Hi妳好, 我睇過好多有關既文章都話青春期可以介乎10-20歲,有人維持1-2年, 3-5-7年亦大有人在…..不過好多都話會有收成正果既一日,希望妳我都快D到果日, 因為日子真係好難過….好心痛
我老公問過我女為何對媽咪咁冷淡, 佢同妳仔仔答案一模一樣: 唔係… 無呀…..
其實谷友同好朋友同我分析過我係目標人物既原因, 不過唔知係咪真係咁…...
中學前所有學業上既問題我全權負責, 只有我會過問佢學業, 我好緊張佢作息,
經常催促佢上床瞓,
佢熱底常鼻血,
所以限制佢食熱氣嘢…所以我係最煩既人….如果唔係青春期係無問題, 佢一向好聽教聽話, 但正值青春期這些全部是罪大惡極既事, 加上我係惡唔出樣既媽咪,可能咁我成為咗佢青春期賀爾蒙發作既最佳出口…..而Daddy雖然風趣幽默, 但惡起來唔係人咁品, 所以女都忌daddy三分….
有時我都安慰自己, 雖然係好難受,
但起碼有個出口比個女發洩好過佢谷埋自己度, 所以我而家戒長氣, 儘量唔過問佢學業, 起居飲食唔太過份都唔好煩佢, 期望唔好破壞關係,順利過度這段時期, 我們一起加油!!!!