又到長假期，睇下呢幾日公園海灘又有咩奇景。。。州長已呼籲唔好去開大party，唔好聚集，戴口罩，maintain social distancing，但假期後有校區攞到waiver重開學校，有部份係hybrid，有部份好似係全開（有限制，但冇考究詳情），我其中一個老細個仔下星期復課，佢地住果度好似係比較少人口少個案，話要全日戴口罩同有安排，老細話唔知個仔點頂，但年青人總係想有社交活動。
話說我仔學校要派書派教學物資，學校已經叫老師盡量用網上物資同將書上載到網上，但總有班老師係old school type，加上數學有習作本，於是要安排二千個學生返學校揰，為咗唔影響上堂，學校搵義工家長學生老師星期六回校派，我同老公都有去做，原本一日三更，每次兩至三個鐘，最後我地兩個踩晒三更，中間出去半小時返屋企食嘢同睇下仔女。
Well....經驗真係好「特別」，出義工招募一星期，一直都好少人報名，直至星期五至多人（但其實都係唔夠人，學校低估工作量），二千學生只有不到廿個家長幫手。。。分工流程最初未完善，後來OK，直至午飯時間好多家長都要走，突然冇人接，於是好多書單積住冇人執，唔夠人派，唔夠人check out，學生聽唔到叫名，未拎嘅書冇人處理放埋一邊，我一者係負責整書單，另一個家長冇戴眼鏡，做得好慢，成日要中途叫我睇，後來我盡量快手做，後來接手嘅家長居然唔識用電腦，咁你坐落嚟靠害咩？當我再接手，點知到執書嘅人手唔夠，最後居然有半小時冇人碰過枱上果D書單，足足積咗最少50張，但有幾個人只係企喺度傾計。。。然後有學生喺校外排咗3個鍾都攞唔到書。。。有家長嘈學校安排得差。。。冇考慮流程，冇考慮到學生見到同學會好興奮唔理social distancing。。。。我見到家長谷入面嘅留言雖然唔算多，但真係哈哈哈，點解唔嚟幫手？人手多就派得快架啦。。。不過咁，如果多人而D人係幫唔到手的話，多個人就多個麻煩。學校當係一個教訓/學習經驗，心急做唔好件事，二千人冇可能一日搞得掂，加埋唔合作擺晒款嘅家長同老師，成件事明明係好正面，結果就變成好多瑕疵。
花旗太太生活在花旗國，留意時差，你問我未必即時答到。
c6話，一塊2吋扒慢煮要起碼一個鐘先得。
妳？要耐d。。。
不過真係要努力環保。遲d唔止越來越多病，糧食實有影響。。。
發表於 
你住嗰度會唔會燒到㗎？
我只係擔心Biden，星期二晚咁多浪花飛埋去。唔知台上通風如何呢？
返回列表
