國家地區媽媽會 今日: 0 | 主題: 20234

積分: 171525

2024年龍年勳章 2024勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

202^#

發表於 20-6-6 03:06 |只看該作者

眼訓發表於 20-6-5 10:43
福利國家好唔好兩睇啦。有冇聽過打工仔跳槽要俾兩三個月通知？我地公司請個歐洲同事，開會耐唔中聽到呢個神 ...

人係永遠睇到一邊睇唔到另一邊架啦，福利國家D福利邊度嚟？羊毛出自羊身上，咁有福利果班咪話好，享受唔到嘅就話冇自由，任何事都有不同利益角度出發。我以前都曾經同老公討論過，我地呢D夾心階層嘅，福利我地享用唔到，但稅每年都唔會交得少，好似好唔公平咁，我老公話係架，係唔公平架，但以福利角度睇，施比受更有福，起碼我地可以施已經係一種福氣，自己可以養活自己，唔係靠人。

以前試過退稅全民每人500，今次就一定收入之下位位1200/500，有人嘈加州灣區生活指數高，對比美國中部有D細鎮細州，大家同樣俾1200，根本唔公平，根本幫唔到；又有人講一家四口住800呎唔係人住架，有冇想過有人住百幾二百呎劏房，要共用廚廁，一樣養活一家四口，我覺得每個人都有自己對生活物質上精神上要求，冇話對與錯，問題係自己有幾努力去爭取同改善。

有人享受福利覺得應份嘅，有人覺得幫手負擔其他人嘅福利係公民責任，有人呻唔公平，有人話唔攞就笨，我見到嘅係有人選擇攞，有人選擇唔攞。

花旗太太生活在花旗國，留意時差，你問我未必即時答到。

私人傳訊回覆引用

眼訓

子爵府

積分: 14621

環保接龍勳章大廚勳章

203^#

發表於 20-6-6 12:13 |只看該作者

rose-mag 發表於 20-6-6 03:06
人係永遠睇到一邊睇唔到另一邊架啦，福利國家D福利邊度嚟？羊毛出自羊身上，咁有福利果班咪話好，享受唔到 ...

我贊成只有低收入先有$1200㗎。如果收入ok嗰d，未必會因為多咗$1200而洗多d，反而可能儲埋就冇咗原本嘅價值了。話時話好似呢個tax credit都唔關你攞唔攞事。而家唔攞，只要合資格，出年報稅嗰陣都會俾返你。除非有辦法報稅嗰陣將自己exclude from個tax credit。係咁上下呱唔太清楚。

灣區雖然物價高，打工仔就話冇收入啫，耕田嘅分分鐘要倒貼㗎。話時話呢排多咗人話以超低價買咗大批肉類，講緊係幾十磅咁入貨。最誇張係under $150買咗200lb雞。

你今日backup左未？

私人傳訊回覆引用

積分: 171525

204^#

發表於 20-6-7 01:57 |只看該作者

本帖最後由 rose-mag 於 20-6-6 09:59 編輯

眼訓發表於 20-6-5 20:13
我贊成只有低收入先有$1200㗎。如果收入ok嗰d，未必會因為多咗$1200而洗多d，反而可能儲埋就冇咗原本嘅價 ...

tax credit係被動嘅，好幾年前有全民退稅，位位500，當時就有人話點解唔按交稅比例退？有人連稅都唔駛交又有500，Oh well，點都有人嘈，當然我都係被「不公平」對待果班，但遊戲規則係咁，一係就唔做嘢，坐食到可以得到低收入福利，但我唔會，讀完書有能力搵到工，可以賺到一定人工，點解要因為可以不勞而獲就浪費自己人生？我認為每個人出生都有個別意義，要為社會貢獻，當然，有人選擇做寄生蟲，但我唔會咁揀。

