話說我等賣樓方便交吉,租左深水埗塘樓一個一劏三既其中一個單位短住,而該三個劏房單位分別由不同業主所擁有(劏契樓),分A B C室,我就租左A室,而問題係發生在B室,得知B室單位有嚴重漏水問題影響到八樓主客,之前有裝修師父幫果個單位做基本裝修,由師父口中得知,師父已同業主講話一定要大整先解決到漏水問題,但果個業主唔理,較早前都問過食環上嚟試水果個職員,得知果個單位已被禁租,因為未處理好漏水問題,同埋漏水問題原來已超過一年,果個業主似乎唔理,依然想租出去,不停有地產帶人上嚟睇樓,據了解對上B室果個租客係冇立租的,而果個租客同業主係冇任何朋友或親屬關係,所以有理由懷疑果個單位業主無視法律,無視禁租,逃避厘印同收租所得既利得稅。最慘既係果個單位有鬼架,重要係女鬼添,呢樣係我法科師父既太太話我知的,而果個單位業主都知有鬼,但都照想租出去害人,對上果個住客都係因為咁先搬走。