網購天地今日: 2|主題: 70423

收藏本版

發帖

返回列表

跳至頁

查看: 10080 | 回覆: 2

[其他] 黑店!! 觀塘卓榮貿易<<上Prixx.cxx小心唔好揀佢!! [複製鏈接]

郭富城

民房

積分: 19

1^#

發表於 20-4-20 19:11 |只看該作者 |倒序瀏覽 |打印

本帖最後由郭富城於 20-4-20 20:16 編輯

第一次出POST

各位小心!! 千祈唔好幫襯 "卓榮貿易"呢間黑店!!
佢係一間網上訂電器/小家電嘅舖頭,
我喺Prixe.Cxx到搵想買嘅電器,
揀咗佢, 點知就搞到一肚氣!!!
做客竟然要比人鬧,比人命令,
各位去格X網嘅話, 記得唔好揀呢間"卓榮"!!!
因為佢多數排第一個!!

我講下發生咩事
我上網訂咗兩件電器,
上到去用轉數快比錢,
即時CAP圖WHATSAPP佢,同埋SHOW比佢睇過數成功
突然有個估計係ACC/老細嘅女人行出嚟,
好冇禮貌咁話,
「你企係到等，一直等到我哋收到數先會比貨你，唔知要等幾耐」
我都明佢地想穩陣啲，check清楚有數先比貨，但好似命令咁嘅態度叫我罰企，之後又語氣勁差咁話，「試過有客過數唔成功拎咗啲貨走，嗰到幾千蚊, 點追啊? 追唔到」

你有呢個concern冇問題，但可以客氣啲, 比錢前同客講話可能要等一等收到銀行通知，先比到貨，咁個客可以自己決定比現金定過數，而唔係係到暗示人地比過數快係因為想走你數，呢樣都算，我買完就走，唔洗同你計較，點知見到件貨出嚟，見到個盒穿咗拳頭咁大個窿，我問有冇新一個，佢即時話「你睇下入面有冇爛，冇爛就得」, 其實個盒爛唔緊要，但一副完全事不關己嘅態度去敷衍個客，咁嘅態度好有問題, 我要求同代理換新貨，佢好唔情願下幫我換，話有貨通知，本身網上訂唔洗落訂，但我剛剛已經比咗錢，就冇刻意話叫佢退款先，佢開咗張收據比我，當時我要提佢係單上寫”未取”，佢先寫返 (如果唔係到時唔認數)

隔咗一星期後收到whatsapp通知話到咗貨，我問可唔可以影幾張相，因為上次個盒爛咗，我要專登搭一個鐘出去拎, 佢SD咗幾張相嚟, 見到ok, 我就覆過幾日出去拎

到我上去拎嘅時候，佢問我電話，我比咗佢，佢check緊record，問我拎單，我搵下銀包，我話冇帶單，唔知要帶單先拎得（呢個我認我疏忽，但佢都冇特別講話要有單先拎），佢話要有單先得

我就問，我有whatsapp紀錄係你地通知我拎貨得唔得？或者我簽返名證明我拎咗可以嗎？（我由第一次上去，到今次都係好有禮貌，唔該前唔該後，都係好斯文咁問嘢，完全唔係老馮或者顧客永遠是對的嘅態度）

之後上次好冇禮貌個女人（疑似老細）行出嚟，態度好差咁大大聲話，有單先可以拎，我重複問呢個女人（有禮貌），我唔記得帶，用whatsapp證明得唔得，之後佢就開始發脾氣一輪嘴咁鬧我，「冇單冇得拎，話拎貨一定要有單，你唔拎單我唔會比貨! 你依家得兩條路揀，一係拎單返嚟拎，一係冇得拎, 總之我唔會比你」佢嗰刻成隻老虎乸咁鬧人, 冇人鬧佢, 冇人刺激佢, 無端端搵客出氣!

其實冇帶單啫？冇得拎都唔緊要，但態度同語氣可唔可以正常啲？其實我只係唔記得咗帶張單，冇發long泥，亦冇話夾硬要拎貨，我唔明點解要命令式咁呼喝我，冇當客係客都算，唔講以為我係佢下屬，現場佢嘅同事冇人夠膽出聲（上次都係），證明呢個人成日都係有佢講冇人講，唔好話做生意，做人都唔應該係咁啦？

你唔在乎少一單生意唔緊要，但輸咗人格，好醜惡！

大家真係唔好比錢佢賺, 眼見佢係多客到唔憂做, 小心唔好貼錢買難受!

卓榮貿易
九龍觀塘開源道54號豐利中心7樓708室