我指有選擇嘅福利好似近期俾小朋友嘅EBT，只要係有白咭，會自動存入額外365蚊食物劵，但如果冇白咭而又有減免午餐資格嘅可以上網申請，會有一張debit card寄俾家長用嚟買食物之用，咁我識得有人慌死蝕底，好努力廣傳叫人攞，通訊群組出幾廿次提醒，話可以多D買餸錢，亦識得有人明明有資格但唔攞，佢地話留俾真正有需要嘅人，佢地暫時都可以負擔到。好難話冇戴有色眼鏡去睇，而事實真係有人千方百計去攞盡福利，甚至假離婚（有D最後變成真）假單親假失業去拎低收入福利，但有見到唔少即使賺到嘅唔比低收入限額多幾多，但佢地覺得勞力賺到嘅即使要省吃儉用都過得開心。

超低價買咗大批肉類，講緊係幾十磅咁入貨。最誇張係under $150買咗200lb雞＞＞＞＞邊食得到咁多咁快？除非湊埋好多人買完分，現象好奇怪，我住呢度肉價真係高咗，但其實又唔算好顛，反正我屋企食菜蔬較多，菜價有貴到，但未去到太誇張，之前升到有點離譜，最近回番少少，而且唔食菜心可以食生菜，冇節瓜就買翠玉瓜，而家未到糧食短缺，係選擇有時有限制啫。咁平嘅肉我反而唔係好敢買，有時超市放得耐，買完返屋企冇兩日就壞，搞到我寧願買少D。

花旗太太生活在花旗國，留意時差，你問我未必即時答到。

私人傳訊回覆引用

眼訓

子爵府

積分: 14621

環保接龍勳章大廚勳章

205^#

發表於 20-6-8 11:05 |只看該作者

rose-mag 發表於 20-6-7 01:57
tax credit係被動嘅，好幾年前有全民退稅，位位500，當時就有人話點解唔按交稅比例退？有人連稅都唔駛交又 ...

早排meat packing facility爆covid，零售又供不應求，梗貴㗎啦。但應該仲有大量批發貨冇人接，咁d貨總要走，散客有窿路就可以大手入貨啦。我估d貨ok靚嘅。我而家幫襯嗰間批發，最近降低咗purchase minimum from $250 to $200，包裝又細咗（如唔洗一次過買6隻雞，2隻都得），又不斷抗大送貨範圍去吸retail客。我成日以為retail客難服侍，但睇樣又唔似。現實d可以話呢d時勢幾難啃都要做。但呢d客先俾錢後交貨喎，多條客路/後路都好呀。

我估/希望200lb雞主平時都有大手入貨嘅習慣呱。確實有d人買豬買牛係半隻半隻咁買（半隻牛有2-300lb）。不過豬牛唔同部位唔同整法都叫唔同味呀。但雞多花款極都係得雞胸同雞脾嘅分別，唸吓已經悶到嘔。

樓主原意想收集雞食譜。我心唸全世界應該冇咩民族係唔食雞，好心自己google啦。

你地公司講reopen未呀？我公司做咗普查，唔返多過3 days per week就會冇咗個位。我老公公司就快開始分段reopen，但唔想返嘅可以繼續唔返。問題係一d返一d唔返，返到公司要搵冇返嗰d都係要靠視像，但返工就要量體溫又要帶口罩又冇咗個kitchen，返來把鬼。

你今日backup左未？

私人傳訊回覆引用

積分: 171525

206^#

發表於 20-6-9 11:00 |只看該作者

眼訓發表於 20-6-8 11:05
早排meat packing facility爆covid，零售又供不應求，梗貴㗎啦。但應該仲有大量批發貨冇人接，咁d貨總要走 ...

