,
教會反而指出"我唔可以靠自己嘅力量去挽救婚姻"嘅理論,
我就覺得件事怪怪地, 唔通夫妻嘅事要成間教會去公審佢?
咁實救唔番。婚姻係我嘅, 教會班人出把口唔洗成本,
所以決定一次過抽身, 斷絕所有聲稱幫我嘅人。

事後, 最搞事係C6理解唔到成件事來龍去脈,
竟然問我做乜對教會咁反感?
我話教會D人心術不正, 想睇我地離婚。
佢唔信。亞保思維就係咁直接單純。


別墅

積分: 669


發表於 20-3-5 19:13 |顯示全部帖子
請問亞保既自私/ 無同埋心
同真正既自私有咩分別?


公爵府

積分: 29282

2020勳章


發表於 20-3-6 00:24 |顯示全部帖子
本帖最後由 858D 於 20-3-6 00:30 編輯
dolceee 發表於 20-3-5 19:13
請問亞保既自私/ 無同埋心
同真正既自私有咩分別?

讓我嘗試來分析個區別:
自我中心 VS 自私

亞保 係自我中心。如果人哋唔以好明顯嘅言語好 specific 話我知人哋嘅需要,我係唔會知,唔會自己體諒到,唔會自己觀察到。我只會知道我自己想要嘅目標,我辦事嘅 implemenation 唔會cover 到人哋嘅需要 因為我連佢想要乜都唔知,我點畀到佢想要嘅呢。我唔猜度,唔估計人哋心唸乜。當我有需要時,我會好唔知醜咁講畀人知,但亦唔期望人哋會畀我想要嘅。如果人哋唔畀我想要嘅,我都唔會論斷人自私,亦唔會生人嘅氣。只是專注於對事不對人來解決需要。如果人哋能好唔客氣咁同我講佢哋想要嘅嘢,我會 、、、
1、 衡量大家各人嘅需要,排個先後次序, 有冇D乜嘢係死人碄樓 嘅就優先得到我幫助。
2、跟住衡量自己現時手上嘅資源,可以最有效地付出解決大家各人邊一個需要上。排個次序。
3、唔理果樣嘢對我有冇益處,對我有冇好處,只要果件事係以上1、2評估中排首位,我就付出自己最好嘅來把事情按次序辦好。

自私,所有人都有機會自私,只是亞保未必夠能力來發揮自私嘅功能,因為好似我咁,我好多時連自己想要D乜嘢都分辨唔到。咁我點有嘢來自私呢。有自私能力嘅人不但好知道自己想要D乜,亦好有動力去猜度,估計人哋心唸乜,人哋想要乜。明知道人哋想要嘅,但唔會好似 亞保 咁毫無計較自己畀到人想要嘅對自己有乜嘢得失 就去做。有自私能力嘅人幫人都係計到自己有著數先會去幫。所以有自私能力嘅人 運用了自己的自私功能,別人都未必知到佢自私。 所以 亞保的我 係咪比自私的人更鈍呢。 我先生的前妻就係呢一類有能力自私的人。
自私人 唔容易被配偶發現,因為從情緒開始發展關係,我先生發雞盲,被愛情蒙蔽,睇唔到佢前妻係自私。到後來到佢自己再對佢前妻沒有利用價值後,佢前妻不再畀佢想要嘅嘢,佢先睇到她的自私。
我先生 佢明知我係 亞保 都要同我過世,係因為佢知道我唔自私。我在不需要佢嘅時候,佢對我來說沒有利用價值嘅時候,我依然義無返顧地畀佢需要嘅,畀佢想要嘅。

同理心:
我先生透過一些心理事例測試,例如 「如何待侍應生」的實例,根據測試結果分析到佢前妻有能力有同理心但埋沒了同理心。
我先生分析到我有同理心,雖然我言語能力上表達唔到,但我邏輯思維上彰顯到我的同理心。
Love is when the other person’s happiness is more important than your own  ~ H. Jackson Brown


別墅

積分: 669


發表於 20-3-6 00:33 |顯示全部帖子
858D 發表於 20-3-6 00:24
讓我嘗試來分析個區別:
自我中心 VS 自私

可唔可以舉d生活事件例子呀?
我都唔係好識睇人眉頭眼額 唔圓滑
好怕醜
唔知自己係純粹內向定點....
網上睇d亞保特徵我又好似中咗好多咁
唔係好識換位思考


公爵府

積分: 29282

2020勳章


發表於 20-3-6 00:45 |顯示全部帖子
本帖最後由 858D 於 20-3-6 00:46 編輯
小菜豆 發表於 20-3-5 14:16
回覆 PTMCYS 的帖子

