少年成長 今日: 0 | 主題: 15845

積分: 4158

161^#

發表於 21-4-13 12:20 |只看該作者

回覆 leewu 的帖子

係呀, 真係要管住自己把口嫁…….希望keep好關係順利過度青春期, 一齊加油!!!!!

私人傳訊

OKC

公爵府

積分: 29688

162^#

發表於 21-5-12 18:30 |只看該作者

回覆樓主：

本帖最後由 OKC 於 21-5-12 18:31 編輯

有無JM子女或識得人子女青春期間唔肯返學？

私人傳訊

Gee2020

積分: 3425

163^#

發表於 21-5-13 16:43 |只看該作者

OKC 發表於 21-5-12 18:30
有無JM子女或識得人子女青春期間唔肯返學？

有呀，我面對緊呢個問題。
唔知點算好

私人傳訊

積分: 721

164^#

發表於 21-5-13 16:44 |只看該作者

其實我個仔都係, 一升上中一就成個變晒

以前同我都好好感情, 但一到中一, 突然好似鬼上身咁款, 成日自己躲在房內, 我入去佢房就黑面, 推返我出去, 同佢講嘢, 佢就嫌煩, 完全唔肯同我溝通, 我真係完全接受唔到自己個仔突然咁對自己

除左呢D , 仲有好多好多衰嘢, 包括果D : 應承左你既嘢唔做, 對學業同功課不負責任, 欠功課欠到老師頂唔順成日打電話來投訴, 因為欠功課, 都可以儲到2個大過, 2個缺點, 考試都仲係只顧住打機, 終於攪到要留級, 明明係佢自己唔努力攪到要留級, 仲要發我脾氣, 成日對住我就黑口黑面, 仲會成日講一D 令我好傷心既說話, 當時我真係好難過, 成日喊, 都唔知可以同邊個傾訴, 自己情緒異常低落, 我都盡量控制自己, 唔好放咁多時間在個仔身上, 唔好理佢, 唔好同佢講嘢, 成留級係佢既事, 唔可以成日話佢, 只可以忍忍忍....

終於到今年, 佢中四了, 突然又變返正常了, 係毫無先兆, 無聲無息的, 突然唔再黑面, 仲開始同我傾返計, 雖然親密程度不可以同小學時期相比, 但佢無再講D 難聽說話, 冇再黑面, 已令我好開心, 仲開始關心自己成績, 自己溫習, 由以前每年都係考尾20, 到今年突然有個大躍進, 功課方面, 已好好多了, 佢盡量都做齊, 交齊, 有時都仲可能會欠一兩樣, 但比起初中時, 已係進步左十倍

反叛期真係好難捱, 我之前都諗, 到底會唔會完? 我捱唔捱得過?
原來有好多嘢, 你只要放鬆D, 唔好咁介懷, 佢突然會有改變的,
只要忍, 忍忍下就捱過左啦, 希望各位父母都唔好灰心, 盡量放開D
搵返d 興趣比自己, 分散下注意力, 好快就捱過架啦 !!

私人傳訊

annielui

積分: 4158

165^#

發表於 21-5-14 12:25 |只看該作者

回覆 hwl2b 的帖子

好多謝妳分享呀! 妳既經歷又令我重燃希望….相信妳那四年一定好難過了….辛苦了!!!

我好怕好怕以後同個女既關係都係咁樣….原來佢地真係會突然有一日明白父母…..好期待那一天

私人傳訊

積分: 721

166^#

發表於 21-5-14 12:51 |只看該作者

annielui 發表於 21-5-14 12:25
回覆 hwl2b 的帖子

好多謝妳分享呀! 妳既經歷又令我重燃希望….相信妳那四年一定好難過了….辛苦了!!!我好 ...

係呀, 所以千奇唔好灰心, 原來時間真係可以令佢突然成長, 突然變得識諗,

呢一刻最緊要係放開D, 唔好迫自己, 也唔好迫小朋友, 等時間慢慢幫你地修補關係

其實我個仔先叫岩岩過左反叛期, 但我個女今年9月都升中一啦,
我真係好担心要經歷多一次呀

私人傳訊

annielui

積分: 4158

167^#

發表於 21-5-14 15:32 |只看該作者

回覆 hwl2b 的帖子

多謝妳!!!妳都唔使太擔心,相信妳經過四年既修煉,已經練得一身好武功….希望今次女女唔使四年咁長啦…..加油!!!!!