我都有朋友而家直接同農場買菜買肉買海鮮，因為之前好多餐館冇開，開都係takeout, 生意冇咗好多，於是做開批發嘅就直接賣俾散戶，不過量都係比較多，我見到菜好新鮮，價錢都合理，但我食唔到咁多，冇咁多地方放，仲要揸車10miles以上去攞，油錢都唔少，仲要SIP去咁遠有d說不過。

我公司又係出survey叫人填，問意見同志向，問埋交通工具，有咩擔心？公司已經訂咗每人兩個布口罩俾員工，我要搭巴士返工，而我個職位如果wfh只係差在冇得打印同掃描文件，pdf file 制式冇得edit, 其他都係大致ok, 如果可以，我希望係一半時間wfh, 一半時間返公司，始終仔女都係放緊暑假，佢地又冇得去夏令營。

花旗太太生活在花旗國，留意時差，你問我未必即時答到。

私人傳訊回覆引用

積分: 171525

207^#

發表於 20-6-12 11:10 |只看該作者

眼訓發表於 20-6-8 11:05
早排meat packing facility爆covid，零售又供不應求，梗貴㗎啦。但應該仲有大量批發貨冇人接，咁d貨總要走 ...

我公司終於宣佈7月1日第一批同事返公司做嘢，之後如果情況ok就會安排另一批，有同事話要全部人可以返工佢至會返，否則就會一直wfh, 其實復工係遲早嘅事，我反而關心返到公司後嘅安排，係咪要全日戴口罩？點保持距離？公司有個麻煩友，病到九彩都返工，佢仲要成日霸住個pantry用，如果復工後要諗下點帶飯，唔係好想同條友共用微波爐雪櫃。

花旗太太生活在花旗國，留意時差，你問我未必即時答到。

私人傳訊回覆引用

眼訓

子爵府

積分: 14621

環保接龍勳章大廚勳章

208^#

發表於 20-6-13 06:18 |只看該作者

本帖最後由眼訓於 20-6-13 06:26 編輯

rose-mag 發表於 20-6-12 11:10
我公司終於宣佈7月1日第一批同事返公司做嘢，之後如果情況ok就會安排另一批，有同事話要全部人可以返工佢 ...

我唸預定冇pantry了。其他論壇有不少人問“冇pantry，可以帶乜返公司食”。公司話一係出街食，一係坐返自己個位食。需要全日帶口罩我估視乎你係咪坐c u b I c al，而幅牆又夠唔夠高，定係open office了。我唸開會會更吹漲。個個坐到冇雷公咁遠，戴住口罩又聽唔清楚，結果係返埋自己位視像。

不過搞咁多嘢，可能就係敗喺個廁所。

我老公公司來緊都係7月開，但調查話不足10%員工會主動返公司。咁或者有機會每人有個私家廁所嘅。

我公司之後再出多個不記名調查，問返工有咩worries，都係交通，邊個揍仔嗰d。另外再問有咩公司可以提供去幫助維持productivity，包括second monitor, high speed internet, 傢俬。。。

high speed internet暫時未有需要，不過而家用到超晒額。係驚遲d被人夾上去business line咋。

*點解我打 c u b I c a l 會變咗#####al？

你今日backup左未？

私人傳訊回覆引用

積分: 171525

209^#

發表於 20-6-19 04:54 |只看該作者

本帖最後由 rose-mag 於 20-6-18 13:01 編輯

眼訓發表於 20-6-12 14:18
我唸預定冇pantry了。其他論壇有不少人問“冇pantry，可以帶乜返公司食”。公司話一係出街食，一係坐返自 ...

公司今日公佈個問卷調查結果，正如所料，大家最擔心係安全，我地做back up嘅最早都係7月1日返去公司做嘢，但CEO話而家只係安排咗5％人做先頭部隊，之後幾時進一步再安排多D就要等呢一批人返工後觀察各個州市嘅數據走勢，暫時未知幾時第二批返工，預測最快都要8月，有可能9月。同時公司發放18頁指引講有關安全措施，即係用電梯要保持距離，用廚房廁所要保找距離，叫男同事盡量用一格格洗手間，公用地方要戴上口罩，保持6呎距離，所有座椅不能搬移，會議室不能加櫈，唔可以除口罩，只有喺自己位而又保持6呎距離至可以除口罩。我坐果度係open office style，冇partition冇#####le，不過好彩旁邊位冇人坐，但我身後有兩個同事背住我坐，其中一個有哮喘，佢一定唔肯返公司住。