你地都好厚道。今時今日香港, 精通說話技巧比能力更能生存。

妳講中0左我在#1 樓想講嘅點。當我話我個大女 搞唔好人際關係 好蝕底,就係話 佢會在社交或職場 上佔下風。我講嘅「唔襟撈」。我欣賞我先生其中一個優點就係佢好「襟撈」,無論在家庭關係,朋友圈中,社交或職場上都好「襟撈」。

我係得罪人,自己都唔知。
佢係人哋得罪佢,人哋都唔知。

情場上,我係只有人撇我,冇我撇人。
佢係,只有佢撇人,冇人撇佢。
Love is when the other person’s happiness is more important than your own  ~ H. Jackson Brown


公爵府

積分: 29282

2020勳章


發表於 20-3-6 01:02 |顯示全部帖子
本帖最後由 858D 於 20-3-6 19:49 編輯
dolceee 發表於 20-3-6 00:33
可唔可以舉d生活事件例子呀?
我都唔係好識睇人眉頭眼額 唔圓滑
好怕醜


呢個係另外一個JM懷疑她老公有 亞保 嘅事件,還有其他JM 有亞保 配偶嘅實例:
還可一起生活嗎?
https://www.baby-kingdom.com/forum.php?mod=viewthread&tid=23097048&fromuid=476619

JM wingyaumama 分享了許多如何與亞保 配偶生活的心得與事例
既然呢版係夫妻關係,我就舉D夫妻關係嘅生活事件例子啦。

難相處啦
不懂讀空氣啦 (日本文化的一種不合群之人的形容方式)"Kuuki Yomenai" "Cannot read the air"
請到 此標題下D標題 專搵 我嘅post來閱讀 你就略知 此症對我有乜嘢影響。

同人相處點解咁難
https://www.baby-kingdom.com/forum.php?mod=viewthread&tid=22932375&fromuid=476619


佳節又嚟多感觸
https://www.baby-kingdom.com/forum.php?mod=viewthread&tid=22982583&fromuid=476619





Love is when the other person’s happiness is more important than your own  ~ H. Jackson Brown


公爵府

積分: 29282

2020勳章


發表於 20-3-6 01:32 |顯示全部帖子
本帖最後由 858D 於 20-3-6 01:36 編輯
PTMCYS 發表於 20-3-5 12:50
你令我諗起以前公司有位下屬, 我剛入該公司做時, 其他同事都有同我講, 該同事是公司學歷最高, 讀書好叻, ...

我唸起自己讀中學時亦出口傷0左一位女同學都唔知。
她在小息,好開心咁拎我份試卷成績來畀我,同我講:「妳好高分啊!
我一睇,得80幾分,邊樹算高分?! 我好直接以自己通常嘅分數咁就呢次嘅分數來論:「咁差嘅分數有乜值得慶祝或開心?
她嘅反應出乎我意料之外,與平時同我嘅互動不同,她好晦氣咁粒聲唔回我,掉頭就走。後來我才知道,果次考試,我80幾分已經係全班最高分,有一半同學都唔及格,她就是其中一位。

你D咁「襟撈」嘅人,我唔使再解析,相信你已經知道 我講嘢 嘅出錯點係邊。

不過大家唔使替她抱不平。她第日就同我打和翻。在午膳後,我和她 回校途中,她有感而發地同我講:「哈!讀 science 得果D女生,冇個靚女喔。讀 science 唔係好掂果D女生,好似我咁,又好多男生追喔。」我 D 亞保 聽完後不但沒有半點負面情緒,唔生氣,反而倒認為她說得幾真實喔。一D影響唔到我。事實她係有吸引力到,、、、我同佢二人放學後去公共讀書館溫書室坐半個鐘,她都有本事吸引到讀唔同學校嘅陌生靚仔男生問她要電話嘅。我評估假如我就算冇她在旁邊映襯住,我自己一人在讀書室半年時間,都唔會識到一個男生。

Love is when the other person’s happiness is more important than your own  ~ H. Jackson Brown


公爵府

積分: 29282

2020勳章


發表於 20-3-6 01:44 |顯示全部帖子
小菜豆 發表於 20-3-5 08:14
身為亞保(亞氏保加症患者)另一半,
兩人相處上亞保一定唔會係蝕底/佔下風的一方。
因為亞保冇同理心,
試下用 agile methodology 嘅方式來與 亞保 配偶,子女 共存,睇下有冇改善。
我近年來要求我前夫,子女,我先生 用 agile 來與我 經營 夫妻關係,家人關係。
Love is when the other person’s happiness is more important than your own  ~ H. Jackson Brown


子爵府

積分: 11519

2020勳章


發表於 20-3-6 12:26 |顯示全部帖子
什麼是agile methodology?

首頁
12345...64

尾頁

跳至
熱門主題
C6事件 ... 2 3 4 5 6 .. 20
你需要登錄後才可以回帖 登入 | 註冊