吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 中港工作的老公

夫婦情感今日: 9|主題: 42596

收藏本版

發帖

返回列表

跳至頁

查看: 3574 | 回覆: 32

中港工作的老公 [複製鏈接]

momojoyse

禁止訪問

積分: 5752

1^#

發表於 09-5-27 09:02 |只看該作者 |倒序瀏覽 |打印

提示: 作者被禁止或刪除內容自動屏蔽

0 0 0

私人傳訊

502

男爵府

積分: 5544

2^#

發表於 09-5-27 10:58 |只看該作者

我老公过去四五年都是这样，不过多数都会每日数call,星期六日百分之九十九都会回香港陪我们。

见到他星期一一早走会好累都叫个他星期日早点走，不过他宁愿辛苦一点也想多陪我们！

原帖由 momojoyse 於 09-5-27 09:02 發表
我想很多老公都中港兩邊走, 不如大家講吓妳地相處放法啦!

我老公逢星期一至五都在廠, 六,日回港, 一回來都會俾個call我或個仔, 平時都會有一, 兩個電話打回來, 若長假期多數我地都會去外玩 ...

:-D :-D :-D :-D

私人傳訊

gordonccc

男爵府

積分: 8041

3^#

發表於 09-5-27 12:50 |只看該作者

我老公都係澳門工作，一至六都要返工，禮拜六下午先返香港，每晚都會有call俾我既，但好多時都無乜嘢講，而且佢有紅假期好多時都寧願留係澳門唔想返黎，佢話辛苦喎...放紅假前永遠都有藉口或事情唔返黎香港，黎緊成差唔多半個月唔返黎，話好忙好多嘢做，我都信佢真係忙既，但個心就好唔開心囉.....永遠任何嘢都比我重要...
就算紅假返黎，佢都唔會早返陪我食晚飯，寧願同啲同事食埋先返...而家有咗就黎 6 個月喇，都無陪過我一次產檢/買bb嘢，就算返到黎都好似大爺咁，當呢到係酒店，乜都唔幫手，乜都睇唔到咁....
我老公又唔係對我唔好，只不過佢對我既好，全部係從佢角度佢喜好出發，好多時會做既，都係因為要面子而做．

[ 本帖最後由 gordonccc 於 09-5-27 12:53 編輯 ]

私人傳訊

Issac830

大宅

積分: 2514

4^#

發表於 09-6-7 19:39 |只看該作者

我老公經常要去深圳,東莞,廣州做野,以前住太子時經常唔返來訓,所以搬去上水住,依家除了去廣州外,多數都回家.

私人傳訊

月希

珊瑚宮

積分: 118907

2024年龍年勳章好媽媽勳章畀面勳章

5^#

發表於 09-6-7 21:55 |只看該作者

原帖由 gordonccc 於 09-5-27 12:50 發表
我老公都係澳門工作，一至六都要返工，禮拜六下午先返香港，每晚都會有call俾我既，但好多時都無乜嘢講，而且佢有紅假期好多時都寧願留係澳門唔想返黎，佢話辛苦喎...放紅假前永遠都有藉口或事情唔返黎香港，黎緊成差唔多半個月唔 ...

其實港澳好近...佢唔返黎hk陪你..你過去陪佢得唔得?紅假你都放架姐...

早幾年..我有個朋友都係咁..老公過黎澳門做野....因為我老公又係過左澳門做野..而一家搬左過澳門..所以我朋友黎親搵老公都會約我..等小朋友一齊玩下...
佢話有時老公忙.佢過到黎咪搵我先..打發下時間..等老公放工先family time...
咁其實我覺得幾好喎...一個week老公返hk搵佢地..一個week佢地黎搵老公...如果老公真係好忙...佢地過黎搵老公..其實都好sweet同warm丫..你都可以試下咁

私人傳訊

ammon.wong

男爵府

積分: 8849

6^#

發表於 09-6-9 23:52 |只看該作者

我老公都係要在星期一至五在國內返工, 星期五晚就會回港, 基本上, 每日會通電話一次, 夜晚會傾下msn咁.. (不過都唔會有好多野傾)

其實我好唔鐘意過呢d生活, 不過老公成日話香港地,依家好難搵工喎..