當然另一個最令人擔心嘅就係公共交通工具問題，呢樣暫時都冇解決方法，大城市內嘅辦公室必須靠公交，冇可能個個揸車，一來泊車位唔夠，二來停車場收費貴，三來唔係個個有車，所以非必須要喺辦公室返工嘅都會暫時WFH。

我仔升高中，往年高中都係開學前果個星期五有半日返校熟習環境，今年我收到學校通知會改為網上，令我好懷疑係咪真係8月中可以開到學，校區而家都係觀望態度，嚟緊幾個星期會有幾次townhall討論對策，我係極度相信以我地個州而家情況係唔可以全面返學住。我老公已經話而家一定唔會俾仔女返學校，有暑期班都唔會去，我仔係宅男，佢對Zoom上堂好OK，剛剛今個星期開始上兩堂升高中準備班，佢見到有識得嘅同學/朋友，非常積極做功課，尋晚我老公同我講，話個仔講用咗20分鐘明白咗條formula，之後5分鐘計晒D數，佢覺得感覺好好，好開心。我女都幾outgoing，好想返學校，但佢唔多敢出去，而家一個星期五晚自己做運動同跳舞，佢話驚養到肥肥白白喎。

P.S. 係喎，點解c u b i c出唔到，等我問下管理員先。

花旗太太生活在花旗國，留意時差，你問我未必即時答到。

私人傳訊回覆引用

TSX

男爵府

積分: 5923

210^#

發表於 20-6-24 01:59 |只看該作者

rose-mag 發表於 20-6-19 04:54
公司今日公佈個問卷調查結果，正如所料，大家最擔心係安全，我地做back up嘅最早都係7月1日返去公司做嘢， ...

我住呢度嘅county仍然未敢作决定, 但偏向依照原本嘅school calendar八月頭開學. 隔離嘅county就决定咗都係八月頭開學, 但學生可以選擇返學或者上online campus - 唔係zoom, 而且係whole day school, 即係大約9am-3pm, 同真係返學校嘅schedule 一樣, 暫時set 咗為期十八星期.
白人家長聽到可能可以返學大部分都支持, 覺得一直留係屋企唔係辦法, 而且佢哋覺得小朋友感染到嘅機會較低. 但華人家長就唔係好想送小朋友返學. 再講擔心嘅唔止學生, 學校亦有教職員有機會感染, 而且點可以make sure 所有人保持距離呢?

私人傳訊回覆引用

TSX

男爵府

積分: 5923

211^#

發表於 20-6-24 02:01 |只看該作者

回覆樓主：

本帖最後由 TSX 於 20-6-24 02:03 編輯

我同妳一樣, 個仔唔介意繼續digital learning, 而且佢都幾自律, 唔需要我擔心. 佢仲話網課唔使等其他人喎!

我個女就坐唔定, 成日要鑑住佢, 佢就想返學可以見到朋友仔.
有啲家長話, 你唔想可以留响屋企, 但唔可以阻止我送仔女返學. 所以我覺得most likely 校區會俾學生options, 但我感覺咁樣好似將個責任推缷俾家長. 有乜事係上嚟唔好怪學校.
P.S 我唔知原來回覆有字限!

私人傳訊回覆引用

積分: 17977

好媽媽勳章

212^#

發表於 20-6-24 02:44 |只看該作者

TSX 發表於 20-6-24 02:01
我同妳一樣, 個仔唔介意繼續digital learning, 而且佢都幾自律, 唔需要我擔心. 佢仲話網課唔使等其他人喎! ...