私人傳訊

櫻花公主

男爵府

積分: 7676

168^#

發表於 21-5-14 20:07 |只看該作者

hwl2b 發表於 21-5-13 16:44
其實我個仔都係, 一升上中一就成個變晒

以前同我都好好感情, 但一到中一, 突然好似鬼上身咁款, 成日自己躲 ...

你個故事好勵志，我而家都經歷緊，個女唔多同我講野，問一句嗯一下，有時咁辛苦返工放工又仆返黎煮飯都唔知為乜，我都希望等到你講個日

私人傳訊

積分: 721

169^#

發表於 21-5-14 21:22 |只看該作者

櫻花公主發表於 21-5-14 20:07
你個故事好勵志，我而家都經歷緊，個女唔多同我講野，問一句嗯一下，有時咁辛苦返工放工又仆返黎煮飯都唔 ...

一定等到嘅 ! 加油 !
其實我現在問返個仔，點解你之前的態度咁衰？佢真係好似鬼上身咁，已完全唔記得之前自己係點嘅態度，仲要話其實佢自己真係冇嘢，冇話嬲亞媽，亦唔係特登激你，只係當時真係唔想煩，同冇乜特別想傾。佢話佢完全唔覺得當時相處有問題，佢知自己態度唔好，但由於唔想煩，唯有唔理 (emoji)

可能佢地真係唔覺有問題㗎。如果呢一刻，為左佢地嘅反應而嬲，反而顯得有啲唔抵 (emoji) 佢地根本唔知你嬲乜或傷心啲乜

私人傳訊

櫻花公主

男爵府

積分: 7676

170^#

發表於 21-5-14 21:43 |只看該作者

hwl2b 發表於 21-5-14 21:22
一定等到嘅 ! 加油 !
其實我現在問返個仔，點解你之前的態度咁衰？佢真係好似鬼上身咁，已完全唔記得之前 ...

咁你有冇試過因為佢呢種態度嘈過？

私人傳訊

OKC

公爵府

積分: 29688

171^#

發表於 21-5-15 16:33 |只看該作者

hwl2b 發表於 21-5-13 16:44
其實我個仔都係, 一升上中一就成個變晒

以前同我都好好感情, 但一到中一, 突然好似鬼上身咁款, 成日自己躲 ...

多謝你嘅分享，你囝仔情況最差時,有無求助社工或心理醫生？

當時你情緒低落，係咁忍，有無求助專業人士，點樣渡過那幾年？

祝你一家人幸福快樂！

私人傳訊

積分: 721

172^#

發表於 21-5-15 23:05 |只看該作者

櫻花公主發表於 21-5-14 21:43
咁你有冇試過因為佢呢種態度嘈過？

當然有嘈啦！佢啲死人態度，真係令我火都嚟埋。但係我有我鬧，我有我嬲，但佢仍然係若無其事。。。
鬧又鬧過，勸又勸過，但佢就係冇改善，同最重要係佢唔覺得自己有錯。
正如之前有媽媽留言，我覺得當時，即使我死係佢面前，佢都未必會有咩反應。。

私人傳訊

積分: 721

173^#

發表於 21-5-15 23:21 |只看該作者

OKC 發表於 21-5-15 16:33
多謝你嘅分享，你囝仔情況最差時,有無求助社工或心理醫生？

當時你情緒低落，係咁忍，有無求助專業人士， ...

情況最差時，我有同個仔講，我覺得咁樣落去唔係辦法，當時我地除左相處有問題，最大問題就係佢做人嘅態度，佢曾經係whatsapp留言比我，話知自己態度有問題，但改唔到，而且佢對學業已冇晒信心（因為佢留左班，當年佢係以B1尾成績入B1B中學，本身自己實力已唔夠，入到中學個個都係精英，佢有試過好努力追，但追唔到，佢好灰），佢當時叫我唔好迫佢，佢係爛泥就始終係爛泥。。。
作為媽媽，見佢唔單止對家人態度差，最大鑊係佢好似對人生冇晒方向，只想沉淪落去，我係超級担心。。。

我同佢講，不如我地一齊搵社工，可能會幫到我地。

私人傳訊