唉.. .. 幾時先唔駛咁呢...........

Cheers,

阿檬

私人傳訊

gordonccc

男爵府

積分: 8041

7^#

發表於 09-6-10 11:01 |只看該作者

原帖由月希於 09-6-7 21:55 發表

其實港澳好近...佢唔返黎hk陪你..你過去陪佢得唔得?紅假你都放架姐...

早幾年..我有個朋友都係咁..老公過黎澳門做野....因為我老公又係過左澳門做野..而一家搬左過澳門..所以我朋友黎親搵老公都會約我..等小朋友 ...

我屋企有五隻貓要照顧，如果要過澳門就要搵人上黎我屋企添糧添水，清貓沙盆....
所以都唔可以經常出門．另外我老公係住宿舍架，有其他男同事，所以我過到去都好唔方便....

私人傳訊

fishyfish317

洋房

積分: 96

8^#

發表於 09-6-10 16:09 |只看該作者

我老公都係在國內返工, 每星期六下午回來, 每日會通電話三四次, 到星期日多找些節目ENJOY 吓 family time.

我都好唔鐘意過呢d生活，感覺上跟老公的感情淡了，　而女女才１７個月，見爸爸的時間很少，我老公叫我們搬到深圳住。。。。但我想女女接受香港教育，　現在１５　１６。。　

原帖由 ammon.wong 於 09-6-9 23:52 發表
我老公都係要在星期一至五在國內返工, 星期五晚就會回港, 基本上, 每日會通電話一次, 夜晚會傾下msn咁.. (不過都唔會有好多野傾)

其實我好唔鐘意過呢d生活, 不過老公成日話香港地,依家好難搵工喎..

唉.. .. 幾時先 ...

私人傳訊

半桶水

複式洋房

積分: 435

9^#

發表於 09-6-10 16:35 |只看該作者

原帖由 gordonccc 於 09-6-10 11:01 發表

我屋企有五隻貓要照顧，如果要過澳門就要搵人上黎我屋企添糧添水，清貓沙盆....
所以都唔可以經常出門．另外我老公係住宿舍架，有其他男同事，所以我過到去都好唔方便.... ...

之前睇到你話大住肚都唔想多講,(怕影響你思緒)
而家又認唔住多口講句,
以下只供參考,不要盡信我的個人睇法.
同時,又講吓我的生活你知.

我丈夫工作時間正常朝八晚十,
但旺季下班時都十一二點,
前日係晚上兩點,七點半又要起床.
我成日都話佢一世人做兩世人嘢.
都擔心佢將來退休後身體唔捱得幾多年.(實在勞累)
我丈夫放假從未試過唔番,
除非係忙到無假放.
近幾年我兩個囡開始大,
丈夫無假放我可放心上大陸.
以前我只可等學校假期才上去,
而家一個月都會上去一兩次.
我丈夫好鍾意食住家飯,
上去我會執屋煮飯煲湯,
而且我想比個家感覺佢,
我會在當眼處放我的日用品,拖鞋等.
還會在他的衣櫃內放上我的睡衣.
初時,佢都以為我上去係有私心,
但日子久了佢知我是為佢的.
我丈夫每星期回港一次,,
就算係忙到午夜十二時,(旺季24小時運作)
趕唔切其他關口,佢就會經黃岡過關,
只係我會怕他太夜危險,
多次叫他太夜不要回來.
但他仍堅持要走,我就不必再說.