我呢度都係，可以揀返學或virtual learning。我兩個都自律，又已大個不用家長跟，所以我應該揀virtual。我女間高中成2700人，我真係唔敢搏囉。

我哋個州早開放，上個星期開始人數急升，聽內部消息講有一兩間醫院已滿。我都唔明，宜家仲多過、嚴重過三月，有乜原因宜家開返？州長都講到明話再唔戴口罩兼保持距離又要再shut down。

私人傳訊回覆引用

TSX

男爵府

積分: 5923

213^#

發表於 20-6-24 03:55 |只看該作者

ivyscyip 發表於 20-6-24 02:44
我呢度都係，可以揀返學或virtual learning。我兩個都自律，又已大個不用家長跟，所以我應該揀virtual。我 ...

我覺得依家比之前嚴重咗, 但大家反而loosen up 咗. 之前去supermarket, 十個有八個都有face covering; 但我尋日去Publix, 竟然發現十個得三、四個有戴! 仲要一家大細去shopping, 難怪最近差不多每日都係record high!

私人傳訊回覆引用

積分: 17977

好媽媽勳章

214^#

發表於 20-6-24 03:59 |只看該作者

TSX 發表於 20-6-24 03:55
我覺得依家比之前嚴重咗, 但大家反而loosen up 咗. 之前去supermarket, 十個有八個都有face covering; 但 ...

同意！好在我個county因為嚴重咗所以落咗order話mandatory face covering，兼suggest restaurant back to 25% capacity(州係話可以75% capacity)。大家太loose 了！我哋上個禮拜開始日日200+ case，之前三四都係最多6-70case。

私人傳訊回覆引用

big007

大宅

積分: 2688

215^#

發表於 20-6-24 05:00 |只看該作者

ivyscyip 發表於 20-6-24 03:59
同意！好在我個county因為嚴重咗所以落咗order話mandatory face covering，兼suggest restaurant back to ...

jm 係咪喺tx? 我喺TX, 真心唔知個 governor做緊咩？！

私人傳訊回覆引用

big007

大宅

積分: 2688

216^#

發表於 20-6-24 05:09 |只看該作者

TSX 發表於 20-6-24 02:01
我同妳一樣, 個仔唔介意繼續digital learning, 而且佢都幾自律, 唔需要我擔心. 佢仲話網課唔使等其他人喎! ...

我哋校區完全未來有消息，不過我同老公相量咗，會比對仔女繼續online learning. 有啲parents 係咁喺學校Facebook 嘈要學校照平常咁開，話佢哋嘅仔女唔會帶口罩返學，亦唔會keep social distance.不過學校都唔知有冇 online learning提供！

私人傳訊回覆引用

積分: 17977

好媽媽勳章

217^#

發表於 20-6-24 05:12 |只看該作者

big007 發表於 20-6-24 05:00
jm 係咪喺tx? 我喺TX, 真心唔知個 governor做緊咩？！

Yes! 你個county有冇mandatory face covering?

我明要open up 個economy，但美國人太愛自由，唔逼係唔肯戴口罩。

私人傳訊回覆引用

積分: 17977

好媽媽勳章

218^#

發表於 20-6-24 05:16 |只看該作者

big007 發表於 20-6-24 05:09
我哋校區完全未來有消息，不過我同老公相量咗，會比對仔女繼續online learning. 有啲parents 係咁喺學校Fac ...

我哋聽日開community meeting，上星期已講亦俾哂hint。其實學校social distance好難做到囉，校區之前做咗個例子，如果校巴要social distance，咁一次只可車12個學生，之前如果全滿係可以坐72個。

私人傳訊回覆引用

big007

大宅

積分: 2688

219^#

發表於 20-6-24 05:19 |只看該作者

ivyscyip 發表於 20-6-24 05:12
Yes! 你個county有冇mandatory face covering?

我明要open up 個economy，但美國人太愛自由，唔逼係唔肯 ...

我哋呢度face covering只係for Business.
真係唔明咁樣有咩用！

私人傳訊回覆引用