kooba 發表於 20-4-4 17:51 
真系好勇敢。我三個星期冇出過街，淨系去門口掉過垃圾。日子好難捱。
我都唔知點解有人咁勇，我都算係大膽，但呢D關係到社會安全人身安全我一定唔會搏，我而家出去一定由老公揸車，買餸就我一個人入去買，佢喺出面等我幫手拎，你知啦，叫男人去買餸，激死都未買到，佢以前去買親嘢都會打電話問我，去買點心次次都唔記得自己鍾意食果隻叫咩餃，每次都要我同店員講，因為佢D中文超級有限公司。椰子油買錯椰奶、生菜買錯椰菜。。。而我慣咗麵粉買unbleached，牛油要無鹽，唔食糖食黃糖或蔗糖等，我講幾多次幾清楚都好，最後我老公都係要打電話問，佢成日唔記得叫咩名，而家佢醒啦，影張相text俾我問。
得的話，我都唔想出街，只係要幫父母攞藥買餸，個個星期要洗衫，所以都會儲埋一次過出去搞晒所有嘢，而家盡量係晏少少去，唔駛同人逼唔駛排咁耐隊。唔急就網購，但最衰有時網上冇，一定要去店到買或到取，早幾日去Target，店入面員工冇一個戴口罩，又冇手套，更加冇人清潔購物車，我入到完全唔想逗留，快手拎完即走，好驚訝零售業好多員工都好緊張，全副武裝，target員工竟然冇有怕。
花旗太太生活在花旗國，留意時差，你問我未必即時答到。
而家我呢度聽講真係開始要罰錢，非essential worker如果去遠嘅地方又唔係緊急事會收告票，Costco都規定每張咭只能兩個人入去，好多商店都劃定排隊位置，每次限制入場人數。
發表於 
返回列表