而你大住個肚就算丈夫有幾攰都應該多啲番來,
佢就哩樣個樣,仲之就藉口多多,紅假都唔想番.
估計佢係澳門有乜古怪事,我諗都係唔好猜測.
但目前你要想辦法多留老公係身邊,
始終有大有細要佢多啲關心.
揾藉口要佢番,但千祺唔好嘈佢.
再唔係你過去租地方同佢住.
長遠你要諗掂個幾隻貓點安置.
生完BB後帶埋BB搬去澳門,
你丈夫若還很年青的,仍是血氣方剛.
佢「身」「心」都要你照顧的,
現時,唔好同佢計較誰對錯.
男人最愛女人温柔體貼,
你就先行讓步,由你去主動關心他.
唔想佢有機會行錯路,
日後,你就一定要係佢身邊.

私人傳訊

半桶水

複式洋房

積分: 435

10^#

發表於 09-6-10 18:52 |只看該作者

本來私人事我係唔想係網上透露太多.
我的確係有顧慮,曾想過分身便可唱所欲言,
亦怕遇到相熟人士,怕比人起底.
想到大家都係同道人,老公都係大陸工作,就分享吓心事.

我相信婚姻是相對的.
我是從來就傷害性,收唔番的說話唔會對丈夫講,這是影響深遠的.
我倆相處彼此都算禮待,我幫老公倒茶佢會說聲「唔該」,同樣我也會咁做.
對丈夫有不滿,基本上我都係沉默當佢透明,
我唔想佢工作受完壓力,回家又要睇着我吵吵鬧鬧,黑着臉.
我也有唔開心的時侯,無人氹我不特止,
有時,我還要去安撫老公心靈.
這幾年我丈夫好失意,工作壓力比以前更大.
若我唔支持佢,那有誰?!
我也不希望有人能取代我的位置.

又講吓我的平淡生活.
結婚頭幾年佢工作時間朝九晚九,星期日就朝九晚六.
偶然有一個星期日可以放假.
平時回到家成十點才食晚飯.
身軀已很疲累,仲邊有心情再講情趣?!(這點我會體諒他)
好多時我都無老公陪/氹,這些生活我就過了幾年.

到後期公司逐步北移,佢被安排上大陸.
我雖則十萬個不願意,但無奈也接受了!
就這樣,佢能陪我時間更少.

我的回憶就是,有幾年,連放假私人時間都無埋.
經常會係我倆還未起床,早上電話已經響過不停,(公事)
好多時放假都要邊食飯邊講電話,(又係公事)
最深刻的,連放假想同老公安樂啲飲餐茶,又係電話不停響!
茶都未飲完,佢又因公事要即上大陸喇!
試問過啲咁生活,有邊個唔會嘈個老公?!有邊個唔會谷到噴火?!
但我只嘆氣一聲,其實老公還比我辛苦.
最近幾年電話少左,已甚少食飯講公事.
但多年來老公放假都係想休息唔願去街,
我的家庭日就係煮飯日,
以前我會煮足三餐飯,因老公好喜歡食住家飯.而且佢平時係街食好無益.我會擔心佢健康.煲湯水,準備佢喜歡的生果,飲品等.
佢返大陸前我會預備早餐,亦係我只會為佢而煮的一個早餐,平時我哋都係求其食麵包就算.
這兩年我唔想擺咁多時間係廚房.佢放假,午餐會出街食兩個囡就可陪爸爸多啲,事實係彼此都失去太多,佢哋感情唔多.平時都無乜嘢講.
而我,莫講話情趣,要氹,我甚至乎個女小時候有病要住院,佢都無法回來.咁仲邊有時間心情氹我呢!
家中所有事全部我要一手搞掂.見到別人講到要產前檢查,有病老公會陪,子女培育有丈夫分擔,這一切我也失去咗.我曾在最脆弱時....生病,我抑壓着的...竟在醫生面前落淚.可笑的是,安慰我的人唔係老公而係醫生!

就係因為我知丈夫辛苦,唔想佢為家事有壓力,
無論過去或將來,報喜不報憂仍是我的性格.
講咗只會多一個人擔心,而佢又無能為力.
就算要講我都係解決咗,事後才講佢知.

近年,老公會在無意間向我說聲「多謝您」.
這可能是,留着老公的心就是我的最大回報吧

其實我也同您們一樣不喜歡這些生活,但多年來也接受了.
若真的時光可倒流.
我想,我也不會再揀同單親相似的路了!

私人傳訊

月希

珊瑚宮

積分: 118907

2024年龍年勳章好媽媽勳章畀面勳章

11^#

發表於 09-6-10 19:03 |只看該作者

原帖由 gordonccc 於 09-6-10 11:01 發表

我屋企有五隻貓要照顧，如果要過澳門就要搵人上黎我屋企添糧添水，清貓沙盆....
所以都唔可以經常出門．另外我老公係住宿舍架，有其他男同事，所以我過到去都好唔方便.... ...

你去搵佢..都係2日1夜...搵人上一上你home好難?或者只係2日1夜..準備多少少食糧同水好難?
貓貓緊要過老公??

住宿舍都應該有自己一間房...你去住一晚又幾唔方便呢?唔可以係宿舍煮飯比老公食..咪2個一齊出街2人世界食餐好d架囉

你老公嫌三嫌四...鬼咁多借口唔返黎hk陪你依個大肚婆...你都重唔捉番緊d個老公既?

私人傳訊

gordonccc

男爵府

積分: 8041

12^#

發表於 09-6-11 11:33 |只看該作者

原帖由月希於 09-6-10 19:03 發表

你去搵佢..都係2日1夜...搵人上一上你home好難?或者只係2日1夜..準備多少少食糧同水好難?
貓貓緊要過老公??

住宿舍都應該有自己一間房...你去住一晚又幾唔方便呢?唔可以係宿舍煮飯比老公食..咪2個一齊出街2人世界 ...

你講既嘢同我奶奶講既一樣...
其實我過到澳門都無用，因為老公實在太忙，根本無時間理我，澳門我又人生路不熟，又唔認得路去老公宿舍，又無鎖匙住戶咭...
就算去到一係係街等佢收工，一係就全日係宿舍等佢放工..我之前有同佢講過我好唔開心，因為開始發覺自己有產前抑鬱，咁佢都話會盡快請人handle佢既工作，等佢可以掉番返黎香港，但請人都唔容易，因為佢見完，又要等上頭幾個老細輪流再見，ok又要等過試用期合唔合格．

私人傳訊

gordonccc

男爵府

積分: 8041

13^#

發表於 09-6-11 11:38 |只看該作者

原帖由 半桶水 於 09-6-10 16:35 發表

之前睇到你話大住肚都唔想多講,(怕影響你思緒)
而家又認唔住多口講句,
以下只供參考,不要盡信我的個人睇法.
同時,又講吓我的生活你知.

我丈夫工作時間正常朝八晚十,
但旺季下班時都十一二點,
前日係晚上兩點,七點 ...

佢忙完澳門間新酒店開張，話應該會好好多，會盡量每星期抽多一日返黎，希望係真啦....

私人傳訊

月希

珊瑚宮

積分: 118907

2024年龍年勳章好媽媽勳章畀面勳章

14^#

發表於 09-6-11 11:39 |只看該作者

原帖由 gordonccc 於 09-6-11 11:33 發表

你講既嘢同我奶奶講既一樣...
其實我過到澳門都無用，因為老公實在太忙，根本無時間理我，澳門我又人生路不熟，又唔認得路去老公宿舍，又無鎖匙住戶咭...
就算去到一係係街等佢收工，一係就全日係宿舍等佢放工..我之前有同佢講 ...

你少過黎..當然唔熟啦...當你黎多幾次..就會熟架啦

鎖匙住戶吐果d野...重有辦法整多份比你...只要你有心去...
怕成日留係宿舍悶...咪帶部notebook過去囉..上住網等老公...
其實你又未必要做d乜..只係偶然老公好忙...你去搵佢...比佢知你都關心佢...為左見佢都唔介意辛苦或悶...有時..佢返到黎...見到屋企有人等佢..都warm d嘛